ലോകമെമ്പാടും ഹാര്ട്ട് അറ്റാക്ക് മൂലം ഉദ്ദേശം
ഏഴ് മില്യൺ ജനങ്ങൾ പ്രതിവർഷം മരിക്കുന്നു.
രക്ത ചംക്രമണവുമായി ബന്ധപ്പെട്ട പ്രശ്നങ്ങൾ,
ഹാർട്ട് അറ്റാക്ക്, സ്ട്രോക്ക് മുതലായവ
ലോകത്തിലെ ഏറ്റവും വലിയ കൊലയാളികളാണ്.
ഹാർട്ട് അറ്റാക്കിനു കാരണം എന്തെല്ലാമാണ്?
എല്ലാ മസിലുകളെയും പോലെ,
ഹൃദയത്തിനും ഒക്സിജന് വേണം,
ഹാർട്ട് അറ്റാക്ക് നടക്കുമ്പോൾ,
ആവശ്യത്തിന് ഓക്സിജൻ കിട്ടാതെ വരുന്നു.
പ്ലാക്ക് എന്ന് പേരുള്ള കൊഴുപ്പുശേഖരം,
കൊറോണറി ധമനികളിൽ നിറയുന്നു.
അവകളാണ് ഹൃദയത്തിലേക്ക്
ശുദ്ധരക്തം പമ്പ് ചെയ്യുന്ന ധമനികള്.
നമുക്ക് പ്രായമേറുന്നതിനൊപ്പം,
പ്ലാക്കുകളും വലുതായി വരുന്നു
ചിലപ്പോള് അവ തടിച്ചുകൊഴുക്കുന്നു.
കട്ടിയാവുന്നു,
സമ്മര്ദം സൃഷ്ടിക്കുന്നു.
കാലക്രമേണ പ്ലാക്കുകൾ ധമനിയിൽ
ബ്ലോക്ക് ഉണ്ടാക്കുന്നു,
ഏതെങ്കിലും ഒരു പ്ലാക്ക്
പൊടുന്നനെ പിളർന്നാൽ,
അതിനു ചുറ്റും ഒരു രക്തക്കട്ട
മിനിറ്റുകൾക്കകം രൂപപ്പെടും,
അങ്ങനെ പാതിയടഞ്ഞ ധമനി
മുഴുവനായും ബ്ലോക്കാകുന്നു.
അതോടുകൂടി രക്തം കൊടുത്തിരുന്ന
ഹൃദയമസിലിലേക്കുള്ള പ്രവാഹം നിലയ്ക്കുന്നു.
ഓക്സിജൻ കിട്ടാതെ വരുമ്പോൾ മസിൽ കോശങ്ങൾ
മിനിറ്റുകൾക്കുള്ളിൽ മരണമടയുന്നു.
ഇതാണ് മയോകാർഡിയൽ ഇൻഫാർക്ഷൻ,
അഥവാ ഹാർട്ട് അറ്റാക്ക്.
ചികിത്സിച്ചില്ലെങ്കിൽ അവസ്ഥ
പെട്ടെന്ന് മോശമായേക്കാം.
ഓക്സിജൻ ലഭിക്കാത്ത മസിലുകൾക്ക്
രക്തം കൃത്യമായി പമ്പ് ചെയ്യാനാവില്ല,
അതിന്റെ മിടിപ്പിൻ്റെ താളം നഷ്ടപ്പെട്ടേക്കാം.
ചിലപ്പോൾ ഹാര്ട്ട് അറ്റാക്ക്
പെട്ടെന്നുള്ള മരണത്തിനു വരെ കാരണമായേക്കാം.
ഒരാൾക്ക് ഹാർട്ട് അറ്റാക്ക് ഉണ്ടാകുന്നത്
എങ്ങനെയെന്നു മനസിലാക്കാം?
ഏറ്റവും സാധാരണമായ ലക്ഷണം നെഞ്ചുവേദനയാണ്
ഓക്സിജൻ കിട്ടാത്ത മസിലുകളിൽ
നിന്നാണ് വേദന ഉദ്ഭവിക്കുന്നത്.
നെഞ്ചിൽ ഞെരിക്കുന്നത് പോലെയോ മറ്റോ
രോഗിക്ക് അനുഭവപ്പെട്ടേക്കാം.
