嗨，我係 Tharessa Kehl

黎自 James W. Mitchell 高中嘅學生

今日我會講一講

盡早接觸第二種語言嘅需要

喺開始之前

我想問大家幾條問題

請舉手示意

如果你讀高中嗰陣上過外語堂

大家幾乎都有

而家，請再舉手

如果你花過兩年以上嘅時間學嗰個外語

都唔少，好嘅

而家，最後一題

請舉手話畀我聽

你覺得你已經可以流利咁講嗰種語言

冇人舉手

呢啲結果同我要講嘅主題有關

現今係全球互聯化嘅社會

學多種語言愈嚟愈重要

因此，大部分嘅州立學校

都開設咗外語課程

但係開場嘅問題帶出咗
呢啲措施成效不彰

另外一個證據係嚟自綜合社會嘅調查

只有大概 0.07% 嘅學生
喺高中學第二種語言

見到呢啲咁差嘅數據

難怪人哋開始質疑

學外語嘅重要

但係，研究話學習第二種語言

會提高你嘅認知能力、多作業能力

甚至，延遲神經退化疾病嘅發作

譬如，老人痴呆症

唔單止咁

使用外語溝通嘅能力

係美國喺國際市場上保持地位嘅關鍵

有咗呢啲資料，我哋可以得出結論︰

問題唔在於概念

而係我哋應用嘅方法

因此，解決方案應該係

由幼稚園去到十二年級

實施強制性外語教育

通過增加接觸㚈語嘅時間

以及注重學生嘅聽、說、理解能力

我哋可以畀佢哋以更自然嘅方式學習

畀佢哋持續接觸外語

從而達至一種自然效果

此外，因為年紀細嘅關係

可以提高兒童大腦嘅可塑性

大腦中呢一片標示嘅位置
係同語言學習有關

年紀細嘅嗰陣，呢個位置
對外部刺激更為敏感

所以年紀細嘅人學起上嚟會比較容易

另外，按照呢個理論

我哋可以假設一個關鍵期嘅存在

就係喺兒童成長嘅某一階段開始
通常到青春期之前

佢哋學習語言會很快上手

呢個係因為佢哋嘅大腦未有定落嚟

換句話講，就係語言支配

佢哋唔使總係經過母語去過濾新語言

另外，由於大腦處於更靈活嘅狀態

年齡較細嘅兒童
能夠聽到同模仿唔同嘅聲音

佢哋嘅發音因而更加純正

正如研究透過追蹤發現
喺移民美國嘅人當中

如果佢哋嘅子女愈細個移民到美國

佢哋嘅發音愈自然、愈純正

佢哋同時仲發現孩子對語言更為熟練

因此，我哋可以得出結論︰

美國學校系統必須重新審視外語學習

由幼稚園到十二年級

我哋都需要有一個新嘅系統

嚟充分發揮我哋國家
青年人嘅潛力

我哋需要增加全國
雙語同多語學生嘅數目

令我哋嘅社會更全球化、更同外面連接

最後，我想引用一句話完結

「你嘅語言界限就係你生活嘅界限」

你願意學習幾多種語言？

你想要將你生活嘅界限設喺多遠？

多謝

（掌聲）