Я расла на Тайване

ў сям'і каліграфера.

Самым дарагім успамінам дзяцінства

была мая маці, калі яна паказвала прыгажосць,

абрысы і форму кітайскіх іерогліфаў.

З таго часу я зачаравана

гэтай надзвычайнай мовай.

Але для некарыстальнікаў

яна здаецца непраходнай нібы Кітайская Сцяна.

Апошнімі гадамі я раздумвала,

як бы зламаць гэтую сцяну,

каб кожны, хто хоча, змог бы ўбачыць

і зразумець прыгажосць гэтай вытанчанай мовы.

Я пачала думаць пра новы метад

хуткага вывучэння кітайскай мовы.

З пяці гадоў я пачала вывучаць як пісаць

кожную рысачку для пэўнага іерогліфа

ў правільнай паслядоўнасці.

Я вывучала новыя іерогліфы штодзённа

цягам наступных пятнаццаці гадоў.

Сёння ў нас толькі пяць хвілін,

лепш было б мець прасцейшы і хутчэйшы спосаб.

Кітайскі вучоны ведае каля 20 000 іерогліфаў.

Каб валодаць мовай спатрэбіцца толькі 1000.

Веданне 200 найбольш ужываных дазволіць вам

зразумець 40 адсоткаў простай літаратуры -

дастаткова каб зразумець дарожныя знакі, меню ў рэстаране,

галоўную думку інтэрнэт-старонак

або газет.

Сёння я пакажу як працуе метад

на прыкладзе васьмі іерогліфаў.

Вы гатовыя?

Адкройце ваш рот як мага шырэй,

пакуль ён не зробіцца квадратным.

И вы атрымліваеце "рот"

А гэта чалавек, які ідзе шпацыраваць.

"Чалавек".

А вось "агонь" - іерогліф падобны да чалавека

з дзвюма рукамі,

які быццам бы апантанна крычыць:

"Ратуйце! Гару!" -

Насамрэч гэты іерогліф паходзіць з формы полымя,

вы можаце запомніць любы з гэтых спосабаў.

Гэта дрэва.

"Дрэва".

Гэта "гара".

"Сонца".

"Месяц".

"Дзверы".

Падобны на дзверы ў салун з вестэрнаў.

Я называю гэтыя восем іерогліфаў каранямі.

З іх дапамогай

можна пабудаваць яшчэ шмат іерогліфаў.

"Чалавек"

Калі ёсць хтосьці за ім - гэта азначае "ісці следам".

Як кажуць,

два -кампанія, тры - "натоўп".

А тут быццам чалавек выпрастаў шырока рукі

і кажа "вось такі быў вялікі".

Калі чалавек у роце - ён "у пастцы".

Ён у турме, як Ёна ў кіце.

Адно дрэва - гэта проста "дрэва". Два дрэвы побач - "лес".

Тры дрэвы - і атрымоўваецца "пушча".

Пакладзі дашку пад дрэва - і будзе "падмурак".

А рот над дрэвам - "дурань". (Смех)

Лёгка запомніць,

бо дрэва, якое размаўляе - гэта неяк па-дурацку.

Памятаеце агонь?

Два агні побач - і будзе "спякотна".

Тры агні - "полымя"

Намалюй агонь пад двума дрэвамі і атрымаеш "гарэнне".

Для нас сонца - гэта крыніца дабрабыту.

Два сонцы разам - "заможні".

Тры сонцы - "бліскаўкі".

Сонца і месяц побач азначае

"яркасць".

Таксама гэта азначае "заўтра" - пасля дня і ночы.

Сонца ўздымаецца над гарызонтам. "Світанак".

"Дзверы". Дашка ў дзвярах -

"засаўка".

Рот у дзвярах "пытацца".

Тук-тук. Ці ёсць хто дома?

Чалавек, які крадзецца ўздоўж дзвярэй -

спрабуе "уцякаць", "знікаць".

Злева - "жанчына".

Дзве жанчыны разам і будзе "спрэчка".

(Смех)

Тры жанчыны - асцярожна, гэта "блудадзейства".

Цяпер мы ведаем амаль 30 іерогліфаў.

Дзякуючы гэтаму метаду, выкарыстоўваючы восемь каранёў

можна пабудаваць 32 іерогліфа.

З наступных васьмі іерогліфаў -

яшчэ 32.

Даволі лёгка

вы можаце вывучыць некалькі соцен іерогліфаў,

што на ўзроўні васьмігадовага кітайца.

Пасля таго, як мы вывучылі іерогліфы, мы можам пачаць будаваць фразы.

Напрыклад, гара і агонь побач -

вогненная гара. "Вулкан".

Вядома, што Японія - краіна ўзыходзячага сонца.

Тут сонца на падмурку зямлі,

таму што Японія знаходзіцца на ўсходзе ад Кітая.

Такім чынам, сонца разам з падмуркам - "Японія".

Чалавек каля Японіі -

японец.

Іерогліф злева - дзве гары,

адна на адной.

У старадаўнім Кітаі гэта азначала "выгнанне",

таму што кітайскія імператары высылалі сваіх ворагаў

у выгнанне за горы.

У нашы дні, "выгнанне" ператварылася ў "выходзіць".

Рот, які кажа вам выходзіць -

гэта "выхад".

Гэты слайд нагадвае мне, што хопіць балбатаць

і пара сыходзіць са сцэны. Дзякую.

(Апладэсменты)