qo'Daq 'eSperanto Hol tIn law' latlh
Holmey lu'oghlu'ta'bogh tIn tIn puS.
bI'reS Hoch SepmeyDaq QummeH
'oH chenmoHlu',
'ach DaH Sung jatlhwI'pu' tu'lu' je.
'eSperanto Hol Sung jatlhwI'pu' ghaHchugh
vay', yInDaj vIDellaH'a'?
'eSperanto Hol: Sung jatlhwI' rur
SoH 'Iv?
Savan, «SItela'» jIH.
'ej 27 ben jIboghpu'.
DaH burISel veng vIDabtaH
'ej yu'rop yejquvvaD jIvumtaH.
maDyarngan vIraSngan je jIH.
«le'o' SaqaghuchI'» 'oH pongwIj'e'.
HaDwI' jIH 'ej
DamSItat veng luch 'ampaSDaq jIHaDlI'.
nIpongan ghaH vavwI''e',
polISqa'ngan ghaH SoSwI''e',
DoyIchlanDaq jIboghpu' 'ej jInenchoHpu'.
«DughlaS 'olIveyra bISqoto'» jIH.
14 ben jIboghpu'.
'ej... bIraSIlngan jIH.
«lIvya' 'olIveyra bISqoto'» jIH.
be'nI'Daj jIH.
rIyo'Dejaneyro' vengDaq maHtaH.
bIraSIl 'eSperanto qep'a' wIjeStaH.
Savan! «ghuna' vISa» jIH.
DoyIchlanDaq mInSI'ta veng vIDab.
Savan! «tlhara'» 'oH pongwIj'e'
'ej 19 ben jIboghpu'.
vIraSngan maDyarngan je jIH,
'ej ne'DerlanDaq jIboghpu'.
qatlh SoHvaD 'eSperanto Hol lughojmoH
'e' luwuqta' vavra' SoSra' je?
vavwI' SoSwI' je qIHchuqmoHpu'mo'
'eSperanto Hol 'ej
nItebHa' reH 'eSperanto Hol lujatlhmo',
'ej 'eSperanto juppu'vo' vIQoypu'...
vaj reH 'eSperanto Hol vIQoy
'ej vaj vIghojpu'.
maDyarngan ghaH SoSwI''e',
vIraSngan ghaH vavwI''e'.
'eSperanto qaqDaq qIHchuqpu',
'eSperanto qaq'a'Daq qIHchuqpu'.
'ej Qub jatlh:
«bI'reS 'eSperanto Hol, ghIq latlh Holmey
ghojmeH poH ghajbej.»
maHvaD qaqbej Holvam,
'eSperanto Hol,
ghIq maHvaD ngeD
latlh Holmey wIghojtaHvIS.
jIboghpa', wej qaSpu'DI' 'op DIS,
'eSperanto Hol ghojchoH vavwI'.
cha' Holmey vIghajjaj 'e' wuqta',
'ej jIHvaD 'eSperanto Hol neH jatlh ghaH,
qaStaHvIS 12 DISwIj wa'DIch.
'ej nuSuch novbogh mebpu' law'
'ej pIj 'eSperanto wanI'Daq yupma' wIlop.
'eSperanto Hol bojatlh 'e' lutu'DI' nuvpu',
vaj chay' vang chaH?
'eSperanto Hol bopchu'chugh neH, luQoy,
vIraS Hol 'oHmo' Hol'a'wIj'e'.
vaj luQoyDI' mer,
boghpu'DI' 'eSperanto Hol ghoj vay'
'e' lupIHbe'qu'mo'.
«Hol 'oghta' vay', vaj boghpu'DI'
chay' ghojlaH puq?»
'ach motlh jangDI' QaQ:
«toH, qar'a'?»; vaj chaHvaD Dajlaw'.
pIj wa'DIch lutlhob; «nuq 'oH?»
meq luSov luneH
'ej SIbI' 'op mu'tlhegh mu'mey joq
luQoy luneH.
cha' Holmey wIjatlhlaHmo'
nunaD neH,
maHvaD naH pagh.
DoyIchlan «Lufthansa» muD Duj malja'Daq
jonwI' 'ay'DajDaq
pa' jIvumchoHmeH maja'chuq.
ngugh mughel nuv, jatlh:
«talIjDaq DaghItlh jatlh:
‹'eSperanto Hol Sung jatlhwI' jIH›,
chay' qaSpu'?»
'ej nuvvetlhvaD Dojqu' ngoDvam:
boghpu'DI' 'eSperanto Hol vIghoj jIH.
'ej vIQub jatlh:
loQ jIHvaD QaQ je.
'ach vay' Hol wa'DIch 'oHlaH
'eSperanto Hol'e' 'e' lulaj luneHbe'
qabDu' law' vIqIHpu',
'ej mupon 'e' lunID jatlh:
«HollIj wa'DIch 'oHlaHbe' 'eSperanto Hol'e'.»
chay' lIboQ cha' Holmey wa'DIch.
Dochmey je'taHvIS jIH, vav SoS je,
jIjatlhlaH «Dochvam vIparHa'»
qoj «mubelmoHbe' 'oH».
jIHvaD 'eSperanto Hol lujatlhDI'
vavwI' SoSwI' je,
not jIjangmeH 'eSperanto Hol vIlo' jIH.
vaj 'eSperanto Hol neH vIlo'pu'
vuDwIj vIjatlh vIneHchugh,
'ach muyajlaH latlh vIneH.
jIboghpu'DI' loS Holmey vIjatlhlaH,
ghIq DuSaQDaq cha' Holmey vIghojta',
vaj jIQuptaH, 'a jav Holmey vIjatlhlaH,
puq jIHtaHvIS Holmey law' vIghojpu'mo'.
vaj boghlu'pu'DI' Hol law' jatlhlaHchugh,
nom Holmey chu' ghojlu' je.
'ej QaQwI' latlh tu'lu' je:
lupwI' mIr chaw' vIje'meH tuqjIjQa'Daq,
DoyIchlanDaq, 'oSterayIHDaq, vIraSDaq,
ne'DerlanDaq latlh SepDaq je Seng vIghajbe',
Holchaj vIjatlhlaHmo'.
vaj, Holmey wa'DIch vIghajmo'
pe'vIl latlh Holmey vIghojlaHbej.
murItta' HaSta jIH malja',
HolwIj wa'DIch 'oHmo' 'eSperanto Hol'e'.
wanI'mo' jIHemqu'.
juppu' chu' SamlaH je vay', ngeD.
juppu' law'qu' vIghaj,
ghaytan chaHvaD Holchaj wa'DIch
vIjatlhlaHmo' 'e' vIQub.
ne'DerlanganvaD ne'Derlan Hol vIjatlhchugh
qoj DoyIchlanganvaD DoyIchlan Hol vIjatlhchugh,
nom muvoqchoH 'ej jup lumoj luneH.
motlh Sung jatlhwI' jIHmo' jIQuchqu',
latlh Sung jatlhwI'pu'vaD vIjatlhlaHmo',
vIghomlaHmo' je jIQuchqu'.
maj, boQoypu'mo' tlhIH Satlho',
'ej 'opleS maghomqa'jaj!
'eSperanto Hol: Sung jatlhwI' rur