Ek's Jessi en dis my tas.

Maar voor ek julle wys wat binne-in is,

moet ek eers bieg.

Julle sien,

ek is versot op klere.

Ek is mal oor vind en dra,

en deesdae

neem ek ook foto's van en blog oor

’n kleurvolle, maltrap uitrusting

vir elke geleentheid.

Maar ek koop niks nuut nie.

Ek koop al my klere tweedehands,

by vlooimarkte en afslagwinkels.

Ag, baie dankie.

Om tweedehandse klere te koop

help om die impak

wat my klerekas op die omgewing

en op my beursie het, te verminder.

Ek ontmoet allerhande fantastiese mense;

my geld ondersteun meestal ’n goeie doel;

ek lyk beslis uniek;

en inkopies-doen is soos 
my persoonlike skattejag.

Ek bedoel, wat gaan ek vandag vind?

Gaan dit my pas?

Sal ek van die kleur hou?

Sal dit minder as $20 wees?

As al die antwoorde ja is,

voel dit asof ek gewen het.

Maar ek wil nou vir julle vertel

wat ek in my tas gepak het

om vir ’n week na TED te kom.

Wat bring iemand 
met so baie uitrustings saam?

Ek sal julle presies wys.

Ek het sewe pare broekies gebring

en dis al.

Net genoeg onderklere vir een week

is al wat ek in my tas gebring het.

Ek't gedink dat ek

enigiets anders wat ek miskien wil dra

hier in Palm Springs sal kan kry.

Aangesien ek nie hier

by TED in my onderklere rondloop nie --

(Gelag)

beteken dit ek't ’n paar goed gekry.

So ek wil julle graag wys 
my week se uitrustings lyk.

Hoe klink dit?

(Applous)

So terwyl ek dit doen

gaan ek julle ’n paar lewenslesse vertel

wat ek geleer het, glo dit of nie,

te midde van hierdie 
niks-nuut-dra avonture.

Kom ons begin by Sondag.

Ek noem dit 'Blink Tier.'

Jy hoef nie baie te spandeer 
om goed te lyk nie.

Dis amper altyd moontlik 
om vir minder as $50 asemrowend te lyk.

Hierdie uitrusting, met die baadjie,

het my $55 gekos.

En dit was die duurste item

vir die week.

Maandag: Kleur het krag.

Dis net eenvoudig nie moontlik

om in ’n slegte bui te wees 
wanneer jy ’n helderrooi broek dra nie.

(Gelag)

’n Gelukkige luim

trek ander gelukkige mense na jou.

Dinsdag:

Om in te pas is overrated.

Ek't my hele lewe lank probeer

om myself te wees

en terselfde tyd in te pas.

Wees net jouself.

Die regte mense

sal dit nie net aanvaar nie,

hulle sal dit ook waardeer.

Woensdag:

Probeer om jou innerlike kind te aanvaar.

Mense vertel my partykeer

dat dit lyk of ek vir ’n tema aantrek

of dat ek hulle 
aan hul sewe-jarige herinner.

Dan glimlag ek

en bedank hulle.

Donderdag:

Selfvertroue is deurslaggewend.

As jy dink jy lyk goed in iets,

dan is die kanse goed daarvoor.

As jy dink jy lyk nie goed in iets nie,

is die kanse goed dat jy reg is.

My ma het dit elke dag benadruk.

Eers na my dertigste verjaarsdag

het ek regtig verstaan wat dit beteken.

Laat ek gou vir julle vertel hoe dit werk.

As jy dink jy's ’n mooi persoon,

binne en buite,

dan sal jy goed lyk en voel 
in enige uitrusting.

Niemand hier het ’n verskoning nie.

Ons almal behoort te kan dra 
net wat ons wil.

Dankie.

(Applous)

Vrydag: ’n Universele waarheid in vyf woorde:

Goue blinkers pas by alles.

Eindelik, Saterdag.

’n Unieke persoonlike styl

is die beste manier om jouself woordeloos

aan die die wêreld te bemark.

Dis herhaaldelik aan my bewys

toe mense my hierdie week genader het

bloot op grond van my uitrusting.

En ons't lekker gesels.

Ek sal nie alles wat ek gekoop het

in my tas kan pas nie.

So voordat ek teruggaan Brooklyn toe,

gaan ek alles terug skenk.

Die les wat ek myself 
hierdie week probeer leer

is dat dit oukei is om dinge te laat gaan.

Ek hoef nie te geheg 
aan die goed te raak nie:

iewers om die draai

sal daar altyd

nog ’n kleurvolle, maltrap

blink uitrusting wees

wat net vir my wag,

as ek net met ’n bietjie liefde 
in my hart daarvoor soek.

Baie dankie.

(Applous)

Baie dankie.

(Applous)