(MAKAPABAYAW NGA TUKAR) BATANG LALAKI: (NAGASINGGIT) Basaha ninyong tanan kini! Basaha ninyong tanan mahitungod sa pagbalik ni Cristo! Basaha ninyong tanan kini! Gusto ko motan-aw didto ibabaw nianang mga dampuga. BABAYE: Puhon dili na gyud dugay. Puhon kitang tanan. BATANG LALAKI: (NAGASINGGIT) Basaha tanan mahitungod sa pagbalik ni Cristo! Ayaw baya kalimti inyong basahon! Basaha baya ninyong tanan kini! TAWO: Mokuha akong usa kopya, dong. Diay, nangitag intriga ang katawhan sa balita sa pagbalik sa Ginoo? Ganahan mamati anga mga tawo sa kataposan sa kalibutan, sir. (MGA LUNGSORANON NAGAKUTAB-KUTAB SA DUOL) (MGA SENSIYO NAGATAGINGTING) BATANG LALAKI: Basaha ninyong tanan kini! Basaha ninyong tanan mahitungod sa pagbalik ni Cristo! (PAGBUTO-BUTO SA KANYON UG MGA LANOG SA BUTO-BUTO) TAWO: (GASINGGIT) Capitan Miller, sir?! TAWO: (NAGASINGGIT) Wala! Wala na! (BUTO-BUTO UG PAGSINGGIT-SINGGIT NAGAPADAYON) TAWO: Capitan, wala na kitay mga bala! Capitan?! Capitan?! Capitan Miller?! (GAHINGAL) (GAGINHAWA PASPAS) (GAHINGAL) (GABASA) "Apan giunsa pagpangisip ang usa ka Dios nga maayo uyamut, "Nga nagatigum sa pagdapig sa mga anak nga iyang ginahigugma, "Pero nagakatagkatag og kadaot? "Usa ka Dios mingnaug aron ituboy ang atong nahugnong kaliwatan - "Giduaw Niya ang yuta wala kini usba." (BABOY GAUTNGA) Nangayo ang mga bata kanimo. Hatagan ba nimo sila og ubay-ubay nga tinapay nga may palaman ug keso? Oo, pinangga ko. (NANGHUPAW) Ug unsay imong gihunahuna karon, Mister Miller? Si Voltaire. Nagtuo si Voltaire nga adunay kinatas-ang gahum. Apan wala niya dawata nga ang Dios nagpakabana personal kanato. Ako...nabuhi sa gubat didto sa Plasttsburgh, Lucy ug ... ..Buot ko masayod kon ngano. Ug unya ang mga pulong ni Voltaire wala makahatag og tubag? (DILI KLARO NGA PAGKUTAB-KUTAB) Ang Dios mingnaug sa gubatanan aron... manghilabot sa mga kinabuhi sa katawhan? Supak kini sa pangatarongan, William. Dili kini makataronganon. Kon unta nakita mo pa ang mga bala ug dugo niadtong adlawa, Mabal-an unta nimo ang bugtong saysay sa among kadaugan nga maoy daw usa ka matang sa diosnong panginlabut. Ug kumusta man ang mga tawo ug mga bata nga nangamatay sa imong palibot? Kamot ba sa Dios ang nagbutang kanila sa lubnganan? Wala akoy tubag alang niana, Abner. Basta patay na unta ko ug ania buhi pa. Tingali ang Biblia adunay tubag. Pamati, Mr Miller. Ang Biblia maoy karaang sugilanon. Wala kay pamatuod sa kabalido niini. WILLIAM: Ikaw usab walay pamatuod sa sukwahi. Ang duha nanginahanglan og pagtoo. Sa tinuod, angayan ang tagsatagsa tagdon. Nan, karon usa ka karaang basahon maoy imong awtoridad sa tanang butang? Mahimong kini lamang ang aduna sa gipangita kong mga tubag. Buyno, sultihan ko ikaw kon unsay akong makaplagan. Tagay pa. William... Kumusta. Nanginahanglan kamig ministro alang sa serbisyo karon... (WALAY KLARO NGA PAGSULTIHANAY NAGAPADAYON) (ORGAN SA SIMBAHAN NAGATUKAR) Si Abner nagmasakiton. - Oh. - Mao nga, gi... Gihangyo ako nila sa pagbasa sa wali. Ug ang imong tubag...? Mao ni'y dangatan kon makigsulti ka atubangan sa Inahan. Giingnan ko siya nga basahon nako sa sunod ang wali kung wala si Elihu. Basi...iyang giingnan ang usa sa mga tigulang. "Sa pagkatinuod, tanang panudlo sa ginikanan, gawas kon ipanudlo pinaagi sa pagkahimong sumbanan, "magapadayag dili lamang sa mga gitudlong kamatuoran, "apan sa ginikanan mismo..." "Daghang pa ang nagmagahi, "walay hunahuna sa Dios nga naglalang kanila ug kang Jesus nga nasamaran aron maluwas sila." (TAWO GAUBO-UBO) "Ayaw palimbong, hinigugmang ginikanan. "Kon bansayon nimo ang imong kabataan diha sa dalan nga angay nilang pagalaktan, "kinahanglan ikaw dili lamang igo sa pagtudlo, "apan ang imong binuhatan kinahanglan mahi... "..mahi... "..ang imong binuhatan kinahanglan mahiuyon sa tawag sa Dios sa imong kasingkasing." (HINAGAWHAW NGA PAGBAGULBOL) (GABASA) "Kay gihigugma sa Dios ang kalibutan, "nga gihatag niya ang iyang bugtong Anak, "nga bisan kinsa nga motuo Kaniya dili malaglag, "kondili makabaton sa kinabuhing dayon." "Gihigugma ko ikaw sa gugma nga walay kataposan, "busa sa mahigugmaong..." "Ako mao ang Ginoo, nga imong Dios, imong Manluluwas..." "Kay si Cristo sa makausa gihalad aron magpas-an sa kasal-anan sa kadaghanan, "ug kanila nga nagatutok Kaniya magapakita Siya sa ikaduhang higayon..." "Ug kon Ako moadto, mobalik Ako pag-usab." Bata... Unsa kana? Gamayng langgam patay na. Oh... Bata kong paraygon. Didto, didto. Wala na unyay problema. Dili. Dili uy. Tara. Atong papahulayon kining maaghop nga binuhat. Papa... ..Dili ko ganahan mamatay. Oh, akong mahal. Mmm. Mabuhi ka pa sa daghan, daghang katuigan. Apan... ..matag usa kanato kinahanglan usa ka adlaw moagi ning kalibutana. Di ka ba mahadlok niana? Dili. Dili na. Kay hingkaplagan ko si Jesus nga higala. [Duha Ka Tuig Ang Milabay - 1818] - “Agosto 16, 1818. "Karon, human sa duha ka tuig nga pagtuon, "Igo na kanako nga daghan sa mga saad sa tagna diha sa Biblia "Nangatuman na. "Unya, kinahanglan matingala ako, "nganong dili ang saad sa Iyang Ikaduhang Pagbalik?" LUCY: Balik sa panan-awon ni Daniel, matingala ba kita? Buyno, kusga, aron makabati ang tibuok panimalay. "Unya nadungog ko ang usa ka balaan nga nagaingon... .."'Hangtud anus-a ang panan-awon “'mahatungod sa balaanong puloy-anan ug sa panon nga pagayatakan ilalum sa tiil?' “Ug siya miingon kanako, “'Hangtud sa 2,300 ka mga adlaw - “'unya ang sanctuaryo pagalinisan'.” Hmm, hataas kana nga panahon sa paghulat sa adlaw ni Daniel. Labaw pa niana, para nako. Ang sanctuaryo dinhi nagatumbok sa yuta... ..ug... Ang sanctuaryo nagatumbok sa yuta ug ang paghinlo mao gyud...ang paghinlo sa yuta human sa Ikaduhang Pagbalik ni Cristo. Kon ang usa ka adlaw nagakahulogan og usa ka tuig... William, unsa kana? Si Cristo mobalik na. Ang mahimayaong pagpadayag, oo. Puhon. Atong bulahang paglaum. Lucy, wala nimo masabti. Kon... ..matag adlaw sa Daniel maoy usa ka tuig, ug...unya ang 2,300 ka adlaw mamahimong 2,300 ka mga tuig hangtud sa Ikaduhang Pagbalik ni Cristo, ug kini nagasugod niadtong 457 BC, ingon sa gitumbok sa Daniel 9, ug gikompirmar sa mga magsasaysay, unya kana magahatud kanato sa.. ..1843. Mobalik na si Cristo. Ang Manluluwas ko sa Plattsburgh moabot na. 1843. (ORASAN GABAGTING) (ORASAN GATAGIKTIK) William? William, hinigugma ko? - (GAAGULO) - Tulog na. (GAPANGAGHO) Ang Biblia nagahupot sa tubag sa panahon sa pagbalik sa atong Manluluwas. Ang Pulong sa Dios milungtad ning daghang kasiglohan. Kini sa gihapon magapabilin sa buntag. Makatuo kaha ka unsay gipakita sa Ginoo kanato? Tinuod. Dili na gayud ako magaduhaduha sa kamatud-anon sa Kasulatan pag-usab. "Ang Imong pulong maoy lamparahan sa akong mga tiil "ug kahayag sa akong agianan." (KABAYO GKABAHIHI UG GAHAGUROK) TAWO: Kuana... LUCY: Unsay ilang nabungkad? Di ko siguro. Bisan unsa pa kana, dili kana mairog. LUCY: Mm. Ang yuta gahi ingon ka gahi sa tawo nga nanag-iya sa titulo. Lucy... Gisaysayan ko na ikaw sa akong baruganan. Ang mga Baptis, ang mga Metodis, ang mga Presbeter, silang tanan nanagtuo nga si Cristo mobalik sa kataposan sa milenyo gitagna diha sa Pinadayag. Ingon sa...makahimo kita sulod sa 1,000 ka tuig sa kalinaw sa atong kaugalingon! (GAPANGHUPAW) Kon kining pagtuon sa daghang mga tuig sa Biblia nagpadayag kanako sa bisan unsang butang, kini mao nga si Cristo mobalik aron sa paghinlo sa yuta sa pagsugod sa 1,000 ka tuig, dili sa tumoy niini. Kinahanglan kini moabot lampas pa sa atong panimalay. Kinahanglan sultihan nimo ang uban, William. Wala ako nag-eskwela pagka-ministro. Ni may mihangyo kanako nga mahimong magwawali. Diay ba? (GAPANGAGHO) Lucy... ..Usa ako ka binot nga mag-uuma. Mo-50 na ko. Tiguwang na ako sa pagdawat sa maong hagit. Ug "Unya, unsaon nila pagtawag kaniya nga wala nila tuohi? "Ug unsaon nila pagtuo Kaniya nga wa nila madunggi? "Ug unsaon nila pagpamati nga wala may magwawali?" Maghimo akog pakigsaad sa Dios. Mowali ako kung hangyoon ko. Buyno, imo kanang pagpili. Ikaw ba ang batok o ikaw ba ang daro? Ug unsa ka dugay pa kini hangtud naay moduol kanimo ug manghangyo sa pagpamati sa imong kaalam? (GATOKTOK SA PULTAHAN) LUCY: Dayon. - Irving. - Tiya Lucy. Unsay among ikaalagad ning wala damha nga pagduaw? Ah, ang pastor sa among Iglesia Baptis gibalhin na. Busa, si Mama ug Papa naglaum nga ikaw makasulti puli kaniya ugma. Sila nagtuo nga ikaw makahimo sa pagsaysay sa mga tagna nga imong ginatun-an sa Biblia. WILLIAM: Wala ako nagtuon pagkaministro ni may mohangyo kanako nga magwali. LUCY: Ikaw ba ang bato o ikaw ang daro? Ug unsa ka dugay hangtud may moduol... WILLIAM: Mohimo akog pagkigsaad sa Dios. Mosulti ko kon hangyoon ako. Dili! Ginoo! Dili! Dili ako makawali! Dili ako takus, ni usa ka ako ka magwawali. Hangyoon ko Ikaw, ayaw kini ibutang nga lulan sa akong mga abaga! Pagpadala og lain! (GABAKHO) Apan nakasaad ako Kanimo. Unsaon pa nako pagpamalibad ron? Makasalikway ba ako sa Dios nga sa tinuoray nakapasaylo kanako sa akong mga kalapasan - nga nagluwas kanako gikan sa akong kaugalingon? (GAPANGHUPAW) Dili ako makahimo. Sigon sa atong nabal-an, adunay daghang pamatuod diha sa panan-awon ni Daniel nga ang paghinlo sa sa sanctuaryo maoy simbolo sa pagbalik ni Cristo aron sa paghinlo sa nagaantus natong yuta, nga atong gidaot sa gubat ug gihugawan sa sala. Apan kusgan ang pamatuod nga ang panan-awon ni Daniel nagsugod 457 ka tuig wala pa si Cristo. Karon... ..kuhai'g 457 ang 2,300 ug mabinlan kag 1,843 ka tuig human na si Cristo, sa dihang ang panan-awon matuman na. Ang katibuokan kinahanglan nga diha dapit sa 1843, ang atong Manluluwas, si JesuCristo, mobalik aron sa pagkuha kanato pauli. (GATINGHAB UG GABAGOLBOL) Para nako ang imong bayaw nabuang. Pinalangga kong kahigalaan ug panimalay, andam na ba kamo alang ning daku ug mahinungdanong panghitabo? Andam na ba kamo sa pagbalik ni Jesus? Dinhi... ..dinhi maoy kusgang pamatuod nga ang panahon dili na halayo. Kahinumdum sa karaang kalibutan? Sila naghunahuna nga si Noe usa ka buang, apan miabot ang lunop. Pagmatngon - kalagiw ngadto arka, Pasilong sa matahum nga saad ni JesuCristo, nga nag-ingon, "Mobalik ako pag-usab." ..ug unsay akong isulti karon, Naglaum ako nga makasangpit kita nga mga higala sa usa'g usa. Tungod kay hingkaplagan ko ang abyan diha kang Jesus. (MUSIKA GATUKAR SAPAW SA NAGASULTI) LUCY: Kinahanglan ba gayud mogikan ka pag-usab ugmang adlawa? Oo. Padulong sa Exeter. Hmm. Kanus-a man ikaw mobalik? (GAPANGHUPAW) Putson ko ang balon, apan gusto ko mopahulay ka ug maghinlo sa imong kaugalingon. Matuman. Kuan...nahigawad ka kanako? Ngano gud? Mibuhat ka sa imong tawag. Usahay...nangandoy ko nga lahi lang unta. Puhon, ang atong Manluluwas mobalik na. Daw unsa ka lahi ang bation