བཀའ་དྲིན་ཆེ།

རྒྱ་གར་ན་རྒྱལ་བོ་མིང་ལ་མ་ཧ་ར་ཇ་ཟེར་བ་ཞིག་ཡོད་པ་རེད། ཁོང་གི་སྐྱེས་སྐར་སྐབས་སུ་

ཚོ་དཔོན་རྣམས་ལ་རྒྱལ་བོ་རང་ལ་འཚམ་པའི་ལེགས་སྐྱེས་ཤིག་འབུལ་དགོས་ཞེས་བཀའ་ཕབ།

ལ་ཤས་ཀྱིས་གོས་ཆེན་བཟང་ཤོས་བསྣམས་ཡོང་། ལ་ཤས་ཀྱིས་རལ་གྲི་རྩ་ཆེན་རེ་བསྣམས་ཡོང་།

ཡང་ལ་ཤས་ཀྱིས་གསེར་བསྣམས་ཡོང་།

གྲལ་མཇུག་ན་གདོང་ཡོངས་གཉེར་མས་ཁེངས་པའི་རྒད་པོ་ཉམ་ཆུང་ཞིག་ཡོང་བཞིན་འདུག

དེ་ནི་ལམ་ཐག་རིང་བའི་གྲུ་ལམ་བརྒྱུད་རང་གི་ཚོ་བ་ནས་ཉིན་ཞག་མང་པོར་ཡོང་བ་རེད།

ཁོ་རྒྱལ་སྲས་ཀྱི་མདུན་དུ་ཐོན་པ་ན། སྲས་ན་རེ། "ཁྱོས་སྐྱེས་ཅི་ཞིག་རྒྱལ་བོ་ལ་འཁྱེར་ཡོང་ངམ།" ཞེས་དྲིས།

རྒད་པོ་དེས་དལ་མོར་རང་གི་ལག་པའི་ཁ་ཕྱེས་ཏེ།

ཧ་ཅང་ཡི་གར་འོང་བའི་འགྲོན་བུ་གློ་ཁ་དང་སེར་པོ། དམར་པོ་དང་སྔོན་པོ་འདྲེས་མའི་འཁྱུག་རིས་ཅན་ཞིག་བསྟན་པ་ན།

ཡང་རྒྱལ་བོའི་སྲས་ན་རེ།

"འདི་ནི་ཅི་ཞིག་ཡིན་ནམ། འདི་རྒྱལ་བོ་ལ་འབུལ་རྒྱུ་ཞིག་མ་རེད།"ཅེས་བཤད།

རྒད་པོ་དེས་དལ་མོར་རྒྱལ་སྲས་ལ་ལྟ་ཞོར་བཤད་རྒྱུར་

"ལམ་ཐག་རིང་བོ་...ཡང་ལེགས་སྐྱེས་ཀྱི་ཆ་ཤས་ཤིག་ལོས་ཡིན།"ཞེས་བཤད།

༼དགོད་སྒྲ།༽

ཅུང་ཙམ་གྱི་རྗེས་ནས། ངས་ཁྱོད་ཚོར་ལེགས་སྐྱེས་ཤིག་འབུལ་རྒྱུ་ཡིན།

ངས་བསམ་ན་ལེགས་སྐྱེས་འདི་ནི་བརྒྱུད་སྒྲོག་གི་རིན་ཐང་ལྡན་པ་ཞིག་ཡིན།

འོན་ཀྱང་མ་བྱིན་སྔོན་ལ། ངས་ཁྱོད་ཅག་ལམ་ཐག་རིང་བའི་

ལྗོངས་རྒྱུ་ཞིག་ལ་འཁྲིད་ཆོག་པ་ཞུ།

ང་རང་ཁྱོད་ཚོ་དང་འདྲ་བར་

ངས་ཀྱང་མི་ཚེ་འདི་བྱིས་པ་ཡིན་དུས་འགོ་བརྩམས་པ་རེད།

ཁྱོད་ཚོ་ག་ཚོད་ཀྱིས་མི་ཚེ་བྱིས་པ་ཡིན་དུས་འགོ་བརྩམས་པ་ཡིན།

སྐྱེས་དུས་ན་གཞོན་ཡིན་ནམ།

ཁྱོད་ཚོའི་ཕྱེད་ཀ་ཡིན་རྒྱུ་ཨེ་རེད།...རེད་པ།...

༼དགོད་སྒྲ།༽

འཕྲོ་མ་རྣམས་ཅི་ཡིན། སྐྱེས་དུས་མི་རྒན་རེད་པཱ།

ང་ཁྱོད་ཚོའི་ཨ་མར་ཐུག་ནས།

དཔེ་མི་སྲིད་པའི་སྐོར་གླེང་འདོད།

བྱིས་པ་ཡིན་དུས། ང་རང་ནམ་རྒྱུན་དཔེ་མི་སྲིད་པའི་དོན་རྣམས་སྒྲུབ་པར་སྤྲོ་བོ་ཡོད།

དེ་རིང་ནི་ངས་ལོ་མང་པོར་རེ་སྙེག་བྱས་པའི་ཉིན་མ་ཞིག་ཡིན།

ངས་དེ་རིང་དཔེ་མི་སྲིད་པའི་དོན་ཞིག་

ཁྱོད་ཚོའི་མིག་མདུན་ནས་བསྒྲུབ་ཨེ་ཐུབ་བལྟ་རྒྱུ་ཡིན།

ཏག་ཏག་གནས་འདི་རུ། TEDxMaastricht རུ།

ངས་འགོ་རྩོམ་རྒྱུ་ཡིན།

དོན་དེ་ལྷང་ལ་ཕུད་དེ།

ངས་ནི་ཁྱོད་ཚོ་ལ་

དཔེ་མི་སྲིད་པ་ནི་དཔེ་མི་སྲིད་པ་ཞིག་མིན་པ་དེ་ར་སྤྲོད་བྱེད་རྒྱུ་ཡིན།

ད་རུང་ངས་བརྒྱུད་སྒྲོག་གི་རིན་ཐང་ཡོད་པའི་སྐྱེས་ཤིག་ཕུལ་ཏེ་མཇུག་བསྡུ་རྒྱུ་ཡིན།

ངས་ཁྱོད་ཚོར་རང་གི་མི་ཚེའི་ནང་དཔེ་མི་སྲིད་པའི་དོན་རྣམས་བསྒྲུབ་ཐུབ་ཚུལ་སྟོན་རྒྱུ་ཡིན།

ངས་དཔེ་མི་སྲིད་པ་ཞིག་སྒྲུབ་པར་

མིའི་རིགས་ཐུན་མོང་ལ་ལྡན་པའི་དོན་དག་གཉིས་ཡོད་པ་ཤེས།

དེ་ནི་ཞེད་སྣང་

དང་ཕུགས་བསམ་གཉིས་རེད།

ངས་ད་རུང་དཔེ་མི་སྲིད་པ་ཞིག་བསྒྲུབ་པར་དོན་གསུམ་ཡོད་པ་ཤེས།

དེ་ནི་ངས་འདས་པའི་ལོ་མང་པོར་སྒྲུབ་པ་ཡིན་ལ།

དེས་ང་ལ་དཔེ་མི་སྲིད་པ་ཞིག་སྒྲུབ་ཐུབ་པར་ངེས་ཤེས་སྐྱེས།

དེ་ནི་ Dodgeball ཡང་ན་ཁྱོད་ཚོས་བཤད་བཞིན་པའི་ "Trefbal" རེད།

མིའི་གནས་ཚད་ལས་འདས་པ་དང་

འབུ་སྦྲང་།

འདི་གསུམ་ནི་ང་ཡི་གཙོ་ཚིག་གསུམ་ཡིན།

ད་ནི་ཁྱོད་ཚོས་ངས་རང་གི་མི་ཚེའི་ནང་ཅིའི་ཕྱིར་དཔེ་མི་སྲིད་པ་ཞིག་སྒྲུབ་པ་རྟོགས་ཐུབ།

དེ་བས་ངས་ཁྱོད་ཚོ་ལམ་ཐག་རིང་བའི་ལྗོངས་རྒྱུ་ལ་འཁྲིད་རྒྱུ་ཡིན།

དེ་ནི་ཞེད་སྣང་ནས་ཕུགས་བསམ་དང་

ཐ་སྙད་ནས་རལ་གྲི།

Dodgeball ནས་

མིའི་གནས་ཚད་ལས་འདས་པ་ནས་

འབུ་སྦྲང་བར་གྱི་བྱུང་བ་རེད།

ངའི་རེ་བ་ནི་ཁྱོད་ཚོར་

ཇི་ལྟར་དཔེ་མི་སྲིད་པ་ཞིག་སྒྲུབ་ཐུབ་པ་་སྟོན་རྒྱུ་དེ་ཡིན།

༢༠༠༧ ལོའི་ཟླ་ ༡༠ ཚེས་ ༤ཉིན།

ངའི་སྙིང་ཆུང་དྲག་ཏུ་ལྡང་ཞིང་། བྱིན་པ་འདར་སུག་སུག་བྱས།

སྐབས་དེར་ང་རང་ཧ་བར་ཌི་གཙུག་ལག་སློབ་ཆེན་གྱི་

སན་ཌི་ཟློས་གར་ཁང་

གི་གར་སྟེགས་སུ་

༢༠༠༧ ལོའི་ནོ་པེལ་གསོ་རིག་བྱ་དགའ་ལེན་དུ་སོང་།

དེ་ནི་མཉམ་ཞུགས་ཀྱིས་བྲིས་པའི་གསོ་རིག་ཉམས་ཞིབ་དཔྱད་རྩོམ་

མིང་ལ་"རལ་གྲི་ཁྱུར་མིད་དང་...

