چاكه‌تێكی په‌مه‌ی ونوێ و پۆشته‌ بوو. له‌گه‌ڵ دوگمه‌ی گه‌وره‌و كه‌تافه‌ی سه‌ر شان. ئه‌مه‌ له‌ ساڵی ١٩٩٧ بوو. منیش به‌ڕێوه‌به‌ری نوێی كۆمپانیای خۆراكی ،گریفن بووم تایبه‌ت بوو به‌ كێك و خواردنی خێرا له‌ .نیوزیلاند یه‌كه‌مجارم بوو وه‌ك سه‌ركرده‌ی كۆمپانیایه‌ك، له‌سه‌ر سه‌كۆ بووم تاكو وتارێكی گه‌وره‌ پێشكه‌شكه‌م سه‌باره‌ت به‌ ئامانجه‌ به‌رزخوازه‌ نوێكان. به‌ته‌واوی ده‌مزانی بانگهێشتی من بۆ كردار چی بوو، بریتی بوو له‌ "جارێك له‌ هه‌ر چوار جار كیوییه‌ك خواردنی خێرا ده‌خوات، ده‌بێت یه‌كێك بێـت له‌هی ئێمه‌." جه‌ختم كرده‌وه‌ كه‌ ده‌مانزانی چۆن ده‌رئه‌نجامه‌كان بپێوین داهاتوشمان له‌ژێر كۆنتڕۆڵدابوو. ته‌واو به‌سه‌رلێشێواوی، به‌وه‌ كۆتاییم هێنا "ئه‌گه‌ر ئه‌مه‌ نه‌بێت چییه‌؟ گه‌ر ئێمه‌ نه‌بین كێ بێ؟ ئه‌گه‌ریش ئێستا نه‌بێ، كه‌ی بێت؟" ئه‌و چه‌پڵه‌ زۆره‌م بۆ لێدرا به‌ڕاستی زۆر دڵم به‌خۆم خۆشبوو، زۆرم ده‌ویست تا ببم به‌ سه‌ركرده‌یه‌كی باش ده‌مویست كه‌سانێكی دڵسۆز له‌ده‌ورم بن، ده‌مویست كه‌سێكی ڕاستبم. به‌كورتی، ده‌مویست ببم به‌ پاڵه‌وان. پاڵه‌وانێك جپس وبسكویت به‌ چاكه‌تێكی په‌مه‌یی بفرۆشێت. (پێكه‌نین) چی ڕوویدا دوای ئه‌و ووتاره‌؟ هیچ. ئه‌و هه‌موو چه‌پڵه‌ ڕێزانه‌ نه‌بوه‌ مایه‌ی هیچ كردارێك. هیچ گۆڕانێك ڕووی نه‌دا. نه‌ك ئه‌وه‌ی منیان نه‌وێت یان په‌یامه‌كه‌یان به‌دڵنه‌بێت. گرفته‌كه‌ ئه‌وه‌ بوو كه‌س نه‌یده‌زانی پێشبینی ده‌كرا چی بكه‌ن و له‌هه‌مووشی گرنگتر، نه‌یانده‌زانی من پێویستیم پێیان بوو. ئێستا واده‌زانن ئه‌مه‌ ووتاری پاڵه‌وانێكی كلاسیكیه‌، كه‌ پێتان بڵێم توانیم به‌سه‌ر گرقته‌كان زاڵبم و سه‌ركه‌وتم. له‌ڕاستیدا ئه‌وه‌تان پێده‌ڵێم كه‌ له‌ دونیای ئاڵۆزو په‌یوه‌ندیدار وه‌ك ئه‌مه‌ی كه‌ ئێمه‌ لێی ده‌ژین، ئه‌و بیرۆكه‌یه‌ی كه‌ كه‌سێك وه‌ڵامی هه‌یه‌ پێكه‌نیناوییه‌. نه‌ك ته‌نیا كاریگه‌ر نییه‌، به‌ڵكو مه‌ترسیداریشه‌، چونكه‌ وامان