sa Langit. Kon husto atong pagsabut sa 70 ka semana - [Simbahan sa Exter - 1833] - nga usa ka adlaw nagakahulogan og usa ka tuig - ug ang kabag-an sa Cristianong maghuhubad nagauyon ning puntoha, lakip na ang inilang tawo sa physics, Sir Isaac Newton, unya ang konklusyon dili malikayan. Ang panan-awon sa 2,300 ka tuig sa Daniel matuman dapit sa 1843. Dili. Kita...kita dili makaalagad og duha ka mga agalon. (GABAGOTBOT) Dili... ..dili kita makahigugma ning presente, daotang kalibutan ug, sa susamang panahon, mag-alagad sa Dios. Samtang kita nagabulatik sa atong kaugalingon ingon nga mga matarung - ug sad-an ako sama ni bisan kinsa nga tawo... (MGA TUNOB GASIBOG) ..makat-on kita sa di madugay, sa atong kaulaw nga dayon... .. nga kita mga alaot, kabus ug buta. (SABA NGA MGA PAGYAMYAM) (BAGTINGANAN GATINGOG) TAWO: O, Igsuong Miller? Igsuong Miller! Joshua Himes. Nagpadala akog sulat miaging bulan, nagadapit kanimo sa akong simbahan sa Boston. Ah... Kumusta, Igsuon... Himes. Joshua Himes. Buyno, Ako...Ako nagwali og pagpugong gikan sa ilimnon ug pagwagtang sa kaulipnan, apan wala pa ang akong panon makabatig mensahe ingon sa imo. Kanus-a ka moadto sa Boston? Duha ka semana? Boston? Sige. Himoon natong tulo. (GAKATAWA) Ah, ang maayong Pastor dinhi nahibalo sa akong pagkatawo. Ikaw...buot mo ako paadtoon sa Boston? Chardon Street. Petsa 8. Iwali ang mensahe nga imong giwali dinhi karon. Apan usa lang ako ka mag-uuma. Buyno, mag-uuma nga may mensahe nga kinahanglan madunggan. Maghulat kami sa imong pag-abot sa petsa 8. Kinsa kadtong tawhana? Mao kadto si Joshua V. Himes. Siya maoy usa ka puersa nga nga pakighusayan. Dugay na siyang nagsinggit alang sa temperance ug hapit nag-inusara nga nagtukod sa mga Abolisyonista sa Boston. Nahibalo ka sa iyang simbahan? Oo. Oo. Ang Chardon Street Chapel. Oh! Usa ka maayo nga talan-awon. mga Calvinista ug mga Dunker, mga Magoltanhon ug mga Mag-uuma, mga Quaker sagol ang mga Unitarianhon ug mga maalamong pilosopo - silang tanan midangat aron dakpon ang ilang panahon. Usa kini ka dapit diin ang katawhan moanhi aron mamati, mag-ampo ug ... ..moprotesta. Murag padulong ka sa dakung ciudad, Igsuong Miller. [BOSTON - HUMAN SA 3 KA SEMANA] WILLIAM: Busa, kon kini tanan nangatuman na dili ba usab kita magdahum sa katumanan sa Iyang kinadak-ang saad? Ug, busa, sa konklusyon, Nagatuo ako ang Biblia tataw - Mobalik si Jesus sulod kondili sa upat ka mubo nga mga tuig. (PAGHINGAL UG NAGHINAMHINAM NGA PAGKUTAB) Mas maayo ka pa gani kaysa serbisyo sa buntag, Igsuong Miller! (GAKATAWA) Oo, maayo. Pahuway anay. Ugma, mamalik sila aron mamati pa og dugang. Ang gahum sa imong mensahe dili malimod. Dili kini akong gahum, Joshua, ni akong mensahe. Kamatuoran kini sa Dios, gihatud pinaagi sa usa ka ubos nga magsusulti. Pero daw unsa ka kulbahinam ang mensahe nga nagagula nianang babaa! Si Papa nagaingon nga ikaw nakig-away sa gubat niadtong 1812. Ang bomba mibuto dili kaayo layo gikan nako ngadtos imong inahan. Ako naghunahuna na gayud, nga kadto na maoy akong kataposan. (GASUNDOG-SUNDOG SA PAGBUTO) Oo. Apan sa dihang nahanaw na ang aso, Giluwas ako sa gahum sa mahigugmaong Dios. Nahitabo ba gayud kana? Oh, nahadlok ako, nga ang mansanas matagak dili halayo gikan sa punoan, Pasayloa ang akong anak nga babaye sa iyang pagkadili matinahuron. Ingon kini ka matuod ingon nga nagalingkod ako dinhi atuangan nimo. Ug ang sunod nga kamatuoran nga imong mabatian mao nga matulog na ta. Sige maayong pagkatulog kang Amahang Miller ug sa imong papa. - Maayong pagkatulog. - BATANG BABAYE: Maayong pagkatulog. Unya, nagtuo gyud ka ning doktrina nga imong ginawali? Nawala ako ug karon ako nakaplagan. Kon Siya makaluwas kanako, Joshua, Siya makaluwas ni bisan kinsa. Unya nganong tagoan imong kahayag ilalum sa gantangan sa gagmayng mga sitio? Dili ba ang Baltimore, Rochester, Philadelphia, bisan ang New York - gayud ang 17 milyones nga mga kalag ning Estado Unidos - kinahanglan mapadasig sa susamang paglaum? Ug unsa kaha sa tibuok kalibutan? Nagpangabudlay ko sa nangaging katuigan ug nakita ko daghang kinabig sa kamatuoran sa Dios. Apan... ..Nangitag kog tabang. Gusto ko nga naay motabang. Sa kusog sa imong pagtoo, Buot ko ihalad tanan sa Dios aron pagtabang kanimo. Lamang tubaga ako niini... Motindog ka ba sa kilid nako kon himoon ko kini? Sa pagkatinuod, himoon ko. Unya mangandam na alang sa kampanya. Kon si Cristo mobalik sulod sa pipila ka mubong kauigan, wala nay panahon usikan sa pagpakuyanap sa pulong. Kita magasulti sa kakusgon sa lipak, mga pultahan maablihan sa matag ciudad ug ang maayong balita masabwag ngadto sa mga tumoy sa yuta, kay dinhi, Igsuong Miller, nga magsguod ako sa pagtabang. (BAGTINGANAN GATINGOG) (GAAGHAM) Usa lang ako ka tiguwang nga mag-uuma. Apan ang Kasulatan nahimong akong kalipay. Ang mga mensahe sa Basahon sa Daniel ug Pinadayag nga atong gihisgotan karon maoy mga bunga sa daghang katuigan sa akong kaugalingon nga pagtuon. Ug, pero, para nako mahinungdanon alang kaninyo nga mahibalo nga dili lamang ako nag-inusara sa akong mga gituohan. Daghan pa tadlas ning nasura karon nagatuo niini nga mga kamatuoran. Ang atong mensahe susama ra, kay kini yano diha sa mga pahina sa Pulong sa Dios, alang sa tanan sa pagbasa. Ug kini ginahatud uban sa kamadalian tungod kay, mga pinalanggang higala ko, ang panahon hangtud sa pagbalik ni Cristo hamubo na lang kaayo. Apan ayaw pagtutok sa usa ka yano nga adlaw ni takna. Kay samtang nga kini haduol na, nan mao man si Cristo. Ilha siya anay. Pangitaa siya pag-una. Maghinigugmaay kita sa usa'g usa, kay ang gugma gikan sa Dios. Ug kadtong nagahigugma nangatawo gikan sa Dios ug nakaila sa Dios. Ang Dios magapahid sa tanang mga luha. Wala na unyay kamatayon pa. Ni kaguol ni paghilak. Ni adunay kasakit pa. Kay kadtong mga butanga nangagi na. Ellen, tulog na. Amahan, kadiyot na lang. Kinahanglan ka mopahuway, pinangga ko. Dali, Ellen. Mag-ampo kita ugma ikaw makusgan na. Kada buntag, sa dili pa nako bukhon akong mga mata, Nagaampo ako nga mao na kini ang adlaw nga malimtan na nako ang mahitungod sa aksidente. Nakita ko ang kahayag sa buntag ug kini tanan nagabalik-balik (GAPANGAGHO) Nagasaad ako kanimo, pinangga ko, ang atong Langitnong Amahan wala mahikalimot nimo. Nangandoy ako sa adlaw nga gisulti sa Amahan nga Miller sa simbahan. Wala nay kasakit pa. Wala pa ako makadungog sukad nga si Jesus gihulagway ingon sa usa ka tambalan. Nakadungog ako mahitungod sa Iyang kapungot... ..ug sa Iyang paghukom, apan wala pa ako sukad... sa Iyang pag-ayo. Hilabihan katahum. (GATINGSI) (KAHIMUOT UG HILUM NGA PAGYAMYAM) Gimingaw ko sa tiguwang nga Miller. Ang iyang mga mata puno na Langit sa pagkakaron. Oo, ug ang iyang baba dili mohunong sa pagsulti mahitungod niini. Mibiya na siya pag-inom. Para nako mas gibiyaan niya kitang tanan Ah! Kinsa may magdahum nga ang usa ka bukidnong mag-uuma mamahimong usa ka hustisya sa kalinaw ug unya magsugod og usa ka relihiyosong rebolusyon? Si Miller dili gani hanas. Bag-o lang gyud miabot si Barnaby Larson gikan sa Britania. ug siya nagaingon nga kining alinghuna sa kalaglagan nagagula sa matag dila didto sa Inglatera, ug kini mikuyanap sa tibuok Uropa. Saba uy? Tinuod kini. Kining hunahuna sa Ikaduhang Pagbalik nabatian ingon kalayo sa Africa ug India. Oo, ug ang mga alkemista naghunahuna makahimo silag bulawan sa puthaw. Tungod lang kay adunay mga motuo dili angayan tuohan sa ingon. Kining mga nadiskobrehang kamatuoran maoy... (MUSIKA GATUKAR SAPAW SA NAGAWALI) ..1,843 ka mga tuig human kang Cristo, ug ang panan-awon mamatuman na. HIMES: Ingon ikaw kamadanihon karon sama kaniadto, ang atong naabot dili kaayo halayo. Joshua, ikaw aduna pay kalagsik sa usa ka batan-on. Makapabaskug ug makapaaringit dungan sa usang higayon. Ang mga pakisayod miabot sa matag ciudad ibabaw ug ilalum sa sidlakang kabaybayonan. ...makawali ka sa matag iglesia gikan dinhi ngadtos mga Teritoryo sa Florida. Palihog, ilubong ko sa Low Hampton, sunod sa akong kakahoyan. Kaduhas usa ka adlaw - murag kuwang gihapon. Ug siguroha nga ang akong asawa mapakaon hangtud sa Adlaw sa Paghukom. Buyno, ang sunod nga tikang mao ang pagpakaylap pinaagi sa pinatik nga pulong. Ang pinatik magaabot dili lang sa usa ka parisan nga mga dalunggan, apan sa dili maihap nga mga mata kada pahina. Ipalanog nato ang imong tingog. Ug ayaw pag-ingon nga, "Usa ka lamang ka yano nga mag-uuma." Apan usa lamang Ako ka yanong mag-uuma. Kinsay nangayog tabang! Buyno, wala akoy hunahuna nga modangat sa ingon niini. Ang mga pamantalaan nagtigum og pang-abuso sa imong mga pangingkamot. Karon tubagon nato. Apan sa atong kagustohan. Kapoy, tiguwang na ko. Ug tag-iya ako sa usa ka patikanan. Tan-awa! Nagahisgot kini mahitungod sa mensahe ni Papa. - Hain ba! - "Ang garbo nagauna sa pagkahagba." Dili nato padak-on atong ulo sa atong pagpaimportansya. Gikan ba sa Biblia kanang mga pulonga? Gikan kadto sa imong inahan. "Ug sulod sa 2,300 ka mga adlaw, "pagahinloan ang sanctuaryo." Si Mr. Miler ug kadtong namati kaniya natakbuyan sa dakung lamat. Sila nanagtuo nga si Jesus mobalik sa usa ka tinumbok nga petsa. Oo, dili kini maoy unang higayon. ang kataposan sa kalibutan gitag-ag-tag-an sa usa ka buang. Ni kini mao nay kataposan. Nahadlok ko kon ang petsa molampas, nga adunay singgit sa pagbudhi ang motumaw gikan sa mga dili tumutuo... ..ug magapahisalaag sa kadaghanan kaninyo. Tan-awa, ang kalibutan dili matapos sulod na lang sa pipila ka hamubong katuigan. Dili. Apan kini matapos. Ug kon matapos kini... ..andam ka na ba, makasasala? Motindog ba ikaw atubangan sa kapungot sa balaan nga Dios. samtang Siya nagausisa sa mga luyong binuhatan nga nagpakilooy ikaw, ug magasinggit, "Pahawa kanako, kamong mamumuhat og daotan!" Unya ang kalayo matamakan sa mga tikod niadtong nanagtalikod tungod sa mga alinghuna ni Miller? Oh, hilabihan kainit sa kalayo alang kaniya. Pasayloa ang akong kalapasan batok sa Imong ngalan. ug luwasa ako gikan sa daotan. Unsay akong himoon aron gayud maluwas? Ma? Kaloy-i. Kaloy-i ang alaot kong kalag. Pasayloa ang akong kalapasan batok sa Imong ngalan. Pasayloa ako. Unsay akong himoon aron gayud maluwas? Ellen, akong pinangga, unsa kana? Unsay problema? Unsa kaha kon gilingla lang ako, Mama? Nganong nakaingon ka ana? Nahadlok ako pag-ayo. Ma, ang magwawali nagsultig daot nga mga butang batok kang Amahan nga Miller. Ayaw pamati sa bisan usa niana. Apan nadungog ko. Kaming tanan nakabati! Anaa kami sa simbahan. Walay kahupay didto. Ellen, Tulog na. Dali na. (GAUBO-UBO) Ingon imong mama naguol ka daw kagabii. Nadala ako sa kahadlok. Igsuong Stockman, nahibalo ako nga mituo ka's panudlo sa Amahan nga Miller. Sa tinuod, oo. Ingon sa daghang mga Metodistang