0:00:31.020,0:00:33.680
Ĉi tiu filmo estas farita en [br]natura rezervejo «Kronockij» en Kamĉatko.

0:00:33.680,0:00:36.180
Por maksimume malgrandigi efikon al la protektata [br]teritorio, la filmadon partoprenis du homoj.

0:00:36.180,0:00:43.850
Dum 25 monatoj Dmitrij Ŝpilenok kaj Anna Ŝpilenok [br]observis vivon de vulpoj en la naturo.

0:01:30.980,0:01:36.770
Oni diras, ke loko, kie vi aperis, [br]influas vian sorton.

0:01:36.770,0:01:44.360
Kie vi naskiĝis, kion vi memoras pri hejmo, [br]kion vi vidis, kiam estis malgranda.

0:01:44.360,0:01:51.060
Kiam mi unuafoje malfermis [br]la okulojn, mi ekvidis ĝin — Kamĉatkon.

0:01:51.060,0:01:59.090
Fajran teron, kiu moviĝas, [br]spiras kaj sonas kiel viva estaĵo.

0:02:11.740,0:02:18.610
Ĉi tie estis tiom da nekutima kaj timiga.

0:02:41.810,0:02:48.720
La gefratoj tuj komprenis, [br]ke en ĉi tiu mondo venkas la plej forta.

0:02:50.100,0:02:55.740
Kaj ekis! Ili konkuris vere en ĉio.

0:02:57.010,0:03:01.300
Ili estis aliaj.

0:03:06.940,0:03:13.120
Tamen, panjo diris, [br]ke estis ĝuste mi, kiu aliis.

0:03:27.970,0:03:33.580
Dum ili trejnis ĉasistajn lertojn, mi observis,

0:03:33.580,0:03:38.760
penetris esencon de aĵoj, absorbis belon.

0:03:51.790,0:03:59.710
Mi naskiĝis lasta kaj estis plej malgranda, [br]plej malforta, plej malrapida.

0:04:01.240,0:04:06.920
Kiam mi unuan fojon eliris el la ternesto, [br]vento apenaŭ forblovis min.

0:04:09.410,0:04:14.880
Do oni nomis min Vento.

0:04:21.560,0:04:28.420
Antaŭe mi pensis, la gepatroj volis, [br]ke tio memorigu, kiom forta estis vento.

0:04:28.420,0:04:35.560
Sed nun mi komprenas — ili nomis min tiel [br]por ke mi memoru, kiom forta mi estiĝu.

0:04:38.730,0:04:46.280
«Ne atentu, ke vi nun estas tia. Plej gravas [br]akiri fortojn ĝis unua vintro», kuraĝigis min paĉjo.

0:04:50.720,0:04:59.420
Mi kreskis, kreskis miaj gefratoj. [br]Ni forkuradis ĉiam pli foren, estiĝis nesingardaj.

0:05:11.490,0:05:16.460
Kaj foje per nia bruo ni vokis malbonon.

0:05:17.260,0:05:21.210
Al ni venis li.

0:05:59.400,0:06:05.680
Paĉjo defendis nin ĝis lasta momento. [br]Sed li estis pli forta.

0:06:06.310,0:06:10.550
Li forprenis ĉiujn.

0:06:22.700,0:06:28.900
Krom la plej malforta kaj malgranda, [br]kiu kaŝiĝis en fora angulo de la ternesto.

0:06:28.900,0:06:32.050
Min.

0:07:17.270,0:07:26.180
LA FLAMA VULPO

0:08:18.360,0:08:24.200
Kaj jen mia unua vintro, [br]pri kiu avertis paĉjo.

0:08:25.120,0:08:31.730
Vintre belas... Kaj ankaŭ malsatas.

0:08:31.730,0:08:36.290
Se vi ne havas rezervojn, [br]al vi estos malfacile.

0:08:36.290,0:08:43.900
Rezervojn mi ne havas... Sed mi estas Vento! [br]En mi fluas sango de la plej forta kaj kuraĝa vulpo.

0:08:44.510,0:08:49.270
Nenian vintron mi timas.

0:09:20.480,0:09:27.020
Mi ne povas spiri! Nenion mi aŭdas! [br]Malvarmegas! Kaj timigas!