لێده‌كات باوه‌ڕبكه‌ین كه‌ له‌لایه‌ن ئه‌و پاڵه‌وانه‌ چاره‌سه‌ر بوه‌ ئێمه‌ش هیچ ڕۆلێكمان نییه‌. پێویستمان به‌ پاڵه‌وان نییه‌. پێویستمان به‌ هاوبه‌ندی ڕیشه‌یی هه‌یه‌، به‌ واتایه‌كی تر پێویستمان به‌یه‌كتره‌. هه‌رچه‌نده‌ ده‌كرێت خه‌ڵكانێك هه‌ندێكجار به‌ڕاستی به‌زه‌حمه‌تبن. به‌ ده‌یان ساڵم به‌سه‌ر برد تاكو بزانم چۆن ببم به‌ سه‌ركرده‌یه‌كی باش. له‌ ده‌ وڵات و حه‌وت كیشوه‌ر ژیانم .گوزه‌راندوه‌ له‌و چه‌ند ساڵه‌ی دوایشدا، كاتێكی زۆرم له‌گه‌ڵ كۆمه‌ڵگه‌ی بی كۆرپ به‌سه‌ربردوه‌. له‌سه‌ره‌تادا وه‌ك به‌شداربویه‌كی كۆمپانیا به‌م دواییه‌ش وه‌ك نێرده‌. ئێستا بی كۆرپس كۆمه‌ڵه‌ كۆمپانیایه‌كن كه‌ باوه‌ڕیان به‌ كار هه‌یه‌ وه‌ك پاڵنه‌رێك بۆ چاكه‌. به‌ڵگه‌نامه‌یه‌كی قورس له‌گه‌ڵ نزیكه‌ی ٢٥٠ پرسیار هه‌ن ده‌رباره‌ی كارامه‌یی كۆمه‌ڵایه‌تی و ژینگه‌ییت. ده‌بێـت به‌شێوه‌یه‌كی یاسایی نیازه‌كه‌ت ده‌رخه‌یت تاكو خزمه‌تی كۆمه‌ڵگاو هاوپشكه‌كانت بكه‌یت هه‌روه‌ها ده‌بێت په‌یوه‌ستبوونی ئاشكرا مۆر بكه‌یت. ئێستا یه‌كێك له‌و شتانه‌ی زۆرترین ئیلهامم پێده‌به‌خشێ ده‌رباره‌ی كۆمپانیاكانی ئه‌و جولانه‌وه‌یه‌ ئه‌وه‌یه‌ خۆیان له‌ ته‌واوی سیسته‌مه‌كه‌ بدۆزنه‌وه‌. وه‌ك ئه‌وه‌ی خۆیان له‌ ڕووبارێكی گه‌وره‌ی به‌خوری پڕچاڵاكی ده‌بینن، كه‌ بۆنمونه‌، ئه‌گه‌ر ئه‌وان، دروستكه‌ری خواردنه‌وه‌ گازییه‌كانبن، له‌وه‌ ده‌گه‌ن كه‌ سه‌روچاوه‌كه‌ له‌ خۆیانه‌، شه‌كر و ئاوی لێیه‌، هه‌روه‌ها ئه‌و جوتیارانه‌ی شه‌كر ده‌چێنن، هه‌روه‌ها لاستیك و شوشه‌و كانزایانه‌ی كه‌ هه‌مووی ده‌ڕژێته‌ نێو ئه‌م شته‌ی كه‌ ئێمه‌ پێی ده‌ڵێین كۆمپانیا كه‌ ده‌رئه‌نجامی دارایی هه‌یه‌. هه‌روه‌ها ئه‌و ڕژانه‌ به‌رده‌وام ده‌بێت له‌گه‌ڵ لێكه‌وته‌كانی. هه‌ندێكیان به‌مه‌به‌ستن، وه‌ك سارده‌مه‌نی و ئاو، هه‌روه‌ها هه‌ندێكیان بێ مه‌به‌ستن، وه‌ك زبڵ و قه‌ڵه‌وی. به‌سه‌ربردنی كات له‌گه‌ڵ سه‌ركرده‌ له‌و بواره‌ وای لێكردم