Thich Nhat Hanh zen maisuak erantzuten du
Nola kendu burutik
bideo jokoekin dudan obsesioa?
Azken urteetan bideo jokoekin
obsesionatu naiz,
egunean 8 orduz jokatzen dut
eta laguntza behar dut
obsesio hori burutik kentzeko.
(True Dedication arreba)
Thay maitea, sangha maitea,
gazte honek azaldu du
azken urteetan
larregi ibili dela
bideo jokoetan.
Egunero 8 orduz
ibitzen da ordenagailuan jokatzen
eta obsesio bihurtu da.
Laguntzaren bat nahiko luke
jokoekin duen obsesioa gainditzeko.
Gazteek sufrimendu handia
izan dezakete barnean.
Gurasoek ez dakite nola lagundu
seme-alabei gutxiago sufritzen,
duten sufrimendua transformatzen.
Horregatik,
bai gurasoek eta bai seme-alabek
saiatzen dira barruko sufrimendua
entretenimenduekin estaltzen:
musika, liburuak, pelikulak,
joko elektronikoak, etab.
Hau ez da gozatzeko egiten,
barruko sufrimendutik
ihesaldi hutsa da.
Denborarekin, barruko sufrimendua
hazi egiten da.
Kontsumitzen dugun gauza horrek,
sufrimendua ahazteko,
toxina, pozoi, haserre
etsipena ekarriko digulako.
Hori ez da bizitzea.
Hori bizitzatik ihes egitea da.
Mendebaldeak Jainkoaren Erreinu deritzona,
budismoan Dharma-gorputz deritzo.
Budak Buda-gorputz bat du,
baina Dharma-gorputz bat du ere.
Budaren gorputza
hemen ez badago ere,
bere Dharma-gorputzak jarraitzen du
Dharma-hitzaldiak ematen.
Lore bat behatzean,
edo sahatsean haizearen
zurrumurrua entzutean
arreta oso eta kontzentrazioz,
Budaren Dharma-gorputzaren
Dharma-hitzaldia ari zara entzuten.
Buda bizirik jarraitzen du
Dharma irakasten.
Ilargia behatzen baduzu,
hodei bat, zeru urdina,
ibaia, itsasgora,
gauza denek irakasten dute Dharma.
Dharma-gorputza
jainkoaren erreinuaren baliokidea da.
Badakigu Jainkoaren erreinua
hementxe dagoena.
Lore bakoitza, zuhaitz bakoitza
Jainkoaren erreinukoa da.
Jainkoaren erreinuari buruz
hitz egiten dizute,
orain, hemen dagoen erreinua.
Orainera, hementxera
etortzen badakizu,
Jainkoaren erreinua duzu zugan.
Horrek elikatuko zaitu, zoriontsu egin.
Ez duzu zertan ihes egin behar
eta joko elektronikoetan babestu.
Arnasa arretaz hartzen duzunean,
gogoa gorputzera dakarzu.
Gogoa eta gorputza elkartzen direnean
bizirik zaude benetan.
Ordenagailuan galtzen bazara,
gogoa eta gorputza aldenduta daude.
Ez zaude benetan bizirik.
Bizitza alferrik galtzen ari zara.
Ez duzu bizitzaz gozatzen.
Naturak bizia eman digu.
Segundo, minutu bakoitza preziatua da.
Hementxe, oraintxe egonez gero,
Jainkoaren erreinuaz gozatuko duzu
hementxe, oraintxean.
Hori da gozamenik handiena.
Ebanjelioetan bada parabola bat.
Nekazari batek lur zati bat aurkitzen du
altxor bat gordetzen duena.
Etxera itzuli eta dena saltzen du
lur zati txiki hura erosteko.
Altxor bat duelako.
Eta altxor horrek zorion egingo du
bizitza guztian,
eta hurrengo bizitzan ere.
Altxor hori baduzu,
Jainkoaren erreinua,
ez duzu besterik behar.
Ez dirurik, osperik,
botererik, plazer sentsualik
edo joko elektronikorik.
Horregatik, gurasoek
praktikatu beharko lukete
Jainkoaren erreinuaz gozatu ahal izateko
orain, hemen.
Horrela, seme-alabei erakutsiko diete
gauza bera egiten.
Ez dute ihes egingo
eta joko elektronikoetan hartu babesa,
ez dira horien menpe egongo.
Horrela jarraituz gero,
zure gorputzak eta gogoak
arazoak izango dituztelako.
Hau egia dela frogatu da.
Denbora larregi ematen baduzu
ordenagailuaren aurrean
joko elektronikoekin,
teknologia berrien menpe bazaude,
ez duzu astirik
bizitzaren mirariez gozatzeko,
orain eta hemen eskura dagoen
Jainkoaren erreinuaz.
Erantzun hau ez da bakarrik gazteentzako
baizik eta gu guztiontzako,
bereziki guraso eta irakasleentzako.
Eskerrik asko galdetzeagatik.
konektatu,
inspiratu, elikatu,
(Kanpaia)