ministro. Ang Amahan nga Miller nagapahat sa paglaum sa Pagbalik. Ang iyang kamadalian pinutong sa gugma. Apan, karon, tanang ministro maoy akong nabatian. nga nagawali og nagadilaab didto sa infierno sa walay kataposan. Unsay paglaum ang anaa kanako didto... ..alang ni bisan kinsa kanato, kon ang atong Langitnong Amahan usa ka diktador nga malingaw sa dayon nga pagkastigo. Ang labing paghingutas sa imong hunahuna maoy timailhan sa Balaang Espirito sa Dios nga nagalihok sa imong kasingkasing Ang atong Dios wala nagamaya sa imong kalaglagan. Ni Iyang kinaiya ang pagkondena, kondili sa pagpangita sa mga nangawala. Giunsa nako pagkasiguro? Lakaw nga gawasnon, Ellen. Lakaw nga gawasnon. Salig kang Jesus. Kay Siya dili motalikod kang si bisan kinsa nga nagapangita. Salamat, Igsuong Stockman. Ayaw ako pasalamati, Ellen. Pasalamati ang Ginoong Jesus. Ug ipahat ang mensahe sa Pagbalik sa uban. (GAUBO-UBO) Si Elder Himes ug Igsuong Miller nagpahibalo na sa tigum didto sa Boston... Nahibalo ba si Elder Himes nga nasakit si Papa? Nagpadala kitag sulat kaniya. Pangumusta, mga higala! (SI HIMES GAKATAWA) Angay siya mahibalo. Dili siya makabyahe, Joshua. Dili siya makabyahe! Dili. Dili, dili, dili. Dili gayud. Grabe ang tipos. Grabe kaayo. Kahibalo ko nga kamong duha... naningkamot sa hilabihan niini nga okasyon. Mao kini ang unang higayon kaming tanan matigum sa usa ka dapit, nga adunay susamang katuyoan - mga Bautista, Metodista, Presbeter - tanan nakasabot nga ang Pagbalik haduol na. busa, atubangan mo sila. Ug unya mobalik ka ug asoyan mo si William tanan mahitungod ning tiguma Gusto ko siya makita, dasigon ko lang siya. Oo? (GAPANGHUPAW) (SI WILLIAM GAAGULO SA HILUM) Kumusta, pinanggang higala. Unsay gibati mo karong adlawa? (GAAGULO) Gikahadlok ko, nga di gyud kaayo maayo. Buyno... ..unya biyaan ko kamong duha... kadiyot lang ha... Joshua, kadiyot lang ha? Luya pa siya aron duawon... Alangan! Mao gyud! (PULTAHAN GASIRADO) Siguro ka nga dili ka makasakay sa karwahi? Pwede teka himoan og maanindot nga higdaanan sa likod, kanang baga - Ayaw na... - ..ug preskong hangin... Ayaw na, Joshua. Didto sa tigum, ang katawhan makaduol kanimo. Naghunahuna ko, nga makaandam kitag dapit... Ayaw na, Joshua... Mas daku pa ni kay sa usa ka tawo. (GAUBO-UBO) Gahum kini sa Dios. Ginatus ka mga pastor ang nanghigmata. Wala mo ako kinahanglana didto. Oo. Bitaw. Husto ka. Anaa ka sa akong mga pag-ampo. Salamat. Sigurado ka? Lakaw! Lakaw na! (GAUBU-UBO) (GAAGULO) Oh! Josepha Bates, samtang buhi gaginhawa pa ko! - Dugay na no? - Dugay na, Igsuong Himes. Kaayo. (GAKATAWA) Nakadungog ko sa imong buhat sa temperance uban sa Christian Connection. Apan misikat ka nga nagawali sa mga kadaot sa kaulipnan usab. Ubos lamang ako nga alagad, Joshua. Ang Dios nagasulti ug mituman ako. Bisan pa niana, ang imong dungog angayan kaayo. Tinuod? Dili makaanhi si Igsuong Miller? Oo. Ah, hilanat nga tipos. Sayang lage kaayo. Oh! Oh, Igsuong Bates, mao ni si Hiram Edson. Basi nakaila ka ni Igsuong Edson pinaagi kang Pastor Finney. Ah, oo. Ang buhat ni Igsuong Finney sa mga hinungdan sa temperance ug pagsalikway sikat kaayo. Gikalipay ko paghinagbo ta, sir. Mao kini si Owen Crosier. Gikalipay ko pakighimamat kanimo. BATES: Nag-abanid ako sa mga ideya ni Miller. sukad nadunggan ko siya sa naglabayng nga tuig didto sa New Bedford. Ingon nga capitan sa barko, nalibot ko ang tibuok kalibutan. Apan karon, ingon sa gipasakay ako mas halayo pa tadlas sa kadagatan. Nagatahan na ako sa mensahe sa Pagbalik. EDSON: Gibati ko usab ang susamang tawag. Ingon man ako. Unsay imong ngalan, igsuon? Taga diin ka? Samuel Snow, sir. Nagtrabaho ko sa The Investigator. Taga dinhi ako sa Boston. Wala ka ba moanhi aron mag-ekspose, di ba? Uh, dili sir. Karon, angkonon ko, gaduda ako sa sinugdanan. Apan natun-an ko ang mga alinghuna ni Miller ug nagtuo ako nga kini adunay matahum nga kamatuoran. JOSHUA: Ah! (GAKATAWA) Natapos na ang tigum, pero, nakita ko nga ang diskusyon gapadayon! Gisultihan ko kining maayong katawhan nga bug-os ako nagtahan. Nalipay gyud ako kaayo sa pagkadungog niini. Ipahat ko kana sa Amahan nga Miller inig kita namo. Ingna sab siya nga itabang ko ang akong kwarta sa pagpakaylap sa mensahe sa Pagbalik. Oh, kini maoy kaaginhong balita! (GAKATAWA) Tininuod kining akong pag-abag sa Amahang Miller ug sa iyang buhat - dili pagtukod og bag-ong simbahan, ha, kondili sa pagmantala nga ang Ikaduhang Pagbalik haduol na. (DILI KLARO NGA PAGNAGSULTIANAY GAPADAYON) WILLIAM: Nan, malampuson ang tigum? Sila naggikan sa Maine, New York City, Connecticut, Vermont, New Hampshire, Rhode Island! Hilabihan ka daghang alinghuna ang ginatigum! Kadto maoy tinuod nga pagbayloanay sa hunahuna ug kadasigon! Ug daghan kitay nadawat nga mga saad ug hinabang nga kwarta. ug hapit himoon dayon pag-usab kini. Sunod, kabahin ka na ani, ingon man si Joseph Bates. Bates. Nadumduman ko nagkita kami sa naglabayng tuig. Taas nga tawo. Dili motabako. Nakaingon ako nga talagsaon siya. Mao kana siya, apan mahinungdanon kaayo siya kanato! Makaangkon na kita og kahinguhaan karon! Mas daghang ciudad! Mas daghang pagpamatik! Ang imong mga pulong magatandog sa daghan kaayong kalag. Palihog, Joshua, hinumdumi, dili kini atong buhat - iya kini sa Dios. O gad. (MAKAPABAYAW NGA TUKAR GATUYBO) Karon...basi mao nang panahon. Mm. (GAHAGAWHAW) Dili kami makalapas. Ang mga pulong ni Mr Miller ug sa iyang mga sumusunod bakak. Kadtong gipanglamat sa iyang dinulsehang dila walay luna ning balay sa pagsimba. Busa... ..kinahanglan, sa ngalan sa atong Ginoo, isalikway kining mga radikal nga mga ideya. Kon dili... ..dili kamo abiabihon dinhi, ning balaya sa pagsimba. Mahimong nagatuo kamo inyo kami gipalayas. Apan ang pagsabot sa Amahan nga Miller sa di dugay nga pagbalik ni Cristo dili mabaliwala. Sundon ta ang Pulong sa Dios ibabaw sa mando sa katawhan. Dili kami magpakahilum niining maayo nga balita. Ug kon kana nagakahulogan kinahanglan kami mobiya... ..nan mamiya kami. Gibati sa akong panimalay ang dili malitok nga kalipay sa paglaum sa pagbalik ni Cristo. Gibati namo ang gugma, ang gugma ni Jesus. ...kini nagatuboy kanamo, nagahatud kanimo sa pagpadayon. Ug kini mohatud kanamo sa puloy-an. Giunsa nga nakasulti silag ingon niana kanato? Dili nato tugotan ang dunot nga mansanas motakod sa tibuok bukag. Ipahibalo nato ang ilang pagkatang-tang sa sunod Domingo. Sila mamahimong panag-ingnan. Kinahanglan pasidunggan ang atong tradisyon. Ning balaang adlaw sa Kumunyon, Ipatumbaya ko kaninyo ang hagit sa paghigugma sa Ginoo, nga imong Dios, sa tibuok mong kasingkasing, sa pagtuman sa tanang Kasugoan sa Dios, ug tahuron Siya pinaagi sa pagbalaan sa Adlawng Igpapahulay. CONGREGASYON: Amen. Gusto ko makigsulti kaniya. Mama... Mama, ayaw. Ingon ko, kon tugotan. Apan bag-o lang kita dinhi. Kuan... Hunahunaa nga kita mga taga gawas. Mainteresado si Elder Wheeler kon unsa ang akong isulti. Ayaw... Paagia ko. Palihog. Buot ko ikaw estoryahon mahitungod sa usa ka Sugo nga anaa sa Biblia... Oo. Gihunahuna ko na kini pag-ayo, mahitungod sa Adlawng Sabado. - Oo, Mrs Preston. - Sumala sa Kasulatan... (MUSIKA GATUKAR SAPAW SA PANAGSULTIANAY) MRS PRESTON: Nabatian na niya ang angay kong isulti. Namati gayud siya. Ug usbon kaha niya ang iyang pagsimba gikan sa Doming ngadto sa Sabado, sigon sa gitumbok sa Kasugoan? Naganahan siya sa atong gipahat gikan sa Biblia. Buot ipasabot...? Nagsaad siya nga hatagan niya og daghang pamalandong ug pagtuki... - TAWO: Maayong bunta, Mrs Preston. - ..ang ideya og dugang pa. Kumusta. Ug gumikan niana, nagmadaugon ka na? Sabado... ..mao ang ikapitong adlaw sa semana. Kini MAO ang Adlawng Igpapahulay sa Ginoo. Mao gayud kana. Mama! Adunay mga nanagtuo nga ang paghulat sa Pagbalik ug sa Adlaw sa Paghukom mas importante pa kay sa unsang adlawa kita magsimba. TAWO: Maayong buntag, mga babaye. Tingali ang adlaw dili na mahinungdanon. Nakapugas akog binhi. Ingon nga magtutudlo, akong pinangga, kamo, sa tanang katawhan, kinahanglan makasabot unsaon pagtubo sa kahibalo. BATANG LALAKI: (GASINGGIT) Basaha ninyong tanan kini! Basaha ninyong tanan mahitungod sa pagbalik ni Cristo! Basaha ang pinaka bag-ong balita mahitungod sa pagbalik ni Cristo! TAWO: Utanon! WILLIAM: Hatagi ko'g kopya, dong. Buyno, kinahanglan hatagan mo silag dungog. Gwapo kaayo ko dinhi. Nganong pugson nila nga himoon ko nga tambok kaayo? Unya, pika ka tawo imong ginadahum? Kinadak-ang kini nga tulda sukad gitukod sa yuta sa America! Gipalapdan kini sa pagpalingkod og 6,000! Ug sila nagagama pa, og dugang pa! Higanteng mga tulda. Unsay sunod? Akoy kataposang tawo sa yuta nga nagtan-aw sa pag-abot niini. Para nako ikaw maoy kinaunahan. Kinahanglan manglakaw na kita. Atuay gamay nga tigum nga nahitabo karon. Gusto ko mohapit didto. Apan ang higanteng tulda! Naghulat sila nato didto. Joshua, ang kalibutan puno sa mga pagdahum karon. Dili tanan nagasunod sa husto nga plano. Giingnan ko si Igsuong Bates nga buylogan ko siya. Apan... ..kinahanglan atua siya sa dakung tulda usab! Whoa, whoa! Nangita ko ni Joseph Bates. Asa dapit ang tigum? TAWO: Nia diri. BATES: Tinuod diay - milabay na ang 1843. Daghan kaninyo nangahadlok. Nangutana nganong wala mobalik ang atong Manluluwas ug buot masayod kanus-a ang atong bulahang paglaum? Ang masulti ko lamang kaninyo nga kini nang mga panahona nga ang pagtoo ta sulayan. Sa capitan pa ako sa barko sa dagat, dili kami moambak sa dagat sa kasuko atol sa unos. Dili. Manggunit kami sa gunitanan. Mosugo kami, "Tanang kamot gunit." Bisan karon, mga igsuon, dili kita maglangiob, kondili doblehon ta ang atong paningkamot. Ang Pamanhonon moabot na. Dili kawang atong pangabudlay. Oo, gilauman kana nato, karon, ang atong bulahang paglaum... - (KABAYO GADANGARANG) - ..moabut unta. Ug...pero ning kataposang mga gutlo maoy pinakahamili nato. (MGA TUMATAN-AW GAYAGUBYOB) May balita ako. Pasultiha ang akong igsuon. Mianhi siya kanato nga may itaho. (GABAGOLBOL) Igsuong Snow adunay kamatuoran alang kanato gikan sa Ginoo. Paanhia siya ug paasoya sa iyang mensahe. Palihog... Ang atong Bulahang Ginoo nagsaad kanato... ..mobalik Siya pag-usab... ..sa pagkuha sa Iyang katawhan alang kaniya. Karon, sa unang pag-anhi ni Jesus, ang Evangelio nag-asoy kanato "ang panahon natuman na." Unsa nga panahon ang natuman? Ang panahon diha sa tagna! Tinuod. Tinuod. Gikompirmar sa mga magsasaysay nga si Cristo namatay sa tingtubod sa AD 31, sibo sa tunga-tunga sa ika-70 nga semana sa Daniel. Karon, ang Biblia nagapakita kanato nga ang tingtubod mao ang Pasko nga panahon. Ang Adlaw sa Pagtabon-sa-sala mahitabo sa tinglarag. Ug unsay gibuhat sa mga labawng pari sa Adlaw sa Pagtabon-sa-sala? Naghinlo sa sanctuaryo. Sibo