དེའི་ཞོར་སྐྱོན་སྐོར་" ཞེས་པ་དེ་རེད།

༼དགོད་སྒྲ།༽

དེ་དུས་དེབ་ཆུང་ཆུང་ཞིག་ཏུ་བཀོད། ངས་སྔོན་ལ་དུས་དེབ་དེ་རྩ་བ་ནས་བཀླགས་མྱོང་མེད།

དེ་ནི་དབྱིན་ཇིའི་གསོ་རིག་གི་དུས་དེབ་ཅིག་རེད།

ང་ལ་མཚོན་ན་དེ་ནི་དཔེ་མི་སྲིད་པའི་དོན་ཞིག་ལེགས་གྲུབ་བྱུང་བ་རེད།

དེ་ནི་ང་ལྟ་བུ་ཞིག་ལ་རེ་བ་བྱས་མ་མྱོང་བའི་དོན་ཡ་མཚན་ཞིག་རེད།

གཟི་བརྗིད་དེ་ངས་ནམ་ཡང་བརྗེད་མི་སྲིད།

འོན་ཀྱང་དེ་ནི་ངའི་མི་ཚེ་ནང་གི་ཆེས་གླེང་རི་བའི་ཆ་ཞིག་མིན།

༡༩༦༧ ལོའི་ཟླ་ ༡༠ ཚེས་ ༤ལ།

སྐྲག་ཐག་ཆོད་པ་དང་། ངོ་ཆུང་། ལུས་རིད་པ། ཉམ་ཐག་གི་བྱིས་པ་དེ་

ཞེད་སྣང་ཆེན་པོས་རབ་ཏུ་མནར།

ཁོ་གར་སྟེགས་སྟེང་འབུད་གྲབས་བྱེད་སྐབས་

ཁོའི་སྙིང་ཆུང་ལུ་གུ་ལྡང་ལྡང་དང་

བྱིན་པ་དར་ལྕོག་གཡུག་གཡུག་བྱས།

ཁོས་ཁ་གདངས་ཀྱང་

ངག་མ་འཁྲོལ།

ཁོ་རང་འདར་ལྕུག་ལྕུག་ལངས་ཏེ་མིག་ཆུ་ལྷུང་།

འཇིགས་སྐྲག་དང་ཞེད་སྣང་གིས་

རེངས་པོར་གྱུར།

སྐྲག་ཐག་ཆོད་པ་དང་། ངོ་ཆུང་། ལུས་རིད་པ། ཉམ་ཐག་གི་བྱིས་པ་དེ་

ཞེད་སྣང་ཆེན་པོས་ཡོངས་སུ་མནར།

ཁོ་རང་མུན་ནག་ལ་སྐྲག

གཡང་གཟར་ལ་ཞེད།

སྡོམ་དང་སྦྲུལ་ལ་སྐྲག

ཁྱོད་ཚོའི་ནང་ན་སྡོམ་དང་སྦྲུལ་ལ་སྐྲག་ནི་ཨེ་ཡོད།

རེད། འགའ་ཤས་ཡོད་ཀ...

ཁོ་རང་ཆུ་དང་ཉ་ཆེན་ཤཱརྐ་ལ་སྐྲག

སྨན་པ་དང་ནད་གཡོག སོ་ནད་སྨན་པ་རྣམས་ལ་སྐྲག

ད་རུང་ཁབ་དང་གཟོང་ལྟ་བུའི་རྩེ་མོ་དང་ཟུར་ཁ་རྣོ་བའི་ཅ་ལག་ལ་སྐྲག

འོན་ཀྱང་དེ་དག་ལས་ཀྱང་། ཁོ་རང་མི་ལ་

སྐྲག་པ་དེ་རེད།

སྐྲག་ཐག་ཆོད་པ་དང་། ངོ་ཆུང་། ལུས་རིད་པ། ཉམ་ཐག་གི་བྱིས་པ་

དེ་ནི་ང་ཡིན།

ང་ནི་ཕམ་ཁ་དང་གཞན་གྱི་དགག་པ་ལ་སྐྲག

རང་རྩིས་མེད་ལ་རང་དམན་པར་འཛིན་པའི་སེམས་ཁམས་ཡོད།

ད་རུང་གཞན་ཞིག་ནི་

སྤྱི་ཚོགས་འབྲེལ་འདྲིས་ཀྱི་ཞེད་སྣང་རེད།

དེ་བས་མི་རྣམས་ཀྱིས་ང་ལ་བརྙས་སྨོད་དང་གཅར་རྡུང་བྱས།

ཁོ་ཚོས་ང་ལ་འཕྱ་སྨོད་དང་མཚང་འབྲུ་བྱས། ནམ་ཡང་ཁོ་ཚོ་དང་མཉམ་ཞུགས་ཀྱི་

རྩེད་མོར་རོལ་ཏུ་མི་འཇུག

ང་རང་མཉམ་ཞུགས་བྱས་ཆོག་པའི་རྩེད་མོ་གཅིག་པུ་ནི་

Dodgeball རེད།

ང་ Dodgeball རྩེད་མཁན་ཞིག་མིན་ཏེ།

བརྙས་བཅོས་བྱེད་མཁན་གྱིས་ང་འབོད་དུས་

ངས་ཡར་བལྟས་ཙ་ན་ dodge ball དམར་པོ་དག་གིས་

མིག་རྡེབ་དབང་ཙམ་དུ་གདོང་ལ་

སྤད་སྤད་སྤད་རྡེག་མྱོང་།

ཉིན་མང་པོར་ང་རང་སློབ་གྲྭ་ནས་ཡུལ་ལ་རྐང་ཐང་དུ་ལོག་པ་ངས་ད་དུང་དྲན་བཞིན་འདུག

ངའི་འགྲམ་པ་ཙག་གིས་ཕྱིད་ནས་དམར་པོར་གྱུར། ངའི་རྣ་ཅོག་ཀྱང་དེ་བཞིན་དམར་པོར་གྱུར་མྱོང་།

ངའི་མིག་གཉིས་མིག་ཆུས་བརླན་པ་དང་

རྣ་བར་གཟན་པའི་ངན་སྨོད་མང་དུ་ཐོས།

སུས་བཤད་རུང་།

"ཤིང་དུམ་དང་རྡོ་ཡིས་ངའི་རུས་པ་བཅག བརྙས་སྨོད་ཀྱིས་ང་ལ་ཅི་ཡང་མི་གནོད།"...

དེ་རྫུན་ཡིན།

ཚིག་ལ་སོ་ཁ་མེད་རུང་།

མི་སྙིང་དུམ་བུར་གཅོད།

ཚིག་གི་རྨ་ཁ་ཧ་ཅང་ཟབ་སྟེ་

མཐོང་མི་ཐུབ་བོ། །

དེར་བརྟེན་ང་ལ་ཞེད་སྣང་ཡོད་ལ། ངན་སྨོད་ནི་ངའི་དགྲ་བོ་ཆེ་ཤོས་ཡིན།

ད་རུང་ཡང་དེ་བཞིན་ཡིན།

འོན་ཀྱང་། ང་ལ་ཕུགས་བསམ་ཡོད།

ང་ཡུལ་ལ་ལོག་སྟེ་

མིའི་གནས་ཚད་ལས་འདས་པའི་མིའི་ཟུར་ཟའི་རི་མོ་ལ་བཞའ་ནས་

མིའི་གནས་ཚད་ལས་འདས་པའི་ཟུར་ཟའི་རི་མོའི་དེབ་བཀླགས།

ངའི་ཕུགས་བསམ་ནི་ང་རང་མིའི་གནས་ཚད་ལས་འདས་པའི་དཔའ་རྒོད་ཅིག་འཁྱོངས་ན་འདོད།

ངས་དྲང་བདེན་དང་རྒྱུ་འབྲས་སྐྱོང་འདོད།

ངན་པ་དང་དགྲ་བོ་རྣམས་ལ་འཐབ་ན་འདོད།

འཇིག་རྟེན་ཧྲིལ་བོར་འཕུར་བསྐྱོད་ཀྱིས་མིའི་གནས་ཚད་འདས་པའི་མི་ལྟར་དོན་བཟང་བསྒྲུབ་ཅིང་ཚེ་སྲོག་སྐྱོབ་ན་འདོད།