0:09:31.120,0:09:38.130
Kion paĉjo farus sur mia loko? [br]Enirus la terneston, transatendis la ŝtormon tie!

0:09:38.780,0:09:45.660
Kaj se neĝo ŝtopos la elirejon? [br]Se mi iĝos ŝlosita subtere?

0:09:46.680,0:09:51.000
Restos ĉi tie por ĉiam?

0:10:55.240,0:11:02.770
La ŝtormo finiĝis same neatendite, kiel ĝi [br]komenciĝis. Estis neniu, kiu travivis ĝin.

0:11:03.800,0:11:08.000
Ĉu mi sola restis sur la tero?

0:11:09.370,0:11:13.300
Momenton! Tio ne estas miaj spuroj.

0:11:14.140,0:11:20.690
Mi sekvis ilin kaj ekvidis tion, [br]de kio mia spiro haltis.

0:11:26.860,0:11:31.560
La plej rufa en la tuta mondo,

0:11:32.010,0:11:38.010
kun la plej pufa vosto [br]kaj fajnaj akropintaj oreloj.

0:11:48.520,0:11:53.620
Kaj turno de ŝia kapo... Ŝia rigardo...

0:11:54.140,0:11:57.880
Ŝi kvazaŭ vokis min.

0:12:28.610,0:12:32.720
Kaj mi ekiris al ŝi.

0:12:39.140,0:12:42.410
Kaj ŝi ankaŭ ekiris al mi!

0:12:42.410,0:12:50.780
Mi ne povis kredi mian feliĉon. Ĉio estis kiel [br]en fabelo. Mi pretis meti ĉion al ŝiaj piedoj. Sed...

0:13:04.780,0:13:10.870
Sed tiutage mi ricevis batojn sur la orelojn, [br]sur la flankojn, kaj sur la muzelon.

0:13:11.640,0:13:17.460
Kio mi nun estas por ŝi? [br]Fremdulo, kiu transpasis la limon.

0:13:17.460,0:13:22.270
Defendo de teritorio pli gravas [br]ol ajnaj sentoj, mi ne oponas.

0:13:22.270,0:13:26.650
Sed mi farus al ŝi nenion malbonan.

0:13:30.260,0:13:33.620
Ŝi nomiĝis Lafo.

0:13:33.620,0:13:37.810
Rufa fajro sur blanka neĝo.

0:13:39.130,0:13:46.040
Lafo ekbruligis en mia koro ion, [br]kio ne ebligis halti.

0:13:50.130,0:13:55.130
Ŝiaj okuloj... Ŝia hararo...

0:13:55.620,0:13:59.840
Flamo de ŝia bildo brulegis interne [br]kaj ne estingiĝis.

0:13:59.840,0:14:05.890
Kaj tuta oceano ne povus malvarmigi min [br]en ĉi tiu neforgesebla tago.

0:14:37.360,0:14:42.100
Blankaj glacipecoj en ŝaŭmaj ondoj — [br]jen mia vivo.

0:14:42.780,0:14:50.530
Ĝi impetas ien kaj ne trovas lokon por resti. [br]Eble, almenaŭ ĉi-okaze al mi bonŝancos?

0:14:50.750,0:14:55.880
Sed kiel degeligi la malvarman koron de Lafo?

0:15:21.200,0:15:25.490
Decidite. Mi iros al ŝi kaj pardonpetos.

0:15:25.490,0:15:32.830
Mi venos nokte sen averto kaj petos pardonon [br]pro mia unua vizito malsukcesa.

0:15:44.080,0:15:49.120
Lafo, ĉu vi estas hejme? [br]Mi venis por pardonpeti.

0:15:51.030,0:15:54.300
Pardonu... Lafo!

0:17:02.910,0:17:09.530
Mi mem kulpas. Bonan tempon mi trovis — [br]dum nokto veni rekte al la ternesto!

0:17:09.530,0:17:16.210
Ja almenaŭ maldecas veni al damo [br]meze de nokto! Ŝi povis ektimi.

0:17:17.270,0:17:23.930
Mi necesas ion por konkeri ŝian koron.