വേദന ഇടതു കയ്യിലേക്ക് പ്രസരിക്കാം
താടിയിലേക്കും,
പുറംഭാഗത്തേക്കും,
വയറുഭാഗത്തേക്കും പ്രസരിക്കാം.
പക്ഷേ, ഇത് സിനിമയിൽ കാണുന്നത്ര വേഗത്തിൽ
നടക്കണമെന്നില്ല കെട്ടോ.
ചിലരിൽ ഇത് ഓക്കാനമായും
കിതപ്പായും കാണപ്പെടാം.
സ്ത്രീകളിലും, പ്രായംചെന്നവരിലും
രോഗലക്ഷണങ്ങൾ ചെറിയതോതിലാവാം.
ഇവരിൽ പ്രധാനലക്ഷണം ക്ഷീണമായിരിക്കാം.
പ്രമേഹം ഉള്ളവരിൽ വേദന സംവേദിക്കുന്ന
ഞരമ്പുകൾക്ക് തകരാറുണ്ടായേക്കാവുന്നതുകൊണ്ട്
ഇവർ ചിലപ്പോൾ വേദന അറിയുകയേ ഇല്ല.
ഒരാൾക്ക് ഹാർട്ട് അറ്റാക്ക് ആണെന്ന
സംശയമുണ്ടെങ്കിൽ,
ഏറ്റവും പ്രധാനം, വേഗം ഇടപെടുക എന്നതാണ്.
ആമ്പുലൻസ് വിളിക്കാൻ കഴിയുമെങ്കിൽ,
അത് ഉടനെ ചെയ്യുക.
ഹോസ്പിറ്റലില് എത്താനുള്ള
ഏറ്റവും വേഗമേറിയ മാര്ഗമതാണ്.
രക്തം നേർപ്പിക്കുന്ന ആസ്പിരിൻ,
രക്തക്കുഴലുകൾ വികസിപ്പിക്കുന്ന
നൈട്രോഗ്ലിസറിൻ,
എന്നിവ ഹാർട്ട് അറ്റാക്കിന്റെ
ആഘാതം കുറയ്ക്കും.
എമെര്ജെന്സി റൂമില് വെച്ച് ഡോക്ടര്മാര്
ഹാര്ട്ട് അറ്റാക്ക് പരിശോധിക്കും.
ഡോക്ടർമാർ ഈ.സി.ജി ഉപയോഗിച്ചാണ്
ഹൃദയത്തിന്റെ വൈദ്യുതപ്രവർത്തനം
പരിശോധിക്കുന്നത്.
മസിലുകളുടെ ക്ഷയം
രക്തപരിശോധനയിലൂടെയും മനസിലാക്കും.
രോഗിയെ ഹൈടെക് സ്പെഷ്യലിസ്റ്റ്
മുറിയിൽ വെച്ച്
ബ്ലോക്കുകളുടെ സ്ഥാനം
നിർണ്ണയിക്കുന്ന ടെസ്റ്റ് നടത്തും.
കാര്ഡിയോളജിസ്റ്റുകള്ക്ക്
ബ്ലോക്കായ കുഴല് തുറന്ന്
ആഞ്ചിയോപ്ലാസ്റ്റി എന്ന ചികിത്സയിലൂടെ
ഒരു ബലൂൺ കയറ്റി ബ്ലോക്ക് നീക്കാനാകും.
ചിലപ്പോൾ, ലോഹമോ പോളിമറോ കൊണ്ട് നിർമ്മിച്ച
സ്റ്റെൻ്റ് ഇടേണ്ടി വന്നേക്കാം.
ധമനി തുറന്ന് നിർത്തുന്നതിനു വേണ്ടി.
കൂടുതൽ വലിയ ബ്ലോക്കാണെങ്കിൽ
ബൈപ്പാസ് സർജറി വേണ്ടിവന്നേക്കാം.
ശരീരത്തിന്റെ മറ്റ് ഭാഗത്ത് നിന്നുള്ള
രക്തധമനിയുടെ കഷ്ണം ഉപയോഗിച്ച്,
രക്തചംക്രമണം ബ്ലോക്കിനുചുറ്റും
വഴിതിരിച്ച് വിടുന്നു.