kaayo. Salamat, Igsuong White. Gihinloan Niya ang sanctuaryo! Dili ba nga mosunod unya kini nga Siya mobalik sa paghinlo sa sanctuaryo sa sibo nga Adlaw sa Pagtabon-sa-sala? - Oo! - (GABAGOLBOL) Ang Levitico nagkanayon ang Adlaw sa Pagtabon-sa-sala sa Biblia natunong sa ika-10 nga adlaw sa ika-7 nga bulan. Kaigsuonan, nasayop kita sa pagdahum sa pagbalik ni Cristo sa tingtubod. Sumala sa Judiohanong kalendaryo, ang ika-10 ka adlaw sa ika-7 bulan natunong ning tuiga... ..karong Oktubre 22. (MGA SAKOP SA KATILINGBAN GATING-HAB UG GATUAW) SNOW: Nahibalo kita sa petsa. Oktubre 22, 1844. (MGA SAKOP SA KONGREGASYON GATABI SA KAHINAM) BABAYE: Makatingala! Oh! Nakasiguro gayud siya. Ug ikaw dili? Ang pagpahamtang og petsa binuang. Dili. Dili karon, igsuon. Kita...dili kita dapigan dinhi. Lauman nato nga ang Dios magapadayag og dugang pa puhon. Ang agalon sa balay nagahinlo sa iyang kaugalingong kamalig. Kining pagpahamtang og petsa basi maoy nakapasipok sa imong ulo. Ang atong paglaum dili sa tino nga adlaw ni takna, kondili nga ang pagbalik ni Cristo haduol na. Unsay hunahuna ni Joshua? Mitukol 'ming duha. Pero ang katawhan gabungat og katin-aw. Nasayop ako nahanungod sa 1843. Wala unta nako ipha ang '0' ining kwenta gikan sa BC ngadto sa AD. Ug unsay kalibog nga akong nahimo taliwala sa kaigsuonan? Busa, dili ka magduso ug tino nga adlaw? Dili. Dili gayud ako. Apan ang pagtuon ni Igsuong Snow sa sanctuaryo nakapahagit kanako sa paghunahuna. Buyno, unya, kinahanglan pangitaon mo ang presenteng kamatuoran ug katin-aw gikan sa Dios mahitungod niini, William. Ang Biblia tataw. Pero, si Samuel Snow usa ka sinaligang igsuon diha sa Ginoo. Tun-an nako ang iyang petsa ug iampo. (KABAYO GABAHIHI) Akong asawa ug ako nalipay sa pagpalit sa imong katigayonan. Mahimo bang mangutana, asa ka na ug ang imong asawa paingon gikan dinhi? Sa Langit. Apan kon ang kataposan sa kalibutan dili madayon, aduna ka bay plano... Ang Ginoo adunay engrandeng disenyo naandam alang kanatong tanan. Bitaw, sir. Tinuod gyud. Busa...bisan kon nahalin na ang balay aron sa pag-abag sa mensahe. Ang kabataan nanagtuo nga kita nalisuan sa pangisip. Hmm! Pero lig-on ka sa imong gituohan. Oo, akong pinangga. Ang orasan nagapitik. Ang tinumbok nga panahon sa Dios hapit na moabot. Daw sa nakabawi ka na sa imong gana, Ellen. Nalipay lang kami kaayo nagatan-aw kanimo nga ingon niana. Haduol na kita sa puloy-an. Sa hunahuna pa lang nakapalig-on na kanako. Unya sunod... Himoon nato ang tanan nga mapahibalo ang katawhan sa maayong balita. (MGA TUNOG GADANGARANG) TAWO: Ah, Mr White ako nay mag-andam sa mga tartados para nimo. Kamong tawhana mo kamo nay mga kinamaayohan kong kustomer. Ah, Maayong buntag. Diay, ikaw sab nagabuhat sa pagpakaylap sa maayong balita? O, sir. James White uban sa Christian Connection. Nalipay ko atong panaghimamat, Igsuong White. Ako si Robert Harmon. Kuan kana, $1.20, palihog be. - Salamat, sir. - Hamubo nalang ang panahon. Magdungan ba kita, dong, ug tan-awon ta kon aduna kitay mahimong kalahian. Sige. TAWO: Amping, mga ginoo. Dong, ang atong Ginoo ug Manluluwas mobalik duha ka semana gikan karon. (GAPANGHUPAW) Ang pagbalik sa Ginoo. Palihog...mga ginoo... Si Cristo mobalik duha nalang ka semana. Andama inyong kasingkasing. Oh. Ingna Siya Siyay bangka kung moanhi Siya. Naguol ako alang niadtong mga tawhana. Ikaw, sir. - Sir, palihog. - Salamat, bay. Sir... WILLIAM: "Oktubre 6, 1844" "Hinigugmang Igsuong Himes, "Human sa tumang pagtuon ug pag-ampo, "Nakita ko ang kahayag karon sa ikapitong bulan, "diin wala nako tan-awa sa una. "Hapit na kita sa puloy-an. "Himaya, himaya, himaya." WILLIAM: Duol kang JesuCristo, ang Cordero nga gipatay, ug karon nabuhi, aron kamo mabuhi. Tumana ang Iyang pulong...ug tuohi. Wala nay panahon nga langanan pa. Ayaw isalikway kini, nangalyupo ako kaninyo. Ayaw.Bisan usa ka gutlo. Dili ba gusto ninyo ang balay nga binuhat sa kamot nga walay kataposan, sa kalangitan? Apan maoy "Unaha ninyo pagpangita ang Gingharian sa Langit," nagaingon si Cristo, "ug kining tanang butang "igadugang ra unya kaninyo." (MAKAPATANDOG NGA TUKAR) BATANG LALAKI: Alaut na kon alaut! Ang akong barko molarga ugma ug nakadesisyon na ko! Dili ako magpabilin dinhi ug mangalyupo samtang kamo nagayahat sa mga panganud! BATES: Mobalik na si Jesus ugma, anak ko! Inig abot Niya, sultihi Siya atua ako sa kadagatan! Joseph, intawon...apasa siya. Ang atong anak mawala na sa dayon! Sige na! Balaang Amahan, ning naghinapos na nga mga gutlo sa dili pa ang Imong pagbalik, Ayoha ang nagun-ob namong panimalay. Kaloy-i ang among anak nga lalaki. Ibalik ang among anak kanamo, aron dungan kami sa pagsugat Kanimo. Angayan kaayo nga kinahanglan tingub kitang tanan dinhi, ning naghinapos nang mga takna. Gihimo na nato ang tanan, sir. Kaha? Oh... Salamat... ..para sa pag-asoy sa kalibutan sa dili pa ulahi ang tanan. Unsaon kon sayo ra kita kaayo? (PIANO GATUKAR SA SULOD) Mga ginoo, libreng tagay hangtud sa kataposan sa kalibutan! (TANAN NAGHUDYAKA) (BAGTINGANAN GATUNOG) (BAGTINGANAN GAPADAYON) (KATAPOSANG HUNI GALANOG) Buyno...dimalas ang maayong Ginoong Jesus dili makauban nato karong gabii... ..kay aduna pa kitay panahon sa paglipaylipay kanunay! (MGA LALAKI GABAHAKHAK) (BALIK TUKAR ANG MAKADASIG NGA MUSIKA) PIANISTA: (GAKANTA) ♪ Pinakakataw-anan sukad kong nakita ♪ Gamay nga laylay gitawag Pabo sa Kauhayan. ♪ (DALUGDUG GAHAGUNOB) (NGIW-NGIW GAHOTHOT) (DALUGDUG GALAGOBO) (MAKASUSUBONG TUKAR) (DALUGDUG GAPADAYON) WILLIAM: Ang mensahe sa Dios dili mahitungod sa usa ka petsa. Wala mahanaw ang tanan. Tan-awa ang kalihokan nga imong gisugdan. Nilibo ang nakabig mo. Ug para sa unsa, Igsuong Himes, nakabig ko ba sila? Kahigawad? Langiob? Ngadto sa kamatuoran sa pulong sa Dios. Ang pagpahamtang og petsa napamatud-ang dili masaligan. Nganong luya kaayo ko sa pagduso niini? Magapadayon kita sa paghulat. Unsa ka dugay? Kutob unsa ka dugay. (GAUBO-UBO) Uy, nia pa lage ka uban namo ning buntaga, Hiram. Ang mga manok, sab. Tingali mobalik si Jesus kung hukaran nimo Siya'g pamahaw! (TANAN NANGATAWA) Dili ba kini mabihagong sugilanon lamang, Esther? Hiram, ayaw. Ayaw pagsultig ingon niana. Walay katinuoran sa atong ginahigugmang paglaum... Oh, Hiram... Unsay atong buhaton? Kinahanglan mag-ampo kita. Kaigsuonan, moapil ba kamo kanamo sa pag-ampo og giya? Giya? Ablihi imong mga mata, Hiram. Apan mao kini ang panahon nga gikinahanglan nato nga maghiusa. Nangailad na kita. Buot mo ipasabot nga magapdayon kita niini nga panglamat? Kon hatagan lang ninyo ang Dios og usa ka higayon... Gibuhat ko na kana. HIRAM: Amahan namo, giunsa mo kami sa pagpanalangin ingon sa naghulat kami sa Imong pagbalik. Ang among mga kamot nang-ayo og mga masakiton. Ang among mga kasingkasing gipangtuboy sa talan-awon sa hilabihang kadaghanan nga nagatuo Kanimo, diha sa paglaum sa Imong dakung pagbalik. Ginoo, wala kami mawad-i sa pagtoo, apan nangita kamig kaalam sa pagsabot nganong wala Ikaw mibalik. Gikinahanglan namo nga Ikaw magpadayag kanamo sa dalan sa unahan. Dawata ang among pag-ampo, Amahan, ug padad-i kami sa imong kahayag nga ang among dakung kahigawad mahimong masaysayan. Kining tanan among gipangayo sa ngalan sa Imong mahigugmaong Anak, nga si JesusCristo Dali, mga igsuon. Sa pagkatinuod, ang Dios wala magbiya kanato. Owen, ubani ako ngadtos mga silingan. Siguro gibati nila ang ikos ning kagul-anan. Kinahanglan makaplagan ta ang kahupay kon ipahat nato kini nga kasinatian. Tinuod. Hiram. Hiriam! Ang Ginoo nagatubag sa atong pag-ampo ganina sa buntag. Siya nagalamdag sa atong dakung kahigawad. Ang mga unang Cristiano naghunahuna nga si Jesus mianhi aron sa pagtukod og yutan-ong gingharian, dili usa ka langitnong gingharian. Human sa Iyang kamatayon sa krus, sila nahigawad sa hilabihan kapait. sama kanato karon. Klaro, nga sayop ang atong petsa, Hiram. Dili, Dr Hahn, para nako ang adlaw husto. Unya nganong wala mibalik ang Manluluwas? Tingali nangasayop kita kon unsay angay nga mahitabo sa Oktubre 22 Ang unang mga Cristiano husto sila sa petsa sa Mesias, apan sayop ang ilang gidahum. Tingali mao sab ning nahitabo kanato. Ang tagna sa Daniel nagasaysay nga sa kataposan sa 2,300 ka adlaw, ang sanctuaryo pagahinloan. Ug unsa kaha basi nasayop kita sa kahulogan sa pulong 'sanctuaryo?' - Apan ang sanctuaryo mao ang yuta. - Kaha? Ang Daniel nagaingon, sa kapitulo 7, "Ug tan-awa, usa sama sa Anak sa tawo miadto sa Katigulangan sa mga Adlaw." Dili ngadto sa yuta, ingon sa atong gituohan. Busa, asa ang Katigulangan sa mga Adlaw? Sa langit. Human sa Iyang kamatayon sa krus, mianhi si Jesus ingon nga atong Labawng Sacerdote, ug ang buhat sa pagtubos nabalhin gikan sa yutan-ong sanctuaryo ngadto sa Langitnong Sanctuaryo. Murag matuod kana... ..diha sa lamdag kon unsay gingon diha sa Hebreohanon kapitulo 8 - "Kita adunay usa ka labawng sacerdote, "usa ka ministro sa sanctuary, ug sa matuod nga tabernaculo, "diin ang Ginoo maoy nagtukod, ug dili ang tawo." Busa, mobalik pa gihapon si Jesus sa di madugay unya. Wala lang kita masayod unsa kadali. Sibo kaayo, ug anaa kini didto, sa labing balaang dapit diin nahitabo ang Iyang buhat sa pagpanghinlo. (GAPANGHUPAW) (GAPANGHUPAW) Lucy, unsay akong nabuhat? Ikaw nagsulti gikan sa imong kasingkasing ug gikan sa Biblia, mga pulong nga nakapahumok sa mga nilibong kinabuhi. Ug mopagahi na sab sila sa ilang kasingkasing pag-usab? Tingali. Ug posible usab nga si Igsuong Snow moabot na usab nga nagkabayo uban ang... ..laing pahamtang sa mga petsa. Unsa gyud kahinungdanon sa mensahe nga gihatag sa Dios kanimo? Kana maoy imong hunahunaon. Oo. "Kupti pag-ayo. "Nga walay tawo nga makailog sa imong purongpurong. "Gipahamtang ko na ang akong hunahuna sa laing panahon, "ug dinhi nangusog ako sa pagbarog hangtud hatagan sa ako sa Dios og dugang kahayag. "Ug nga karon, karong adlawa, karong adlaw, hangtud mobalik Siya, "ug makita ko Siya, nga ginahandum sa kalag ko." MRS HAINES: Lig-ona ang atong pagtoo diha sa Imong mga saad, Amahan. Bisan wala kami masayod nganong wala Ikaw mianhi, sa gihapon kami nanag-ampo nga Ikaw mobalik sa madali. Alang sa among mga hinigugma nga mitalikod sa paglaum sa Pagbalik, nangayo kamig pinasahi nga sukod sa Imong kalooy. Lamdagi kami, oh, Ginoo... Oh, dili! Ellen! Ellen! Naunsa ka?! BABAYE: Nagginhaw pa siya? ELIZABETH: Ambot. Ellen! Ellen! Ellen! LANGITNONG TINGOG: Ako mao ang mensahedor sa Dios. Tan-aw usab. Ibabaw pa diyutay. Dili ang kataposan, kondili ang sinugdanan. Musta? Ellen, nabalaka kaayo ko. Naghunahuna ko nawala ka na. Nakakita akog mga butang. Gibayaw ako ngadtos laing dapit, hataas ibabaw ning kalibutana, ug Na...Na... ..Nadungog ko ang tingog. Ang tingog nakigsulti kanako. Kinsay nakigsulti