ئه‌وه‌ ببینم كه‌ هاوكاری ڕاسته‌قینه‌ ده‌كرێت هه‌بێت، به‌ڵام شاراوه‌و ئاڵۆزه‌. و سه‌ركرده‌كانی ئه‌م بواره‌ شتی كه‌م به زۆر به‌جیاوازیی ئه‌نجامده‌ده‌ن له‌سه‌ركرده‌ پاڵه‌وانه‌ كلاسیكییه‌كان. ئامانجه‌كان به‌ جیاوازی دیارده‌كه‌ن، ئه‌وان ئه‌و ئامانجانه‌ به‌جیاوازی ڕاده‌گه‌یه‌نن و په‌یوه‌ندییه‌كی زۆر جیاوازیان له‌گه‌ڵ كه‌سانی تر هه‌یه‌. با به‌ یه‌كه‌م جیاوازی ده‌ستپێبكه‌ین. پاڵه‌وان ئامانج دیارده‌كات كه‌ به‌ته‌نیا ده‌گه‌یه‌نرێت و به‌ ڕێكوپێكی ده‌پێورێت. ده‌توانیت ئامانجی پاڵه‌وانانه‌ دیاركه‌یت-- زاراوه‌ی وه‌ك "داهات" و "پشكی بازار" به‌كارده‌هێنن به‌زۆری پێشبڕكێدارن. ڕۆژی چاكه‌تی په‌مه‌ییتان بیردێته‌وه‌؟ له‌لایه‌كی تر، سه‌ركرده‌ هاوبه‌شه‌كان، به‌ ئامانجێك ده‌ستپێده‌كه‌ن كه‌ به‌ڕاستی گرنگه‌، به‌ڵام له‌ڕاستیدا مه‌حاڵه‌ له‌لایه‌ن یه‌ك كۆمپانیاو تاكه‌كه‌سێك ئه‌نجام بدرێت. ده‌مه‌وێت نمونه‌یه‌كی پیشه‌سازی جلوبه‌رگتان پێبڵێم، كه‌ ساڵانه‌ ٩٢ ملیۆن تۆن پاشه‌ڕۆ به‌رهه‌مدێنێت. پاتاگۆنیاو ئایلیین فیشه‌ر كارگه‌ی به‌رهه‌مهێنی قوماشن، هه‌ردووكیان سه‌ربه‌ گروپی بی كۆرپسن، هه‌ردووكیان پابه‌ندن به‌كه‌مكردنه‌وه‌ی پاشماوه‌ی پیسایی. هه‌ستناكه‌ن به‌رپرسیاره‌تیان ته‌واو ده‌بێت كاتێك كڕیار جلوبه‌رگیان ده‌كڕێت. پاتاگۆنیا هانتان ده‌دات تا جلوبه‌رگی نوێیان لێ نه‌كڕیت، هه‌روه‌ها به‌خۆڕایی جلوبه‌رگی كۆنه‌ت بۆ چاكده‌كه‌نه‌وه‌. ئایلیین فیشه‌ر پاره‌كه‌ت ده‌داته‌وه‌ كاتێك جلوبه‌رگ ده‌گه‌ڕێنیته‌وه‌، یانیش ده‌یان فرۆشێت یان ده‌یانكاته‌ جلوبه‌رگی تر. له‌كاتێكدا ئه‌و دوو كۆمپانیایه‌ تاڕاده‌یه‌ك له‌ پێشبڕكێدان، له‌ پیشه‌سازی له‌گه‌ڵ یه‌كترو ئه‌وانی تر كارده‌كه‌ن تا گرفته‌ هاوبه‌شه‌كان چاره‌سه‌ربكه‌ن. و به‌رپرسیاره‌تی گرفته‌كانی سه‌رووی خۆشیان ده‌گرنه‌به‌ر. له‌سه‌رتاسه‌ری جیهان، له‌م پیشه‌سازییه‌ نزیكه‌ی ٣٠٠ ملیۆن كه‌س له‌ماڵه‌وه‌ كارده‌كه‌ن، زۆربه‌یان