ഇങ്ങനെ ഹൃദയത്തിലെ മസിലുകളിലെ
രക്തചംക്രമണം പുനസ്ഥാപിക്കുന്നു,
അതോടെ ഹൃദയത്തിന്റെ പ്രവർത്തനം
പഴയതുപോലെയാകുന്നു.
ഹാർട്ട് അറ്റാക്ക് ചികിത്സ
പുരോഗമിച്ചുകൊണ്ടിരിക്കുകയാണ്.
അറ്റാക്ക് പ്രതിരോധിക്കുന്നതും പ്രധാനമാണ്.
ജനിതകപരമായ കാരണങ്ങളും, ജീവിതശൈലിയും
അറ്റാക്കിനു കാരണമായേക്കാം.
നിങ്ങൾക്ക് ജീവിതശൈലി മാറ്റാൻ
കഴിയുമെന്നതാണ് നല്ല വാർത്ത.
വ്യായാമം, പോഷകസമ്പുഷ്ടമായ ആഹാരം,
ശരീരഭാരനിയന്ത്രണം
ഹാർട്ട് അറ്റാക്ക് സാധ്യത
കുറയ്ക്കുന്നു.
മുമ്പ് ഉണ്ടായാലും, ഇല്ലെങ്കിലും.
ഡോക്ടർമാർ നിഷ്കർഷിക്കാറുള്ളത്
ആഴ്ചയിൽ രണ്ടോ മൂന്നോ തവണ,
എയറോബിക്, സ്ട്രെങ്ത്ത് ട്രൈനിങ്
എന്നിവ ചെയ്യണമെന്നാണ്.
ആരോഗ്യപരമായ ആഹാരം എന്നത്
കുറവ് പഞ്ചസാര, പൂരിതകൊഴുപ്പ് എന്നിവ അടങ്ങിയതാണ്.
ഇവ രണ്ടും ഹാർട്ട് അറ്റാക്കിന് കാരണമാവാം.
അപ്പോൾ, എന്താണ് കഴിക്കേണ്ടവ?
ധാരാളം ഫൈബർ അടങ്ങിയ പച്ചക്കറികൾ
ചുവന്ന മാംസത്തിനു പകരം മീനും, കോഴിയും
മുഴുധാന്യം, നട്ട്സ് - ബദാം,
വാൽനട്ട് മുതലായവ
ഇവയെല്ലാം നല്ലതാണ്.
നല്ല ഭക്ഷണവും വ്യായാമവും ശരീരഭാരം
ആരോഗ്യപരമായി നിലനിർത്തുന്നു
അപ്രകാരം ഹാർട്ട് അറ്റാക്കിനുള്ള
സാധ്യതയും കുറയുന്നു.
മരുന്നുകൾക്കും അറ്റാക്ക്
നിയന്ത്രണാതീതമാക്കാൻ കഴിയും
ഡോക്ടര്മാര് പലപ്പോഴും കുറഞ്ഞ ഡോസിൽ
അസ്പിരിന് നിര്ദേശിക്കാറുണ്ട്,
പ്രത്യേകിച്ചും മുമ്പ് അറ്റാക്ക് വന്നവർക്കും,
അറ്റാക്കിനു സാധ്യത കൂടുതലുള്ളവർക്കും.
അറ്റാക്കിനു കാരണമാവുന്ന
രക്താതിമർദ്ദം, കൊളസ്റ്റ്രോൾ എന്നിവ
നിയന്ത്രിക്കുന്ന മരുന്നുകളും
അറ്റാക്കിനുള്ള സാധ്യത കുറക്കുന്നു.
ഹാർട്ട് അറ്റാക്ക് സാധാരണമാണെങ്കിലും,
അപരിഹാര്യമല്ല.
ആരോഗ്യപരമായ ഭക്ഷണത്തിലൂടെ,
പുകയില വർജിക്കുന്നതിലൂടെ,
വ്യായാമത്തിലൂടെ,
നന്നായി ഉറങ്ങുന്നതിലൂടെ,
ഉറക്കെ ചിരിക്കുന്നതിലൂടെ
നിങ്ങളുടെ ശരീരത്തിലെ ഏറ്റവും
പ്രധാനപ്പെട്ട പേശികളായ
ഹൃദയം സുഗമമായി മിടിക്കുന്നെന്ന്
ഉറപ്പുവരുത്താം.