kanimo? Ellen, nagaampo ako kanimo. - Tingog ba nako imong nadungog? - Dili. Manolunda ang nakigsulti. (KABABAYEN-AN NASURPRISA) Wa pa akoy nadungog nga sama niini. Basi naparok lang niya ang iyang ulo, kalooy nga pinangga. Nakita ko ang mga magtutuo sa Pagbalik nagalakaw sa dalan paingon sa langitnon ciudad Ug hangtud nagtutok sila kang Jesus, nga nagauna kanila paingon sa ciudad... ..sila maluwas. Gawas ka na sa pilegro dinhi karon, Ellen. Kining kalibutana hilabihan kangitngit. Nakakita akog usa ka dakung kalibutan ug naganahan ako niini. Gibati ko ingon sa nabag-o ang akong kusog karon, Elizabeth. Nakakita akog makatingalang mga butang. Nakadungog akog mga butang. Nan ikaw nag-angkon. Elizabeth, wa ko sukad namakak. Wa ko nag-ingon namakak ka karon. Nakuyapan ka tungod sa imong sakit. Wala ka sa hustong panimuot. - Wala ikaw nasayod sa imong ginasulti. - Dili. Elizabeth, ang Balaang Espirito nagpadayag kanako sa usa ka talan-awon sa Singgit sa Tungang-gabii ug gisaysay Niya ang atong kahigawad. Gipadasig Niya ang atong paglaum sa Pagbalik. May mga tawo nga wala mamati ug sila nangahulog sa agianan. Naaksidente ka sa bata ka pa. Maoy hinungdan sa imong kaluya. Dili ka makabaton og normal nga kinabuhi, Ellen. Nakasabot kami niana. Dili ka maminyo. Dili ka makaabag. Apan dili kini maoy paagi sa pagpatagad. Nganong ingon ka niana kanako? Nanumpa ako nga nagasulti ako sa kamatuoran. Buyno, aniay akong kamatuoran - si Cristo dili na mobalik ug dili na ako moapil-apil sa mga pundok sa pag-ampo. - Pero Elizabeth... - Dili, nabatian na ninyo akong gisulti. Isipa nalang ako nga nahisalaag sa agianan. MRS PRESTON: Sa tanan ning kasamok mahitungod sa pagbalik ni Jesus sa Oktubre, daw alang nako nag-inusara ako sa akong tinuohan sa pagsimba sa Sabado. Ah, pero Mrs Preston, Nahadlok ko nga walay mga simbahan dinhi nga nagatigum sa Sabado. Hmm. Kon duol-duol lang unta si Elder Wheeler dinhi sa Hillsboro. Mama, palihog! Buotan kaayo ang mga Farnsworth nga gipapuyo ako nila dinhi samtang magtudlo ko Basi mahiubos sila. Unsay gikasilagan sa Dios mao nga nagasimba kita sa sayop nga adlaw. Si Elder Wheeler nakasabot nga ang Sabado- Sabado - mao ang ika-7 adlaw sa semana. Nahisulat kini sa Kasugoan nga kinahanglan magpahulay ug magbalaan kita niini Unsay kalahian niini atubangan sa Dios kon magsimba kita Kaniya sa usa ka adlaw o sa lain? Lahi kaayo, William, ang pagsilsil niini sa bato ug pagpadala niini sa tiilan sa bukid kang Moises. Ang Sabado midangat kanato ingon nga usa ka gasa - dili kita makapahunong niini ni makausab niini. Gigamit pa gyud Niya ang pulong 'hinumdumi.' Bisan pa kon ang simbahan ni Elder Wheeler duol ra, siya usa ka Metodista, ug kami nahisakop sa Christianong katilingban. Ang iyang relihiyon dili importante sa Dios, lamang nga si Elder Wheeler nagatuo nga kini ginatawag og Kasugoan. Kon unta kini mga 'Napulo ka Tambag' lamang, mahimong pasidunggan nato ang Dios kutob sa atong gusto o dili. Ah, ang karwahi andam na. Mahimong padulong kita sa pagsimba sa sayop nga adlaw, apan kinahanglan dili kita maulahi. Kauban sa uban nga nagtigum dinhi, Ako, usab, nahigawad sa hilabihan, bisan naulaw kaayo, nga si Jesus wala mibalik niadtong miaging tuig. Wala ako makasabot nganong wala Siya miabot, apan nagatuo gihapon ako diha sa daghang mga saad sa Biblia. nga usa ka adlaw mobalik Siya. Mao kana nga gikuptan ko pag-ayo ang paglaum sa Pagbalik. Salamat, Mrs Cooch. Wala na bay gusto mosulti karon? Gipili kong itahan ang akong kinabuhi kauban niadtong nanagbalaan sa balaang Sabado sa Dios sa ikapito ka adlaw sa matag semana. Gikan ning adlawa, Mosaad ako sa pagbantay sa Sabado nga Igpapahulay... ..sigon sa gisugo sa Dios kanato. Ako usab, mamahimong Sabadista... ..gikan ning adlawa. ("SA BALAY SA AKONG AMAHAN" GATUKAR) "Gihatag ko ang akong mga Adlawng Igpapahulay nga mahimong timaan tali kanako ug kanila "aron sila makaila nga Ako mao ang Ginoo. "Busa, ang Anak sa Tawo, Ginoo usab sa Adlawng Igpapahulay, "ug gipanalanginan sa Dios ang adlawng ikapito ug gibalaan kini, "tungod kay niini Siya nagpahulay gikan sa tanan Niyang buhat, "nga gilalang ug gibuhat sa Dios, "kay sa unom ka adlaw, ang Ginoo nagbuhat sa langit ug yuta "ug mipahulay sa adlawng ikapito." Isaad ko kanimo. Mobalik ako uban ang preskong kadasig. Pakig-uban kang Reverend Wheeler maoy akong gikinahanglan. Unsay atong gikinahanglan mao ang dalan pagawas ning kaliboga. Wala na kitay sapi, Joseph. Asa ikaw ihatud ning suro- Sabado? Sundon ko ang akong kasingkasing. Nadani ako sa Pulong sa Dios. Sayod ko nga wala nay laing paagi sa pagsulay sa sayop gikan sa kamatuoran. Gipabasa ako sa Kasulatan ni Elder Wheeler, ug nakaplagan ko ang tumang kalinaw nga siya husto diay. Nagbantay si Cristo sa adlawng ikapito. Ang pagsunod Kaniya maoy pinakamahinungdanon. Gibuylogan ko ang Sabado. Ug unsa kaha ning batang babaye? Kadtong may mga panan-awon didto sa Maine. Hmm. Dili ako mosulti hangtud dili gyud mismo makasinati. Pero, nagduhaduha ako kaniya. Nagduhaduha gyud. Ania kita karon, katawhan gikan sa daghang tinuohan, nanagtigum tungod sa atong pagtahan ngadto kang Jesus ug sa atong pagdawat sa Biblia ingon nga Pulong sa Dios nga mogiya kanato. Ganinang buntag, usa ka sakop sa atong kumunidad, Miss Ellen Harmon, gihangyo nga mosulti kanato. Siya magapahat og pipila kon unsay gipanalangin sa Dios kaniya bag-o lang. (ANG UBAN GAHAGAWHAW NGA DI KLARO) Para nako murag dili ko ni kaya. Salig lang. Ang pag-anhi dinhi maoy usa ka buhat sa kaisog. Miss Harmon. Nag-ampo ako didto sa balay ni Mrs Haines didtos Portland. Nawad-an akog panimuot ug gibati ko ang presensya sa Balaang Espirito. (GAHURO-HUNGIHONG) Nabayaw ako hataas ibabaw sa ngitngit nga kalibutan ug nangita ko sa mga nanagtuo sa Pagbalik, apan dili ko sila makita. Usa ka tingog, usa ka manolunda, nag-ingon kanako, "Tan-aw usab, ug tan-aw pataas diyutay." Nakita ko ang tul-id ug malip-ot nga agianan hataas kaayo sa ngingit nga kalibutan. Ang mga Adventista nanagbaktas sa agianan paingon sa usa ka hayag ug balaang ciudad. Adunay usa ka hayag likod sa mga magtutuo, nga giingon kanako sa manolunda, mao ang Singgit sa Tungang-gabii. Gikonpirmar sa manolunda nga ang mensahe sa Amahang Miller, kahayag, ug nga kining petsaha mao ang sinugdan sa atong panaw, dili kataposan. Ug tanan nangaluwas nga nanagtutok kang Jesus, nga nagauna kanila ngadto sa Balaang Ciudad. Ang uban gipangkapoy - ang ciudad halayo pa man, ug nga nagdahum sila nga makasulod niini niadto. Apan si Jesus nagpadasig kanila... pinaagi sa pag-alsa sa Iyang tuong kamot, diin nagagikan ang makahingangha nga kahayag, nga gibobo ibabaw sa Adventistang panon, ug samtang nahimo kini, sila nanagsinggit, "Aleluia!" OTIS: Pero Igsuong Sargent, kon ang mga panan-awon ni Miss Harmon gikan sa Dios... Ang iyang mga panan-awon dili gikan sa Dios, Mr Nichols. Pero, mga higala ko, giunsa nimo pagkasiguro? Igsuong Otis, kon ang Makagagahum nga Dios adunay mensahe alang sa Iyang katawhan, iya ba kini isangon sa usa ka luyahon nga magsusulti? Maglisud gani og lakaw ang bata. Oo taas iyang barog. Ang iyang amahan tiggama og kalo. Wala siyay kasinatian sa ministeryo. Kaigsuonan, ang Ginoong Jesus mismo nagpahimatngon kanato, "Magbantay sa mini nga mga profeta, "nga moabot kaninyo nga nagbisti og ingon sa carnero, "apan sa sulod diay, mga mangtas nga lobo." Nakadungog ako nga mga panan-awon mosanib kaniya, ingon og espiritista. Nakaila kog silingan. Matud niya masaligan siya. Nakita na ba ninyo kining babayhana? Wala pa! Ug dili gyud! Ang mga pana-awon ni Ellen Harmon maoy mga bakak sa Manlilimbong. Dili siya mangahas sa akong atubangan. Bitaw, dili niya kana mahimo, Mr Robbins! Ang gahum sa atong pagtoo mogapos sa buhat sa Yawa. Siya nagasulti uban ang dakung kalumo sa Pulong sa Ginoo. Igsuong Nichols, ayaw palingla. Nakigsulti ka na ba nila? Sila ba nangadani? Unta kon mahimamat nila si Ellen, Nagatuo ako nga sila madani sa kamatuoran sa Dios. Dapita sila dinhi, puhon. - Sargent ug Robbins? - Dili, Ellen. Siya nagabyahe uban sa iyang magulang nga babaye, si Sarah. Dapita si Miss Harmon nganhi. Pero unsay ikasulti ni Robbins ug Sargent? Papamation nato ang atong mga higala sa iyang mga pulong mismo. Siya magapahat og paglaum sa ilang mga kasingkasing. Bitaw. Kon ang mensahe ni Ellen gikan sa Dios... ..walay supak gikan kang Sargent o Robbins nga mopahilum kaniya. Usa ka kalipay nga uban ka nako karon, Sarah. Wala nay laing dapit nga angay adtoan, manghud ko. Daghan ang naglungotlungot nga mamati nimo. Ganahan ra unta ko nga magpuyo ug dili makigbahin niini. Apan nagtikakusgan ka matag adlaw. Gipamulong mo na. 'Tinuod baya. Pero dili ko gusto makahasol sa atong panimalay. Ellen, wa ka ba nakaamgo nga ang mensahe nga gihatag sa Dios kanimo nagatuboy sa among mga kasingkasing ug espirito? (HILUM NGA PANAGSULTIHANAY) Wala pa ba nimo mahimamat ang mga Harmon? Igsuong White, ingon ko nahimamat na ba nimo ang mga Harmon? Nakapamainit na ko, sir. Salamat sa pagpangutana. Nganong di nimo sugaton ang mga dalaga sa dili ka pa mahimong ulitawo, nga di-kaingon. Kalipay ko ang paghimamat kanimo pag-usab, Miss Harmon. Basi nakahinumdum ka, ako si James White. Pastor ako sa Christian Connection. Nagkita na kami sa imong amahan. Dungan kami sa pagpanghatag og tartados niadto. Kalipay ko usab, Mr White. Nakadungog kog daghang maayong butang mahitungod sa imong buhat alang sa Ginoo. Nakadungog na ako niana sa una, apan kini ingon sa usa ka matuod nga surprisa alang kanako. Sayop bang mangutana ako sa imong edad, Miss Harmon? Mo-18 na ako sa sunod kong natawhan. Ug ikaw, Mr White - pilay edad nimo? 23 anyos ko. Ug nag-alagad kana sa Ginoo? Oo. Gibiyaan ko ang pagkamaestro aron sa pagpakaylap sa Pulong. Hmm. Maayong pag-abot. Gikalipay namo ang inyong pag-anhi uban kanamo. Salamat. Amo ang kalipay. Sa tinuod kining ubos, lumo nga batang babaye, dili anak ni Satanas. Mr Sargent, Mr Robbins, daw unsa ka malipayon nga surprisa. Naghunahuna kami nga iduso namo sa imong pagkamadaliton ug matulog kauban sa imong panimalay karong gabii. Nag-ampo ako nga magkita kamo ni Ellen Harmon, ug gitubag sa Dios ang akong mga pag-ampo. - Dayon, dayon. - Ang bata nga Harmon... ..ania? Miabot siya sa miaging adlaw aron motestimonya kanamo. Uh, Mr Robbins, um... ..may nalimtan ta...ang pagduaw sa atong masakitong higala. Ah, o, diay! May higala ako. Masakiton siya. Ug nakasaad kami kaniya. Dili ba kamo mohapit bisan kadiyot lang gud, aron mapailaila ko kamo? - Dili mahimo. - Dili. Gikasubo namo pag-ayo. Kon di mo mosulod, dad-on nako si Miss Harmon sa pagsimba kauban ninyo. Ning Domingoha. Dad-on namo siya aron magkita mo sa Boston. - Ayaw lang lage... - Uh, ah... Ngaman, bitaw! Murag