0:17:28.920,0:17:33.690
Vento bezonas heroaĵon.

0:17:36.990,0:17:44.090
Maragloj! Unu tia rabobirdo [br]povas disŝiri plej fortan vulpon.

0:17:46.930,0:17:52.120
Sed heroaĵo ja ne estas alporti muson en dentoj.

0:18:34.760,0:18:40.160
Mi decidiĝu. Nun — aŭ neniam.

0:19:32.340,0:19:39.060
Uf! Mi apenaŭ fuĝis! [br]Ĉu efektive mi volis kapti maraglon?

0:19:39.060,0:19:46.580
Probable, ili pensis, ke mi estas freneza, [br]kaj decidis ne havi aferon kun mi. Bonŝancis...

0:19:47.810,0:19:53.180
Ŝi vidis ĉion! [br]Verŝajne, mi ridindas en ŝiaj okuloj.

0:19:53.180,0:19:57.380
Aŭ mi denove estos batita...

0:20:01.640,0:20:08.300
Kaj tiam ŝi kriis al mi — al mi! — [br]ke mi estas kuraĝa!

0:20:45.650,0:20:52.740
Kurte, ni decidis loĝi kune. [br]Kaj ŝi ne plu forpelis min.

0:21:15.910,0:21:22.690
Vintraj tagoj sekvis unu la alian. [br]Mi ĝuis ĉiun minuton apud mia amatino.

0:21:24.460,0:21:29.400
Mi forgesis, ke en la mondo povas esti io krom ŝi.

0:22:12.480,0:22:21.330
Vintro estas tempo malfacila, [br]sed trankvila. Kaj printempe vekiĝas ili...

0:22:22.600,0:22:27.650
Malsataj kaj ferocaj.

0:22:51.480,0:22:59.250
Li forprenis la vivojn de miaj gepatroj kaj gefratoj, [br]kaj nun li venis por preni mian familion.

0:23:07.890,0:23:13.130
Li flaras min, scias, ke mi estas ie ĉi tie.

0:23:14.320,0:23:21.160
Sed nia ternesto profundas. Ĝi havas multe da [br]toneloj kaj anguloj, kien ursa manego ne atingos.

0:23:29.490,0:23:36.800
Ni sidas senbrue, ĝis li foriros. Kiom ajn forta [br]estus malsato, la urso ne povos fosi senfine.

0:24:13.600,0:24:18.620
Ĉu li foriris aŭ ne? [br]Necesas eliri kaj kontroli.

0:24:18.620,0:24:21.920
Lafo ne vidu mian timon.

0:24:27.080,0:24:33.050
Ĉi-foje al ni bonŝancis. [br]La urso decidis ne elspezi fortojn por ni.

0:24:33.700,0:24:40.680
Li iris en specialan lokon fore [br]en la montaro — malantaŭ tiu vulkano.

0:24:41.410,0:24:46.050
Oni iras al ĝi tutan tagon aŭ eĉ pli.

0:26:18.970,0:26:26.990
Valo de gejseroj estas miraklo de la naturo. [br]Tuta tero kvazaŭ bolas tie.

0:26:29.560,0:26:37.250
Kiam ĉi tie kuŝas dika neĝtavolo, [br]tie, supre, jam kreskas nova bongusta herbo.

0:26:38.490,0:26:46.250
Pro la subtera varmego printempo tie okazas multe[br]pli frue, kaj en ĉi tiuj lokoj ĉiam troveblas io por gustumi.

0:27:11.690,0:27:17.410
Sed ni, vulpoj, malofte venas tien. [br]Ĉi loko estas tro alte en la montaro.

0:27:17.640,0:27:22.400
Krome, dum primtempo tie kolektiĝas ursoj.

0:27:22.660,0:27:26.930
Li jam estas tie.

0:27:35.240,0:27:40.880
Ursinoj kun idoj ankaŭ iras tien.

0:28:11.660,0:28:17.010
Kaj kial la urso estas sola? [br]Kie estas lia familio?

0:28:17.560,0:28:22.280
Li ne konas ĉi tiun vorton.

