Men bu yerda turishimdan maqsad, soham, 
sun'iy intellekt haqida

yangicha fikrlashni taklif qilish.

Menimcha SI ning maqsadi

bu insonlarni mashina intellekti 
bilan kuchaytirishdir.

Mashinalar aqlliroq bo'lgan sari

biz aqlliroq bo'lamiz.

Men buni "insoniy SI" deb atayman.

Sun'iy intellekt odamlar bilan o'zaro 
ishlashi va ularni rivojlanishiga

yordam berishi orqali insonlarning 
ehtiyojlarini qondiradi.

Hozirgi kunda yordamchi intellekt

g'oyasi katta mavzuga aylanganligidan

juda hursandman.

Bu odamlar va SI o'rtasidagi faollikni 
ifodalash uchun o'rinli metaforadir.

Men yaratishga hissamni qo'shgan SI 
Siri deb ataladi.

Siz Sirini bilasiz.

Siri sizning maqsadingizni tushuna oladi, 
hamda uni

amalga oshirishda yordam beradi,

va uni bajarishda qo'l keladi.

Ammo siz bilmaydigan narsa bu, 
biz Sirini odamlar

kimligi va qobiliyatiga qaramay, ularga

mobil aloqa orqali suhbatlashish 
interfaolligini

amalga oshirishda yordam beradigan

insoniy sun'iy intellekt ekanligidir.

Hozirda ko'pchiligimiz uchun bu

texnologiyaning ta'siri ish bajarishni 
biroz bo'lsa-da

yengillashtirishidadir.

Lekin mening do'stim Daniel uchun

buning ta'siri butun hayotini o'zgartirdi.

Bilasizmi, 
Daniel juda ham kirishimli yigit,

lekin u ko'r va qo'l oyoqlari shol.

Shuning uchun biz bemalol ishlata 
oladigan moslamalarni u ishlata olmaydi.

Ohirgi marta men uning uyiga borganimda 
uning akasi

"Biroz kuting, Daniel hali tayyor emas.

U online tanishgan qizi bilan 
gaplashyapti" dedi.

Men "Zo'rku, buni qanday uddaladi?" dedim.

Daniel ijtimoiy hayotini boshqarish 
uchun Siridan foydalanadi.

U ko'makdoshining yordamisiz

e-mail, sms va qo'ng'iroq qila 
olishi mumkin.

Bu qiziq, shunday emasmi?

Taqdir hazili shundaki,

Sun'iy Intellekt unga aqlli inson bilan 
muloqot qilishda

yordam berayapti.

Bu insoniy Sun'iy Intellektdir.

Yana bir yorqin misol bu saraton 
kasalligiga

tashhis qo'yishdadir.

Vrachlar saratonni gumon qilganda,

ular qondan namuna olib patologga 
jo'natadi.

Patolog uni mikroskopda ko'radi.

Patologlar bir kunda yuzlab namunalar va

minglab hujayralarga qaraydi.

Bu vazifani yengillashtirish

maqsadida ba'zi olimlar tasniflagich 
SI yaratishdi.

Ushbu tasniflagich namunalarga qarab 
saraton bor

yoki yo'qligini aytadi.

Dastlab tasniflagich juda yaxshi

ishlayotgan edi, lekin inson kabi

doim ham to'g'ri aytib bera olmasdi.

Ammo qachonki olimlar inson intellekti va 
mashina qobiliyatini birlashtira olganda

aniqlik 99.5 foizga oshdi.

Shunda SI bilan hamkorlikda ishlash 
patologlar bir o'zlari

ishlaganda qiladigan xatoliklarini 
85 foizga kamaytirdi.

Bu juda ham ko'p oldi olinmagan 
saraton kasalliklaridir.

Qizig'i shundaki, insonlar yolg'on

alomatni inkor etishni yaxshi uddalasa, 
mashina esa aniqlanishi qiyin

bo'lgan alomatlarni topa oladi.

Bundagi saboq qaysi biri tasniflash 
vazifasini

yaxshi bajara olishida emas.

Chunki narsalar doim o'zgarib turadi.

Balki,

inson va dastgoh qobiliyatini 
birlashtirish orqali

superinsoniy vazifani bajarishda 
sheriklik yaratilishidir.

Bu insoniy SI dir.

Keling, yana bir misolni olaylik.

Bu tezlikni

yaratishdir.

Masalan, siz muhandissiz.

Siz dron uchun rom yaratmoqchisiz.

Siz uni eng yoqtirgan dasturli 
3D dasturingizda tayyorlaysiz

va shaklni hamda homashyolarni kiritasiz. 
So'ng siz bajarilishini tahlil qilasiz.

Bu bitta dizaynni beradi.

Agar siz o'sha dastgohlarni SI ga 
bersangiz,

u minglab dizaynlarni yarata oladi.

Autodesk yaratgan ushbu video ajoyib.

Bu haqiqatdan ham ajoyib.

U biz dizayn qilgan narsani yaratadi.

Muhandis inson dizayn bilan

nimaga erishish kerakligini aytadi

va mashina

"Mana namunalar" deb

ko'rsatadi va endi muhandisning vazifasi 
inson sifatida o'zi

ma'qul deb biladigan, dizayn maqsadiga 
mos tushadigan

variantni insoniy fikr va tajribaga 
asoslanib

tanlaydi.

Natijada yaratilgan mahsulot

huddi tabiat yaratgan narsaday ko'rinadi.

