Caro Samsul,

Samsul, hau hakerek ona karta rua ba O maibe O nunka hatan.

Hau espera tuir karta video ne'e, O bele haree ita nia oan feto no ho laran luak hodi fó netik notisia ruma.

Surat video ne'e hau lori husi Bupul to'o Merauke hodi O bele haree.

Samsul, durante ne'e, hau sei hela iha Aldeia Bupul ho inan-aman.

Aldeia ne'e sei nafatin hanesan uluk, anin mos sei fresku.

Maibe to'o ohin loron, sei la iha nafatin ahi no telefone.

Iha dalan ba Merauke, hau liu pos seguransa fronteiras nian barak.

Pos TNI ne'ebé uluk besik ponte Mota Maro agora muda

ona ba besik eskritóriu Distritu Eligobel.

Hanesan O hatene, la'o husi Bupul ba Merauke todan tebes,

bainbain lori oras 4 ka 5.

Samsul, hau hanoin los O.

moris susar tebes.

Ema barak husu beibeik se mak aman ba hau nia oan.

a sira ne'ebé mak hatene oan ne'e nia aman soldadu TNI ida, sira sempre bolu militar nia oan.

Baibain kuandu Yani tanis

ita nia inan-aman hirus no dehan,

'O nia aman hatene deit halo O, maibe la hatene tau matan'

Hau nonok deit no simu inan-aman sira nia liafuan.

Maun Samsul sei hanoin ka lae bainhira ita hasoru malu fofoun iha 2008?

Momentu ne'e O haraik-an los no ema diak.

Bainhira O visita ami nia uma, sempre lori biskoitus, Energen ho susubeen.

O sempre mai beibeik uma to'o ita rua hahú namora.

Hau sei eskola iha SMK momentu ne'ebá.

Hau hanoin ita rua atu kaben.

Maibé O ba Bandung iha Novembru 2008 bainhira hau sei isin rua fulan 5.

O promete atu muda servisu ba Merauke no hateten hau hodi tau matan ba ita nia oan.

Iha loron 17 Marsu, 2009, ita nia oan feto, Anita Mariani, moris iha Aldeia Bupul.

Hau bolu nia 'Yani.'

Agora Yani bo'ot ona. Yani tinan tolu ona.

Nia hakarak ba eskola no hakarak sai ema ne'ebé diak ba ema hotu no ba nasaun.

Samsul, agora inan-aman mós ferik no katuas ona.

Sira la bele ona buka osan hodi selu no tulun ita nia oan nia moris.

Hau labele buka servisu ka osan tanba tenke kous no tau matan hela Yani loron-loron.

Maibé hau haka'as an atu tau matan ba ita nia oan nia moris.

Se O fila mai, hau sei simu O ho laran luak ho hau nia fuan tomak.

Hau sei hein nafatin O, Samsul.

Hau la importa ema seluk kualia saida.

Domin, husi Bupul no Merauke, 21 Novembru 2011

Maria Goreti Mekiw