0:28:56.010,0:29:02.260
Kiam ursidoj naskiĝas, [br]tio estas granda ĝojo por ilia panjo.

0:29:02.260,0:29:10.530
Kaj ĉefa tasko ŝia estas forkonduki la infanojn kiel [br]eble plej foren de la patro, por ke ili ne renkontiĝu.

0:29:30.410,0:29:35.670
Malsata urso ne distingas [br]inter proksimuloj kaj fremduloj.

0:29:36.440,0:29:42.830
Li atakas ĉiujn, kaj neniu haltigos lin.

0:32:37.790,0:32:42.660
Kaj ni havas novaĵojn. [br]Mi estiĝis paĉjo!

0:32:46.090,0:32:52.620
Nun mi havas infanojn. [br]Kiu povus pensi? Mi estas paĉjo!

0:32:54.620,0:32:59.700
Mi estas paĉjo! [br]Lafo, ĉu vi aŭdas? Mi estas paĉjo!

0:33:04.840,0:33:09.300
Kaj tio signifas, ke vi estas panjo. [br]Ĉu vi imagas?

0:33:11.780,0:33:18.100
Ho, kia bonega vi estas! [br]Kia belulino! Kia brava panjo!

0:33:19.450,0:33:24.880
Infanoj... Mi tuj instruu ĉion al ili. [br]Kiaj do ĉarmaj ili estas!

0:33:24.880,0:33:31.760
De kio komenci? Ĉu batali kontraŭ maragloj? Ĉu kolekti [br]bukedon da musoj? Ne, tio ankoraŭ trofruas por ili.

0:33:31.760,0:33:36.280
Aj, mi ne scias, de kio komenci!

0:34:19.220,0:34:26.510
Infanoj... Sukcesu mi gardi vin [br]de ĉiuj danĝeroj en la mondo.

0:34:26.990,0:34:34.040
Mi jen emas plori pro kortuŝeco, jen [br]sufokiĝas pro alfluinta sento de respondeco.

0:34:34.530,0:34:40.000
Mi instruu al ili ĉion, [br]kiel iam paĉjo instruis min.

0:34:40.360,0:34:44.380
Ĉu mi sukcesos?

0:34:49.080,0:34:54.360
Mi vidas la vulpidojn [br]kaj rememoras min malgranda.

0:34:54.360,0:35:00.460
Mi rigardis paĉjon same kiel [br]ili nun rigardas min. Du miaj vulpidoj...

0:35:01.090,0:35:05.460
Momenton! Ĉu ses? Ja estis du!

0:35:05.460,0:35:11.140
Kion mi faru kun ili? [br]Mi tiom junas ankoraŭ!

0:35:12.400,0:35:19.970
Lafo! [br]Lafo, ĉu do ni estas nun multinfana familio?

0:35:22.800,0:35:27.520
Ni estas multinfana familio!

0:36:40.120,0:36:46.030
Por nutri ĉiujn necesas multe da penoj. [br]Paĉjo iras por labori!

0:36:46.030,0:36:51.690
Ankaŭ panjo serĉas nutraĵon. [br]Nu, ne gravas — ni estas spertaj ĉasistoj:

0:36:51.690,0:36:56.180
ĉi tie kaptis muson, tie trovis fiŝon...

0:36:57.300,0:37:01.900
Ho! Kaj tie estas io bongusta!

0:37:05.680,0:37:10.790
Urso... Urso! Tie estas urso!

0:37:14.210,0:37:19.040
Mi fuĝis... [br]La urso eĉ ne rimarkis min.

0:37:19.040,0:37:26.290
Espereble, neniu vidis kiel mi ektimis. [br]Kion pensus la infanoj?

0:37:29.380,0:37:35.170
Dum mi kuraĝe forkuris de la urso, [br]Lafo alportis muson al la etuloj.

0:37:35.560,0:37:39.090
Kiel ŝi sukcesas fari ĉion?

0:37:39.360,0:37:46.500
Lafo zorgas pri ses infanoj [br]kaj aspektas fascine! Nekredeblas!

0:37:46.860,0:37:51.410
Kaj ŝi elektis min...