དངོས་ཡོད་ཀྱི་བྱ་དངོས་ཀུན་ལ་ང་རང་སྤྲོ་བོ་ཡོད།

ངས་འཛམ་གླིང་གི་ཇི་ཉི་སིའི་ཟིན་ཐོ་བསྐྲུན་པའི་དེབ་དང་རི་ཕི་ལེ་ཡི་ཡིད་ཆེས་སམ་མི་ཆེས་ཞེས་པའི་དེབ་རྣམས་བཀླགས།

ཁྱོད་ཚོའི་ནང་ན་ཇི་ཉི་སི་དང་རི་ཕི་ལེ་ཡི་དེབ་རྣམས་བཏོན་མྱོང་ནི་ཨེ་ཡོད།

ང་རང་དེབ་འདི་དག་ལ་དགའ་།

ངས་དེ་རུ་མི་རྣམས་ཀྱིས་ལས་དོན་ཧ་ལས་པ་སྒྲུབ་པ་མཐོང་།

ངས་རང་ལ་ཡང་འདི་འདྲ་སྒྲུབ་འདོད་ཅེས་གསལ་འདེབས་བྱས་མྱོང་།

ང་ལ་བརྙས་སྨོད་གཏོང་མཁན་རྣམས་ཀྱིས་

ཁོ་ཚོའི་རྩེད་མོའི་ནང་ཞུགས་སུ་བཅུག་པས།

ངས་སྒྱུ་འཕྲུལ་དང་ཁྱད་ཆོས་ངོ་མ་ལྡན་པ་ཞིག་ལས་ན་འདོད།

ངས་བརྙས་བཅོས་གཏོང་མཁན་གྱིས་སྒྲུབ་མི་ནུས་པའི་དོན་བསམ་གྱིས་མི་ཁྱབ་པ་མང་པོ་ཞིག་སྒྲུབ་ན་འདོད།

ངས་རང་ཉིད་ཀྱི་ཕུགས་འདུན་ངོ་མ་དང་

མི་ཚེའི་དོན་སྙིང་རྙེད་ན་འདོད།

ངས་ལས་བསམ་གྱིས་མི་ཁྱབ་པ་ཞིག་བསྒྲུབ་ནས་འཇིག་རྟེན་ལ་འགྱུར་བ་གཏོང་ན་འདོད།

ངས་དཔེ་མི་སྲིད་པ་དེ་དཔེ་མི་སྲིད་པ་ཞིག་མིན་པ་ར་སྤྲོད་བྱེད་ན་འདོད།

ལོ་བཅུའི་རྗེས་སུ་

ཕོ་ལོ་ཉེར་གཅིག་གི་སྐྱེས་སྐར་སྔོན་གྱི་གཟའ་འཁོར་གཅིག་ནང་།

ཉིན་ཞིག་དོན་དག་གཉིས་ཀྱིས་ངའི་མི་ཚེ་ལ་འགྱུར་བ་ཆེན་པོ་བཏང་།

ང་རང་རྒྱ་གར་ལྷོ་ཕྱོགས་ཀྱི་ཐ་མིལ་ནཱ་དུ་རུ་

ཆོས་སྤེལ་མཁན་བྱས་པ་ཡིན།

ངའི་ཁྲིད་སྟོན་དགེ་རྒན་དང་ཡང་ན་ངའི་གྲོགས་པོ་ན་རེ།

"Danie ཁྱོད་ལ་ Thromes ཨེ་ཡོད།"

ངས་ཕྱིར་ཁོང་ལ་ Thromes ཅི་ཞིག་རེད་ཅེས་དྲིས་པ་ཡིན།

ཁོང་གིས་ཕྱིར་ང་ལ། "Thromes ནི་མི་ཚེའི་དམིགས་ཡུལ་གལ་ཆེ་ཤོས་རྣམས་ལ་གོ་བ་རེད།

དེ་ཚོ་ནི་ཕུགས་བསམ་དང་དམིགས་འབེན་མཉམ་བསྲེས་བྱས་པ་རེད། དཔེར་ན། གལ་ཏེ་ཁྱོད་ཀྱིས་

དོན་གང་ཞིག་སྒྲུབ་འདོད་པ་ཡིན་ན། ས་གང་རུང་ཞིག་ལ་སོང་ནས་

མི་ག་འདྲ་ཞིག་བཅའ་རྒྱུ།

གནས་གང་ཞིག་ལ་འགྲོ་བ། དོན་གང་ཞིག་སྒྲུབ་པ།

ཁྱོད་སུ་ཡིན།" ཞེས་ཟེར།

ངས་ཕྱིར་ཁོང་ལ་"ངས་དེ་སྒྲུབ་མི་ཐུབ། ང་ལ་ཞེད་སྣང་དང་སྐྲག་སྣང་མང་པོ་ཞིག་འདུག" ཅེས་བཤད།

དགོང་མོ་དེར། ངས་གདན་འཁྱེར་ནས་ཁང་ལེབ་ཀྱི་ཀླད་ལ་སོང་སྟེ།

སྐར་འོག་ཏུ་གན་རྐྱལ་ལོག་ནས་

བྱིའུ་གོ་ལེབ་ཀྱིས་འབུ་སྦྲང་འཛིན་པར་བལྟས་ནས་བསྡད་པ་ཡིན།

ད་རུང་ངས་ thromes ཡང་ན་ཕུགས་བསམ་དང་དམིགས་འབེན་སྐོར་དང་

dodgeball རྩེད་དུས་ང་ལ་བརྙས་སྨོད་གཏོང་མཁན་རྣམས་ཡིད་ལ་འཁོར།

དུས་ཚོད་འགའི་གཞུག་ནས་ང་རང་གཉིད་ལས་སད།

ངའི་སྙིང་ཆུང་ལྟིག་ལྟིག་ལྡང་། བྱིན་པ་ལྕུག་ལྕུག་འདར།

སྐབས་འདིར་ང་ལ་ཞེད་སྣང་མེད།

ངའི་ལུས་ཧྲིལ་བོ་རེངས་པོར་གྱུར།

དེའི་གཞུག་གི་ཉིན་ལྔའི་རིང་ལ།

ངའི་ཚོར་ཤེས་ཉམས་ནས་འཆི་བ་ལ་འཐབ་དགོས་བྱུང་།

འདར་ནད་ཀྱི་རྐྱེན་གྱིས་ཀླད་པར་ཚ་བ་རྒྱས་ཏེ་ཚ་གྲངས་ཏུའུ་ ༡༠༥ ལ་བུད།

ཕྱིར་ཚོར་ཤེས་ཀྱིས་ཟིན་ཚེ། ནམ་ཡིན་ཡང་འདང་རྒྱག་ས་ནི་མི་ཚེའི་དམིགས་འབེན་རེད། ༼Thromes༽

ངའི་བསམ་པར་"རང་གི་མི་ཚེའི་ནང་ཅི་ཞིག་སྒྲུབ་ཐུབ་བམ་སྙམ།"

གཞུག་ནས་མི་ལོ་ཉེར་གཅིག་གི་སྐྱེས་སྐར་སྔུན་དགོང་མོར།

རྣམ་ཤེས་གསལ་བའི་སྐབས་ཏག་ཏག་དེ།

ངས་ཅིག་རྟོགས་སོང་།

ངས་འབུ་སྦྲང་ཆུང་ཆུང་ཞིག་ཚོར།

Anopheles Stephensi༼འབུ་སྦྲང་ཞིག་གི་མིང་།༽

འབུ་སྦྲང་ཆུང་ཆུང་དེ་ཡི་

ལྗིད་ན་གྷ་རམ་ཕྲ་མོ་ ༥ ཡང་མེད་ཚོད་རེད།

ཚྭ་རྡོག་ཕྲན་བུ་ཞིག་གི་ཆེ་ཆུང་ཡང་མེད།

གལ་ཏེ་འབུ་སྦྲང་དེས་མི་རྒྱ་མ་ ༡༧༠ ཅན་ཞིག་གམ་ཡང་ན་སྤྱི་རྒྱ་ ༨༠ ཅན་ཞིག་རྫོགས་ཐུབ་ན།

དེ་ནི་ང་ཡི་ kryptinite ༼སྦས་རླུང=རྫས་དཀོན་པོ་ཞིག༽ཡིན་པ་རྟོགས།

དེ་ནས། ངས་རིམ་བཞིན་ཤེས་རྟོགས་བྱུང་སྟེ། མ་རེད། མ་རེད དེ་ནི་འབུ་སྦྲང་ཞིག་མ་རེད་ཅེས་འདོད།

