喺 TED 嘅網站入邊一共有超過一千個演講 我諗你哋多數都會覺得 好勁啊！ 但係我就唔係咁諗 我覺得依個係一個難題 因為你諗下，一千個演講意味著 有超過一千個諗法值得我哋傳播 邊有可能 傳播依一千個諗法？ 就算你諗住睇曬依一千條片 將所有嘢塞入你個腦 你都需要 超過 250 個鐘 我就計咗下數 每睇一條片造成嘅經濟損失大概係 一萬五千美金 既然佢會引起咁嘅經濟破壞 我就諗我哋需要一個解决措施 跟住我會講下我嘅做法 觀望現實情況 有一千個演講 每個演講嘅平均長度係 約 2,300 個英文單詞 計下個總數 所有演講加起身一共有 230 萬詞 係《聖經》嘅三倍 問題就係 一個演講真係需要 2,300 詞咩？ 可唔可以短啲啊？ 如果你想宣揚你嘅諗法 你絕對可以將佢縮到短過 2,300 詞 唯一嘅問題係可以縮到幾短啊？ 一個演講 你最少需要幾個詞呢？ 我諗緊依個問題嘅時候 傳奇作家海明威出現喺我腦海 佢曾經講過依六個字 「出售：嬰兒鞋，全新。」 係佢寫過最好嘅小說 我仲見過一個計劃：「六詞傳記」 所有人 都用六個英文單詞總結佢哋嘅生平，譬如： 「搵到真愛，卻與他人成家。」 「生活空虛；好弊。」 我好鐘意第二個 如果一篇小說可以濃縮成六個詞 人嘅一生可以用六個詞黎總結 咁一個演講都只需要六個詞 中午飯之前就可以聽曬今日所有演講喇！ 嗱 如果將所有演講進行濃縮 就可以由 230 萬詞减到 6,000 我覺得幾好啊 然後我就開始嗌我所有嘅朋友 请用六個詞總結你哋最鐘意嘅演講 依啲就係其中一啲例子，我覺得都幾好 譬如話丹·平克嘅關於動機嘅演講 「唔要胡蘿蔔，唔要棍，凈係要意義」 佢講得幾好，未睇過快啲去睇下 依三小句基本上就係佢十八分半鐘講嘅嘢 仲有人直接引用演講者嘅原話 例如彌敦·梅羅德嘅風格演講 同埋添·法裡斯嘅演講 佢嘅演講有時比較激動 宜家嘅問題係，如果我想有系統咁總結啲演講 我應該會有好多概要 不過唔會有好多朋友 所以我需要一個新方法 最好係只需要陌生人嘅 好好彩，有一個叫做 Mechanical Turk 嘅網站 你可以喺上邊發佈 你唔想自己做嘅嘢 譬如話「唔該幫我用三個詞組總結依篇文章」 我無通過任何低成本國家嚟完成依個任務 不過我發現我凈係需要用 10 美分 我覺得好鬼平 但係就算係咁 都無可能逐個濃縮曬所有演講 因為如果你計下，一共有一千個演講 一個演講 10 美分 一個演講需要至少一個概要 因為有可能有啲結果好差 結果就會變成我要用幾百蚊美金 所以我又諗到個新方法 我就諗所有演講都係關於幾個固定嘅話題 如果我唔使人 逐個總結 而係一次畀佢哋 10 個演講 然後要佢哋用六個詞總結依 10 個演講 我就可以將成本減少百分之九十 60蚊美金 我就可以將一千個演講濃縮成 600 個概要 幾好啊！ 你哋可能會覺得 10 個演講變成 6 個詞，根本無可能 事實係有可能嘅 统计学教授漢斯·羅斯凌嘅例子可以證明 我諗你哋都睇過佢嘅演講 一共有 8 個 基本上可以用一句話嚟總結 所有演講都係想話我哋知 我哋嘅直覺一啲都唔準 佢次次都證明我哋係錯嘅 講返哋網民，佢哋嘅工作成果唔係太好 當我嗌佢地將 10 個演講縮成 6 個詞嘅時候 有啲人就偷懶喇！ 佢哋都畀啲好行嘅結果 有哋仲好無恥 用六個詞駁返我 問我最近係咪沉迷於網絡搜索 我諗唔明點解有人會咁做 有人就講出佢哋嘅內心諗法 我唔知啲演講係咪真係有依啲內容 不過 結果真係好令人驚奇 所有上傳嘅演講組 都得到好多可用嘅概要 依啲係我比較鐘意嘅 所有關於食物嘅演講 有人總結成：「食物塑造身體、大腦同環境」 我覺得唔錯 關於幸福感嘅：「努力得到幸福= 邁向不幸。」 到依度 我係由一千個演講開始 濃縮到 600 個六詞概要 聽落幾好 但係當你望住依 600 個概要 其實都幾多 然後我就諗，或者可以再濃縮 製造一個概要嘅概要--我的確做咗依件事 我將依 600 個概要 根據網上嘅點擊率 分成 9 組 然後搵人將佢哋濃縮 今次又有誤解喇！ 有人以為我想喺依啲咁精彩嘅演講入邊 搵一句好易上口嘅口號 不過令我驚訝嘅係 再一次，網民都有所成就 例如所有有關膽量嘅演講 總結成「人亡」或者「人受難」，或者 「總有簡單嘅解決方法」 仲有啲令人跌下巴嘅演講總結成： 「星際古典樂作曲家翻相片。」 依嗰就係精粹所在 宜家我有 9 個組 非常概要喇！ 但係當你行得越遠，你就越唔滿足 就好似精餾釀酒一樣，你想得到最精餾嘅 由最初嘅一千個演講開始 我想將一千個演講濃縮成六個英文單詞 百分之 99.9997 嘅縮減率 不過我凈係畀咗 99.5 美金 總經費少於一百 今次一共有 50 個概要 25 美分一篇 因為今次嘅任務難啲 非常不幸，最初得到嘅結果 依度係其中六個 令我有啲失望 你哋應該會同意佢哋都總結咗 TED 嘅某啲方面 但係感覺佢哋有啲平淡 有或者佢哋都分別總結咗 TED 嘅一個方面 然後我差唔多要放棄喇！ 直到有一晚，我開始組合依啲詞 結果發現咗一個好好嘅方法 依個就係 通過網民力量，價值 99.5 美金嘅 一千演講六詞概要： 「為何煩惱？我寧驚歎。」 多謝 （掌聲）