ئافره‌تن، زۆربه‌یان له‌بارودۆخێكی زۆرخراپدان به‌بژێوێكی كه‌م، به‌ دروومان و پینە كردن. هه‌تاكو ساڵی ٢٠١٤ ئه‌و كرێكارانه‌ هیچ مافێكیان نه‌بوو. كۆمه‌ڵێك كۆمپانیا له‌ دامه‌زراوه‌یه‌كی قازانج نه‌ویست كۆبوونه‌وه‌ به‌ناوی نێست بۆدانانی كۆمه‌ڵێك پێوه‌ر ئێستا له‌ ته‌واوی كۆمپانیاكه‌ به‌كاردێت. كاتێك ئه‌و گرفتانه‌ ده‌بینیت، ناتوانیت چاوپۆشیان لێبكه‌یت، كه‌واته‌ ده‌بێت داوای یارمه‌تی له‌ كه‌سانی تربكه‌یت بۆ چاره‌سه‌ركردنیان. ئه‌و خه‌ڵكانه‌ په‌یوه‌ندی هاوبه‌ش به‌ كارێكی دیاریكراو داده‌نێن و پێیان گوتم، "پێشبڕكێ له‌سه‌ر مافی مرۆڤ ناكه‌ین." دووه‌م گه‌وره‌ترین جیاوازی بۆ هاوبه‌شه‌كان ڕاگه‌یاندنی ئامانجه‌كانیانه‌ به‌ر له‌ .هه‌بوونی پلان ئێستا پاڵه‌وان ته‌نیا ئامانجه‌كه‌ی ئاشكراده‌كات كاتێك ڕێگای به‌ده‌ستهێنانی ڕوون بێت. له‌ڕاستیدا، ڕۆڵی ڕاگه‌یاندنی پاڵه‌وان ئاما ده‌كردنی سه‌كۆیه‌ بۆ سه‌ركه‌وتنی گه‌وره‌. ڕاگه‌یاندنه‌كانی پاڵه‌وان پڕاوپڕن له‌سه‌ركه‌وتن. له‌لایه‌كی تر، سه‌ركرده‌ هاوبه‌شه‌كان، ده‌یانه‌وێت خه‌ڵكی تر یارمه‌تیان بدات، زۆربه‌ی ڕاگه‌یاندنه‌كانیان بانگهێشتن بۆ هاوبه‌شی له‌ دامه‌زراندن، و هه‌ندێكجار، بانگه‌وازی یارمه‌تین. له‌ به‌شی باكوری ئه‌مه‌ریكای كۆمپانیای دانۆنی فه‌ڕه‌نسی بۆ خۆراك، گوتم ده‌مانه‌وێت ببین به‌ بی كۆڕپ. پێچه‌وانه‌ی ڕۆژی چاكه‌تی په‌مه‌یی، هیچ پلانێكم نه‌بوو به‌وێنده‌ر بگه‌م. باش ئه‌و ڕۆژم له‌بیره‌. هه‌مووان له‌ژووره‌كه‌ هوتافیان لێده‌دا، چونكه‌ ده‌یانزانی هیچ پلانێكمان نه‌بوو. به‌ڵام ده‌شیانزانی ئێمه‌ ڕۆڵی خۆمان بینی له‌و ڕووباره‌ی كه‌ سیسته‌می خۆراكه‌، هه‌روه‌ها ده‌مانویست گۆڕان ئه‌نجامبده‌ین. ئه‌و ڕاگه‌یاندنه‌ به‌بێ پلان واتا گه‌نجێكی زۆر له‌ كۆمپانیاكه‌مان ئاماده‌ن یارمه‌تیمان بده‌ن، و بی كۆڕپسیش له‌ده‌وری هه‌موومان كۆبۆته‌وه. و ئه‌و ڕۆژه‌ی بووین به‌ بی كۆڕپ ته‌نیا پیرۆزبایه‌ك نه‌بوو بۆ خودی پاڵه‌وانی