Hierdie is eintlik ’n twee-uur
aanbieding vir hoërskoolleerders,
kortgeknip na drie minute.
Dit begin op ’n vliegtuig,
op pad TED toe,
sewe jaar gelede.
In die sitplek langs my
was ’n hoërskoolleerder, ’n tiener,
van ’n baie arm gesin.
Sy wou iets van haar lewe maak.
Sy't my ’n eenvoudige vraag gevra:
"Wat lei tot sukses?"
Ek't rêrig sleg gevoel,
want ek kon haar nie
’n goeie antwoord gee nie.
So ek klim van die vliegtuig af,
en ek kom TED toe.
Ek dink toe, jissie, ek's in ’n kamer
vól suksesvolle mense!
So hoekom vra ek hulle
nie uit oor hulle sukses en
dra dit dan oor aan kinders nie?
So hier is ons, sewe jaar
en 500 onderhoude later
en ek gaan vir julle vertel
wat rêrig tot sukses lei
en hoe TEDsters se koppe werk.
Die eerste ding is passie.
Freeman Thomas sê: "My passie dryf my."
TEDsters doen dit vir
die liefde; nie vir geld nie.
Carol Coletta sê: "Ek sou iemand betaal
om te mag doen wat ek doen."
Interessant:
as jy dit doen vir die liefde,
kom die geld in elk geval.
"Werk!" sê Rupert Murdoch vir my.
"Dis alles harde werk.
Niks kom maklik nie.
Maar ek't baie pret."
Het hy gesê pret? Rupert? Ja!
(Gelag)
TEDsters geniet hulle werk.
En hulle werk hard.
Hulle's nie "workaholics" nie.
Hulle's "workafrolics".
(Gelag)
Goed!
(Applous)
Alex Garden sê: "Om suksesvol
te wees, klim in die ding in
en raak goed, raak kundig daarin."
Daar's geen toorkuns nie;
dis oefen, oefen, oefen.
En dis fokus.
Norman Jewison sê vir my:
"Dit het alles te doen met
jouself op een ding fokus."
En druk!
David Gallo sê: "Druk jouself.
Fisies, verstandelik,
jy moet druk, druk, druk."
Jy moet druk deur
bedeesdheid en selftwyfel.
Goldie Hawn sê:
"Ek't altyd getwyfel aan myself.
Ek was nie good genoeg
of slim genoeg nie.
Ek't nie gedink ek sou dit maak nie."
Dis nie altyd maklik
om jouself te druk nie,
en dis hoekom ma's gemaak is.
(Gelag)
(Applous)
Frank Gehry sê:
"My ma het my gedruk."
(Gelag)
Dien!
Sherwin Nuland sê: "Dit was ’n voorreg
om as ’n dokter te dien."
Baie kinders wil miljoenêrs wees.
Die eerste ding wat ek sê is:
"OK, jy kan nie jouself dien nie;
jy moet ander iets van waarde bied.
Want dis hoe mense rêrig ryk raak."
Idees!
TEDster Bill Gates sê:
"Ek't ’n idee gehad:
om die eerste mikrorekenaar-
sagtewaremaatskappy te stig."
Ek sou sê dit was ’n redelike goeie idee.
En daar's geen toorkuns
agter kreatiewe idees nie --
dis net ’n paar eenvoudige dinge.
En ek gee baie getuienis.
Hou aan!
Joe Kraus sê:
"Aanhou is die nommer een
rede vir ons sukses."
Jy moet deur mislukkings aanhou.
Jy moet deur stront (crap) aanhou:
"Kritiek, Verwerping, Poepholle en Druk.
(C-R-A-P)"
(Gelag)
So, die antwoord op
die vraag is eenvoudig:
Betaal $4000 en kom TED toe.
(Gelag)
Of, as dit nie werk nie,
doen die agt dinge -- en glo my,
hierdie is die groot agt dinge
wat lei tot sukses.
Dankie TEDsters vir al julle onderhoude!
(Applous)