དེ་ནི་འབུ་སྦྲང་ཆུང་ཆུང་དེའི་ཁོག་གི་སྲིན་འབུ་ཕྲ་མོ་ཞིག་རེད།

འབུ་སྲིན་ Plasmodium Falciparum ཡིས་ལོ་རེར་མི་ས་ཡ་རེ་གསོད་པ་རེད།

རིམ་བཞིན་ངས་དེ་ནི་གཞན་རྟེན་སྲིན་འབུ་ལས་ཀྱང་ཆུང་བ་ཚོར།

འོན་ཀྱང་། ང་ལ་མཚོན་ན་དེ་ནི་སྟོབས་ཤུགས་ཆེན་པོ་ཞིག་རེད།

ངས་རྟོགས་བྱུང་།

ཞེད་སྣང་ནི་རང་གི་ kryptonic༼སྦས་རླུང་།༽ངམ་

ངའི་ཁོག་གི་གཞན་རྟེན་སྲིན་འབུ་རེད།

དེ་ཡིས་ང་རང་མི་ཚེ་གང་བོར་ཞ་འཐེང་དུ་བཏང་།

ཤེས་གསལ་ལྟར། ཉེན་ཁ་དང་ཞེད་སྣང་གཉིས་ལ་ཁྱད་པར་ཡོད་པ་རེད།

ཉེ་ན་ཁ་ནི་དོན་དངོས་རེད།

ཞེད་སྣང་ནི་གདམ་གསེས་ཤིག་རེད།

ངས་རང་ལ་གདམ་གསེས་ཤིག་ཡོད་པ་ཚོར།

དགོང་མོ་དེར་ང་རང་ཞེད་སྣང་དང་ཕམ་ཁ་གཉིས་ཀའི་ནང་ལྷུང་ངམ་

ཡང་ན་ཞེད་སྣང་མེད་པར་

ཕུགས་བསམ་སྙེག་བཞིན་འཚོ་བ་རོལ།

ཚང་མས་ཤེས་གསལ་ལྟར། འཆི་བདག་ཐོན་ལ་ཉེ་དུས་

ང་ཚོ་ཧ་ཅང་གསོན་ན་འདོད།

ངས་ནི་མི་རྣམས་འཆི་བ་ལས་

དངོས་སུ་གསོན་པོར་བསྡད་མེད་པ་ཤེས།

ཚང་མས་ཤེས་གསལ་ལྟར། ཁྱོས་འཆི་བ་བསམ་ན་

གཟོད་ཇི་ལྟར་གསོན་པ་རྟོགས་ཐུབ།

དེར་བརྟེན། དགོང་མོ་དེར་ངས་བློ་ཐག་རྦད་ཆོད་ཀྱིས་

རང་ཉིད་དང་རང་གི་གཏམ་རྒྱུད་ལ་འགྱུར་བ་གཏོང་རྒྱུ་བྱས།

ང་རང་འཆི་ན་མི་འདོད།

དེ་བས་ངས་གསོལ་འདེབས་བྱས་པ་ནི།

"དཀོན་མཆོག་ལགས། ཉིད་ཀྱིས་ང་རང་ཕོ་ལོ་ཉེར་གཅིག་གི་སྐྱེས་སྐར་ནང་་གསོན་དུ་བཅུག་ཚེ།

ཞེད་སྣང་ལ་དབང་བསྒྱུར་བྱེད་དུ་འཇུག་རྒྱུ་མིན།

ངས་རང་ཉིད་ཀྱི་ཞེད་སྣང་ཡོད་ཚད་མེད་པར་གཏང་རྒྱུ་དང་།

རང་ཉིད་ཀྱི་ཕུགས་བསམ་བསྙེག་ནས།

རང་ཉིད་ཀྱི་བློ་ཁ་བསྒྱུར་རྒྱུ་ཡིན།

ངས་རང་གི་མི་ཚེའི་ནང་དུ་བསམ་གྱིས་མི་ཁྱབ་པའི་ལས་དོན་ཞིག་བསྒྲུབ་ན་འདོད།

ངས་རང་ཉིད་ཀྱི་མི་ཚེའི་དམིགས་འབེན་བཙལ་ན་འདོད།

ངས་དཔེ་མི་སྲིད་པ་ནི་དཔེ་མི་སྲིད་པ་ཞིག་མིན་པ་ཤེས་ན་འདོད།"

དགོང་མོ་དེར་ང་རང་གསོན་ཐུབ་ཡོད་མེད་ངས་ཁྱོད་ཚོར་བཤད་རྒྱུ་མིན། དོག་ཙམ་གྱི་རྗེས་ནས་ཁྱོད་ཅག་གིས་ཨེ་ཤེས་ལྟོས།

༼དགོད་སྒྲ།༽

འོན་ཀྱང་དགོང་མོ་དེར། ངས་རང་ཉིད་ཀྱི་ Thromes༼དམིགས་འབེན༽བཅུ་གོང་བསྒྲིགས་པ་ཡིན།

ངས་སེམས་ཐག་གཙང་བཅད་ཀྱིས་གླིང་ཆེན་གཙོ་བོ་རྣམས་སུ་ལྗོངས་རྒྱུ་དང་

འཛམ་གླིང་གི་ཁྱད་མཚར་ཅན་གྱི་གནས་བདུན་ལ་ལྟ་སྐོར།

སྐད་རིགས་གང་མང་ཞིག་སྦྱང་རྒྱུ།

མྱ་ངམ་ཐང་ནས་འཚོ་བ།

མཚོ་ནང་གི་གྲུ་གཟེངས་ཞིག་གི་སྟེང་ནས་འཚོ་བ་རོལ་བ།

ཨ་མེ་ཛོན་དུ་ཨིན་ཌིའི་མི་རིགས་ཀྱི་ཚོ་བ་ཞིག་དང་ལྷན་དུ་འཚོ་བ་རོལ་བ་དང་།

སྭི་ཌེན་ཡུལ་གྱི་རི་བོ་མཐོ་ཤོས་ཀྱི་རྩེ་མོར་འགོ་བ།

ཇོ་མོ་གླང་མའི་རི་རྩེར་ཉི་འོད་རྒྱག་པར་ལྟ་བ།

ཨ་རིའི་ Nashville ཡི་རོལ་དབྱངས་གཞུང་སྒྲུབ་ཁང་ནས་ལས་ཀ་བྱེད་པ།

ད་རུང་སྒྱུ་རྩལ་འཁྲབ་སྟོན་ཚོགས་པ་ཞིག་ལ་ཞུགས་པ་དང་།

གནམ་གྲུ་ཞིག་ནས་ཕྱིར་མཆོངས་བ་བཅས་བྱེད་རྒྱུའོ་། །

དེའི་གཞུག་གི་ལོ་ངོ་ཉི་ཤུའི་ནང་དུ། ངས་ཕལ་ཆེར་གོང་གི་ thromes༼དམིགས་འབེན༽ རྣམས་ཡོངས་གྲུབ་བྱས།

ངས་གོང་བསྒྲིགས་པའི་ thromesརྣམས་ལས་གཅིག་སྒྲུབ་པ་ཡིན་ན།

ངས་ ༥ འམ་ཡང་ན་ ༡༠ རེ་ཁ་སྣོན་བྱས་ཏེ། ཐོ་དེ་ཇེ་རིང་དང་མུ་མཐུད་དུ་འགྲོ་ཐུབ་པ་བྱས་པ་ཡིན།

དེའི་རྗེས་ཀྱི་ལོ་ངོ་བདུན་གྱི་རིང་ལ། Bahamas ཡི་གླིང་ཕྲན་ཆུང་ཆུང་ཞིག་ཏུ་བསྡད་པ་ཡིན།

ལོ་བདུན་པོ་དེའི་རིང་

རྩྭའི་སྤྱིལ་བུ་ཞིག་ཏུ་བསྡད་པ་ཡིན་ལ།

ཉ་ཆེན་ཤཱརྐ་དང་ཉ་ཨོག་དཀར་སོགས་ཟས་སུ་བསྟེན་ཏེ་གཅིག་པུར་

ལུས་ལ་རས་ཁེབས་ཙམ་ཞིག་དཀྲུས་ནས་བསྡད།

ད་རུང་ངས་ཉ་ཆེན་ཤཱརྐ་དང་མཉམ་དུ་ཆུ་རྐྱལ་སྦྱངས་།

དེ་ནས་ང་རང་ Mexico ལ་སོང་བ་དང་།

Ecuador ཡི་ཨ་མེ་ཛོན་གཙང་བོའི་གཤོང་ས་སྟེ།

Pujo Pongo Ecuador རུ་ང་རང་ཚོ་བ་ཞིག་གི་ནང་ནས་བསྡད།

རིམ་བཞིན་དུ་རང་གི་ thromes༼དམིགས་འབེན༽ འགྲུབ་པའི་གདེངས་རྙེད།

ང་རང་ Nashbille ཡི་རོལ་མོའི་གཞུང་སྒྲུབ་ཁང་ཞིག་ལ་སོང་། དེ་ནས་སྭི་ཌེན་གྱི་

Stockholm རོལ་མོའི་ལས་སྒྲུབ་ཁང་ཞིག་ཏུ་སྤར།

དེ་རུ་ང་རང་རི་བོ་ Kebnekaise ཡི་མགོར་འགོས་པ་ཡིན། རི་བོ་དེ་ནི་བྱང་སྣེ་གླིང་གི་རི་རྩེ་མཐོན་པོ་ཞིག་ཡིན།