كۆمپانیا-- زیاتر وه‌ك ئاهه‌نگگێڕانێكی خێزانی بوو. ئێستا ئه‌و ئامانجانه‌ی دیارت كردبوون كه‌ ناتوانیت به‌ته‌نیا به‌ده‌ستیان بێنیت، و له‌لایه‌ن هه‌موو كه‌سێك باست كردوون، بێگومان، ده‌گه‌یته‌ سێیه‌م گه‌وره‌ جیاوازی ئه‌ویش ئه‌وه‌یه‌ چۆن سه‌یری كه‌سانی ترده‌كه‌یت، له‌ ناوه‌وه‌و ده‌ره‌وه‌ی كۆمپانیا. پاڵه‌وانان هه‌موو كه‌س وه‌ك ڕكابه‌ر و شوێنكه‌وته‌ ده‌بینن. پاڵه‌وانان په‌شداریكردنیان ناوێت، چونكه‌ ده‌یانه‌وێت هه‌موو شتێك كۆنتڕۆڵ بكه‌ن و ناوبانگیان ده‌وێت. ئه‌مه‌ش له‌ كۆبوونه‌وه‌یه‌كی تایبه‌تی پاڵه‌وانه‌كه‌ ده‌بینیت. پاڵه‌وانان حه‌ز له‌ ووتاردان ده‌كه‌ن. خه‌ڵكانێك له‌سه‌ر كورسییه‌كان پاڵده‌نه‌وه‌ له‌وانه‌یه‌ سه‌رسامبن به‌ڵام به‌شدارنه‌بن. له‌لایه‌كی تر، سه‌ركرده‌ هاوبه‌شه‌كان، ده‌زانن پێویستیان به‌كه‌سانی تره‌. ده‌زانن كۆبونه‌وه‌كان ته‌نیا پڕكه‌ره‌وه‌ی ڕۆژمێره‌ بێهۆشه‌كان نین. ئه‌مانه‌ به‌هادارترین شتن كه‌ هه‌ته‌. له‌وشوێنه‌ی خه‌ڵك هه‌ماهه‌نگ و هاوكار ده‌بن و بیرۆكه‌كان ئاڵوگۆڕده‌كه‌ن. له‌م جۆره‌ كۆبونه‌وانه‌ خه‌ڵك حه‌زده‌كات له‌پێشه‌وه‌ دابنیشێت، پرسارده‌كه‌ن له‌كوێ خۆیان بگونجێنن. كاتێك له‌ شه‌نگه‌های بووم له‌ چین، بۆماوه‌ی شه‌ش ساڵ له‌وێ ژیام، كاری خۆراكی كرافتم به‌ڕێوه‌ده‌برد، له‌نێوانیان فرۆشتنی كولیچه‌ی ئۆریۆ، گرفتێكمان له‌گه‌ڵ كه‌لتوری پاڵه‌وان هه‌بوو به‌رده‌وامبووین له‌ خستنه‌بازاڕی به‌رهه‌مه‌ نوێیه‌ شكستخواردووه‌كان. دواتر دركمان به‌وه‌ كرد هه‌موویان له‌م كۆمپانیایه‌ ده‌یانزانی شكست دێنین. هه‌ستیان به‌ ئازادی نه‌ده‌كرد پێمان بڵێن. بۆیه‌ شێوازی به‌ڕێوه‌بردنی نوێكاری و پلانه‌كانمان گۆڕی له‌ دوو ڕێگای گرنگ. له‌سه‌ره‌تادا زمانه‌كه‌ گه‌ڕایه‌وه‌ سه‌ر چینی. چونكه‌ هه‌رچه‌نده‌ هه‌موو به‌ ئینگلیزییه‌كی باش قسه‌یان ده‌كرد، كاتێك له‌ژووره‌كه‌ بووم وكۆبونه‌وه‌كه به‌ ئینگلیزی به‌ڕێوه‌ده‌چوو، فۆكه‌سیان له‌سه‌ر من