maayo na nga plano. (GANGISI) O, sige. Dad-a ang batan-ong Harmon sa Boston. Magkita, ah, kami sa, Domingo! Amping, mga igsuon ko. Mag-ampo nalang kami alang sa imong higala. LANGITNONG TINGOG: Ako mao ang mensahedor sa Dios... Adto didto sa Randolph... Sunda ang kahayag atubangan nimo. Maayong buntag, ellen. Nakatulog ka ba maayo kagabii? Ako...Maayo... Unsa kana pinangga? Sultihi kami. Nalipay kami sa inyong pagkamaamumahon. Nahibalo ako nga gibati nimo nga kinahanglan moadto kita sa Boston. Apan gisugo ako nga moadto sa lungsod sa Randolph. Ngaman...'wala kay madawdaw sa Randolph, gawas kon gusto mo og bag-ong panit nga butas. Gusto ka'g bag-o nga butas? Ganahan kog bag-ong butas. Basta giingnan ko sa panan-awon sa Ginoo. Moadto kita sa balay sa mga Thayer didto sa Randolph. Apan unsay tuyo? Tabangi kami, Ellen. Wala kami makasabot. Ni ako. Nabatnan ko lang ang igong kahayag sa pagtan-aw sa lakang sa unahan ko, ug mao kana ang pag-adto sa Randolph. Ang Dios nagsaad kanako nga inig abot nako didto, tug-anan Niya ako kon ngano. Ngano man, uy ang mga Nichol! Unsay nagpadpad ninyo sa Randolph? - Ang Pulong sa Ginoo. - Oh! Uban namo si Ellen Harmon ug iyang igsuon, si Sarah gikan sa Maine. Ako...Maayo... Kami... Unsay akong masulti? "Maayong pag-abot" maayo nga pagsugod. Oh... SARGENT: Kaigsuonan, ang atong Ginoong Jesus mismo nagpahimatngon kanato, "Magbantay sa mga mene nga profeta nga nagtakuban sa bisti sa carnero, "kay sa sulod sila mga mangtas nga lobo." Atong igsuon, Otis Nichols, ug iyang asawa, Mary, nagdalag bisita. Ellen Harmon ug iyang magulang, Sarah. Abi nako, matud nimo gusto nila ta nila makita didto sa Boston? Klaro dili na kita nila gusto. Buyno, ah, kaigsuonan, samtang ako nagasulti, ang Ginoo nagpadayag sa akong kasingkasing nga kita manguli na. Human paniudto, padayon kita ...sa pagsulti sa Pulong sa Dios. MR THAYER: Wa pa mo dinhi, gihisgotan nila sa daklit ang mahitungod kang Miss Harmon. Sila nanag-ingon nga ang iyang mga panan-awon gikan kang Satanas. Si Ellen Harmon makasulti alang sa iyang kaugalingon. Makalibog kaayo. Wa na ko nasayod unsay tuohan. Si Mr Sargent nag-ingon nga dili si Ellen mangahas nga saniban sa panan-awon sa iyang atubangan tungod kay siya naglakaw nga matarung. Ug matud pa ni Mr Sargent pila lang ka adlaw nga naglabay nga dad-on ko si Ellen aron mahimamat niya ug ni Mr Robbins karong adlaw sa Boston. Unya unsay nagdala nimo sa Randolph? Si Ellen may tugon gikan sa Dios kagabii. Oh... ♪ O, inig kakita ko kang Jesus ♪ Ug magahari uban Niya sa ibabaw ♪ Ug makadungog sa tunog sa trumpeta nianang buntaga? ♪ Ug gikan sa nagaawas nga tuburan magainom sa dayon nga gugma ♪ Ug makadungog sa tunog sa trumpeta nianang buntaga? ♪ O, singgit, himaya! ♪ Kay ako mokayab ibabaw sa mga panganud...♪ Himaya... (AWIT HINAY KAHANAW) ELLEN: Himaya. Siya ba...? Himaya. Mag-awit kita! ♪ O, singgit og himaya! Kay ako... ♪ Ayaw paduol kaniya! Basa kita gikan sa Pulong sa Dios! "Dili kamo...magbaton og mga diosdios sa atubangan ko. "Dili kamo maglilok alang kanimo og bisan unsang larawan, "ni bisan unsang dagwaya sa bisan unsang butang nga anaa sa Langit sa itaas, "ni nga anaa ilalum sa yuta, "ni anaa sa tubig ilalum sa yuta. "Dili ka mo iyukbo ang imong kaugalingon kanila kay Ako, ang Ginoo..." - Oh, maghilum, kamong mga buangbuang! - Kamo nagayukbo sa usa ka diosdios! Kita mo? Kamo nagasimba og usa ka bulawan nga nateng baka! Nabatian ko nga ang mga panan-awon nga gikan ni Satanas mapugngan pinaagi sa pagbutang og Biblia ibabaw sa tawo... Nia. Ibutang kini kaniya. Dili. Dili... Sige. Himoon ko kini. Mao kini ang tinugang pamatuod sa Dios. "Gihimo mong pagsayaw ang akong pagbangotan. "Imo gihukas ang akong bisting sako, ug gihigtan mo ako sa kalipay." Oh! "Adunay dalan nga daw matarung alang sa tawo, "apan ang kataposan niana mao ang dalan sa kamatayon." Gikutlo niya ang bersikulo sa iyang tudlo! (TANAN GAYAMYAM SA KAHINAM) Aleluia. Dili na nako maklaro ang mga letra. Gusto nimo, akoy mobasa para nimo, pinangga ko? "Igsuong Miller, "bisan wala ako nimo mailhi, naghandum ako sa pagsulat kanimo "Nagatuo gayud ako nga tinawag ikaw sa Dios "aron iwali ang tinong panahon sa pagbalik sa Ginoo niadtong 1844, "ug angayan lang nga mahitabo kini. "Ug kon wala giwali ang panahon, "ang iglesia ug ang kalibutan dili unta mapasidan-an sa husto. "Gilakip ko ang bahin sa panan-awon ni Ellen Harmon didtos Portland. "Bug-os kong gituohan nga ang iyang mga panan-awon gikan sa Langit. "Si Igsuong Harmon nakapuyo sa akong pinuy-anan "dugay sulod sa walo ka bulan. "Ang espirito sa Dios uban kaniya ug nakit-an sa malatngonon nga paagi "Hangyoon ko ikaw nga ipadaplin ang pagdumili ug isuspender ang paghukom "hangtud mabasa ug matandi nimo kini sa Kasulatan ug sa presente nga kamatuoran "Ang, nagahulat, sa pagbalik sa Ginoo, Otis Nichols." Hmm. Murag seryoso si Igsuong Nichols. Sa pagkatinuod huyang ang ilang gigunitan. Ang Biblia nagkanayon nga, sa kataposang kaadlawan ang uban makadawat og mga panan-awon gikan sa Ginoo. Puhon, makita nato ang mapahiyomong nawong sa Manluluwas - ug siguro ako niana. PRUDENCE: Laing sulat? Ang mga panatiko nagakatagkatag sa tanang matang sa bakak sa katawhan. Buot nimo ipasabot, si Ellen Harmon? Tanang taho, seryoso siya- matuod nga magtutuo. Naalarma ako mahitungod ning ginatawag nga mga panan-awon. Sila nag-ingon ang pinakataas niyang panan-awon miabot og upat ka oras. Apan mga panan-awon? Kahimtang sa iyang hugo nga panlawas maoy maingon-ingon nga saysay. Sutaon mo ba siya? Ginadapit siya sa pagwali karon nga normal. Nahibalo ako magkita ra gyud kami. Joseph, wala na akoy harina alang sa bisan usa ka tinapay. Unsa ka daghan imong gikinahanglan? Bisag duha lang ka tasa. Murag nagpangita ta ni Jesus no, Mr Bates? - (MGA LALAKI GAKATAWA SA DUOL) - Murag atua siya paingon didto. Ayaw sa, basi atua siya didto... (MGA LALAKI PADAYON GAKATAWA) Unsay maalagad ko kanimo karon, Joseph? Harina lang. Bisan tagpila, paigoa nalang kini. Mao ni atong panihaponon? Mao kana. Wala ba kitay palaman? Nagpalit unta ka ganina. Prudy... Naubos ko na ang kataposang kwarta sa yuta sa pagpalit og harina. Una, ang uma alang sa kawsa nga Millerianhon. Unya ang atong mga higala ug panimalay sa pagbugal-bugal kanato. Atong anak atua sa dagat. Karon tanan natong kwarta nahanaw? Unsa ka dugay kini maantus nato? Angay kita mag-ampo. Ang Ginoo nagasangkap. Joseph, palihog... ..wala ka na bay maitanyag pa? Tingali ang yuta naglamoy kanako. Mao ba kana'y akong iampo? Wala ba ako'y sulat, Mr Drew? Oh, bitaw, Mr Bates. Sa tinuod, naa. Naay bayranan, nga 5 centavos. Sir, kuan... ..Wala akoy kwarta. Bayadi lang kung naa na kay kwarta. Dili ka na husto, sir. Wala akoy 5 ka sentimos nga ibayad. Joseph, misalig ako kanimo nga imong mabayran kini. Matthew, kon... kon ablihan mo nalang... ..Mas maayo alang kanako. (GAPAHIYOM) "Gipadala ko kini sa ngalan sa Ginoo..." Kon mahatud mo kining mga pagkaon sa akong puloy-an, moingon akong asawa nga nasayop ka, pero ibaliwala lang siya. Matuman, Capitan Bates. Prudy! (GAKATAWA) - Joseph, milagro. - Tinuod. TAWO: Karon litokon ko kamo nga bana ug asawa. Mr ug Mrs James White. Pahalipay. Salamat. Ellen White. May matahom nga singsing, dili ba? Oo, naa. Bagay kaayo ang ngalan nimo... ..Mrs White. (GAKATAWA) Unsay problema? Dili nako malimtan ning gutloa sa simbahan. Apan wala kitay matawag nga puloy-an. Unsay gisulat ni Igsuong Bates dinhi nakapaukay sa akong kasingkasing. Bitaw. Tanan niyang gikonpirmar mabasa sa Kasulatan. Gisubay niya ang Sabado balik sa paglalang. ug nagpahinumdum kanato kini anaa sa kasingkasing sa Napulo ka Sugo sa Dios. Kon ang unang iglesia nagbantay sa ikapitong adlaw ingon nga Igpapahulay, nan sundon ta sila. JOSEPH: Dayag kini nga sa kataposang kaadlawan sa dili pa mobalik si Jesus, ang pagbantay sa Kasugoan mamahimong mahinungdanong isyu. Si Juan, diha sa Pinadayag, kapitulo 12, bersikulo 17, nagahulagway usa ka katawhan, "nga nagabantay sa mga Sugo sa Dios ug nanagbaton sa pamatuod ni Jesus Sa kataposang mga adlaw, kining mga tawhana mamahimong ig-anan ni Satanas. Unya sa kapitulo 14, bersikulo 6 ngadtos 11, naghulagway si Juan sa kataposang pahimatngon nga mensahe sa Dios nga igahatag sa kalibutan sa dili pa mobalik si Jesus, gisimbolohan sa mga mensahe sa tulo ka mga manolunda. Bersikulo 12 nagaasoy sa katawhan nga magadala sa mensahe ngadto sa kalibutan "Ania sila nga nanagbantay sa mga Sugo sa Dios "ug nanagbaton sa pamatuod ni Jesus." Dili kini ang usa o ang lain. Si Jesus mismo nagkanayon diha sa Evangelio, "Kon nahigugma kamo kanako, tumana ang akong mga Sugo." Salamat, ug panalangin mainyo, kaigsuonan ko. Salamat, Mr Bates. Makapadasig gayud kadto, Igsuong Curtis. Nalipay kami sa pakig-uban kaninyo ug sa imong bag-ong bana, Sister White. Ang Ginoo nagpadayag kanato sa kamatuoran sa mensahe ni Igsuong Bates mahitungod sa Sabado. Himaya ngadto sa Dios. Ellen... MR CURTIS: Lugari ninyo si Sister White. ELLEN: Nagkidlap-kidlap nga mga kahayag. Mga bitoon. Ingon kadaghan sa mga balas sa baybayon. LANGITNONG TINGOG: Tan-awa ang himaya sa nilalang sa Dios. - Kumusta siya? - Maayo man. Ang mga panan-awon wala magpaluya kaniya sukad. Sagad, hinuon, mamaayo siya. Ang mga butang nga gisulti niya ning gabhiona, nga wala mobiya sa New England. Ako naggugol og 20 ka tuig sa dagat aron kat-onan ang katunga niini. Ikaw man kadtong usa sa iyang tabian nga mga kritiko. Hangtud karon, Igsuong White. Walay pamaagi nga mabal-an niya ang mahitungod sa kabitoonan ug mga planeta nga gihulagway niya ning gabhiona, gawas nga gipakitaan siya sa Dios. Isipa ako sa kampo sa iyang kusgang mga sumusunod. BATES: Gitun-an ko ang Igpapahulay uban si Igsuong Edson ug Igsuong Crosier didto sa Port Gibson, unya mipanaw ngadto sa balay ni Curtis sa Topsham ug nahimamat ang mga White. Naay bay makapakuyap nga orasyon si Mrs White? Nasayop ako sa pagduda kaniya, Prudy. Siya adunay panan-awon atubangan kanako. Nagatuo ako nga ang Dios nagagamit kaniya sa pagkonpirmar sa mga kamatuoran nga Iyang gipadayag sa among pagtuon sa Kasulatan. Daghan pa gihapon kog mga pagduda.. Tingali mas maayo kung basahon mo ang akong mga sinulat Isulat ba nimo ang iyang mga panan-awon? Oo, ug mahitungod sa ikapitong adlaw nga Igpapahulay. Sayop kini tanan ni Miller. Duna na bay nakakita ni mano William? Hunahunaa siyay nagsugod niini nga kinabuang. Ah! Dugay nang naay mga buang wala pa siya uy. Ug daghan pa pagkahuman. Nakadungog ko nga siya nagmasakiton, ug wala mobiya sa iyang uma. Mag-ampo ako, apan...unya nagpakaaron-ingnon ako. Nganong dili nalang mamalik ning mga nahigawad nga Millerianhon ngadto sa ilang mga iglesia ng gigikanan? Ubay-ubay