Нашата компанија има нова стратешка иницијатива за да се зголеми пробивот на пазарот, да се зголеми лојалноста кон брендот и да се засилат нематеријалните добра. За да ги постигнеме овие цели започнавме нов проект -- за кој имаме потреба од 7 црвени линии. Разбрав дека вашата компанија може да ни помогне со ова. Секако! Волтер ќе биде менаџер на проектот. Волтер, ние може да го направиме ова, нели? Да, секако. Андерсон е нашиот експерт за сите работи поврзани со цртање на црвени линии. Го донесовме денес со нас за да го сподели неговото професионално мислење. Мило ми е што ве запознав! Мене ме знаете сите. Ова е Џастин, специјалистот за дизајн на нашата компанија. Здраво... Ние сакаме да ни нацртате седум црвени линии. Сите од нив строго нормални едни на други; некои со зелено мастило, и некои со проѕирно. Можете ли да го направите ова? Не. За жал ние -- Ајде да не брзаме со непромислени одговори Андерсон! Задачата е поставена и треба да биде извршена. На крајот од краиштата, ти си експертот. Под терминот "црвена линија" се подразбира дека бојата на линијата треба да биде црвена. Да се нацрта црвена линија со зелено мастило е -- ако не е невозможно, тогаш е многу блиску да биде невозможно. Што значи ова: "невозможно"? Мислам, можно е да има луѓе кои да речеме страдаат од далтонизам, за кои боите на линиите не прават голема разлика. Но сигурен сум дека целната група на вашиот проект не се состои само од такви луѓе. Значи, сепак ова е можно. Ќе поедноставам. Една линија може да биде нацртана со било какво мастило. Но ако сакате црвена линија, ви треба црвено мастило. Што ако ги нацртаме со сино мастило? Пак нема да работи. Ако користите сино мастило, ќе добиете сини линии. И што точно мислевте кога зборувавте за проѕирното мастило? Како подобро да објаснам? Сигурен сум дека знаете што значи "проѕирно", нели? Да, знам. И што значи "црвена линија", се надевам нема потреба да ви објаснувам? Секако дека не. Епа добро... Треба да нацртате црвени линии со проѕирно мастило. Може да опишете како би изгледал крајниот резултат? Ајде Андерсон! Што е ова? Градинка? Да не си го губиме времето со овие непродуктивни расправии. Задачата е поставена; задачата е едноставна и јасна. Сега, ако имате некои посебни прашања, повелете! Ти си експертот тука! Добро, да ја оставиме бојата на страна за сега. Кажавте уште нешто поврзано со тоа линиите да бидат нормални?.. Седум линии, сите нормални. На што? Хмм, на се. Едни на други. Подразбирам знаете какви се линиите кои се нормални меѓу себе! Секако дека знае. Тој е експертот! Две линии можат да бидат нормални една на друга. Сите седум не можат да бидат истовремено нормални едни на други. Ќе ви покажам. Ова е линија, така? Да. Еве уште една. Нормална е на првата, така? Епа... Да, нормална е на неа. Точно! Чекајте, чекајте, не сум завршил. И трета линија: дали е нормална на првата линија? Да, нормална е! Но не ја сече втората линија. Тие две се паралелни. Не се нормални! Претпоставувам дека е така. Ете ви. Две линии може да бидат нормални една на друга -- Може да го добијам маркерот? Што велите за ова? Тоа е триаголник. Сигурно не се нормални меѓу себе. И има три, а не седум. Зошто се сини? Точно. Сакав и јас да прашам за тоа.Indeed. Имам син маркер. Ова беше само демонстрација -- Тоа е проблемот, линиите се сини. Нацртај ги со црвено мастило! Нема да го реши проблемот. Како може да знаеш ако не си пробал? Ајде да ги нацртаме со црвено мастило и ќе видиме. Немам црвен маркер со мене, -- но целосно сум сигурен дека со црвено мастило резултатот ќе биде ист. Зар не ни кажа претходно дека може да се нацртаат само црвени линии со црвено мастило? Всушност, да. Си го запишав тука! И сега сакаш да ги нацрташ со сино мастило. Дали тврдиш дека тоа се црвени линии? Мислам дека разбирам. Сега не зборувате за боите, нели? Зборувате за тоа, како го нарекувате: нор-нор, мал-мал -- Нормални, да! Ете, сега ги збркавте сите. Што точно не спречува да го направиме ова? Геометријата. Едноставно игнорирајте ја! Имаме задача. Седум црвени линии. Не се дваесет; само седум. Андерсон, разбирам; вие сте специјалист во конкретна област, не ја гледате целосната слика. Но сигурно не е тешка задача да се нацртаат седум линии! Токму така. Предложи решение! Секоја будала може да критикува, без навреда, но вие сте експертот, вие треба да знаете подобро! Добро. Дозволете ми да нацтам две совршени црвени линии нормални една на друга. -- и останатите ќе ги нацртам со проѕирно мастило. Ќе бидат невидливи, но ќе ги нацртам. Дали ова би ни одговарало? Да, ова ќе ни одговара. Да, но барем неколку со зелено мастило. Имам уште едно прашање, ако смеам. Може ли да нацртате една од линиите во форма на маче? Во што? Во форма на маче. Пазарното истражување ни покажува дека нашите корисници сакаат слатки животно. Би било навистина одлично ако -- Не... Зошто? Видете, секако дека можам да ви нацртам мачка. Не сум уметник, но можам да се обидам. Но нема да биде линија повеќе. Ќе биде мачка. Линија и мачка: тоа се две различни нешта. Маче. Не мачка, туку маче. Тоа е мало, слатко, мило. Мачките од друга страна -- Не прави разлика. Андерсон, барем ислушај ја! Не завршила со зборување, а ти веќе кажуваш "Не"! Ја сфаќам идејата, но невозможно е да се нацрта линија во форма на мачк...е. А птица? Значи, каде застанавме? Што ќе правиме? Седум црвени линии, две со црвено мастило, две со зелено мастило и останатите - со проѕирно. Дали разбрав точно? -- -- Да. Одлично! Што значи тоа е се, така? Ох, ох, скоро заборавив, имаме и црвен балон. Дали мислите дека можете да го надуете? Што имам јас со балони? Црвен е. Андерсон, можеш или не можеш да го направиш ова? Едноставно прашање. Се разбира дека можам, но -- Одлично. Организирајте работно патување, ние ќе ги покриеме трошоците, -- одете до кај нив, надујте го балонот. Оваа средба беше многу продуктивна, ви благодарам на сите! Може да прашам уште едно прашање, ве молам? Кога ќе го надуете балонот, можете ли да го направите во форма на маче? Секако дека можам! Јас можам да направам било што, јас можам да направам абсолутно било што. Јас сум експерт!