بوو. منیش بیانی بووم، و به‌رێوه‌به‌ر بووم شێوه‌ی پاڵه‌وان به‌ڕوونی به‌ڕووم دیاربوو. دووه‌م شت داوای بۆچونی هه‌رتاكێكمان له‌ كۆبونه‌وه‌كه‌ كرد. و تێگه‌یشتنمان له‌ جیاوازییه‌ دیاره‌كان له‌نێوان تاموچێژی ئه‌مه‌ریكی و چینی له‌م دۆخه‌دا، به‌ڕاستی به‌ره‌وپێش چوو، ڕێژه‌ی سه‌ركه‌وتنی به‌رهه‌مه‌كانیشمان گۆڕانێكی ڕیشه‌یی دیت براوه‌ی زۆر ده‌ركه‌وتن له‌نێویان بڕاندی به‌ناوبانگی چای سه‌وزی ئۆریۆس. كه‌لتوری پاڵه‌وان له‌هه‌مووشوێنێك دزه‌یكرد له‌ دانۆن ڕوداوی زۆرگه‌و‌رە هاتنه‌ كایه‌وه‌ له‌ به‌شێكی ئه‌م جیهانه‌، ده‌مانویست بۆ به‌شێكی تری جیهانی بنێرین. به‌ڵام كاتێك كه‌سێك ده‌خه‌یته‌ سه‌ركار له‌به‌رده‌م كه‌سانێك له‌گه‌ڵ پاوه‌رپۆینت، پاڵنه‌رێك هه‌یه‌ ببن به‌ پاڵه‌وان. هه‌مووشتێك به‌جوانی به‌ده‌رده‌خه‌ن ڕاستیش باس ناكه‌ن. جێی ڕه‌زامه‌ندی و ته‌نانه‌ت گرنگیش نییه‌. بۆیه‌، گۆڕیمان و ئه‌و بازاره‌ ڕۆژانه‌یشمان ئاماده‌كرد، وه‌ك جۆرێك له‌ بازاری گه‌وره‌. هه‌ركه‌سه‌و جلوبه‌رگێكی پۆشی بوو، هه‌ندێك كه‌م، هه‌ندێكیش زۆر. فرۆشیاره‌كانیش پێویست بوو دوكانۆچكه‌كانیان به‌كارخه‌ن بیرۆكه‌كانیشیان به‌قه‌ناعه‌ته‌وه‌ بفرۆشن، ئه‌و كه‌سانه‌شیتاوانبار بوون په‌رتووكی پشكنینی ساخته‌یان بۆده‌كڕین. دروستكردنی تۆزێك له‌ گه‌مژایه‌تی له‌گه‌ڵ ئه‌م ژینگه‌ كڵاوێك و ملپێچێك دورخستنه‌وه‌ی ئێشكگری خه‌ڵك ده‌بێته‌ هۆی بڵاوكردنه‌وه‌ی بۆچونه‌كان وه‌ك ئاگر. هیچ ڕه‌چه‌ته‌یه‌ك لێره‌ نییه‌، به‌ڵام پێویسته‌ كاته‌كه‌ پێكه‌وه‌ به‌وردی ڕێكبخرێت و بنیاتبنرێت تاكو خه‌ڵك له‌ به‌هاو گرنگی كات تێبگەن، ده‌توانن باشترینه‌كانی خۆیان بخه‌نه‌سه‌ر مێز. كه‌لتوری پاڵه‌وان لێره‌ له‌ تێد هه‌یه‌. هه‌موو پڕۆسه‌كه‌ وات لێده‌كات وابیركه‌یته‌وه‌ من پاڵه‌وانم. بۆیه‌ له‌كاتی هه‌رگومانێك له‌سه‌ر مه‌به‌سته‌كه‌م، ده‌مه‌وێت ئه‌و بیرۆكانه‌ جێبه‌جێبكه‌م له‌شوێنێك هیچ بڕوایه‌كیان پێم نییه‌ هیچ شاره‌زایه‌كیشم