དེ་ནས་ང་ཡིས་བཞད་གད་པ་དང་

སྒྱུ་མ་ལ་སྦྱོང་བ་བྱས་པར་མ་ཟད།

ད་རུང་རྐང་ཤིང་གི་རྩེ་ནས་འགྲོ་བ་དང་

ལྕགས་རྟ་རྐང་གཅིག་བཞོན་པ། མེ་ལྡུམ་འཁྱུར་མིད། ཤེལ་ཆག་བཟའ་བ་སོགས་ལ་ཡང་སྦྱོང་བ་བྱས།

༡༩༩༧ ལོར་ངས་རལ་གྲི་ཁྱུར་མིད་གཏོང་མཁན་མི་བཅུ་གྲངས་ཙམ་ལས་མེད་པར་ཐོས་རྗེས།

ངས་ཀྱང་དེ་ལས་ན་འདོད་ཅེས་བཤད་མྱོང་།

ང་རང་རལ་གྲི་མིད་མཁན་ཞིག་ལ་ཐུག་པ་དང་། ངས་གནད་དོན་འགའ་ཞིག་ཁོ་ལ་དྲིས་པ་ཡིན།

ཁོས་དོན་གཉིས་ང་ལ་བཤད།

དང་པོ། དེ་ནི་ཉེན་ཁ་ཧ་ཅང་ཆེ།

མི་རྣམས་ཀྱིས་ལས་འདི་བྱས་ཏེ་ཤི་སོང་བ་མང་།

གཉིས་པ།

དེ་ལ་ཚོད་ལྟ་མ་བྱེད་ཅིག

༼དགོད་སྒྲ།༽

དེ་ནས་ངས་དེ་རང་གི་ thromes ཡི་ཐོ་རུ་བཀོད།

ཉིན་ལྟར་ཐེངས་ ༡༠ ནས་ ༡༢ བར་ཚོད་ལྟ་བྱས་ནས་

ལོ་བཞི་ལྷག་ཙམ་འགོར།

ད་ལྟ་ངས་རྩིས་ཤིག་བརྒྱབས་ན།

༤ x ༣༦༥ [x ༡༢]

དེ་ནི་ཕལ་ཆེར་ལེགས་གྲུབ་མ་བྱུང་བའི་ཐེངས་ ༡༣༠༠༠ ལྷག་སྟེ་

ཐེངས་དང་པོར་ ༢༠༠༡ ལོར་རལ་གྲི་མིད་པའི་ཡར་སྔོན་གྱི་དོན་དག་རེད།

སྐབས་དེ་ལ་ངས་ throme བཞག་པ་ནི་

འཛམ་གླིང་གི་རལ་གྲི་མིད་མཁན་གྱི་ཆེད་མཁས་པ་བྱ་རྒྱུ་ཡིན།

དེ་བས་ངས་དེབ་སྣ་ཚོགས་དང་དུས་དེབ། ཚགས་པར་སྟེང་གི་རྩོམ་ཡིག

སྨན་གྱི་སྙན་ཞུ་སོགས་སུ་ཞིབ་འཇུག་དང། གསོ་རིག་དང་གཟུགས་ཕུང་ཆགས་ཚུལ་རིག་པར་སྦྱོང་བ་བྱས།

ངས་སྨན་པ་དང་ནད་གཡོག་རྣམས་པར་ཁ་བརྡ་བྱས་པ་དང་

རལ་གྲི་མིད་མཁན་ཡོངས་ལ་འབྲེལ་འདྲིས་བྱས་ཏེ་

མཉམ་དུ་རྒྱལ་སྤྱིའི་རལ་གྲི་མིད་མཁན་ལྷན་ཚོགས་བཙུགས།

ལོ་གཉིས་རིང་རལ་གྲི་ཁྱུར་མིད་དང་དེའི་ཞོར་སྐྱོན་ལ་

ཞིབ་འཇུག་བྱས་པའི་གསོ་རིག་དཔྱད་རྩོམ་

དེ་དབྱིན་ཇིའི་གསོ་རིག་གི་དུས་དེབ་ཞིག་ཏུ་བཀོད་པ་ཡིན།

༼དགོད་སྒྲ།༽

བཀའ་དྲིན་ཆེ།

༼དགའ་བསུ།༽

ངས་རལ་གྲི་འཁྱུར་མིད་སྐོར་ནས་དོན་དག་སྤྲོ་བོ་མང་པོ་རྙེད།

དོན་ཞིག་ལ་ཁྱོད་ཚོས་སྔོན་ཆད་འདང་བརྒྱབས་མེད་པར་ངས་ཁག་ཐེག་བྱེད་ཐུབ། འོན་ཀྱང་གཞུག་ནས་ཤེས་སྲིད།

ཐེངས་གཞུག་མར་ཁྱོད་ཚོ་ཡུལ་ལ་ལོག་རྗེས། སྐམ་ཤ་གྲི་ཡིས་སམ་

ཡང་ན་རལ་གྲིས་སམ། ཡང་ན་"bestek"ཡིས་བཟའ་སྐབས་སུ། གཟོད་ཁྱོད་ཀྱིས་འདི་ལ་བསམ་བློ་གཏོང་ངེས།

ངས་ནི་རལ་གྲི་མིད་པ་ནི་རྒྱ་གར་ནས་འགོ་བརྩམས་པ་ཡིན་པ་ཤེས་ལ།

དེ་རུ་ངས་ལོ་ན་ཉི་ཤུར་སོན་པའི་བྱིས་པ་ཞིག་གིས་གྲི་ཐོག་མར་མིད་པ་ཤེས།

དེ་ནི་ཧ་ལམ་ལོ་ ༤༠༠༠ སྔོན་ལ་བྱུང་བ་དང་ཧ་ལམ་སྤྱི་ལོ་སྔོན་གྱི་ ༢༠༠༠ ལོ་རེད།

འདས་པའི་ལོ་ངོ་ ༡༥༠ ཡི་ནང་དུ། རལ་གྲི་མིད་པ་དེ་

ཚན་རིག་དང་སྨན་གཞུང་གི་ཁྱབ་ཁོངས་སུ་བཀོལ་བ་དང་

སྤྱི་ལོ་ ༡༨༦༨ ལོར་འཇར་མན་གྱི་ Freiburg རུ་

Dr. Adolf Kussmaul ཡིས་ཁོག་ཤེལ་མཁྲེག་པོ་༼rigid endoscope༽བཟོས་པ་དང་།

སྤྱི་ལོ་ ༡༩༠༦ ལོར། ཝེལ་སི་( Wales) ཡི་མི་རྣམས་ཀྱིས་སྙིང་འཕར་རླབས་རིས་བཀོལ་ནས་

ཟས་ཁྱུར་མིད་དང་འཇུ་ཚད་མ་ལག་མི་སྙོམས་པ་ལ་ཞིབ་འཇུག་བྱས།

འདི་རྣམས་ཕལ་ཆེར་གློ་སྦུག་ཁོག་ཤེལ་དང་རིགས་འདྲ་བ་རེད།

འོན་ཀྱང་འདས་པའི་ལོ་ ༡༥༠ རིང་།

ང་ཚོས་མི་བརྒྱ་གྲངས་ཤིག་ལ་རྨས་ཕོག་པ་དང་བཅུ་གྲངས་ཤིག་ཤི་སོང་བ་རྟོགས།

ཁོག་ཤེལ་སྲ་མོ་དེ་ Dr. Adolf Kussmaul ཡིས་ཇེ་ལེགས་སུ་བཏང་མོད།

འོན་ཀྱང་ང་ཚོས་འདས་པའི་ལོ་ ༡༥༠ རིང་མི་ཉེར་དགུ་ལྷག་གིས་རལ་གྲི་མིད་དེ་འཆི་སོང་བ་དང་

དེའི་ནང་དུ་ལོན་ཏོན་དུ་རལ་གྲི་མིད་དེ་སྙིང་ཕུགས་རྗེས་ཤི་སོང་བ་དེ་ཡང་འདུས།

ད་རུང་ལོ་རེར་མི་ ༣ ནས་ ༨ ལྷག་

རལ་གྲི་མིད་དེ་རྨས་ཧ་ཅང་ལྕི་མོ་བཟོ་བཞིན་ཡོད།

ངས་འདི་ཤེས་པའི་རྒྱུ་མཚན་ནི་ང་ལ་ཁ་པར་གཏོང་མཁན་ཡོད།

ད་སྔུན་སྔུན་ཡང་ང་ལ་ཁ་པར་ཐེངས་གཉིས་འབྱོར།

གཅིག་ནི་སྭི་ཌེན་ནས་དང་གཞན་དེ་ཨོར་ལཱན་ཏོ་ནས་འབྱོར་བ་དང་། དེ་ནི་ཏག་ཏག་གཟའ་འཁོར་འགའི་སྔོན་རེད།