0:38:08.960,0:38:16.980
Ankoraŭ ŝi plejparte zorgas pri la infanoj. Tamen [br]jam tre baldaŭ ili kreskos, kaj mi instruos ilin ĉasi.

0:38:16.980,0:38:21.650
Lafo, vi povas kalkuli je mi!

0:38:52.960,0:39:00.300
Nun ni batvundas la piedojn kaj trakuras [br]dekojn da kilometroj tage en serĉo de musoj.

0:39:01.810,0:39:07.410
Sed baldaŭ ekos festeno por ĉiuj.

0:39:08.840,0:39:14.290
La plej bongusta fiŝo en la mondo — [br]salmo — estis proksime.

0:39:14.930,0:39:22.280
Salmoj iris al enfluejoj de riveroj. Malsataj ursoj [br]atendis ilin rekte en oceanaj ondoj.

0:39:57.340,0:40:04.780
Ne, tio ne estas fiŝoj. Tio estas balenoj. [br]Ne eblas kapti ilin.

0:40:30.530,0:40:34.330
Kaj tio ĉi estas fiŝoj.

0:40:57.400,0:41:02.760
Tre baldaŭ salmoj leviĝos [br]el la oceano en riverojn por fraji.

0:41:02.760,0:41:07.310
Mi volus diri: «Tiam ankaŭ ni ĉasos».

0:41:07.310,0:41:14.210
En la realo — sed al neniu rakontu tion — [br]vulpoj ne estas tiaj sukcesaj fiŝkaptistoj kiel ursoj.

0:41:14.480,0:41:19.170
Kapti vivan fiŝon scipovas nur supervulpoj.

0:41:19.170,0:41:27.030
En nia familio tion faras Lafo. [br]Ŝi estas mia supervulpino.

0:41:52.910,0:41:59.040
Lafo alportas fiŝon por la infanoj [br]kaj ĉiufoje okazas same:

0:41:59.040,0:42:04.930
iu batalas kaj iu observas la batalon.

0:42:05.980,0:42:10.650
Kaj nur Lia Moŝto scias, kion fari.

0:42:10.650,0:42:16.290
Ni nomis lin Princo, ĉar liaj postuloj [br]al la mondo estas vere reĝaj!

0:42:16.290,0:42:21.290
Ĉiam li volas ricevi ĉion plej bonan [br]kaj preferinde unua.

0:42:21.290,0:42:25.400
Dum vi batalas, Princo sola manĝos ĉion.

0:42:25.400,0:42:32.530
Kaj se ne manĝos, do kaŝos tiel, [br]ke poste li mem ne trovos. Tia vulpido!

0:42:32.890,0:42:38.570
Kaj kiel do oni nutru la familion [br]en tiaj kondiĉoj?

0:43:11.370,0:43:16.000
Divenu, kiu alkuris unua.

0:43:17.820,0:43:25.620
Estas nur unu metodo por ke ĉiuj manĝu — [br]teni Princon je la kruro, kvazaŭ bebon.

0:43:51.030,0:43:55.760
Li, stultulineto, pensas, ke li estas granda, [br]kaj li pretas tion pruvi.

0:43:55.760,0:44:03.080
Princo kaŝe foriris al sia unua ĉasado — [br]li ĉasis burdojn.

0:45:07.130,0:45:13.160
Foje mi grumblas al li, sed profunde [br]de la animo mi fieras pli li.

0:45:13.160,0:45:19.280
Finfine, li ne kulpas, ke li montriĝis [br]plej rapida, plej forta kaj lerta.

0:45:19.280,0:45:23.430
Kaj plej senprudenta...

0:46:15.580,0:46:22.860
Komence ni ne malkvietiĝis. [br]Lafo ekis maltrankvili, kiam venis krepusko.

0:46:28.400,0:46:35.840
Malgranda vulpido en vastega tundro. Sola. [br]Facila predo por ĉiu ajn...

0:47:05.050,0:47:11.160
Lafo restis kun la infanoj, [br]kaj mi kuris por serĉi Princon.

0:47:16.660,0:47:20.600
Filo! Filo, kie estas vi?

0:47:21.100,0:47:25.650
Mi tutan nokton serĉis lin, [br]ne haltis eĉ por sekundo.

