Intervjuo de Geri' Jurofski' (Gary Yourofsky) ĉe i24Novaĵoj (decembre 2013)

Intervjuo de Geri' Jurofski' (Gary Yourofsky) ĉe i24Novaĵoj (i24News), israela internacia informkanalo.

Saluton, kaj multan dankon, ke vi venis ĉi tien.

Dankon ke vi invitis min.

Do kiel eki? Ni diris, ke vi trafis milionojn kaj milionojn da homoj tra la mondo,

kial via mesaĝo tiel bone efikas en Israelo?

Kiel povas esti ke ĝi tiom atentokaptas en Israelo?

Mi ne klare scias kial, sed tio, kion mi povas diri estas ke dum ĉiuj tiuj jaroj kiam mi parolis al dekmiloj da homoj

mi rimarkis ke homoj kiuj mem estas subpremataj: judoj, hispan-usonanoj, inoj, nigruloj,

pli bone komprenas tiun revolucion, en kiun mi engaĝiĝis,

ĉar ili komprenas kio estas subpremado, ili ĝin spertis.

Ili scias, kion signifas esti traktata kiel sengravulo, kvazaŭ ilia vivo valoras nenion.

Jen kio miaopinie okazas ĉi tie, la juda popolo estis subpremita dum jarmiloj,

ni komprenas subpremon kaj estas supozataj ĝin ne subteni.

Mi nur reliefigas tion al ĉiuj,

ĉar homoj ne konscias, kiom ili suferigas bestojn ĉiutage.

Do kiam mi substrekas ke la steko, hamburgero, kokidaĵa sandviĉo, eskalopo kiun vi manĝas,

tiuj viandopecoj, kiuj fontas el korpoj de vivantaj bestoj, kiuj ne volis esti murditaj,

kiuj ne volis suferi kaj morti, kiuj ne volis esti turmentitaj,

kaj ekde kiam mi klarigis tion al homoj, plejmulte el ili, tiuj menssanaj, logikaj, faras la elekton iĝi veganoj.

Dum lastaj tagoj, kaj eĉ lastaj monatoj, mi havis okazon vidi multajn manifestaciojn en Tel-Avivo.

homoj kiuj stratmarŝas kontraŭ murdado kaj konsumado de bestoj.

Sed kiam mi pasas apud ili kaj rigardas iliajn ŝuojn, mi vidis ke ili estas el ledo...

sekve mi diris al mi mem ke... kontraŭdiras tion ĉi tio.

Kvazaŭ "Da ili mi ne manĝas, sed survestas".

Ĉu tiuj homoj konscias pri tio? Ĉu ili scias tion?

Aŭ ĉu estas pluraj moralaj normoj?

Mi ne pensas ke tiuj homoj survestas ledajn ŝuojn,

tio similas ledajn ŝuoj, ekzistas sintezita ledo kiu similas ledon

samkiel ekzistas ŝajnkarnaĵoj kiuj similas veran viandon.

Mi pensas ke multaj homoj malprave akuzas best-rajtajn aktivulojn surhavi ledon.

Vi estus surprizita: 50% el la marko "New Balance" veganas senelekte,

Eĉ "Nike", kaj mi ne subtenas Najkon pro problemoj pri respekto al homaj rajtoj,

sed eĉ ĉe Najko 50% el la ŝuoj estas el sintezita ledo.

Do multaj homoj kredas ke veganoj kaj bestrajtaj aktivuloj surportas ledajn ŝuojn.

Tamen povas esti alia klarigo:

Iuj homoj, fakte plejparto el homoj ne naskiĝis veganaj,

sed tiaj iĝis laŭflue de sia vivo.

Do eble ili jam posedis ledajn ŝuojn,

je tiu nivelo la fuŝo jam faritas, do kiucele ĵeti ilin rubujen?

La fuŝo faritas kaj tiam vi ne konsciis pri la abomenaĵoj, al kiuj vi partoprenis,

do eblas ke tiuj homoj daŭre vestas siajn malnovajn ledajn ŝuojn.

Mi konsilas al homoj tion fari: vi povas uzi viajn vestaĵojn el bestohaŭto ĝistrive,

aŭ vi povas ilin fordoni, jen tion mi faris kiam veganiĝis,

mi simple ne eltenis plu surmeti bestan haŭton, tio naŭzis min.

Interese estas ke vi parolas pri besta haŭto kaj ne pri ledo.

Kaj ja pri tio temas.
Ni ŝatas uzi eŭfemismojn, ebligas ili, ke tiuj abomenaĵoj estas plenumataj.

Oni ĉiam volas diri "ledo" kiam temas pri bovohaŭto.

Kaj oni volas diri... eĉ la vorto "lardo", kion signifas "lardo", ĉu vi celas porkokarnon?