نییه‌. له‌ بنه‌ڕه‌تدا خه‌ڵكی ئه‌فریقیای باشورم، من زۆر په‌رۆشی پاراستنی ژیانی كێوییم، به‌تایبه‌تی پاراستنی كه‌ركه‌ده‌ن. ئه‌و ئاژه‌ڵه‌ گه‌ورانه‌ به‌ قۆچه‌كانیان. ڕۆژانه‌ سێ كه‌ركه‌ده‌ن ده‌كوژرێن، چونكه‌ هه‌ندێك كه‌س لایان وایه‌ قۆچه‌كانیان به‌نرخن، ئه‌گه‌ر له‌هه‌مان شتیش دروستكرابن وه‌ك قژو نینۆك. دڵم ده‌شكێنێ. وه‌ك هه‌موو پاڵه‌وانێكی چاكبوه‌وه‌، هه‌موو شتێكم كرد بۆ كه‌مكردنه‌وه‌ی ئه‌م ئامانجه‌ بۆ شتێك تا بتوانم خۆم ئه‌نجامی بده‌م. به‌ڵام ڕێگری له‌ڕاوكردنی كه‌ركه‌ده‌ن ئامانجێكی زۆر گه‌وره‌تره‌ بۆمن. كه‌واته‌ ڕاسته‌وخۆ له‌زه‌وییه‌كی هاوبه‌شم. من ئامانجه‌كه‌م له‌سه‌ر ئه‌م سه‌كۆیه‌ ڕاده‌گه‌یه‌نم. ده‌بینم خه‌ڵكی تر وه‌ك من به‌په‌رۆشن داوام كردوه‌ په‌یوه‌ندیان پێوه‌بكه‌م. و له‌دوای ئه‌مڕۆ ده‌كرێت زۆرتربێت. ئێستا له‌ پڕۆسه‌یه‌كی ئاڵۆزو ئیلهام به‌خشداین تا فێربین چۆن پێكه‌وه‌ كاربكه‌ین. خه‌ونی من بریتییه‌ له‌وه‌ی ڕۆژێك كه‌سێك بێته‌ سه‌رئه‌م سه‌كۆیه‌ پێتان بڵێت چۆن هاوبه‌شی ڕیشه‌یی كه‌ركه‌ده‌نه‌كانمی ڕزگاركرد. بۆچی كه‌لتوری پاڵه‌وان به‌رده‌وام ده‌بێت، بۆچی زیاتر پێكه‌وه‌ كارنه‌كه‌ین؟ باشه‌ نازانم بۆ هه‌ركه‌سێكی ئه‌نجامی ده‌دات، به‌ڵام پێتان ده‌ڵێم بۆچی ئه‌نجاممدا. هاوبه‌شی سه‌ختتره‌ له‌ بوون به‌ پاڵه‌وان. ده‌بێت كراوه‌و ڕوون و لاواز بین ئه‌مه‌ ئه‌وه‌ نییه‌ كه‌ سه‌ركرده‌ كلاسیكیه‌كان ڕاهێنانیان پێكراوه‌ له‌سه‌ری. وامزانی بوون به‌ پاڵه‌وان سه‌لامه‌تم ده‌كات. وام بیركرده‌وه‌ له‌ به‌رزیی و جیابوونه‌وه‌ كه‌ له‌ سه‌ركرده‌یه‌كی پاڵه‌وان دێت، ده‌ستم لێنادرێت. ئه‌مه‌ خه‌یاڵێكه‌. ئه‌و سه‌ركه‌وتن وخۆشییه‌ی له‌ هاوبه‌شی و لاوازی ده‌بینرێت شایه‌نی كۆشش و سه‌ركێشییه‌. ئه‌گه‌ریش بمانه‌وێت كێشه‌كانی ئێستای جیهان چاره‌بكه‌ین، هیچ جێگره‌وه‌یه‌ك نییه‌، بۆیه‌ باشتربوو ده‌ستمان به‌ چاكبوونه‌وه‌ كردبا تێیدا. .سوپاس (چه‌په‌له‌ لێدان)