0:47:25.650,0:47:31.160
Mi trovu lin antaŭ iu alia faros tion.

0:47:50.890,0:47:59.240
Odoro de lupo... Mi forpelu la solan skolton [br]antaŭ ĉi tie aperos senkompata luparo.

0:48:07.490,0:48:14.060
Se vi volas rapide trovi iun en tundro, [br]rigardu supren.

0:48:17.680,0:48:24.060
Rabobirdoj vidas ĉion [br]kaj rimarkas predon unuaj.

0:48:33.020,0:48:37.940
Ne timu, etulo. Plej grave — ne moviĝu.

0:48:38.920,0:48:43.260
Ne forkuru. Nur senmoviĝu!

0:49:09.930,0:49:18.840
Kiam mi forpelis la lupon, Princo diris: [br]«Paĉjo, mi ne timis. Ja vi estis apude».

0:49:25.920,0:49:32.260
Kaj tio estas la plej bonaj vortoj, [br]kiujn patro povas aŭdi de sia filo.

0:49:48.990,0:49:55.330
Kiel ĉiuj ekĝojis, kiam ni revenis bonorde.

0:50:55.300,0:51:00.980
Nur Lafo riproĉis min pro tio, [br]ke mi sola atakis la lupon.

0:51:01.490,0:51:08.120
Sed ŝiaj okuloj estis plenaj da danko [br]pro la savita filo.

0:51:20.690,0:51:27.360
Mia familio... [br]Mi povas defendi vin de ĉio en la mondo.

0:52:45.700,0:52:51.790
Kaj poste li venis denove.

0:52:52.660,0:52:59.860
Ni rimarkis la urson, kiam li venis [br]jam tro proksimen. Peza spirado...

0:53:00.060,0:53:05.750
Kaj la odoro, kiun mi konfuzos kun neniu alia.

0:53:05.750,0:53:11.970
Sed nun mi ne kaŝiĝos en terneston. [br]Mi savos la familion.

0:53:12.650,0:53:19.000
Mi komprenis, ke mi devas defendi la familianojn, [br]kiel tion faris paĉjo. Mi devas deturni la monstron al mi,

0:53:19.000,0:53:26.500
forkonduki lin de la ternesto, igi lin postkuri min [br]kaj poste trovi rifuĝejon, kaj ĉiuj estos savitaj.

0:53:28.720,0:53:32.980
Mi impetis for. [br]Lafo kun la infanoj restis malantaŭe.

0:53:32.980,0:53:37.850
Mi kuris, sed la timo el la pasinteco [br]rapide atingis min,

0:53:37.850,0:53:44.260
kaj mi jam ne plu povis distingi, [br]ĉu mi savas la familion aŭ saviĝas mem.

0:54:49.290,0:54:56.120
Mi kuris senhalte ĝis mi falis teren sen fortoj. [br]Kaj la urso?

0:54:57.280,0:55:02.530
Li restis apud la ternesto...

0:55:18.580,0:55:23.500
Vento, Vento... Kion do vi faris?

0:55:23.790,0:55:30.720
Lafo! Infanoj! Ne, mi petegas, ne! [br]Kie estas vi?

0:55:31.340,0:55:37.010
Iu ajn! Almenaŭ iu ajn!

0:56:22.440,0:56:31.490
Foje tio jam okazis. Spuroj de urso, lia odoro — [br]kaj malplena ternesto.

0:56:33.950,0:56:40.380
Oni diras, ke fulmo [br]ne trafas saman lokon dufoje.

0:56:40.870,0:56:46.420
Eĉ ĝi havas pli da kompato al ĉio viva.

0:56:47.970,0:56:52.840
Dufoje mi perdis ĉiujn proksimulojn.

0:56:52.840,0:56:58.610
Sed tiam mi estis malgranda [br]kaj ne povis defendi min.

0:56:59.200,0:57:07.040
Kien malaperis mia patra instinkto? [br]Kial ĝi ne ordonis al mi resti kaj batali?

0:57:08.050,0:57:15.100
En mi denove vekiĝis eta tremanta vulpido...

