ცვლილება მოსალოდნელ ფასებში და მოთხოვნა

ცვლილება მოსალოდნელ ფასებში და მისი გავლენა მოთხოვნაზე

უკვე ვისაუბრეთ მოთხოვნის კანონზე,

იმაზე, რომ სხვა თანაბარ პირობებში,

თუ ფასი გაიზრდება,
მოთხოვნის რაოდენობა მცირდება

თუ ფასი შემცირდება,
მოთხოვნის რაოდენობა გაიზრდება,

თუ ყველა სხვა ფაქტორს
უცვლელს დავტოვებთ,

ceteris paribus, ჩვენ უბრალოდ
გადავადგილდებით ამ მრუდზე ფასის მიხედვით,

მაგრამ ჩვენ ასევე ვისაუბრეთ იმაზე,
რა მოხდება თუკი სხვა ფაქტორებსაც შევცვლით.

როგორ შეიცვლება მოთხოვნა?

წინა ვიდეოში ჩვენ ვისაუბრეთ დაკავშირებული
პროდუქტების ფასებზე, ისევე როგორც

ურთირთშემცვლელებზე, ასევე
ურთიერთშემავსებლებზე.

მათი ცვლილება როგორ შეცვლიდა მოთხოვნას.

მთლიან მრუდს და არა რომელიმე წერტილს.

ახლა კი ვისაუბროთ კიდევ ერთ ფაქტორზე,
რომელსაც აქამდე უცვლელს ვტოვებდით.

ვიფიქროთ როგორ შეიცვლება მოთხოვნა,
მთლიანი მრუდი,

თუ შეიცვალა მომავალი ფასების მოლოდინი.

მომავალი მოსალოდნელი ფასები.

განვიხილოთ პირველი შემთხვევა.

ვთქვათ ხალხი არ მოელოდა, რომ ჩემი
ელ-წიგნის ფასი შეიცვლებოდა, მაგრამ უცბად

ისინი ელიან რომ ფასი შეიცვლება.

ისინი ფიქრობენ, რომ
ფასი მომავალში გაიზრდება

მოსალოდნელი ფასები გაიზარდა.
რა მოხდება ამ დროს?

თუ ფიქრობ, რომ პროდუქტის ფასი გაიზრდება და
ისეთი პროდუქტია, რომლის შენახვაც შეგიძლია,

მეტად სავარაუდოა, რომ იყიდი მას,
სანამ ფასი გაიზრდება.

მრუდზე ფასის წერტილის მიუხედავად,

ხალხს მეტად სურს პროდუქტის შეძენა ახლა,
ნაცვლად იმისა, რომ მომავალში იყიდოს.

შედეგად მოთხოვნის რაოდენობა
გაიზრდება ყველა წერტილისთვის.

$2-ად მეტ ხალხს სურს ის შეიძინოს, სანამ
ფასი გაიზრდება.

$4-ად მეტ ხალხს სურს ის შეიძინოს, სანამ
ფასი გაიზრდება.

რადგან მოლოდინი განსხვავებულია,
ელიან ფასების ზრდას,

ეს მთლიან მოთხოვნას გადააადგილებს მარჯვნივ

ანუ მთლიანი მოთხოვნის მრუდი
გადაიწევს მარჯვნივ.

ეს არის პირველი შემთხვევა და გვიჩვენებს
მრუდის ცვლილებას მოლოდინის ცვლილიბისას.

ეს იქნება შემთხვევა 1.

მთლიანი მრუდის გადაწევით, შეიძლება ითქვას,
რომ იზრდება მოთხოვნა.

ანუ ეს ნიშნავს მოთხოვნის გაზრდას.

და როცა ვსაუბრობთ მოთხოვნაზე,
უკვე ალბათ დაგღალეთ ამის გამეორებით,

არ ვსაუბრობ კონკრეტულ რაოდენობაზე, არამედ
მთლიანი მრუდის მარჯვნივ გადაწევაზე.

ფასების ზრდის მოლოდინი
იწვევს მოთხოვნის გაზრდას,

და მთლიანი მრუდი გადაინაცვლებს მარჯვნივ.

ახლა კი საპირისპირო შემთხვევა განვიხილოთ.
შემთხვევა 2.

აქამდე ხალხს არ ჰქონდა ფასის ცვლილების
მოლოდინი, ეგონათ ის უცვლელი დარჩებოდა.

ახლა კი ელიან მომავალში ფასების კლებას. ეს
ხშირად ხდება სამომხმარებლო ელექტრონიკაში.

როდესაც ყიდულობ ლეპტოპს
ან რამე სხვა მოწყობილობას,

შენ ელი, რომ ფასები მომავალში შემცირდება.

თუმცა ჩვენ ვსაუბრობთ მოლოდინის ცვლილებაზე,
იქნებ აქამდე არ ელოდი შემცირებას, ან ელოდი

მაგრამ ახლა გგონია, რომ ისინი უფრო სწრაფად
დაიკლებს. შედეგად, მას ახლა აღარ იყიდი.

ანუ თუ აქამდე გეგონა, რომ ფასები
მაინცდამაინც არ შეიცვლებოდა,

ახლა კი ელი მათ შემცირებას,
შემ ამჯობინებ

რომ მოიცადო, რაც, რა თქმა უნდა,
შეამცირებს მოთხოვნას

ანუ ამ შემთხვევაში მრუდი გადავა მარცხნივ,

რადგან ნებისმიერი ფასისთვის
შემცირდება მოთხოვნის რაოდენობა.

მოთხოვნა შემცირდება და
მრუდი გადაიწევს მარცხნივ.

ანუ მეორე შემთხვევაში, მოთხოვნა შემცირდა.