Yeth gwruthys an moyha kewsys y’n bys
yw Esperanto.

Wostalleth, gwruthys veu
rag keskomunyans keswlasek,

mes lemmyn yma kowsoryon a vyghan ynwedh.

Fatel yw an bewnans avel
kowser a vyghan a Esperanto?

Esperanto: avel kowser a vyghan

Piw owgh?

Dydh da, Stela ov.

Ha 27 bloodh ov.

Trigys ov yn Brussels

ha my a ober rag an Senedh Ewropek.

Hungarek ha frynkek yw ow gwreydh.

Leo Sakaguchi yw ow hanow.

Studhyer ov

y’n Bennskol a Deknologieth yn Darmstadt.

Nihon yw ow thas ha Polakes yw ow mamm,

ha my a veu genys hag a devis yn Almayn.

Douglas Oliveira Biscotto ov.

14 bloodh ov.

Ha… Brasilan ov.

Lívia Oliveira Biscotto ov.

Y hwor ov.

Yn Rio de Janeira yth eson.

Ni a dheu rag kuntellyans brasilek a Esperanto.

Dydh da! Gunnar Fischer ov.

Trigys ov yn Münster yn Almayn.

Dydh da! Klára yw ow hanow. 19 bloodh ov.

Frynkes ha Hungarianes ov,

ha genys veuv yn Iseldiryow.

Fatel wrug aga herens erviras
dyski dhywgh Esperanto?

Drefen ow herens dhe omguntel
dre Esperanto

ha kewsel Esperanto war-barth pub prys

ha my a’s klewo a gothmans esperantek

Ytho, my a glewo an yeth a-dro dhymm

ha my a dhyski y’n vaner na.

Hungarianes yw ow mamm,
ha Frynk yw ow thas.

I a omguntel dres kuntellyans a Esperanto,

keskussulyans a Esperanto.

Hag i a dybi…

“Wostalleth Esperanto,
ha wosa henna my a’m bydh termyn

rag dyski ow yethow erel ynwedh.”

Ni a wrussa omglewes moy attes

gans an yeth, gans Esperanto,

ha wosa henna y fia esya ragon

pan dyskyn yethow erel.

Ow thas a dyskas Esperanto
nebes bledhynnyow kyns ow bos genys

hag ev a erviras y hwrav tevi diwyethek,

hag ev a wre kewsel Esperanto orthiv –
ny wre kewsel marnas Esperanto –

dres kynsa 12 bledhynnyow ow bewnans.

Y hwre agan vysytya lies gwestoryon
dhyworth powyow erel

ha ni a wre passya agan dy’golyow
yn ‘pow Esperanto’ yn fenowgh.

Fatel wra tus dasoberi pan aswon
y hwodhowgh kewsel Esperanto?

Henna ny aswonnons marnas mar kewsir
a-dro dhe Esperanto hy honan,

drefen bos Frynkek ow chif-yeth.

Ytho, my a breder bos marth
aga hynsa dasoberyans,

drefen na yllons tybi mann
y hyll den

kewsel an yeth ankoth
avel kynsa yeth.

Yeth a wrug neb den hy gwruthyl:
fatel yllir

bos fleghes a wra hy dyski a vyghan?

Mes dell yw usyes,
posedhek yw an dasoberyans:

‘A, dhe wir?’
Ytho, dhe-les ragdha yw.

‘Pyth yw henna?’
o an kynsa govyn yn fenowgh.

An praga yw dhe-les ragdha,

ha heb mar i a garsa a-dhistowgh
klewes nebes lavarow

po geryow dhyworthiv yn Esperanto.

Rag agan godhvos kewsel diw yeth

ny glewen marnas gormoledhow,

ha ny wrussons bythkweth
agan tebeldyghtya.

Gans Lufthansa,
kowethyans-neyja a Almayn,

y’n asran a ynjynoryon,

y hwrug keswel unn jydh.

An den a wovynnas orthiv:

‘Skrifys yw y’th paperyow
dha vos kowser a vyghan a Esperanto.

Fatel yllir bos henna?’

Marth bras a sordyas ynno

ow bos kowser a vyghan a Esperanto,

ha tybi a wrav

bos dhymm neb les awos an feth na.

Mes my a wre metya orth lies den

may ma pur ankoth ragdha an tybyans
a Esperanto avel kynsa yeth

ha ny vynnons mann degemeres henna.

Disputya orthiv a vynnens

na yll Esperanto bos ow hynsa yeth.

Fatel y’gas gweresas bos diwyethek?

Ty a yll gul devnydh a yeth aral yn gwerthji
ha ty ow kewsel orth dha gerens

ow leverel nag yw da genes neb tra

drefen… Ytho, pan wre ow herens
kewsel orthiv yn Esperanto,

bythkweth ny wren gorthebi yn Esperanto,
dhe leverel an gwiryonedh.

Ytho, mar kwren devnydh a Esperanto,

henna a wre styrya
my dhe vynnes leverel neppyth

na vynnen tus erel dh’y gonvedhes.

Ytho, peder yeth a gewsis a vyghan

ha wosa henna, diw yeth a dhyskis y’n skol,

hag ytho, hwath y’m oos,
my a gews 6 yeth,

drefen my dhe dhyski lies yeth a vyghan,
pur sempel.

Ytho, mar pe lies yeth
dhe nebonan a vyghan,

ev a yll dyski yethow nowydh
yn uskis ynwedh,

hag yma dhodho lesow hewul.

Rag ensampel, my a yll prena
toknys y’n Ruvaneth Unys,

yn Almayn, Ostri, Frynk, Iseldiryow…

ha ny’m beus kudyn vyth,
drefen my dhe wodhvos kewsel an yeth.

Ytho, ha my ow kewsel diw yeth a vyghan,

heb mar my a dyskis yethow erel
yn maner esya.

Unn jydh, gelwys veuv dhe dowlen bellwolok

drefen my dhe gewsel Esperanto a vyghan,

ha pur brout ov awos henna.

Esya ha moy uskis yw ynwedh
kavos kothmans nowydh.

Yma dhymm lies kothman
ha my a breder

bos onan a’n achesonys

ow godhvos kewsel
kynsa yeth an re erel orta.

Mar kowsav Iseldiryek orth Iseldiryas,

po Almaynek orth Alman,
esya yw ragdha

trestya dhymm ha dos ha bos ow hothman.

Dre vras, da yw genev bos
kowser a vyghan a Esperanto

ha da yw genev ynwedh metya orth
kowsoryon erel a vyghan a Esperanto

ha kewsel orta, ha….

Da lowr.
Gonn meur ras dhywgh a glewes

ha tereba nessa!

Esperanto: avel kowser a vyghan