རལ་གྲི་མིད་མཁན་རྣམས་རྨས་རྗེས་སྨན་ཁང་དུ་བསྡད་འདུག

དེ་བས་འདི་ནི་ཧ་ཅང་ཉེན་ཁ་ཅན་གྱི་དོན་དག་ཅིག་རེད།

ད་རུང་ངས་དོན་གཞན་ཞིག་ཤེས་པ་ནི་རལ་གྲི་མིད་རྒྱུར་

མ་མཐའ་ཡང་སྐྱེ་བོ་མང་ཆེ་ཤོས་ལ་ལོ་གཉིས་ནས་བཅུ་

ཡི་སྦྱོང་བ་དགོས་པ་རེད།

འོན་ཀྱང་ང་ལ་མཚོན་ན་ཆེས་ཡིད་མགུ་བ་ནི་

རལ་གྲི་མིད་ཚུལ་སྦྱངས་བར་བརྟེན་དཔེ་མི་སྲིད་པའི་དོན་དག་ཇི་ལྟར་སྒྲུབ་ཚུལ་སྦྱང་རྒྱུ་དེ་ཡིན།

ངས་ཁྱོད་ཚོར་གསང་བ་ཆུང་ཆུང་ཞིག་བཤད་རྒྱུ་ཡིན།

བརྒྱ་ཆའི་དགོ་དགུ་ཚེག་དགུ་དཔེ་མི་སྲིད་པ་ཡིན་ན་དེ་ལ་བསྲན་མ་འཛུགས།

ཁྱོད་ཀྱིས་དཔེ་སྲིད་པའི་བརྒྱ་ཆའི་གཅིག་གི་ཁོ་ནའི་སྟེང་དམིགས་བཙུགས་ཏེ། ཇི་ལྟར་དེ་ནི་མངོན་འགྱུར་ཡོང་ཐུབ་པའི་ཐབས་ལམ་ཤེས་དགོས།

ད་ནི་ངས་ཁྱེད་རྣམ་པར་རལ་གྲི་མིད་མཁན་གྱི་འཇིག་རྟེན་ཅི་ལྟ་བུ་ཞིག་ཡིན་པ་བཤད་རྒྱུ་ཡིན།

རལ་གྲི་ཞིག་མིད་ཆེད་དུ་སྒོམ་ལྟ་བུ་ཞིག་སྦྱོང་དགོས་པ་རེད།

དེ་ནི་དཔེར་ན་རྣམ་ཤེས་ཕྱོགས་གཅིག་ཏུ་བསྡུ་བ་དང་ནོར་བ་ཕྲན་ཚེག་ཙམ་ཡང་མི་ཡོང་ཆེད།

ནང་གི་དབང་བ་བོ་རྣམས་ཕྲལ་བ་དང་ལུས་པོར་རང་བྱུང་གི་ལྷོད་ཤ་ཞིག་

ཀླད་རྩ་དང་ཤ་སྒྲིམ་ལ་ཡང་སྐོར་བསྐྱར་སྐོར་གྱིས་སྦྱོང་བརྡར་བྱས་ནས་གོམས་ལོབས་ཡོང་པ་ལ་བརྟེན་ནས་བྱུང་བ་ཞིག་རེད།

དེ་ནི་ཆེད་དམིགས་ཀྱིས་ཐེངས་སྟོང་ཕྲག་དུ་མར་སྦྱོང་བརྡར་བྱས་པ་ལ་བརྟེན་ནས་བྱུང་བ་རེད།

ད་ངས་ཁྱོད་ཚོར་རལ་གྲི་མིད་མཁན་གྱི་ལུས་ཁམས་སྐོར་ཉུང་ཙམ་བཤད།

རལ་གྲི་ཞིག་མིད་པའི་ཆེད་དུ་

ངེས་པར་དུ་གློ་གྲི་ཞིག་རང་གི་ལྕེ་སྟེང་ནས་མར་ཡང་ཡང་བསྣར་ནས་

མིད་པའི་ནང་གི་སྐྱུག་མེར་ལངས་པའི་ཚོར་བ་དེ་མེད་པ་བཟོ་དགོས།

དེ་ནས་གྲི་དེ་མིད་ཐག་ནས་ཏུའུ་དགུ་བཅུ་འཁོར་དུ་འཇུག་ནས་མར་བསྣར་བ་དང་

མིད་ཐག་གི་ཤ་གནད་ཀྱི་

ནུར་འགུལ་ཚུར་སྣང་འགོག་པ།

དེ་ནས་རིམ་བཞིན་དུ་མར་བྲང་ཁོག་གི་

གློ་བ་གཉིས་ཀྱི་བར་དུ་བསྲིང་བ།

སྐབས་ཏག་ཏག་འདི་ནས་

རང་གི་སྙིང་ནི་ཕར་ལ་ཅུང་ཙམ་དེད་ཡོད།

གལ་ཏེ་ཁྱོས་ཞིབ་མོར་བལྟས་ཚེ།

སྙིང་ནི་གྲི་དང་མཉམ་དུ་ལྡང་བ་མཐོང་ཐུབ།

རྒྱུ་མཚན་ནི་གྲི་དེ་སྙིང་ལ་ཐུག་ནས་ཡོད་ལ་

དེ་ནི་ཕལ་ཆེར་སྙིང་དང་ཚོན་བརྒྱད་ཀྱིས་ཆོད་ཙམ་ཡིན།

འདི་ནི་ཁྱོད་ཚོས་བློ་བཟོ་བྱས་ཆོག་པ་ཞིག་མ་རེད།

དེ་ནས་གྲི་དེ་བྲང་རུས་བརྒྱུད་ནས་མར་གཏོང་དགོས་པ་དང་

མིད་ཐག་ཤ་གནད་བརྟོལ་ནས་མར་ཕོ་བའི་ནང་བཏང་ནས།

ཕོ་ཁའི་ནང་གི་སྐྱུག་མེར་གྱི་ཚུར་སྣང་འགོག་དགོས།

དེ་འདྲའི་སླ་མོ་ཞིག་རེད།

༼དགོད་སྒྲ།༽

གལ་ཏེ་ངས་གྲི་དེ་མར་གཏིང་ལ་བཙུགས་པ་ཡིན་ན

ཁམས་དམར་འདྲེན་སྦུབས་ལ་རྩེབས་པ་རེད།

གྲོགས་པོ་རྣམ་པ། འདིའི་སྐོར་ཁྱོད་ཚོས་གཞུག་ནས་རང་རང་གི་ཆུང་མར་དྲིས་ན་ཆོག་ག

མི་རྣམས་ཀྱིས་ང་ལ་

"ཁྱོས་སྤོབས་པ་ཆེན་པོ་བསྐྱེད་ནས་རང་གི་སྲོག་ལའང་མ་འཛེམ་པར་

ཁོག་གི་སྙིང་ཡང་ཕར་དེད་ནས་རལ་གྲི་མིད་པ་རེད་ཅེས་"ཟེར།

དེ་མ་རེད། སྙིང་སྟོབས་ངོ་མ་ནི་

ཞེད་སྣང་དང་ངོ་ཚ་ཆེ་བའི་བྱིས་པ་ཉམས་ཐག་དེས་

ཕམ་ཁ་མྱངས་ཕོད་པ་དང་གཞན་གྱི་དགག་པ་ལ་མི་འཛེམ་པ།

ཁོག་གི་སྡུག་བསྔལ་བསྲན་ནས་

རང་གི་རང་རྩིས་དང་ང་རྒྱལ་མིད་དེ།

མི་ཆ་མེད་རྒྱུས་མེད་མང་པོའི་མདུན་དུ་

རང་གི་ཞེད་སྣང་དང་ཕུགས་བསམ་གྱི་གཏམ་རྒྱུད་བཤད་དུས་

དོན་ལྔ་སྣོད་དྲུག་གཡོ་བར་བྱས། འདི་ནི་ངོ་མ་ཡིན་ལ་འུད་སྒྲོག་གི་ཆ་ཡང་ཅུང་ཙམ་འདྲེས་ཡོད།

ཁྱོད་ཚོས་ཤེས་ནི་རེད། བཀའ་དྲིན་ཆེ།

༼དགའ་བསུ།༽

ཡིད་སེམས་རབ་ཏུ་མགུ་བའི་དོན་ནི་

ངས་རྒྱུན་དུ་རང་གི་མི་ཚེའི་ནང་ལས་དོན་རླབས་ཆེན་སྒྲུབ་ན་འདོད་ལ་

ངས་དེ་འདྲ་སྒྲུབ་ཡང་སྒྲུབ་བཞིན་ཡོད།

འོན་ཀྱང་། རླབས་ཆེ་བའི་དོན་དག་ངོ་མ་ནི་ངས་རལ་གྲི་ཉེར་གཅིག

་མཉམ་དུ་མིད་ཐུབ་པ་དེ་མིན་ལ།

Ripley ཡི་ཡིད་ཆེས་སམ་མི་ཆེས་ཞེས་པ་རུ་ཆུ་རྫིང་ཟབ་ཚད་དབྱིན་ཁྲུ་༢༠ ཡི་གཏིང་སར་

ཉ་ཆེན་ཤཱརྐ་དང་ཨོག་དཀར་ཡོད་པ་དང་།

ཡང་ན། Stan Lee ཡི་མིའི་གནས་ཚད་ལས་འདས་པའི་མི་ཞིག་ཚ་བ་བཏང་ནས་ཚ་གྲངས་ཏུའུ་ཆིག་སྟོང་ལྔ་བརྒྱར་འབུད་ཐུབ་པ་ལ་