Do kiam ni ekpripensas kion ni vestas kaj kion ni manĝas,

denove, tial mi diras ke sanmensaj homoj faros la elekton iĝi veganoj.

Ne havas sencon. Mi klarigos alimaniere:

mi ŝatas klarigi en kio temas pri la plej granda holokaŭsto ajniama

kaj homoj nervoziĝas kiam mi uzas ĉi vorton.

Mi devas diri, ke min ŝokas aŭdi vin paroli pri Holokaŭsto, kompari Holokaŭston al...

kiel ĉiuj, kiuj ĉeestis vian prelegon,

kaj aŭdi pri Holokaŭsto kompare kun bestoj...

Estas iom... nu, ĉu vi scias?
Mi eĉ ne estas judo, tamen tio vundas min.

Lasu min klarigi en kio tiu Holokaŭsto estas eĉ pli terura.

Mi mem estas ŝokita, ke oni komparas la homan Holokaŭston al tiu de bestoj,

kiu estas la plej granda Holokaŭsto el tuta homara Historio.

Se vi iras al la plej proksima buĉejo, ke vi elprenas bestojn kaj anstataŭas ilin per judoj,

vi rekreis Aŭŝvicon.

Estas ekzakte same: vi havas konstruaĵon pensitan por senmembrigi, turmenti kaj murdi senkulpulojn.

Inverse, ni faru vojaĝon 60, 70 jarojn retroen.

Prenu Aŭŝvicon, prenu Birkenaŭon, forprenu la judojn kaj anstataŭu ilin per bovinoj kaj kokidoj,

vi daŭre havas Holokaŭston.

Fakte ni eĉ lernis kiel mortigi judojn,

nazioj tion lernis studante la metodojn uzatajn en la vianda industrio.

Ni lernis kiel turmenti kaj mortigi unu la alian ĉar ni trejniĝis antaŭe super bestoj.

Sed bestoj inter si manĝas unu la alian, vi scias, kaj...

Iuj bestoj. 75% el bestoj estas herbovoruloj.

Sed, estas parto el la vivociklo...

Ne, tio estas ciklo de turmento kaj morto.

Kaj kiam vi vidas leonon manĝi zebron?

Bone, sed mi rimarkis, ke vi surportas vestaĵojn kaj ke havas poŝtelefonon, komputilon...

Estas malhoneste preni unusolan ekzemplon el leona konduto, kiun vi ŝatus reprodukti,

kiam vi volas reprodukti neniun alian el leonaj kondutoj.

Kiam du leonoj renkontiĝas,
por sin saluti ili flaras la pugon.

Kiam mi eniris ĉi salonon vi ne surgenuiĝis por priflari mian pugon.

Nu, leonoj foje mortigas siajn bebojn,
kiam ili ŝajnas tro malfortaj.

Se homo mortigas sian bebon ĉar ne volas ĝin,
lin oni malliberigas kaj juĝas pro murdo.

Ĉu vi iros al juĝejo diri:
"Sed, S-ro Juĝisto, leonoj mortigas siajn bebojn,
kial ne rajtus ankaŭ mi?"

Tiu komparo estas malhonesta.

Vi ne estas leono. Kaj por via informo,
leono estas karnovoruloj, ne homoj.

Ni estas 100%-e herbovoruloj, dekape ĝispiede.

Metu 2-jaran bebon en parko
kun kuniklo kaj pomo

kaj nun voku min kiam la bebo manĝas la kuniklon
kaj ludas kun la pomo.

Ni estas plene plantomanĝantoj, havas neniun instinkton karnovoran aŭ eĉ ĉiovoran.

Kaj fiziologie, nia makzelo moviĝas maldekstre-dekstren por dispremi la nutraĵojn, kiam vi maĉas vi estas 100%-e herbovorulo.

Se vi estus karnovorulo, kiel leono, via makzelo moviĝus nur desupre suben tiele, por deŝiri kaj engluti.

Se vi ŝvitas el haŭtoporoj por malvarmiĝi, tio signifas ke vi estas herbovorulo.

Kio estas via ĉefa celo?
Ĉar plejparto de la homoj ne iĝos veganoj.

Dependas kiam vi metas la demandon.
Maljusteco ne povas daŭri eterne.

La mondo iĝos vegana iun tagon.

Ĉu vi vere kredas tion?

Sammaniere kiel inoj iam atingos egalecon kun viroj.

Kaj ke iun tagon, ĉiuj subpremoj estos venkitaj.
Maljusteco ne povas eterne ekzisti.

Ŝajnas nesupereble, ne miskomprenu min,
mi batalas sur la unuaj linioj de la fronto,
eblus pensi ke tio neeblas.

Sed ne forgesu ke necesis 400 jaroj por konvinki blankulojn en Usono ĉesi posedadon de nigruloj.