kanila namalik man. Apan ang uban dili gyud mamalik bisan maarangan nila. Kadaghanan nila nanagtuo gihapon nga si Jesus mobalik bisan unsang gutloa. Sa gihapon nanagpahamtang og mga petsa ng nanagyahat sa kapanganuran, daw. Luoya ni William. Makauulaw nga tanan niyang gipaningkamotan nisangpot niini, no? Hinoon, siya ug ang batan-ong Himes nagkatukod og kalihokan. - Way klaro. Way pangulo, walay mga simbahan. Nakabati ko nga naay batan-ong babaye nakakitag mga panan-awon didto sa Maine. ug usa ka capitan sa barko nangulo'g pagsimba matag Sabado. Sabado? Mao ba, mao ra nang pundoka nga dili nako sudlan. (TANAN NANGATAWA) (BATA GAHINGI-HINGI) Si Bates nakapatik mahitungod sa Sabado na usab. Diin man siya nanguhag kwarta? JAMES: Ambot...wala. Mangita pa gihapon kitag pundo aron makabayad sa atong galastohan. Asa ta mangitag $7.50? Ang takna sa paghukom nag-abut na. Ang ani ning tuiga... (MALIPAYONG MUSIKA GATUKAR SAPAW SA NAGSULTIANAY) - Amen. - Amen. Amen. ELLEN: Maningkamot kita sa pagtuon sa buhat sa Dios, ug unya di gihapon ko makasabot sa Kasulatan nga gipakigbisogan nimo ug sa uban pagtuon. Gibati ko nga daw sa anaa ako sa gawas kanunay, nagalili sa sulod. Ellen, sa dihang moabot kita sa dapit nga wala nay lutsan, Ang Dios naghatag kanimo, sa panan-awon, sa katin-awan gikan sa iyang Pulong. Apan kon wala ako sa panan-awon, daw sa nasirad-an ang akong alimpatakan sa pagsabot sa Kasulatan. (BATANG MASUSO GAHILAK) JAMES: Basi panalangin kini. Tingali ang Dios nagapanalipod kanimo. aron dili masaypan pagtuo sa katawhan ang atong mensahe nga nasukad sa imong mga panan-awon inay nga sa Pulong sa Dios. (BATANG MASUSO GAHILAK) Nakatambong na kita og tulo ka tigum sa pagpangita sa atong kamatuoran sa Biblia. Kinahanglan ba moadto pa kita sa Connecticut alang ning tiguma didto sa Beldens'? Para nako maayo siguro ang pagtambong. Apan wala kitay kwarta alang niini, James. Makadawat kog suhol sunod semana sa pagpangbugha og sugnod. May dawaton akong $10 sa akong pagtrabaho. Unsa nalang kaha ang akong anak ug akong pasahe, James. Di ko kauban. Ang atong Amahan nagtawag kanato ning buhata. Dili kita niya biyaan ni pasagdan. (BATA PADAYON GAHILAK) Nakabaton kitag pipila ka mabination kaayong mga diskusyon ning buntaga. Kinahanglan magbantay kitang tanan. Hilabihan kadaghan sa mga ilhanan sa Iyang pagbalik nga gihatag ni Jesus ngadto sa Iyang mga tinun-an diha sa Mateo nangatuman na palibot kanato, karong adlawa. Uyon ako. Ug daku kaayo ang atong nahimo. Sulod sa upat ka tuig nanglabay, kinsay makatuo sa pagsimbag Sabado? Bitaw. Gikauyonang kamatuoran atong makaplagan kon magakatigum kita. Motuman kita sa Kasugoan dili aron MALUWAS, kondili tungod kay kita MGA linuwas na. Husto. Matud ni Jesus, "Kon nahigugma kamo kanako, tumana ang akong..." Ug kon nahigugma kamo kanako, ikaw magahulat hangtud ang tanan andam na sa pagkaon. (TANAN NANGATAWA) Bates. (GAKATAWA) OTIS: Ikaw ug si Ellen naggugol og daghang panahon sa pagbyahe aron ipakaylap ang pulong. apan dili kamo mahimong anaa sa matag dapit. Ug wala namo kana gipangandoy. Ang pagbilin sa atong anak matag byahe makapagaan sa atong sakyanan, apan ang kasingkasing ta bug-at. Ang Ginoo nagpadayag kanako sa dalan nga maabot nato ang mga tumutuo sa Pagbalik nga dili kanunay magbyahe. Kinahanglan kita magpatik og usa ka pamantalaan. Apan si Igsuong Bates nagatuo nga ibutang ta ang atong mga paningkamot sa mga tartado ug mga libro, dili sa gihunahunaang basahon. Igsuong Nichols, duha ka agianan apan usa lamang. Wala kitay lalis sa iyang pamaagi. Apan ang akong bana andam na sa pagsugod dayon sa pamantalaan, ingon nga ang libro sagad malimtan sa nahimutangan. Asa kita og pundo alang niini? Magsugod kita sa diyutay, anay. Inig basa sa atong katawhan, magpadala silag mga abag sa pagpatik. Gikan sa diyutay nga sinugdanan, gipakita kanako sa Dios nga kining diyutay nga papael moliyok sa kalibutan. ANNIE: Pilay gigasto niini? $652, Annie. 600... O, Ginoo kaloy-i kami. Gibayran kini ni Hiram Edson? Oo. Apan ang balita mikuyanap na sa "Review," ug nangabot na ang mga pundo aron ibayad sa utang. Milagro kini. JAMES. Oo. Ug mga taho sa mga milagro mipanaw sa kadali. Lukota inyong mga sidsiran... .. kay ang atong buhat nagsugod na gyud. ELLEN: Kinahanglan tawgon kining basahona ang Mensahedor sa Pagpanglingla. Kining artikuloha puno sa mga bakak mahitungod sa buhat sa Dios! Gihiloan nila ang daghang kasingkasing, James. Mga maayong tawo nga nakabasa diha sa Review karon nasaypan ang Kasulatan, nagapakaylap og bakak. Aniay mas bati pa nga balita. Didto sa Wisconsin, ang tulda gikawat. - Dili kini nato tugotan! - Dili kini nato mapugngan. Dili kita organisado. Wala kitay awtoridad. (GAUBO-UBO) Kinahanglan mangita kitag paagi aron maayo imong baga. Aniay laing sulat gikan kang John Andrews ug John Loughborough. - Di ko katuo niana. - Basaha na. Silang duha gipangkapoy. Si Igsuong Andrews nagpangabudlay sa tibuok semana aron mabuhi. Iyang panan-aw nagtikahanap Iyang tingog hapit na mawala tungod sa pagpangwali kada Biernes. Ug unta kana ray atong problema. Unsa untay imong isulti kanako? Ang tag-iya sa yuta nanukot na para sunod tuig nga abang. $14.50 kada bulan. Unsay atong buhaton? Mamalhin ta. Asa sa Vermont? Ang uban nagsugyot sa Michigan. Manghipos ka ug moadto sa kasadpan? Nakaduaw ka na sa una. Ikaw, mismo, nag-ingon ang katawhan mga buotan kaayo. Ang kaigsuonan sa Battle Creek gusto sa katungdanan sa pagpangpatik. Battle Creek. Murag lisud. (GAKATAWA) Dili ba nakigbisog ka tibuok mong kinabuhi? Murag bagay nimo nga mopuyo sa maong lungsod. Mao ba? Ang kaigsuonang babaye nanagdalag mga unlan, ug usa ka talad nga may duha ka linguranan. Dunay sak-anan sa unahan nga dunay lawak para sa duha ka batang lalaki nga dagan-daganan. Ang unang simbahan namo human na pila ka semana gikan karon. Salamat, Uriah. Panalangin ka sa among panimalay. Sa di pa ko molakaw, nanghulam kog kwarta aron mopalit og pipila ka tinapay sa asukar sa maple ug duha ka takus nga trigo. Bayaran namo kining tanan. (GAUBO-UBO) Dali. Gusto mo ipakita ni Papa ang bintana? ELLEN: "Diyutay nga pagtagad ang gihatag sa Biblia, "ug ang Ginoo naghatag og diyutay nga kahayag aron ihatud ang mga lalaki ug babaye "ngadto sa daku-daku nga kahayag - ang Biblia. "Wala ako naghangyo nga tuohan ang akong mga pulong. "Ibutang si Sister White sa pikas. "Ayaw kutloa ang akong mga pulong hangtud matuman mo ang Biblia. "Gipadaku ko ang hamiling Pulong atubangan ninyo. "Ang baruganan nato ug pagtoo anaa sa Biblia." JAMES: Gusto ko masayod ka , Girehistro ko ang atong balay sa imong ngalan. Dili ako mamati niana. Hmm. Unsay imong mahimo apan sa pagpamati? (GAUBO-UBO) Kon mopahulay ka, panlawas mo mamaayo. Girehistro ko ang balay sa imo. Kon tugotan sa Dios nga mopahulay ako, Dili ako mobiya og balo uban ang tulo ka mga bata nga walay masak-an. Dili ko. May pagtuo ako nga dili ka kuhaon sa Ginoo namo. Daghan pa kag himoonon, Mr White. Aduna na kitay kapin sa 2,000 ka mga tumutuo. Ellen, misulay ako ning buhata... Dili, nagmalampuson ikaw. Magpadayon kita sa paghulat sa Ginoo. (GAUBO-UBO) Ang pagpanag-iya kinahanglan kuhaon sa mga kamot sa mga tawo. Ako lang ang nanag-iya sa patikanan, Igsuong Bell, ug dili kana husto. Ug ako ang nanag-iya sa yuta nga gilun-an sa simbahan. Sa unsang pangalan kini patindigon? Para nako, dili sa tawo. Si Igsuong Andrew adunay gisugyot nga dili kinahanglan mag-organisa legal ingon nga usa ka iglesia. Apan marehistro kita ilalum sa mga balaod sa Michigan ingon nga usa ka asosasyon. Asosasyon? Ang kinaunahang mga Cristiano ingon sila niana. Kinahanglan dawaton nato ang atong gihisgotan. Magtawag kitag usa ka konferensya magtigum dinhi sa Battle Creek. Kinahanglan adunay kasunduan, bisan ba kita magpuyo hagtud sa pagbalik sa atong Ginoo himoon nato sa ingon. (MGA LALAKI GATABI) (PAGKUTAB-KUTAB NAHILUM) Aduna bay mosyon sa pagtukod og usa ka asosasyon sa patikanan? MGA LALAKI: Uyon. Uyon. Uyon. ANDREWS: Mga ginoo, ilalum sa balaod sa Michigan, dili kita makaparehistro sa atong patikanan hangtud magpili kitag ngalan. - (UBAN GATABI) - TAWO: Husto si Igsuong Andrews! TAWO: Uyon ako ni Igsuong Andrews. Mga ginoo, dili kita mobalik sa atong giantusan sa duha ka adlaw Kining bag-ong pundok nato namugna, ug karon mingtubo na nga kini hilabihan ka bakikaw nga walay ngalan alang niini . Ginganlan kita nila og katawhan sa Siradong Pultahan... ..tungod kay nagtuo kita nga ang pultahan sa Balaang Dapit nasirado na, ug ang pultahan sa Labing Balaang Dapit sa Langitnong Sanctuaryo naablihan Kabahin ba kana sa atong ngalan? (GAYAMYAM) Bisan unsang ngalana atong pilion... ..kinahanglan dili kini talamayon sa tibuok kalibutan. Duha na ta ka adlaw sigeg hisgot. Ug, layo pa ta kaayo. Miirog na kita. Apan aduna pay mga pangutana gihapon. Importante nga mabatian ang tanan, James. (BATA GAAGUMOD) Oo, John Herbert, sige ikaw. Ang among ikaupat nga anak tingali maoy pinaka saba. Diin kaha siya miliwat no? (GAPANGHUPAW) (DILI MAKLARO NGA PAGYAMYAM) BATES: Mga ginoo... Kaigsuonan, paghilum. Isugyot ko nga tawagon nato ang atong pundok nga Ang Iglesia sa Dios. Duna nay nakauna ana nga pangalan. Ug dili ba daw hambogiro ra kita niana? Mao pud. (GATABI-TABI) (GAPOKPOK SA LAMESA) Tingali kinahanglan tan-awon nato ang duha ka haligi sa atong pagtoo - Ang Sabado ug ang Ikaduhang Pagbalik ni Jesus. Unsay inyong ikasulti nga tawgon kitag mga Seventh-Day Adventists? (MGA BAGOTBOT SA PAGTUGOT) Aduna bay mosyon? I-mosyon nako nga tawagon nato ang atong mga kaugalingon og Seventh-Day Adventist. TANAN: Uyon! (NAGMADAUGON NGA TUKAR) Katingalahang adlaw. Katingalahang adlaw, sir. Dugay, dugay nga pagbalik. (BATA KUSOG GAHILAK) Mikatag na ang kagaw, ug wala na akoy mahimo pa. Pag-ampo lamang. - (PADAYON SA PAGHILAK) - Apan ang looy namong anak init murag kalayo. (BATA GAUBO-UBO UG GASUKA-SUKA) (GAHILAK) Shhh. ELLEN: James... (GABAKHO) Dili, ang atong anak! James ELLEN: 29 ka adlaw naglabay... ..namatay ang among batang anak, si John. Nakasabot na ako karon sa kaguol ni Haring David, sa dihang namatay iyang anak. "Anak ko...anak ko, motugot kaha ang Dios kon ako lang ang mamatay." Ug busa mihupot ako sa saad sa Amahan nga "matag-usa ka butang ang Dios nagabuhat ug maayo uban kanila nga mga nahigugma kaniya." Apan mianhi ako atubangan kaninyo karon, Enero 12, 1861 ... ..sultihan ko kamo gipakitaan akog panan-awon nga daghan pang Estado mobuylog sa South Carolina sa pag-atras, ug mosangpot kini sa makalilisang nga gubat. Nakita ko ang daghang kasundalohan nga gipadala sa Amihanan ug sa Kasadpan. Nakita nako naglungotlungot nga gubat, nabatian ko ang pagbutobuto sa canyon. Ang mga patay ug mga samdan nangapukan sa matag