0:58:04.890,0:58:12.500
Mi decidis resti sur ĉi tiu loko, [br]kuŝi apud la ternesto kaj morti.

0:58:16.120,0:58:21.560
Tamen subite mi eksentis ies varmon.

0:58:23.220,0:58:27.080
Tio estis ŝi, Lafo!

0:58:27.080,0:58:33.930
Ŝi malsekiĝis ĝis lasta hareto, [br]ŝi estis timigita, sed viva!

0:58:45.040,0:58:49.980
«Mi pensis, ke mi perdis vin!»

0:58:53.680,0:59:01.640
«La infanoj estas sekuraj, mi ankaŭ. [br]Sed tio ne plu rilatas vin», respondis ŝi.

0:59:16.210,0:59:22.150
Ŝi forkondukis la urson de la ternesto! [br]Kia feliĉo!

0:59:22.690,0:59:29.700
Sed en ĉi tiu feliĉo ne estas loko por malkuraĝulo, [br]kiu ne povis defendi sian familion.

0:59:35.340,0:59:42.140
Mi devas foriri... [br]Sed kiel oni povas foriri de sia amo?

1:00:28.630,1:00:35.410
Mi faris eraron kaj ne komprenis, [br]kiel korekti ĝin.

1:00:41.520,1:00:48.720
Mi elpensis pretekstojn por esti [br]pli proksime al ili. Mi lernis fiŝkapti.

1:00:50.690,1:00:56.330
Sed ĉu sufiĉas alporti fiŝon post tio, kio okazis?

1:01:21.560,1:01:28.690
Lafo eĉ ne rigardis min. [br]«Lasu tion kaj iru kun mi», ŝi diris al Princo,

1:01:28.690,1:01:33.450
kaj gvidis lin al ĉasado.

1:01:39.640,1:01:46.640
Ŝi instruas la infanojn trovi nutraĵon. [br]Tio estu mia laboro.

1:01:47.210,1:01:54.280
Sed mi ne plu ekzistas por ili. [br]Ili bonege faras ĉion sen mi.

1:02:33.550,1:02:38.860
La infanoj kreskis antaŭ miaj okuloj, [br]tamen sen mia partopreno.

1:02:38.860,1:02:46.400
Mi sekvis ilin kiel ombro, ĉiam estis apude. [br]Sed neniu bezonis tion.

1:03:04.580,1:03:10.580
Adoleskantoj... [br]Ili vidis, kiel ŝanĝiĝis panja rilato al mi,

1:03:10.580,1:03:17.470
kaj decidis sekvi ĝin. Mi volis helpi ilin [br]en preparado al memstara vivo,

1:03:17.470,1:03:24.760
kiu ekos jam venontan aŭtunon. [br]Sed ili nur bruskis.

1:03:25.610,1:03:30.880
Mi estiĝis malplena loko por ili.

1:06:02.410,1:06:10.740
Li venis denove. [br]Sed nun bolanta furiozo subpremis mian timon.

1:06:10.740,1:06:15.930
Pereu mi, sed mi ne ebligos tuŝi mian familion.

1:06:15.930,1:06:22.050
Mi ne plu estas tiu, kiu tremas pro timo [br]en la plej fora angulo de profunda ternesto.

1:06:22.050,1:06:27.750
Mi estas filo de mia patro. [br]Mi mem estas patro!

1:06:35.120,1:06:40.520
Mi estas Vento, flama vulpo!

1:07:30.680,1:07:35.890
Timo estas forta. [br]Ĝi povas malklarigi la menson.

1:07:35.890,1:07:41.460
Furiozo estas forta. [br]Ĝi povas ŝteli la animon.

1:07:41.810,1:07:50.450
Sed amo estas pli forta ol ili. [br]Ĝi donacas pardonon kaj donas duan ŝancon.

1:08:24.860,1:08:32.120
Miaj vulpidoj baldaŭ devos [br]fariĝi memstaraj kaj trovi sin.

1:08:50.320,1:08:56.940
Ili jam tute plenkreskis. [br]Baldaŭ ekos ilia unua vojaĝo.

1:08:57.470,1:09:04.890
Kia montriĝos ilia navigado en ĉi tiu [br]mirinda oceano da vivo, nomata Kamĉatko?