Vi komprenos kial tio postulas tioman tempon,
ni eĉ ne sukcesas konduti bonintence
unu al la alia.

Ni eĉ malpli sukcesas trakti bonintence kokidojn, porkojn, meleagrojn aŭ insektojn de la planedo.

Sed mi estas konvinkita, ke ni sukcesos konduti bonintence unu al alia,

kiam ni estos lernintaj respekti bestojn.

Fakte, mi sentas malkomforte ĉar mi manĝis bifstekon tagmeze

sed tamen, mi ne estas 100%-e konvinkita ke mi devus ĉesi manĝi viandon dum mia tuta vivocetero.

Ne ke mi manĝas viandon ĉiutage,
sed mi ŝatas mian stekon en mia telero unufoje semajne.

Do vi havas 2 minutojn por konvinki min manĝi viandon...
unufojon monate.

Mi ne volas konvinki vin manĝi da unufoje monate, mi volas vin konvinki neniam ajn remanĝi tion.

Endas ke vi metu vin en la lokon de la besto.

Imagu ke vi estis seksperfortita por gravediĝi,

iu perfortis vin por gravedigi vin.

Vi naskas idon,
kiun oni ŝtelas de vi je la naskiĝo,

Tiu bebo estas grasigita per sojo, tritiko, maizo, aveno,

poste oni premmetas ĝin en koncetrejecan kamionon
por ĝin konduki ĝis buĉejo,

ĝi troviĝas pendigita kun kapo malsupren, plenkonscia,
antaŭ ĉiuj aliaj anoj de ĝia specio,

hurlanta, timigita, terurita,
dum tranĉilo trapikas ĝian gorĝon.

Oni dispecigas ĝin...

Kio pravigas tion?

Kaj ne temas pri via steko.
Vi ĵus diris "mia steko",

vortoj gravas, ĉi tie.
Tiu steko neniam estis via.

Tiu steko estas eŭfemismo, parenteze,
por mencii bovan karnon,

kaj tiu karno apartenas al alia vivulo.

De kie venas ke homoj posedas kaj kontrolas aliajn vivulojn?

Kaj de kie ni estas la specio plej speciala iam ajn ekzistinta sur Tero?

Dum en realo, ni estas la plej malspeciala specio iam ajn ekzistinta sur ĉi planedo.

Ĉu vi scias ke se homa specio malaperus,
tio profitus al ĉiuj aliaj ekzistantaj specioj?

Ĉu vi ankaŭ scias ke se abeloj malaperus (pri kio parolas komunikiloj de jardekoj), la mondo disfalus?

Se formikoj estus formortigitaj,
la tuta sistemo disfalus.

Por diri al vi kiom esencaj por la planedo estas formikoj kaj abeloj.

Kiel eblas al ni pensi, ke ni valoras pli ol ili, dum ili vivogravas por la planedo, kaj ni absolute ne.

Ni estas turmentantoj,
ni estas subpremantoj.

Kaj laŭ vi de kie tio venas?

- Ĉu tio aroganteco?
- Jes.

Mi ne certas, mi ne scias kio troviĝas en ni,
krom morto kaj turmento kaj murdo.

Mi pensas ke kiam oni englutas perforton,
eliĝas sekve perforto.

Kiam oni konsumas diskriminacion kaj morton,
oni elŝvitas la samajn teruraĵojn.

Iuj povus diri la samon pri vi.

Ili povus diri ke vi estas aroganta
kaj ke vi pensas scii ĉion pli bone ol ĉiuj aliaj,

ke vi pensas esti pli bona ol ni,

kaj, fakte,... kiel diri...

mi estas supozita kulpanta kaj vi estas juĝanta.

Vidu, estas du specoj de homoj,
tiuj, kiuj juĝas, kaj tiuj kiuj mensogas ĉi rilate.

Ni juĝas homojn ĉiutage, ni juĝas homojn kiuj perfortas infanojn, ni juĝas seksperfortulojn, ni juĝas naziojn,

ni juĝas murdintojn.

Kaj mi bedaŭras por la manĝantoj de viando, laktaĵoj kaj ovaĵoj,

sed veganoj estas pli etikaj ol ili, larĝe.

Kompreneble, same kiel iu kiu ne seksperfortas estas pli etika ol iu kiu seksperfortas,

homo kiu ne mortigas porkojn, kokidojn aŭ meleagroj estas pli bona ol homo kiu mortigas kaj turmentas bovinojn, porkojn, kokidojn aŭ meleagrojn.

Ĉu vi estas diranta ke homo kiu ne mortigas birdojn, kokidojn, bovinojn, porkojn kaj ne manĝas viandon... ne povas seksperforti iun?

ke li ne povas murdi iun?

Ne estas eĉ unu vegano en iu ajn malliberejo de l' mondo.

