ဟဲလို၊ ကျွန်တော့အမည်က Birke Baehr ၊
အသက်က ၁၁ နှစ်ပါ။
ဒီနေ့ ဒီကိုလာတာက ကျွန်တော်တို့ရဲ့
စားစရာစနစ် မှားတာပြောဖို့ပါ။
ဦးဆုံးအနေနဲ့ ပြောချင်တာက
ကလေးတွေဟာ တီဗီမှာ၊ အများပိုင်ကျောင်း
တွေမှာနဲ့ သင်ကြည့်လေရာ
အတော်များများက စျေးကွက်ဖောက်တာတွေ၊
ကြော်ငြာအားလုံးကို အလွယ်တကူအယုံသွင်းခံရတာ
ကျွန်တော်တကယ်ပဲ အံ့သြမိပုံကိုပါ။
ကျွန်တော့အမြင်တော့ စီးပွာရေးလုပ်ငန်းတွေဟာ
ကျွန်တော့လို ကလေးတွေကို သူတို့ မိဘတွေကို
ကျွန်တော်တို့ (သို့) ကမ္ဘာအတွက် အမြဲ
မကောင်းတာ ဝယ်ခိုင်းဖို့ ကြိုးပမ်းနေသလိုပါ
အထူးသဖြင့် ကလေးပေါက်စတွေဟာ
ရောင်စုံထုပ်ပိုးခြင်းနဲ့ ပလပ်စတစ်ရုပ်တွေက
ဆွဲဆောင်တာခံရတယ်။
ဝန်ခံရမှာက ကျွန်တော်လည်း
တစ်ယောက်အပါဝင်ဖြစ်ခဲ့ဖူးတာပါ။
စားစရာအားလုံးဟာ တစ်နေကုန် ဝက်တွေ
ရွံ့ထဲလူးကာ နွားတွေ စားကျက်မှာမြက်စားတဲ့
ပျော်စရာခြံလေးတွေကနေ
လာတယ်လို့ ကျွန်တော်လည်းတွေးခဲ့ဖူးတယ်။
တွေ့ရှိလိုက်ရတာက ဒါဟာ မမှန်ဘူးဗျ။
အင်တာနက်မှာ၊ စာအုပ်တွေမှာ၊
သတင်းရုပ်ရှင်တွေမှာ မိသားစုနဲ့ ခရီးတွေမှာ
ဒီပစ္စည်းကို စတင်စုံစမ်းမိတယ်။
စက်မှုလုပ်ငန်း အစားအစာစနစ်ရဲ့
မကောင်းတဲ့ဘက်ကို တွေ့ရှိခဲ့တယ်။
ဦးဆုံး မျိုးရိုးဗီဇပြင်ထားတဲ့
သစ်စေ့တွေနဲ့ အကောင်တွေရှိပါတယ်။
သစ်စေ့တစ်စေ့ဟာ လက်တွေ့ခန်းမှာ
သဘာဝကနေ မရည်ရွယ်တဲ့
တစ်ခုခုလုပ်ဖို့ ပုံဖော်ခံရတဲ့အခါ
ဥပမာ ငါးရဲ့ DNA ကိုယူပြီး
ခရမ်းချဉ်သီးထဲ ထည့်တဲ့အခါပါ။ ရွံလိုက်တာ။
အထင်မမှားနဲ့ဦး၊ ကျွန်တော်
ငါးနဲ့ ခရမ်းချဉ်သီးကြိုက်ပါတယ်၊
ဒါပေမဲ့ ဒါကျတော့ ကျောချမ်းစရာပါ။
(ရယ်သံများ)
နောက် ဒီသစ်စေ့တွေစိုက်တယ်၊ ကြီးထွားတယ်။
သူတို့ထုတ်တဲ့အစာက စမ်းသပ်တိရိစ္ဆာန်တွေမှာ
ကင်ဆာနဲ့ အခြားပြဿနာတွေ ဖြစ်စေတာ သက်သေပြကာ
လူတွေဟာ ဒီနည်းနဲ့ ထုတ်လုပ်တဲ့ စားစရာတွေကို
စားနေကြတာ ၁၉၉၀ နှစ်လွန်တွေကတည်းကပါ။
လူအများစုက ဒါတွေရှိတာကိုတောင် မသိကြဘူး။
မျိုးရိုးဗီဇပြောင်းထားတဲ့ ပြောင်းကို
စားတဲ့ကြွက်တွေ
အသည်းနဲ့ ကျောက်ကပ် အဆိပ်သင့်တဲ့