panig. Ug gidala ako sa panan-awon sa mga puloy-anan niadtong mga nawad-ag mga igsuon, mga anak ug mga bana sa gubat. Ug daghan... ..lalaki ug babaye ning balaya karon, mawad-an sa ilang mga minahal sa kinabuhi sa pag-abot sa panahon. Ang hinungdan sa gubat maoy tungod sa Kaulipnan ug sa kagahi sa ulo niadtong nanagbalibad pag-tan-aw sa kamatuoran sa Dios. Ang balaod sa pag-uli sa ulipon balik sa iyang amo, dili nato tumanon. "Karon, busa, Ako, si Abraham Lincoln, Presidente sa Estados Unidos "pinaagi sa akong gahum "gitugyan kanako sa Constitution ug mga balaod, "naghunahuna nga angayan manawagan, "ug dinhi nagatawag... "..sa kasundalohan sa daghang mga Estado sa Unyon, "aron makab-ot ang kadaghanon nga 75,000... "..aron mapugngan ang giingon nga mga combinasyon, "ug aron ipatuman ang mga balaod sa hustong paagi ." JAMES: Kining gubata maoy usa ka makalilisang nga trahedya sa atong nasud. JOSEPH: Mao gyud kana. Unta mamati lang unta ang tawo sa Pulong sa Dios. Kumusta imong panlawas, Igsuong White? Nanginahanglan kag dugang pahuway. Karon, unom ka mga conferensya nanagbuto aron magtukod og Conferensya heneral ug si John Byington maoy una natong presidente. Kana nga kamatuoran pa lang nakapalig-on sa akong pitad. Ang buhat sa Dios sa tinuod makapadayon nga walay babag. Ang Ginoo nagauna ug kita mosunod. Murag maayo man to siya paggikan nato. Pila lamang kadto ka mga adlaw! - Maayo siya. Oo. Siya... - Ang doktor nag-ingon pneumonia daw? Sigurado ka? Mama! Salamat sa kaayo ania kamong duha. Henry? Henry, makadungog ka nako? Isaad kanako... Mama ... nga kon mamatay ako...ilubong ako tapad sa akong igsuon, si John Herbert ..aron dungan ming mamangon... ..sa buntag sa Pagpamanhaw. Himoon sa Dios ang tanang butang nga maayo, anak ko. Dili na nako makaya kini. Ang pagkawala sa paraygon nga batang John tulo ka bulan human sa iyang pagkatawo... Daw sa gihulam ra nato siya sa Dios. Apan kini! Mama... ..Magkita ta sa Langit, nasayod ako atua ka didto.... (GABAKHO) Dili, Henry! Henry! Henry! (GABAKHO) (PAGBAKHO GAPADAYON) Gasulat ka gihapon. Murag binulan ka na diha sa imong lamesa. Mas makasabot ko kon isulat ko ang mga ideya. Panan-awon kini nahanungod sa atong maayong panlawas. Sige daw basahi daw ko bi? Ang kasingkasing sa nadawat nga mensahe mao ang kadugtongan tali sa pag-atiman sa atong mga kalag ug sa atong mga lawas. Daghan kaayo kanato gipangkapoy na sa pag-alagad sa Ginoo. Nakita ko nga ang tabako hinay ug makamatay nga hilo. Apan sagad giingon ang tabako daw adunay makaayo nga balor... Ginasultihan ko lang ikaw kon unsay akong nakita. (GATINGSI) Ilimnon, tea, kape kinahanglan likayan. Ah. Padayon. Isalibay na nato ang karne, ug balik hinoon kita sa pagkaon sa Eden - bugas, utanon, mani, prutas. JAMES: Gipakita ka gyud sa Ginoo niana? (GAKATAWA) Unsaon nato pagkabuhi kon walay karne? - Nagtikagrabe pa. - Ah. Mga tam-is nga cake ug tam-is nga pies kinahanglan likyan. (ANG DUHA NANGATAWA) Ang mga mangingihaw, ang mga tindiro sa tabako, ang mga inumanan... gukdon na ta karon ani. - Oh, ang baker, sab. - Daghan pa. Ang atong lawas nanginahanglan og putli nga tubig, ehersisyo ug limpyo nga hangin. Ang pag-atiman sa atong panlawas usa ka espiritohanong butang. Nakita ko nga sagradong tulomanon kini ang pag-atiman dili lang sa atong kaugalingon kondili sa pagtudlo sa uban unsaon pag-atiman ang ilang mga lawas. ELLEN: Edson! Kamot. Amahan namong Langitnon, nagapasalamat kami Kanimo sa mga pagpanalangin kanamo sa kapiskay ug ning lamiang pagkaon. Nagpasalamat kami, sa Imong ngalan. Amen. DUHA: Amen. Edson, nganong wa ka mokaon? Tungod kay busog siya sa pagkaon nga di angay niyang kan-on. Karon, Willie, ayaw na'g awaya imong isguong lalaki. Dili kita magtutok sa talaan sa mga dili maayong pagkaon. Mas mahinungdanon nga makasabot ka ang imong lawas maoy templo sa Dios, ug atimanon nimo kini pag-ayo. Nakasabot ka? - Oo. - ELLEN: Maayo. Palihog sa sibuyas, Pa? (GAHAGBA) ELLEN: James. James! - James! - Papa! Sige, tawga ninyo ang doktor. James! James... Hey, hey. Nia lang ako. Ania lang ako. James, tan-aw nako. Ang imong bana na-estroke na sab. - Nagtikaayo na siya... - (JAMES GASAMSAM) Ayaw, ayaw karon. Duna kay paralysis sa nawong. Sagad kini tapos ning matanga sa atake. Sultihi ko unsay among himoon karon. Buyno, pahuway maoy pinaka importanteng butang. Daghang pahuway. Pabor ako sa pagkuha og dugo. Pagkuhag dugo? Dili kana pwede. Ang barbero sa Main Street modawat sa akong mga panugon. Siya adunay hustong mga gamit alang sa pag-opera. Ang pagpaagas sa dugo nasayran nga labing epektibong pamaagi human sa estrok. Himoon kana nato nga paagi inig kaayo na ni James. Dili ka mananambal, Mrs White. Karon, mobalik ko ugma sa buntag. Ang estrok usa ka kusgang butang. Swerte ka buhi ka pa, Mr White. ELLEN: Salamat. Ihatud ang maayong doktor sa pultahan. Nagtugina ako og duha ka anak , Mr White. Dili ka pwede motaliwan. Ang maayong Ginoo nanghulam sa imong tuong kilid aron masiguro nga Siya mangitag kinamaayong paagi sa pagpabalik sa kanimo ngadto sa maayong kapiskay. (MUSIKA KATUKAR SAPAW SA SINULTIANAY) Karong adlawa kita nagainagurar sa Western Health Reform Institute. Nangita lamang kitag inspirasyon ning proyektoha sa paglambo sa iyang panlawas pinaagi sa atong igsuong, James. Si Sister White, nagagamit sa mga prinsipyo gihatag kaniya sa panan-awon sa Dios, ingon nga napakita, aduna kitay daku pang buhat nga himoonon. Sa unahan, ang pag-atiman sa panlawas mamahimong punoang pagtagad sa atong iglesia. Nakita ko nga ang hingpit nga pahuway lang dili makaayo. Kinahanglan ubanan kini sa ehersisyo, pagkaon ug pagtoo sa Dios. Ug daghan na kaninyo nasayod sa kaimportante sa tubig, ug paggamit og prutas, trigo, mani ug mga utanon. Unsay atong gikaon maoy kinatas-ang importansya. Kining mga planoha dili lamang alang sa kaayohan kondili sa paglikay. Unta ang Dios magapanalangin sa atong pagkamatinumanon, ug magahatag kanato og kusog sa sulod sa pagpadayon sa Iyang buhat sa pagpakaylap sa maayong mensahe sa Ikaduhang Pagbalik sa kalibutan. (GAPAKAPAK) (GAPAKAPAK) Kana mao si Bourdeau. B-O-U-R-D-E-A-U. Si Igsuong Loughborough ug si Igsuong Bourdeau nakaadto na sa California, apan asa man ang uban nga moingon, "Ania ako, Ginoo. Ipadala ako?" Kinahanglan dili nato talikdan kadtong nanginahanglan. Edukasyon ug pag-ayo nagakuyog. Giunsa nato pag-ayo ang lawas ug pasagdan ang alimpatakan nga madunot? Si Jesus naggahin og daghang panahon sa pagpang-ayo kaysa pagwali. Bitaw. Nanginahanglan kitag dugang pa'ng baskog nga mga magbubuhat. (GAPANGHUPAW) Bitaw. Kinahanglan magbansay pa kitag dugang nga mga batan-on alang sa buhat. Ang atong mga batan-on nagsugod sa buhat human dayon diha sa batadilang tulonghaan. Kinahanglan maadunay paagi sa paghatag kanilag mas maayo nga edukasyon. Magpatabang kog diyutay sa paghipos ning mga sugnod. Salamat kaayo. Ako si Bell. Goodloe Bell. Giunsa nimo pagkahanas sa pagpangbugha? - Dili ko hanas, Amo... - States. Siya mao si George States. Ako si Edson White. Ang pagbugha maayo alang sa akong panlawas. Asawa nako namatay sa miaging tuig. Ug mihunong ako sa pag-atiman sa akong panlawas. Gikasubo ko kana. Apan... giunsa pagtabang ang pagbugha? Imbes nga sigeg tumar og tabletas, nakakat-on ako paggamit sa akong mga bukton gawas sa balay. Ug karon nia, nakabuhat ka na? Lantip nga alimpatakan ingon ka maayo nga galamiton sa hait nga hatsa. Unsay imong trabaho sa wala pa ka mianhi sa pagpangbugha? Magtutudlo ako sa daghang katuigan. Ug unya usa ka inspektor sa tulonghaan. Nakahimamat kog pustorawo nga tawo didto sa Health Institute ning semanaha. - Mm. - Iyang ngalan si Goodloe Bell. - Nagtuo ko nakita ko na siya. - Oo. Mianhi siya nga masakiton, uban ang punggak nga mga ugat. Nagbuhga sulod sa usa ka oras. Mm, oo -ehersisyo ug pagsuroy sa gawas maoy usa ka kahibulongan alang sa maayong panlawas. Human sa among pakigsulti kaniya, si George ug ako nakahunahuna... ELLEN: Mm-hm? Mahitungod sa pagbugha? Dili, Willie - Mahitungod sa pag-eskwela. ELLEN: "Ang pagtudlo maoy pinakatakdo nga buhat sukad giangkon sa mga lalaki ug babaye "sa pagharong sa mga batan-on og hunahuna. "Ang kinadak-ang pag-atiman kinahanglan itutok sa edukasyon sa mga batan-on - "aron sa paglahilahi sa matang sa panudlo "ingon sa pagtawag sa hataas ug halangdon nga mga gahum sa alimpatakan." John Harvey Kellogg. William K. Kellogg. George States. Edson White. William White. LANGITNONG TINGOG: Ang imong balay mao ang kalibutan. (MAKAPABAYAW NGA TUKAR) Duha na ka tuig sukad sa kamatayon sa atong magsusugod nga igsuon, Joseph Bates... ..ug 30 ka tuig sukad ang Dios nagtawag ning mga magsusugod nga katawhan. Sa kinabag-ohan kong panan-awon, ang langitnong mensahedor nag-ingon, "Nagasagop kag mga ideya nga limitado kaayo ning panahona. "Ang imong balay mao ang kalibutan." Nagbutang na kitag daghang mga kahinguhaan sa pagpatik sa "Mga Talimad-on sa Kapanahonan" TAWO: Bahin sa atong mga plano sa Pacific Press? Di ba gipadala nato si Igsuong Loughborough ug Bordeau sa California - sa dakung kantedad - lamang aron moabot kini latas sa kadagatan? - (GABAGOTBOT) - Asa gikan ang kwarta? (PAGBAGOTBOT GAPADAYON) Siguro nga ang atong kahinguhaan mas maayo gastohon dinhi - sa ato. "Ang imong balay mao ang kalibutan." Padayon kita aron tanan adunay kahigayonan sa pagdawat sa kamatuoran. Ang mensahe nga ginadala nato usa ka mensahe alang sa tibuok kalibutan. Magaabot kini diha sa gahum ngadto sa halayong Oregon, ngadto sa Uropa, sa Australia, sa mga isla sa kadagatan, sa tanang kanasuran, sinultihan ug mga katawhan. (GABAGOTBOT) Kahapsay! ANDREWS: Nganong nagduda pa kita niini nga tulomanon? Mga kalag nagtikamatay nga maabot na unta karon. Igsuong Andrews, isugyot ko nga atong uyonan ang isyu sa atong conferensya heneral sa Agosto. Kinahanglan butaran nato ang pagpakaylap sa gawas sa nasud nga kaumhan. Aron sa pagkaylap, tanan mobati sa pag-inat. Ginapadala nila si Igsuong Andrews sa Switzerland! (MGA KATINGALA UG MGA PAGDAYEG) (GAPANGHUPAW) Ang pagsuroy sa halayong kadagatan - gusto kaayo to ni Igsuong James Bitaw. Nakasiguro kita nga ang Ginoo nagagiya kanato. JAMES: Buyno, amping, Igsuong Andrews - ilakip ka namo sa among pag-ampo. Paghinay. Maayong pagbyahe. Iyang ipakaylap ang maayong balita sa di na dugay nga pagbalik ni Cristo sa Uropa. Ug lapas niana, kinahanglan sultihan nato ang kalibutan. ELLEN: "Wala kitay angay nga kahadlokan sa umalabot "gawas kon malimot kita sa paagi sa paggiya sa Ginoo kanato, "ug sa Iyang panudlo diha sa atong nangagi nga kasaysayan." (NAGMADAUGONG TUKAR NAGTIKAKUSOG) ("MGA TRUMPETA PATINGOGA" GATUKAR) Subtitle by: Bartman Mangubat Barrientos, East Visayan Conference Tacloban, Leyte, Philippines