"ལྕགས་མི་"ཟེར་བ་ལྟ་བུའང་མིན།

འདི་ནི་ཚ་བ་ཆེན་པོ་ཞིག་རེད།

ཇི་ཉི་སིའམ་ཡང་ན་ Ripley's ཡི་ཆེད་དུ་གྲི་ཡིས་

རླངས་འཁོར་འདྲུད་པ་ལྟ་བུ་དང་།

ཡང་ན་ America's Got Talent འགྲན་རྩོད་ལ་ཞུགས་པའམ་

ཡང་ན་ ༢༠༡༧ ལོར་ནོ་པེལ་གསོ་རིག་བྱ་དགའ་ཐོབ་པའང་དེ་ཡང་མིན་ནོ། །

འདི་དག་ཚང་མ་ནི་རླབས་ཆེ་བའི་དོན་ཞིག་མ་རེད།

མི་རྣམས་ཀྱིས་ནི་འདི་འདྲ་འདོད་སྲིད་ཀྱང་། དོན་དངོས་སྟེང་དེ་འདྲ་མ་རེད།

དངོས་དོན་རླབས་ཆེ་བའི་ལས་དོན་ནི་

དཀོན་མཆོག་གིས་ཞེད་སྣང་དང་ངོ་ཚ་ཆེ་བའི་ཉམས་ཐག་གི་བྱིས་པ་སྟེ་

གཡང་གཟར་ལ་སྐྲག་མཁན་

ཆུ་དང་ཉ་ཆེན་ཤཱརྐ་ལ་སྐྲག་མཁན་

ད་རུང་སྨན་པ་དང་གནད་གཡོག ཁབ་རྩེ་ལྟ་བུའི་རྩེ་མོ་རྣོ་བའི་ཅ་ལག་ལ་སྐྲག་མཁན་དེ་ལ་

མི་རྣམས་དང་ཁ་བརྡ་བཤད་དུ་བཅུག་པ་དང་

འཛམ་རླིང་ཧྲིལ་བོར་དབྱིན་ཁྲུ་སུམ་ཁྲི་ཡི་མཐོ་ཚད་ནས་

འཕུར་བསྐྱོད་དང་

རྩེ་མོ་རྣོ་བའི་ཅ་ལག་འཁྱུར་མིད་དང་ཆུ་འོག་ནས་ཉ་ཆེན་ཤཱརྐ་དང་འགྲོགས་པ།

དེར་མ་ཟད། སྨན་པ་དང་ནད་གཡོག་ལ་ཁ་བརྡ། ད་རུང་ཁྱོད་ཚོ་ལྟ་བུའི་འཛམ་གླིང་གི་ལྟད་མོ་ཡོངས་དང་གླེང་མོལ་ཐུབ་པའི་ནུས་མཐུ་བསྩལ།

དེ་ནི་ངོ་མ་ང་ལ་མཚོན་ན་རླབས་ཆེ་བའི་དོན་དག་ཅིག་རེད།

ངས་དུས་ནམ་ཡང་དཔེ་མི་སྲིད་པའི་དོན་དག་སྒྲུབ་ན་འདོད།

༼དགའ་བསུ།༽

བཀའ་དྲིན་ཆེ།

བཀའ་དྲིན་ཆེ།

༼དགའ་བསུ།༽

ངས་དུས་རྒྱུན་དཔེ་མི་སྲིད་པའི་དོན་དག་སྒྲུབ་ན་འདོད། ད་བར་ངས་དེ་ལས་ཡོད།

ངས་རང་གི་མི་ཚེའི་ནང་ཁྱད་མཚར་གྱི་ལས་དོན་སྒྲུབ་ནས་འཛམ་གླིང་ལ་འགྱུར་བ་གཏོང་ན་འདོད།

ད་བར་ངས་དོན་འདི་ཡང་གྲུབ་ཡོད།

ངས་རྒྱུན་དུ་འཛམ་གླིང་ཧྲིལ་བོར་འཕུར་བསྐྱོད་ཀྱིས་ལས་དོན་ཁྱད་མཚར་བ་མང་པོ་ལས་ཏེ་

ཚེ་སྲོག་སྲུང་སྐྱོབ་བྱ་འདོད་ཡོད། དེ་ཡང་ངས་གྲུབ་ཡོད།

ཁྱོད་ཚོས་ཨེ་ཤེས།

བྱིས་པ་ཉམ་ཐག་དེའི་རྨི་ལམ་གྱི་ཆ་ཤས་ཆུང་ཆུང་ཞིག་

ད་རུང་གཏིང་རིམ་ན་ཡོད།

༼དགོད་སྒྲ།༽ ༼དགའ་བསུ།༽

ཁྱོད་ཚོས་ཤེས་གསལ་ལྟར། ངས་རྒྱུན་དུ་རང་གི་ཕུགས་འདུན་ལ་འཚོལ་སྙེག་བྱེད་བཞིན་ཡོད།

ད་བར་ངས་རང་གི་ཕུགས་འདུན་རྙེད་ཡོད།

འོན་ཀྱང་གྲོགས་པོ་ལྷན་རྒྱས་དེ་ཅི་ཞིག་རེད་ཅེ་ན།

ངའི་ཕུགས་འདུན་ནི་རལ་གྲི་དང་ལྷན་དུ་མེད། ཁྱོད་ཚོས་འདང་བརྒྱབས་པ་ལྟར་ང་རང་གི་སྟོབས་ཤུགས་ཀྱང་མིན།