လက္ခဏာတွေပေါ်လာတာ သင်တို့သိလား။
ကျောက်ကပ်ရောင်တာ၊ အနာတွေနဲ့
ကျောက်ကပ်အလေးချိန် တိုးတာတွေပါတယ်။
ကျွန်တော်တို့စားတဲ့ ပြောင်းအားလုံးနီးနီးဟာ
တစ်နည်းနည်း မျိုးရိုးဗီဇ ပြောင်းလဲထားတာပါ။
ပြီးတော့ ပြောပါရစေ၊
ပြောင်းဟာ အားလုံးမှာပါပါတယ်။
CAFOS(လှောင်ပိတ် သတ္တဝါကျွေးတဲ့ စစ်ဆင်ရေး)
စဖို့ထိတော့ ကျွန်တော့ကို မပို့ပါနဲ့။
(ရယ်သံများ)
သမားရိုးကျလယ်သမားတွေက အပင်တွေကြီးစေဖို့
မြေစာတွေနဲ့ ရောစပ်တဲ့ ရုပ်ကြွင်းလောင်စာက
လုပ်တဲ့ ဓါတ်မြေဩဇာတွေသုံးတယ်။
ဒါလုပ်တဲ့အကြောင်းက သီးနှံတစ်မျိုးတည်းကို
ထပ်ကာထပ်ကာစိုက်တာကနေ
မြေဆီလွှာက ဩဇာဓါတ်အားလုံးကို
ခွာချွတ်လိုက်တာကြောင့်ပါ။
ပိုဘေးဖြစ်တဲ့ ဓာတုပစ္စည်းတွေ
အသီးနဲ့ဟင်းရွက်တွေပေါ် ဖျန်းတယ်၊
ဥပမာ ပေါင်းနဲ့ ပိုးတွေသတ်ဖို့
ပိုးသတ်ဆေး၊ ပေါင်းသတ်ဆေးတွေပေါ့။
မိုးရွာတော့ ဒီဓာတုပစ္စည်းတွေက
မြေကြီးထဲ စိမ့်ဝင်တယ်၊
(သို့) ရေစီးကြောင်းထဲကို ပါသွားကာ
ရေကိုလည်း အဆိပ်သင့်စေတယ်။
နောက် သူတို့က စားစရာကို
ကြာကြာခံအောင် ရောင်ခြည်ပေးတော့
စိုက်ပျိုးရာနေရာကနေ စူပါမားကက်တွေထိ
ဒါက မိုင်ထောင်ချီ ရောက်သွားနိုင်တယ်။
ဒီတော့ ကိုယ်ကိုယ်ကို မေးတယ်၊
ဒါတွေကို ဘယ်လို ငါပြောင်းနိုင်လဲ။
ဒါက ကျွန်တော် တွေ့ရှိတာပါ။
ပိုကောင်းတဲ့ နည်းတစ်ခုအတွက်
လှုပ်ရှားမှုတစ်ခုရှိတာ တွေ့ခဲ့တယ်။
ခဏလောက် နောက်ပြန်လိုက်ရင်
ကျွန်တော်က NFL ဘောလုံးသမားဖြစ်ချင်ခဲ့တာ။
ဒီအစား သဘာဝမြေဩဇာသုံး
လယ်သမားဖြစ်ဖို့သာ ဆုံးဖြတ်လိုက်တယ်။
(လက်ခုပ်သံများ)
ကျေးဇူးတင်ပါတယ်။
ဒီနည်းနဲ့ ကမ္ဘာကို ပိုကြီးကျယ်တဲ့
အကျိုးသက်ရောက်မှုပေးနိုင်တယ်
ဒီလူက Joel Salatin သူ့ကို လယ်သမား
အရူးလို့ ခေါ်ကြတယ်၊
သူဟာ စနစ်ကို ဆန့်ကျင် စိုက်ပျိုးလို့ပါ။
ကျွန်တော့က အိမ်မှာပဲ စာသင်တာဆိုတော့
တစ်နေ့ သူပြောတာ သွားနားထောင်ခဲ့တယ်။
ဒီလူ၊ ဒီ"လယ်သမား အရူး"ဟာ
ပိုးသတ်ဆေးတွေ၊ ပေါင်းသတ်ဆေးတွေ၊
(သို့) မျိုးရိုးဗီဇပြောင်းထားတဲ့
သစ်စေ့တွေ မသုံးဘူး။
ဒီအတွက် စနစ်အရ သူ့ကို
ငကြောင်လို့ အခေါ်ခံရတယ်။
