Təsəvvür edin ki, küçədə sizlə qarşılaşıram

və sizdən sin pi/4 ifadəsinin

qiymətini soruşuram.

Burada radianlardan bəhs edirik.

Buraya vahid çevrə

çəkə bilərik.

Bu çevrə o qədər də yaxşı görünmür,

amma işimizə yarayacaq.

pi/4 radian ifadəsi

45 dərəcəyə bərabərdir.

Buraya vahid radius çəkək.

Vahid çevrədə sinus y koordinatı ilə

təyin edilir.

Odur ki, buradakı qiyməti bilmək
yaxşı olardı.

Buraya baxaraq deyə bilərik ki,

bu 45 dərəcədir.

Gəlin üçbucağı bir qədər böyük çəkək.

Üçbucaq belə görünür.

Bu 45-dir.

Bu da 45-dir.

Bu isə 90-dır.

45-45-90 ölçülü bir üçbucaqdır.

Hipotenuz 1-dir.

Bu x-dir.

Bu da x-dir.

Onlar bir-birinə bərabərdir.

Bu bərabəryanlı üçbucaqdır, düzdür?

Onun iki bucağı bərabərdir.

Burada x kvadratı + x kvadratı 1kvadratına,

yəni 1-ə bərabərdir.

2x kvadratı = 1.

x kvadratı = 1/2.

x = kökaltında 1/2, yəni 1 böl kökaltında 2-ə

bərabərdir.

Bunu kökaltında 2/kökaltında 2-ə vurmaqla

rasional formada yaza bilərik.

Bu zaman x = kökaltında 2 böl 2 alınacaq.

Belə ki, buradakı hündürlük kökaltında 2 böl 2-ə
bərabərdir.

Buradakı məsafə də həmçinin

eyni qiymətə bərabərdir.

Ancaq bizə sadəcə hündürlük lazımdır.

Çünki sinus qiyməti buradakı

hündürlüyə bərabərdir.

Y koordinatına.

Həmin qiymət kökaltında 2 böl 2-dir.

Bunların hamısını nəzərdən keçirmişik.

Bunu vahid çevrə videosunda öyrənmişdik.

Təsəvvür edin ki, bir gün

sizdən kökaltında 2 böl 2 ifadəsinin

arksinusunu soruşuram.

Arksinus nədir?

Çaşdırıcıdır.

Siz sinusun nə olduğunu bilirsiniz.

Ancaq bu, yeni bir triqonometrik funksiyadır.

Sözün qarşısında "ark" hissəciyi varsa,

bu zaman sinusun tərsi

nəzərdə tutulur.