Umbowo hwekuratidza kuti wakunda dambudziko

zvinooneka nekuti dambudziko racho harina kuku kunda iwe wacho.

muzita raJesu uye ndichikugamuchirai kune chimwe chikamu

chinotaura nezve RUTENDO RUSINA KUGOMBEDZERA, tiri pano pa GOD'S HEART TV (NHEPHENYURO YEMOYO WAMWARI)

Nhasi ndoda kutaura nezvenyaya yandavhunzwa

nguva nenguva kwemakore apfuura

yakamira yakadai

semutendi, nemhaka yeyi matambudziko angu achiwedzera nemanamatiro andinoita?

zvandofanirwa kuita ndaita

munoziva, kukereke ndoenda, ndanamata,zvese nekutsanya.

munamato ndakapuwa, ndakanamatirwa zvekudzikinurwa.

Shoko raMwari Bhaibheri ndoverenga, ndinotenda kune zvakanyorwa mushoko

uye ndinotsungirira kufadza Mwari.

asi nemhaka yeyi ndichitadza kukunda dambudziko iri?

Vanhu vaMwari, semusikirwe watakaitwa naMwari takasiyana

tiri mumweya umwe, matambudziko atosangana nawo akasiyana.

saka hapana shoko rakamira roga ringataurwa ringabata chimiro chimwe nechimwe

asi mhinduro, zvirikwazvo iri mushoko raMwari.

Nhasi, ndoda kugoverana nemi chinhu chakakosha

uye chokwadi chineudzamu chandovimba kuti chichakubatsirai.

Semutendi, kukunda dambudziko rako

Uye kana ndichiti 'dambudziko'- ndoreva, kti ringava remari,

utano hwako, wanano, mhuri,bhizimusi, basa rako, zvakawanda zvatingareva.

Semutendi, kukunda dambudziko rako

hazvirevi kuti mamirire ezvinhu achachinja

Kwete! uchapupu hwekuti wakunda dambudziko

hunooneka nekuti dambudziko harina kukukurira iwe wacho.

Regai ndipadzokorore-

Uchapupu hunoratidza kuti wakunda dambudziko

kuti dambudziko racho harina kukukurira iwe kana kukuwisira pasi,

harina kukubvisa pana Mwari,

dambudziko harina kukuwisira muchivi.

Munoona, zvajairika mazuvano kuti tienzanise kukunda dambudziko

nekushanduka kwaita chimiro chedambudziko.

semuyenzaniso, tinoenzanisa kukunda kuomerwa ne

kuwana kukunda panezve mari

kana kuti tinoenzanisa kukunda urwere, kugombedzerwa

nekuwana dzikinuro panyama.

Asi yeuka- semaKristu, tinofamba nekutenda , kwete nekuona.

Saka, huchapupu hwekukunda hunotangira muMweya kutanga,

kwete panyama- Mumweya kutanga.

Rangarira, Mwari Mweya uye kuva iwe chaiko kuri mumweya.(the spirit)

Saka, uchapupu hwekukunda huri mumweya kwete panyama.

Zvino, handisi kuti Mwari vangakundikana zvikuru

pamweya kupindira nekuchinja dambudziko muupenyu hwako.

Zvirikwazvo, Vanogona- hapana chinokundikana naMwari.

Ndirirkudzamisa kwauri kuti mamirire ezvinhu parizvino

haisiyo nzira yekuratidza udzamu hweupenyu hwako pamweya.

Kukunda dambudziko hazvirevi kuva mupfumi.

KWETE- zvinoreva kusatongwa nedambudziko iroro.

Hongu, ndingava nedambudziko uye hongu, ndiri kutsvaga Mwari-

Ndiri kutsvaga kupindira kwedenga.

Asi zvisinei nekuti zvaoma zvakadii, kuti zvatora nguva yakareba sei,

hazvizombondi runziri kutsvaga dzimwe nzira dzisiri dza Kristu.

kunyange zviome sei zvinooma zvacho,

hazvizombondinyengeri mukutsvaga mamwe matanho asirir munzira dzaMWARI.

Nyangwe marwadzo acho arwadze sei,

hazviputse kuyerera komufaro mumoyo

nemunamato mumweya wangu.

Ndiwo makundire awunoita!

Uye kana makomborero auya munguva yaMwari,

zvichienderana nehurongwa hukuru hwavo,

sekusatongwa kwaunoitwa nenguva yakaoma,

ndozvimwe makomborero haakutongi asi Mupi wawo -Mwari.

Zvino,sevatendi, hazvirevi kuti hatiwire mumatambudziko.

Kwete- munyika ino, muchava nematambudziko.

Asihatitongwe nawo

Hatisirirwe pamatambudziko.

Pachava nematambudziko

Dzimwe dzenguva anovapo kwenguva refu, asingaperi matambudziko.

Asi hatingatongwi nawo.

Vanhu vaMwari, ndoda kukuyeuchidzai nyaya inozivikanwa zvikuru

pavavhangeri mubhuku raMariko 4:37-40

nyaya yepakanyaradzwa dutu naJesu KRISTU

Ndoda mucherechedze chimwe chinhu.

Jesu Kristu vakanga vakadzikama munguva yedutu iri

vasati vanyaradza dutu.

dutu raibvongodza pakavatenderedza asi kwete mavari.

Kutya hakuna Kuvakurira.

kunetseka hakuna kuvakunda

kuzvidya moyo hakuna kuvakurira

Kwete! Vakakunda dutu nekuda kwekuti dutu harina kuvakurira Jesu!

Asi nerumwe rutivi, tarisai kuita kwevadzidzi vaJesu.