Bir necha million yillik evolyutsiya

va shuncha keraksiz bo'lgan mo'yna.

Keling endi bu insoniy SI, agar biz uni 
ortidan ergashsak, qayerga yetaklab

olib borishi mumkinligi haqida 
gaplashaylik.

Biz hammamiz qanaqa rivojlanishni 
istaymiz?

Kognitiv rivojlanishga nima deysiz?

"Biz mashinalarni qanchalik

aqlli qila olamiz?" deb so'rashni o'rniga,

keling, "Ular bizni

qanchalik aqlli qilishi mumkin?" 
deb so'raylik.

Misol sifatida xotirani olaylik.

Xotira bu inson intellektining asosidir.

Lekin inson xotirasi kamchilikka egaligi 
hammaga ma'lum.

Biz hikoya qilishda yaxshimiz, ammo uning

detallarida unchalik emas.

Va bizning xotiramiz vaqt o'tishi 
bilan sustlashadi.

Ya'ni, 60-yillar qayga ketgan bo'lsa 
men ham o'sha yerga ketaman.

(Kulgu)

Ammo sizda kompyuter xotirasi singari 
xotira bo'lganda

nima qilgan bo'lardingiz?

Siz hayotingizda uchratgan har bir 
inson ismini eslab,

ismini qanday qilib talaffuz qilishni,

ularning oilasiga taaluqli detallarni, 
xatto

so'nggi bor qachon gaplashganingizni

eslay olganingizda nima bo'lardi?
Sizda shunday xotira

butun umr davomida bo'lsa, barcha 
insonlar bilan qilingan suhbatlarni

ko'rish va ancha oldingi

munosabatlaringizni eslashga yordam bera 
oladigan SI bo'lsa.

Agarda SI siz o'qigan har qanday narsani 
o'qib bera olsa va eshitgan har qanday

musiqasini kuylab bera olsa 
nima bo'lgan bo'lardi?

Kichkinagina ishora bilan u sizga 
oldin eshitgan har qanday narsani

eslatib bera olsa, siz yangi aloqalar 
qilish

va yangi g'oyalar shakllantirish 
qobiliyatiga ega bo'lishni

tasavvur qilib ko'ring.

Bizning tanamizchi?

Biz yegan har bitta ovqatimiz, qabul 
qilgan tabletkamiz

va yotishdan oldin qabul qilgan

dori ta'sirini eslay olganimizdachi?

Bizda to'plangan ma'lumotlardan kelib 
chiqib, nimalar

o'zimizni yaxshi his qilishimizga undashi 
haqida ilmiy ish qilishimiz mumkin.

Tasavvur eting, allergiya va surunkali 
kasalliklarni

boshqarishimizda bu qanchalik 
qo'l kelishini.

Men SI shaxsiy xotirani kuchaytira 
olishiga ishonaman.

Men qachon va qanday omillar bilan 
bog'liqligini aniq

aytolmayman, ammo bu muqarrarligi aniq,

chunki SI ni hozirgi kunda muvaffaqqiyatli
qilgan narsa bu

keng qamrovli ma'lumotlar bazasidir,

mashinalarning ushbu bazadan har 
kunlik turmushda

foydalana olishidadir.

Ushbu ma'lumotlar bazasi hozir hammamiz 
uchun mavjud,

chunki biz telefonda va online orqali

raqamli, vositali hayot olib borayapmiz.

Mening fikrimcha, shaxsiy xotira bu 
xususiy xotiradir.

Biz nimani eslash kerakligini o'zimiz 
tanlaymiz.

Bu mutlaqo alohida saqlanishi kerak.

Hozir, bizning ko'pchiligimiz

uchun rivojlangan shaxsiy xotira ta'siri

yaxshilangan ruhiy yutuq bo'lardi.

Ehtimol, bu ijtimoiy yutuq hamdir.

Lekin Altsgeymer va ruhiy kasalligiga 
uchragan millionlab odamlar uchun

rivojlangan xotira ularning hayotiga 
o'zgarish

kiritishi ular hayotidagi yolg'izlik, qadr-qimmat,

hamda o'zaro aloqadagi o'zgarishdir.

Biz hozir sun'iy intellektning renessans 
davri o'rtasida turibmiz.

Ya'ni, o'tgan bir necha yil davomida

biz yillar davomida kurashib kelayotgan

SI muammolariga yechimni kuzatishimiz 
mumkin.

Bu muammolar suhbatni anglash, yozuvni 
va rasmni

fahmlashdan iborat edi.

Biz bunday kuchli texnologiyani qanday 
foydalanishni o'zimiz tanlashimiz mumkin.

Biz SI ni bizni avtomatlashtirish va biz 
bilan raqobatlasha olishi,

yoki undan bizni rivojlantirishi va biz 
bilan birga ishlashi uchun,

bizning kognitiv cheklovlarimizni yengish

va biz qilayotgan ishni yaxshiroq 
bajarish maqsadida

foydalanishimiz mumkin.

Biz mashinalarga intellekt o'rnatishning 
yangi yo'llarini topganimiz sari,

ushbu intellektni sharoitidan qat'iy 
nazar,

har bir ko'makdoshga muhtoj bo'lgan odamga

yordam berishga hissamizni qo'shishimiz 
mumkin.

Shuning uchun,

har safar mashina aqlliroq bo'lgani sari

biz aqlliroq bo'lamiz.

Shu sababli SI boshqalar bilan 
ulashishga arziydi.

Rahmat.

(Qarsaklar)