1:09:04.890,1:09:09.160
La tempo montros.

1:10:36.900,1:10:42.320
Infanoj lernas ne de vortoj, [br]sed de niaj agoj. Tio veras.

1:10:42.320,1:10:47.180
Princon tiel inspiris la heroaĵoj [br]de liaj gepatroj, kiuj forpelis la ursojn,

1:10:47.180,1:10:52.760
ke li ekpensis, kiel li mem distingiĝu. [br]Li tiel tedis ursojn,

1:10:52.760,1:10:58.090
ke ili, kompatindaj, [br]eĉ ne povis fiŝkapti trankvile.

1:12:50.530,1:12:57.890
Princo ekis danĝerajn ludojn kun tiuj, [br]kun kiuj oni ne ludu — ursoj.

1:14:12.970,1:14:19.570
Por la juna vulpo venis tempo ekscii, [br]kial oni ne konfuzu kuraĝon kaj senprudenton.

1:14:19.570,1:14:26.450
Miaj gepatroj pereis, savante sian familion [br]de la urso. Kaj por kio riskas vi, Princo?

1:14:26.450,1:14:30.700
Esti kuraĝa ne signifas serĉi danĝerojn.

1:14:30.700,1:14:38.770
Pro timo oni povas perdi la plej valoran, tamen [br]senprudenta risko estas kialo de stultaj perdoj!

1:14:53.860,1:14:59.850
Tamen... [br]Foje senprudenta risko helpas konkeri amon.

1:14:59.850,1:15:04.590
Sed nun mi parolas ne pri tio.

1:15:17.130,1:15:25.010
La somero foriris de sur la montopintoj, [br]malsupreniĝis ĉiam pli malalten al la oceano.

1:15:36.490,1:15:43.620
Tio estis lastaj tagoj, kiam eblis [br]ne maltrankvili pro nutraĵo. Ĝi estis ĉie.

1:15:43.620,1:15:49.830
Junaj gevulpoj tutajn tagojn kolektadis [br]la rikolton de beroj kaj pinaj semoj.

1:15:49.830,1:15:55.860
Ja plej gravas akiri fortojn ĝis unua vintro.

1:17:47.780,1:17:54.020
Sed jen ili foriris. [br]Ili fosas ternestojn, ankoraŭ malplenajn.

1:17:54.020,1:17:59.930
Kaj unu tagon ankaŭ en ili [br]eksonos voĉoj de vulpidoj.

1:18:02.900,1:18:08.050
Mi esperas, la gefiloj memoras, [br]ke ternestojn oni faru longaj,

1:18:08.050,1:18:14.430
por ke neniu ursa manego [br]povu atingi tiujn, kiujn ili amas.

1:18:18.850,1:18:25.570
Kaj ke iliaj novaj hejmoj estu plenaj da amo.

1:19:57.700,1:20:03.650
Oni diras, ke loko, kie vi naskiĝis, [br]influas vian sorton.

1:20:04.370,1:20:10.700
Estis Kamĉatko, kiu donis al mi [br]fortojn kaj kuraĝon.

1:20:14.000,1:20:20.420
Ĝi instruis ami kaj admiri belon.

1:20:24.210,1:20:27.130
Mia fajra tero.

1:20:27.130,1:20:34.650
Mia hejmo kun puraj riveroj, [br]travidebla aero kaj senfinaj vastaĵoj.

1:20:35.440,1:20:44.390
Kaj mi estas nur unu el la formoj, kiujn [br]portempe prenis la eterna energio de la fajra lando.

1:20:45.140,1:20:53.920
Ne eblas perei, se vi estas eterna. [br]Ne eblas perdi esperon, se en vi vivas harmonio.

1:21:02.720,1:21:10.650
Ne eblas ne gardi la naturon, [br]se la naturo estas vi mem.

1:21:35.390,1:21:41.980
La historio de Vento kaj lia familio estis filmita sur [br]la teritorio de natura rezervejo «Kronockij» en Kamĉatko.

1:21:41.980,1:21:49.140
Nur en tiaj lokoj ankoraŭ eblas [br]vera vivo de animaloj en la natura medio.