Trovu pro mi veganan seksperfortulon,
mi ŝategus aŭdi lian rakonton.

Malliberejoj plenas je infanperfortuloj, seksperfortuloj, murdintoj, ŝtelistoj kaj rabistoj kiuj konsumas viandon kaj bestajn produktojn.

Fakte mi eĉ iros pli foren; ni antaŭe parolis pri sano: trovu por mi malsanulejon plena de veganoj malsanaj,

Mi mem vidas nur malliberejojn plenaj je kormalsanuloj, kanceruloj, diabetuloj, de homoj kiuj suferas pro ostoporeco, renaj problemoj, ktp.

Ĉiuj tiuj malsanoj fontas el bestaj proteinoj kiuj estas la ĉefa kaŭzo de la plej grandaj malsanoj kiuj trafas nin.

Aldone al ĉiuj grasoj el bestaj produktloj, kolesterolo, saturitaj grasoj, transaj...

Kaj kio pri Hitlero vegetarano?

Hitlero ne estis vegetarano, tio estas kompleta mensogo,

Tio estas plena mensogo inventita de Gebelso, lia ministro pri propagando.

Hitlero havis multan povon, ĉu ne?

Se tiel, kial li ne trudus veganismon se reale li estis vegano aŭ vegetarano?

Ĉu vi scias ke Himlero, tiu kiu elpensis gasĉambrojn, estis kokidbredisto?

Li volis formortigi judojn.
Temas pri tute alia dimensio.

Bone. Du el liaj biografiistoj, Albert' Spir' (Speer) kaj Robert' Pejn' (Payne),

aludis ke Hitlero ŝategis hepataĵ-buletojn kaj kolombidaĵon.

Lia kuirestro Diano Lukaso (Lucas) publikigis libron en 1964, "La libro de frandemula kuirarto",

en kiu ŝi listigas la preferatajn receptojn de Hitlero,
ĉiuj bazitaj sur viando.

Jen la povo de propagando,
la Gebelsa povo, kiu daŭre bone fartas.

Ĉu vi scias kial homoj pensas,
ke Hitlero estis vegetarano?

Gebelso volis kredigi, ke Hitlero estas same pacema

kiel aliulo tiuepoka amata kaj adorata:

ties nomo: Mahandas' Gandhi'.

Gandhi' estis vegetarano do Gebelso diris:
"Hej, vidu, Hitler' estas kiel Gandhi'!"

"Ankaŭ li amas bestojn, ilin respektas kaj li estas vegetarano."

Li ne estis.

Kaj por via informo, ĉiuj koncentrejejoj ankaŭ ŝirmis buĉejojn.

Kaj kiam aliancitaj fortoj alvenis por liberigi judojn kaj ciganojn,

ili lasis bestojn malantaŭ si.

Jen kial mi parolas pri la plej granda el ĉiuj Holokaŭstoj kaj kiu daŭras plu ankoraŭ hodiaŭ.

La besta holokaŭsto jam okazis multe antaŭ la juda Holokaŭsto,

ĝi disvolviĝis dum la juda Holokaŭsto,

kaj ĝi daŭre okazas nun, plu.

Nur kiel informo, ĉiun sekundon de ĉiu minuto de ĉiu horo de ĉiu tago,

femaloj estas seksperfortataj por esti gravedigitaj,

ĉiun sekundon bestoj estas masakritaj,

60 miliardoj da bestoj estas masakritaj ĉiun jaron.

Ĉu vi akceptas,
aŭ ĉu vi povas kompreni

ke homoj konsideras vin teroristo?

Kompreneble, kiel vi volas, ke ili min nomus?

Ili nokte ne dormus se konsiderus min kompatema homo,

ĉar mi defias ilin.

Se ni reiras en la pasinton kaj rigardas la homojn, kiujn oni nun admiras

ni ĉiuj konsentas: Gandhi', Marteno Luter-Kingo, Roza Parks', Cezar' Ĉavez'...

Ilin oni ne ŝatis dumvive, ili estis malestimataj, volis estigi ŝanĝojn, grandajn ŝanĝojn.

Nur pli poste la socio rigardas revoluciajn aktivulojn pensante:

Estis ja bonulo,
li provis alporti pacon kaj justecon.

Mi provas alporti kompatemon al ĉi mondo,
estas freneze trakti min teroristo.

Kaj se mi estas nomita teroristo por savi bestojn, kiel do nomi tiujn, kiuj turmentas kaj mortigas kaj manĝas bestojn?

Lastan aferon, restas 30 sekundoj.
Kion vi manĝis tagmeze?

Mi manĝis veganan eskalopon kun vegana burgero en vegana Ŝaŭarmo-resto' urba, mia preferata restoracio.

Do vegana eskalopo, vegana ŝaŭarmo, vegana burgero.

Geri' multan dankon.
- Dankon.