དེ་ནི་དོན་ངོ་མར་ང་ཡི་ཞན་ཆ་བཅོས་བསྒྱུར་དང་མི་དང་ལབ་གླེང་བྱེད་ཐུབ་པ་དེ་ཡིན།

ངའི་དམིགས་འབེན་ནི་རང་གི་ཞེད་སྣང་གཏུབས་ནས་འཛམ་གླིང་ལ་

འགྱུར་བ་གཏོང་རྒྱུ་ཡིན།

རལ་གྲི་རེ་དང་དང་སྐད་ཆ་རེ།

གྲི་ཆུང་རེ་དང་མི་ཚེ་རེ་

བྱས་ཏེ་མི་རྣམས་ལ་སྐུལ་སློང་གིས་མིའི་གནས་ཚད་ལས་འདས་པར་འགྱུར་བ་དང་

དཔེ་མི་སྲིད་པའི་ལས་དོན་རེ་ཁོ་ཚོའི་མི་ཚེ་ནང་སྒྲུབ་ཏུ་འཇུག་རྒྱུ་དང་།

ངའི་མི་ཚེའི་དམིགས་འབེན་ནི་གཞན་པར་རང་ཉིད་རྙེད་པར་རོགས་རམ་བྱ་རྒྱུ་ཡིན།

ཁྱོད་ཚོའི་དམིགས་འབེན་ཅི།

ཁྱོད་ཀྱི་མི་ཚེའི་དམིགས་ཡུལ་ཅི་ཡིན།

ཅི་ཞིག་སྒྲུབ་ན་འདོད།

འུ་ཅག་ཚང་མ་ཡ་མཚན་པ་ཡིན་པར་ང་རང་ཡིད་ཆེས་ཡོད།

ཁྱོད་ཀྱི་ཡ་མཚན་པའི་སྟོབས་ཤུགས་ཅི་ཡིན།

འཛམ་གླིང་གི་མི་གྲངས་དུང་ཕྱུར་བདུན་གྱི་ནང་དུ་

གྲི་མིད་མཁན་གྱི་མི་གྲངས་བཅུ་གྲངས་ལས་ཉུང་ཙམ་ཞིག་མ་གཏོགས་

ད་བར་ཡོད་པ་མ་རེད།

འོན་ཀྱང་ད་རུང་ཁྱོད་རང་གཅིག་པུ་ཡོད་པ་རེད།

ཁྱོད་རང་ཁྱད་པར་བ་ཡིན།

ཁྱོད་ཀྱི་གཏམ་རྒྱུད་ཅི་ཞིག་ཡིན།

ཅི་ཞིག་གིས་ཁྱོད་རང་གཞན་དང་མི་འདྲ་བར་བཏང་།

ཐ་ན་རང་གིས་རང་གི་སྐད་གདངས་ཧ་ཅང་གཉོམ་རུང་

ཁྱོས་རང་ཉིད་ཀྱི་གཏམ་རྒྱུད་བཤད་རོགས།

ཁྱོད་ཀྱི་Thromes ནི་གང་དག་ཡིན།

གལ་ཏེ་ཉིད་ཀྱིས་བྱ་དངོས་གང་རུང་ཞིག་སྒྲུབ་ཚེ། སུ་དང་གནས་གང་་ཡིན་རུང་ཁྱད་མེད་པར།

ཁྱོད་ཀྱིས་ཅི་ཞིག་སྒྲུབ་པ་དང་གནས་གང་དུ་འགྲོ་བ།

ཁྱོད་ཀྱིས་ཅི་ཞིག་སྒྲུབ་རྒྱུ་ཡིན།

རང་གི་མི་ཚེའི་ནང་ཅི་ཞིག་ལས་ན་འདོད་པ།

རང་གི་རྨི་ལམ་ཆེ་བོ་ཅི་ཞིག་ཡིན་པར་བསམ་བློ་ཐོངས།

ད་རུང་བྱིས་དུས་ཀྱི་རྨི་ལམ་ཆེ་བོ་ཅི་ཞིག་ཡིན་པར་ཕྱིར་འདང་རྒྱོབས་དང་།

ངས་དེ་གཉིས་གཅིག་པ་མིན་པར་རྒྱན་འཛུགས་ཐུབ། བདེན་ན།

ཁྱོད་ཀྱི་རྨི་ལམ་ཆེ་ཤོས་ཏེ་ཁྱོད་ཀྱིས་བསམས་ན་

ཧ་ཅང་རྙོག་འཛིང་ཆེ་བ་དང་དངོས་པོའི་གནས་ཚུལ་དང་མི་མཐུན་པ་དེ་ཅི་ཞིག་ཡིན།

ད་ཁྱོས་འདང་བརྒྱབས་ན་དེ་འདྲའི་ཡ་མཚན་པ་ཞིག་མིན་ན།

ཁྱོད་ཀྱི་གྲི་ནི་ཅི་ཞིག་ཡིན།

ཁྱོད་ཚོ་རེ་རེ་ལ་གྲི་རེ་ཡོད།

དེ་ནི་ཕུགས་བསམ་དང་ཞེད་སྣང་གི་སོ་གཉིས་དང་ལྡན་པའི་རལ་གྲི་ཞིག་ཡིན།

གྲི་དེ་ཅི་ཞིག་ཡིན་རུང་མིད་ལ་ཐོངས།

ལྕམ་དང་སྐུ་ཞབས་རྣམ་པ་རང་གི་རྨི་ལམ་གྱི་རྗེས་སུ་འབྲོངས།

ཁྱོད་རང་ཇི་འདྲ་ཞིག་འཁྱོངས་ན་འདོད་ན་དེ་ལ་ནམ་ཡངསྔ་འཕྱི་མེད།

Dogdeball རྩེད་སྐབས་སུ་ང་ལ་བརྙས་བཅོས་བྱས་མྱོང་མཁན་གྱི་བྱིས་པ་དེ་ཚོའི་བསམ་པར་

ངས་ནི་ནམ་ཡང་དཔེ་མི་སྲིད་པ་ཞིག་སྒྲུབ་མི་ཐུབ་འདོད་ཡོད།

ངས་འདི་རུ་ཁོ་ཚོར་ཚིག་གཅིག་བཤད་རྒྱུ་ཡོད།

བཀའ་དྲིན་ཆེ།

རྒྱུ་མཚན་ནི་ངན་པ་མེད་ན་བཟང་བོ་མི་འབྱུང་པའི་ལོ་རྒྱུས་རེད།

ངས་འདི་ནས་དཔེ་མི་སྲིད་པ་ནི་དཔེ་མི་སྲིད་པ་ཞིག་མིན་པ་ར་སྤྲོད་བྱ་རྒྱུ་ཡིན།

འདི་ལ་ཉེན་ཁ་ཧ་ཅང་ཆེ་སྟེ། འདི་ཡིས་ང་རང་བསོད་ཐུབ།

ཁྱེད་ཅག་སྤྲོ་བོ་ཡོང་བར་ངས་རེ་བ་བྱེད།

༼དགོད་སྒྲ།༽

འདི་ལ་ཁྱོད་ཚོའི་རོགས་རམ་མཁོ།

༼ལྟ་མོ་བ།༽ གཉིས། གསུམ།

ཌན་མེ་ཡེར། (Dan Meyer): མ་རེད། མ་རེད། མ་རེད། ཁྱོད་ཚོས་ང་ལ་བརྩི་རོགས་བྱ་དགོས། ཚང་མ་ཤོག་ཨ།

༼དགོད་སྒྲ།༽

ཁྱོད་ཚོས་ང་ལ་བརྩི་རོགས་བྱོས་ཨ། ཚང་མས་གྲ་སྒྲིག་བྱས་ཨེ་ཡོད།

གཅིག

གཉིས།

གསུམ།

མ་རེད། དེ་གཉིས་རེད། འོན་ཀྱང་ད་ཁྱོད་ཚོས་ཤེས་ནི་རེད།

༼ལྟད་མོ་བ།༽ གཅིག

གཉིས།

གསུམ།

༼དབུགས་གཏོང་ལེན།༽

༼དགའ་བསུ།༽

Dan Meyer: ལེགས་སོ། །

༼དགའ་བསུ།༽ ༼སྐད་འབོད།༽

བཀའ་དྲིན་ཧ་ཅང་ཆེ།

བཀའ་དྲིན་ཆེ། བཀའ་དྲིན་ཆེ། བཀའ་དྲིན་ཆེ། སེམས་གཏིང་ནས་བཀའ་དྲིན་ཆེ།

དོན་ངོ་མར་ངའི་སེམས་གཏིང་ནས་བཀའ་དྲིན་ཆེ་ཞུ།

ཁྱེད་རྣམ་པར་ངས་འདི་ནས་དཔེ་མི་སྲིད་པ་ཞིག་སྒྲུབ་རྒྱུ་ཡིན་ཞེས་བཤད་པ་བཞིན། ངས་ད་ལྟ་བསྒྲུབས་ཟིན་པ་ཡིན།

འོན་ཀྱང་འདི་ནི་དཔེ་མི་སྲིད་པ་ཞིག་མ་རེད། ངས་ཉིན་ལྟར་འདི་ལྟར་སྒྲུབ་བཞིན་ཡོད་པ་རེད།

ཞེད་སྣང་དང་ངོ་ཚ་ཆེ་བ། སྐམ་རིད་དང་ཉམ་ཐག་གི་བྱིས་པ་དེ་ལ་མཚོན་ན་དཔེ་མི་སྲིད་པ་ཞིག་ནི་

[TEDx] ཡི་གར་སྟེགས་སུ་ལངས་ནས་

ཚེ་གཅིག་ལུས་གཅིག་ནང་

འཛམ་གླིང་ལ་འགྱུར་བ་གཏོང་རྒྱུ་ཡིན།

གལ་ཏེ་ངས་ཁྱོད་ཚོའི་བསམ་བློ་ལ་འགྱུར་བ་བཏང་ནས་ཁྱོད་རྣམ་པར་

དཔེ་མི་སྲིད་པ་ནི་དཔེ་མི་སྲིད་པ་ཞིག་མིན་པར་ཡིད་ཆེས་སུ་བཅུག་ན།

གལ་ཏེ་ངས་ཁྱོད་ཚོར་དཔེ་མི་སྲིད་པ་ཞིག་ཁྱོད་ཅག་སོ་སོའི་མི་ཚེའི་ནང་བསྒྲུབ་ཏུ་འཇུག་ཐུབ་ཚེ།

ངས་ནི་རང་གི་བསམ་པ་རྫོགས་པ་ཡིན་མོད། ཁྱོད་ཚོས་འགོ་བརྩམས་པ་ཙམ་རེད།

ནམ་ཡང་ཕུགས་བསམ་མ་འདོར། ནམ་ཡང་ཡིད་ཆེས་མ་འདོར།

ང་ལ་ཡིད་ཆེས་བྱས་པར་བཀའ་དྲིན་ཆེ།

ད་རུང་ཁྱོད་ཚོ་ངའི་ཕུགས་བསམ་གྱི་ཆ་ཤས་ཤིག་བྱས་པར་བཀའ་དྲིན་ཆེ།

ངས་ཁྱོད་ཚོར་འབུལ་རྒྱུའི་ལེགས་སྐྱེས་འདི་ཡིན།

དཔེ་མི་སྲིད་པ་ནི་...

༼ལྟད་མོ་བ་ན་རེ།༽... དཔེ་མི་སྲིད་པ་ཞིག་མ་རེད།

ལམ་ཐག་རིང་བོ་བརྒྱབས་པ་ལེགས་སྐྱེས་ཀྱི་ཆ་ཤས་ཤིག་ཡིན།

༼དགའ་བསུ།༽

བཀའ་དྲིན་ཆེ།

༼དགའ་བསུ།༽

༼དགའ་འབོད།༽

མདོ་འཛིན་པ། བཀའ་དྲིན་ཆེ། Dan Meyer ལགས།