Tarisai madairire avakaita.

Vakamutsa Jesu vakati,

'Tenzi', hamuna mhaka here nekuti tavekunyura?

Hamuna basa nekuti tave kufa here?hamuna basa nazvo here?

Ndiwo mufananidzo wezvinoitika kana dambudziko rako rakukurira-

Unotanga kuona Mwari nenzira yakaipa.

'Mwari, hamuna hanya nekuti ndiri kurwara? Hamuna hanya nekuti ndiri mumarwadzo?

Hamuna kana basa nekuti bhizimusi rangu rakuparara?

Hamuna basa nekuti kubasa kwangu havasi kundibata zvakanaka ?

Hamuna hanya nazvo ka?

Ko nei Mwari vachitendera zvakadai kuti zviitike kwandiri?

Tinotanga kubvunzurudza kunaka kwaMwari, nekutsvakurudza kugona kwavo.

Uye kunyange tikavavinga Mwari,

chero hazvo tikamhanyira kuimba yaMwari,

Tinenge tichienda kunosiya zvikumbiro nekuda kwekuvhunduka, kwete nekuda kwekutenda.

Vanhu vaMwari, ndoda kugoverana nemi chinhu chakavanzika pakukunda-

kuziva kuti zvese hazvizi nekuda kwako.

Hazvisi nekuti urikunzwa sei,

Kuti urikuita sei, kuti urikubatwa zvakadii.

Kwete! Munhu ari pakati nepakati penyaya yako ndiMwari

nekuti wakasikirwa kubwinya kwavo.

Zvino, bvisa kutarisira zvose pauri asi utarise kuna Mwari.

Panekuvhunza kuti, 'nemhaka yeyi Mwari vachitendera izvi kuti zviitike pandiri'?-

chinja zvawakatarisira

Nemhaka yei Mwari vachitendera izvi kuti zviitike pandiri?

Nekuti Mwari vakazvitendera, Mwari vazvitendera - zvakandinakira.

Zvimwe kuda vane chidzidzo chavari kuda kuti udzidze

chakanakira ramangwana rako,

nezvavari kuda kuti uite mune ramangwana.

zvimwe kuda varikukuninipisa muruwoko Rwavo runesimba.

Pamwe varikukusuka kuti ubude segoride.

Pamwe varikuumba hunhu hwako kuitira

hukuru hurimberi kwako

Tarisa kuna Jesu!

Chinhanho chaunotsaudzwa nedambudziko rako,

kutiuzvidye moyo, uve nekutya, kufunga funga, kudzikisirwa, kufunga dzimwe nzira

ndicho chinhanho chaunoisa chimwe chinhu chisinei naMwari mumoyo mako,

kunyanya iwe mbune.

Zvino, vanhu vaMwari , ndichipedzisa-

ngatitarisei kuna Jesu, nekutindivo Chiedza chenyika.

Nhasi, tiripedyo neimba yechiedza- imba yakanakisa yeChiedza.

Uye tinoona kukosha kweimba yeChiedza murima,

kwete kana denga rakachena uye zuva richipenya.

Kwete!- murima matinoona kukosha,

kuti hupenyu- muchiyedza hwakadii

Panguva dzerima muupenyu patinoona kuti

tinocherechedza, nekugamuchira, nekukoshesa Chiedza- Jesu Kristu.

Jesu ndivo chiedza chenyika.

Vanojekesa nzira dzako, vobvisa kutya kwako!

Vnokupa simba rekukunda,

runyararo rwekuti utsungirire,

nyasha dzekuti urambe uchitsungirira zvisinei nemamiriro akita zvinhu.

Zvisinei nenguva yauri, ziva izvi-

kuti kumira kwakaita zvinhu kuchisimudzira mweya wako, urimukundi.

Ikozvino, ngatinamatei tose.

Jesu Kristuvakamira muchikepe mukati medutu

vakataura kudzikama!

Ikezvino, rese dutu rakakukomberedza,

chero zvaro dutu ririkubvongodzeka pauri-

Ndinoraira kudzikama muzita raMambo Jesu Kristu!

Ngapave nekudzikama muwanano yako!

Ngapave nerunyararo mumhuri mako!

Ngapave nerunyararo mubhizimusi rako,

mumari dzako, mubasa rako!

Ngakuve nekudzikama muutano hwako izvezvi!

Kudzikama, nemuzita raMambo Jesu Kristu!

Kune moyo yose ine kunetseka, kune moyo yese isina kugadzikana,

ngamuchira kudzikama kwaKristu!

Gashira kudzikama kwaKristu izvezvi!

Jesu Kristu ndivo Chiedza chenyika!

Chipi chese chakamirira rima muupenyu hwako,

Ngapave nechiyedza izvezvi!

Ngapave nechiyedza izvezvi!

Ngapave nechiedza izvezvi!

Chirwere ichocho irima.

Kurambira panzvimbo imwe irima.

Kusaenderera mberi uchisimukira irima.

Madzikirira iwayo irima.

Ndinokuraira ubude murima!

Buda murima izvezvi!

Ngapave nechiyedza!

Muzita raMambo Jesu.

Amen. Amen. Amen

Tinotenda,Jesu Christu!

Tinotenda, vatariri

Mwari vakuropafadzei nekuva kenyu nesu muzuva ranhasi pachikamu chedu chinonzi RUTENDO RUSINA KUGOMBEDZERA

Tokumbirisa mugoverane nesu zvamadzidza kubva

muchidzidzo chedu chanhasi pazasi apo uye rangarirai-

kuramba muchitsvagaMoyo waMwari kuti muone hupenyu zvakajeka,

Muzita raJesu .