（海洋嘅故事）

（海膽嘅歷程︰同浮游生物交配）

我對你嚟講應該好奇怪

我全身都係針

仲要我冇面

但我已經經歷過好多種形態

我就好似你咁，一開始都係一個卵子

我父母從來唔知對方係邊個

喺暴風雨前嘅一個月光皎潔嘅晚上

成千上萬嘅海膽、蛤蜊同珊瑚

喺海裏面釋放出上億嘅精子同卵子

我爸爸嘅精子遇到我媽媽嘅卵子

然後佢哋結合

就係受精作用

我喺一瞬間成為咗一粒灰塵咁大嘅胚胎

漂泊幾個鐘之後

我分裂成兩個細胞

然後四個細胞

然後再八個細胞

一直分裂落去，多到數唔曬！

一日之內我生咗腸道同骨架

我變成咗一個好似飛船物體嘅長腕幼蟲

我喺浮游生物當中漂浮

搵超細嘅藻類食

有好幾個星期我被各種幼蟲圍著

呢啲幼蟲同佢哋長大之後嘅形貌好唔同

生物學家要花好多時間

先至可以辨別佢哋

你嘗試下搵出幼蟲嘅父母係邊個？

呢隻緣膜幼蟲會變成海螺

呢隻幼蟲會變成海蟹

呢個實囊幼蟲會變成水母

有啲同我同年紀嘅朋友

比較容易睇得到係成熟

呢啲水母寶寶亦都叫海蜇苗

已經同佢哋父母一樣咁靚又毒

喺浮游生物界

將基因傳到下一代嘅方法唔止一種

大多數水母體有特別嘅息肉構造

令佢哋可以經由無性繁殖繁衍下一代

被囊動物亦都差唔多

當食物充足嘅時候

佢哋會複製自己成長鏈狀

浮游生物嘅交配令人驚奇

睇下呢啲雌雄同體嘅生物

櫛水母同箭蟲同時

製造、儲存同釋放精同卵子

佢哋可以令自己
或者其他個體嘅卵子受精

當你喺汪洋裏面漂浮

唔知會遇到邊個時

雌雄同體可以令你同時做兩個角色

呢度大多數嘅物種

唔會建立或者維持長久嘅親子關係

呢個亦都係我父母用嘅策略

我哋長腕幼蟲嘅數量龐大

當其他人被獵食時

我就藏身喺一大班人裏面自保

唔係所有父母由得仔女自生自滅

有啲物種仔女比較少

但對仔女嘅照顧亦都多咗

佢哋會花幾日，甚至幾個月

孵化佢哋嘅寶貝

呢種敏捷嘅橈足動物

將佢美麗嘅卵，藏喺嘴入邊幾日

呢類甲殼動物將佢嘅寶寶擺喺胸裏邊

然後小心咁將佢哋
放喺身體嘅膠狀圓筒入邊

但黑眼魷魚喺呢方面最犀利

佢將寶寶呵護喺觸手裏面長達九個月

同人類懷孕周期一樣長

但最終呢啲細路都係要

離開父母，行自己嘅路

有啲就一世用浮游生物嘅形態生活

有啲就同我一樣身體轉化

當我成為胚胎嘅幾個星期之後

我決定轉化為一隻海膽

我嘅故事就係咁嘞

我可能只係一個動作慢嘅、有刺嘅波

但唔好俾我冷靜、成熟嘅外表呃咗

我曾經係游嚟游去嘅太空飛船

我曾經係個狂野嘅細路