သိစေချင်တာက ကျွန်တော်တို့အားလုံး
မတူတဲ့ ရွေးချယ်မှုတွေဖန်တီးရင်း
ဒေသတွင်း လယ်သမားတွေ (သို့)
လက်တွေ့သိတဲ့
အိမ်နီးနားချင်းဆီက
စားစရာ တိုက်ရိုက်ဝယ်ရင်း
ပြောင်းလဲမှုတစ်ခု လုပ်နိုင်တယ်ဆိုတာပါ။
သဘာဝ(သို့) ဒေသစာက
ပိုစျေးကြီးတယ်ပြောကြတယ်။
ဒါပေမဲ့ ဒါက တကယ်လား။
စားစရာစနစ်အကြောင်း ကျွန်တော်လေ့လာ
သိရှိခဲ့တာ အားလုံးနဲ့ဆိုရင်
ကျွန်တော့အထင် ကျွန်တော်တို့ဟာ
လယ်သမားဖြစ်စေ
(သို့) ဆေးရုံကိုဖြစ်စေ ပေးနိုင်တာပါ။
(လက်ခုပ်သံများ)
အခု ဘယ်ဟာ ရွေးမလဲဆိုတာ
အတိအကျသိတယ်။
သိစေချင်တာက ဟောဟိုမှာ လယ်တွေရှိပါတယ်၊
ဥပမာ Tennessee က Sequatchie Cove Farm
မှာရှိတဲ့ Bill Keener
သူ့နွားတွေက မြက်စားပြီး
ဝက်တွေက ရွှံ့ထဲလူးတယ်၊
တွေးခဲ့သလိုပဲလေ။
တစ်ခါတစ်လေ Bill ရဲ့ခြံသွာပြီး လုပ်အားပေးတာ
ကျွန်တော်စားတဲ့ အသားက ဘယ်ကလာတယ်ဆိုတာ
အနီးကပ်၊ ကိုယ်တွေ့ မြင်နိုင်တယ်လေ။
သိစေချင်တာက ကလေးတွေဟာ
စားစရာအကြောင်းနဲ့
ဘယ်ကလာတယ်ဆိုတာ ပိုသိရင်
ငါး၊ လတ်ဆတ်တဲ့
အသီးအရွက်နဲ့ အစားကောင်းတွေကို
စားကြမယ်လို့ ယုံကြည်တာပါ။
သိစေချင်တာက ပေါ်လာနေတဲ့ ရပ်ကွက်တိုင်းမှာ
လယ်သမားစျေးတွေ ရှိတယ်ဆိုတာပါ။
သိစေချင်တာက ကျွန်တော်၊
ညီနဲ့၊ ညီမတို့ဟာ
ကိုက်လန် မီးဖုတ်ပြားတွေစားတာ
ကိုကြိုက်တယ်
ကျွန်တော်သွားတဲ့ နေရာတိုင်း
ဒါကိုမျှဝေတယ်။
သိပ်မကြာခင်က
ဦးလေးက ကျွန်တော့ ခြောက်နှစ်သား
ညီဝမ်းကွဲကို အဟာရ ပေးတယ်တဲ့။
သဘာဝ Toasted O's (သို့) သကြားဖုံးထားတဲ့
အလွှာတွေ ယူမလားလို့သူကိုမေးတော့
သိတယ်နော်၊ အရှေ့မှာ အစင်း အကြီးကြီးနဲ့
ကာတွန်းရုပ်နဲ့ဟာလေ၊
ကျွန်တော့ ဝမ်းကွဲညီလေးက သူ့အဖေကိုပြောတာက
သူ သဘာဝ Toasted O's အဟာရကိုပဲစားချင်တယ်၊
Birke က အရောင်လက်လက် အဟာရကို
သူမစားသင့်ဘူးလို့ပြောလို့တဲ့။
မိတ်ဆွေတို့ ဒါက တစ်ကြိမ်ကို
ကလေးတစ်ယောက်
ပြောင်းလဲမှုတစ်ခု လုပ်ပေးပုံပါ။
ဒီတော့ နောက်တစ်ခါ ကုန်စုံဆိုင်သွားတဲ့အခါ
ဒေသခံတွင်း တွေး၊
သဘာဝရွေး၊ လယ်သမားနဲ့
စားစရာသိအောင်လုပ်ပါ။
ကျေးဇူးတင်ပါတယ်။
(လက်ခုပ်သံများ)