Thalcaan 1976 lioah,
Tihnung zawtnak pakhat cu Africa ramlai
khuapi pa 2 ah a hung chuak,
Zawtnak a ingmi tamdeuh nunnak a rak liam.
Sii lathlaitu hna nih
an zumhmi cu
Thihnak phaktertu Marburg rungrul hi
zawtnak hrampi asi kho ti hi a si.
Nain, seh in an bih tikah an hmuhmi
rungrul cu a dang a rak si diam,
A hnu ah, naihniam um
Ebola tiva min in an auh lan.
Lufah le raifanh zawnak bantukin,
Ebola hi a fak tukmi
thi dawp zawtnak phun a si ve.
Pum cung zawtnak khamhtu sell pawl
dohnak in a thawkmi a si.
cun, annih i lehnak thazang an hloh tikah,
rungrul pawl cu an karh thluahmah.
Cuticun dohnak a thawk hnu
ni 2 in ni 20 karlak chungah,
Zawtnak hmelchunh hna cu taklinh,
taksafahnak,
le hromfah,
cumpi raifanh hna,
cun, luaknak,
Pumcung ah senbo chuahnak
le chungtliknak hna an si.
Rungrul an hung karh bantukin,
Thirang le pum vengtu pawl
a hrawhhral hna,
Kal le thin te hna
an riantuannak thazaang a derthawnter.
Asinain, amah Ebola zawtnak rungrul nih
mizaw a thihter kho hna lo.
Nain a khawm lengmang mi a thimi cell
pawl nih pum riantuanning an hrawh.
Cucu, cytokine thlichia tiah auh a si,
pum riantuanning a hung hrawh tikah,
thi cell pawl a hrawhral hna,
chunglei he lenglei
thi chuahnak a hung um.
Cutin thihang pawl
sunghnak harsatnak hna ruangah,
Zawtnak a lang hnu ni 6 in 16 chungah
thihnak a chuahpi kho,
tha tein izohkhenh in ikilveng thiam
ahcun,
A zawmi hna an nunnak a sauter deuh kho.
Vanthat ah, Ebola hi
a fak tukmi zawtnak a si nain,
Chawnh lo dingin
khampiaktu thil tampi an um hi a si.
Thli le thil hme tete in chawnh le karh
khawhmi rungrul hna bantukin siloin,
Ebola cu pum in a chuakmi
a hang hna lawngah a nung kho,
Cu hna cu Cil,
thi,
khak,
luak
siloah adang hang.
An karhnak hnga caah,
Mizaw hna sin in hawidang pum cung leiah,
mit, hmur le hnar in an ithialchin a herh.
Zawtnak a fahnak le
rungrul hna saumau an isentlainak ruangah,
Zawtnak tlak cangmi mizaw hman nih,
zawtnak hmelchunh
a pum ah a lang hlan cu
midang chawnh khawh a si lo.
Ebola rungrul cu a lenglanghnak ah
suimilam tampi chung an nung kho i,
khuh le hachio in chawnh khawh a si tiah
ruah a si ko nain,
Zapi hnatlaknak cu zawtnak chawnhning cu
a zaw tukmi minung taksa he
ithih-tonghnak ruangah hi a si.
Ngandamnak lei riantuantu hna le,
mizaw i a hawikawm le rualchan
caah tih nung tuk a si.
Cutin a si caah,
Ebola hi tihnung a si nain,
Ebola zawtnak nih adangdang zawtnak hna
nain tihnung deuhlo zawtnak a si lo,
lufahnganfah,
raifanh
asiloh totkuai.
Zawtnak a chuahnak tlaih tik ahcun,
Minung lakah hi rungrul hi
Nehhnu ah a chuak than hlan
a um ti lai lo.
Hi thil hi thiltha a si cu a fiang ko
nain,
Cu thil lila nihcun Ebola kong
theihhngalhnak ding a harter.
Scientists nih Papalak hi
zawtnak chuahtertu a si tiah an zumh,
Nain, zeitindah minung a chawnh hna
timi cu hngalh a si rihlo.
Cupinah, Ebola chuahnak
ram tampi hna ah
inn le ti thianhhlimnak
thazaang a der kha hmuh khawh a si.
Cucaah, zawtnak a karh a fawi.
Cutin, ram sifahnak le,
zeidang kongah zaangdernak fonh tikah
phaisa tampi dih in hi zawtnak kong
hlathlai ding cu a har ko.
Cheukhat hneksaknak hna cu
lungtling an si ko i,
Zawtnak khamhnak caah
Cozah nih an itimhtuah ve,
2014 lio thilsining kan zoh ahcun,
Ebola zawtnak karh lonak caah
hman bikmi thiltining hna cu,
hmundang tein umnak,
Tithianhhlimnak,
le thawngzamhnak hna an si.