Tunapitia mambo mengi moja kwa moja. 
Tunajua kilichojiri kwa sababu tulikuwepo.

Kwa sababu haiwezekani kujionea kila kitu,
lazima tutegemee ripoti za wengine.

Kwa mashirika ya kitaalamu ya habari kazi
ya kubuni ripoti hizi hufanyika kupitia

mchakato wa uandishi wa habari. Uanahabari
ni desturi ya kukusanya, kutathmini,

na kuonyesha habari na maelezo kwa 
ajili ya gazeti, matangazo au mtandao.

Kazi ya mwanahabari ni kufanya 
utafiti, kuhakikisha ukweli,

na kuonyesha ripoti sahihi 
zinazofafanua masuala na matukio.

Uanahabari unaweza kukabili mada yoyote 
kuanzia spoti, burudani, afya na siasa.

Uanahabari unaotolewa na mashirika ya 
habari ni muhimu zaidi kwa demokrasia.

Kama raia tunategemea wanahabari 
kutoa maelezo tunayohitaji

ili kufanya uamuzi bora zaidi kuhusu 
maisha, jumuiya na serikali zetu.

Kuna majukumu kadhaa muhimu
ambayo uandishi wa habari hutimiza.

Uandishi wa habari husaidia kuwaarifu 
watu kuhusu matukio na masuala

ambayo ni muhimu kwa jamii kwa jumla.

Inachangia maarifa ya jumla

na husaidia kubadili maoni kuhusu 
kinachoendelea duniani.

Uanahabari unaweza pia kutoa taswira 
tofauti ya masuala na baraza la mijadala.

Wanahabari hutenda kama wanaohakikisha
walio katika mamlaka wanawajibika.

Wanahimiza ukweli na uwazi kwa maafisa 
wa serikali na wengine walio mamlakani

kwa kuuliza maswali kuhusu matendo na 
maamuzi yao na kwa kufichua ukweli.

Uanahabari unaweza kuwakilisha wanyonge
katika jamii kwa kushiriki hadithi za

wanaokumbana na changamoto tofauti.

Wanahabari wanaweza kusaidia kubuni uwezo
wa kuhisi maoni ya wengine katika umma.

Uandishi wa habari ni muhimu kwa 
demokrasia kwa sababu unaangazia maeneo

ambayo yamefichika na huwasaidia 
watu kupata taarifa kuhusu masuala muhimu.