Hæ, ég heiti Charita Carter. Ég er ein
af yfirmönnum ímyndarmótunar hjá
skemmtigarðadeild Walt Disney. Ég ber
ábyrgð á að leiða teymi sem búa til
leiktækin sem gestir okkar fá að
upplifa. Við erum alltaf að leita leiða
til að bæta upplifun gestanna og
tölvutæknin er þar í aðalhlutverki.
Til hamingju, þér tókst það! Þú forritaðir
BB-8. Nú held ég að við séum tilbúin í
erfiðari hluti. Gerum það. Nú hefur þú
lært undirstöðuatriði í forritun svo við
ætlum að fara aftur í tímann og þú býrð
til þinn eigin leik með R2-D2 og C3PO.
Til þess þurfum við að læra um hlut sem
forritarar nota daglega: þetta eru ATVIK.
ATVIK segja forritinu að hlusta eða bíða
eftir að eitthvað gerist og þegar það
gerist, þá framkvæmir forritið aðgerð. Dæmi
um atvik eru að fylgjast með hvort mús er smellt,
hvort ýtt er á örvarlykil eða slegið á skjá.
Hér ætlum við að láta R2-D2 færast upp til að
koma skilaboðum til flugmanns uppreisnarinnar
og síðan fara niður að hinum flugmanninum.
Við notum ATVIK til að láta hann færast, þegar spilarinn notar upp/niður örvarlyklana, eða
upp/niður hnappana. Við notum "þegar upp ör" atvikskubbinn og tengjum "færa upp" kubbinn
við hann. Þegar spilarinn ýtir á upp örina, keyrir kóðinn sem er tengdur við "þegar upp ör" kubbinn.
Og við gerum það sama til að láta R2-D2
færast niður.
Í stað þess að skrifa allan kóðann til að stjórna vélmenninu fyrirfram, getum við látið R2-D2
bregðast við atvikum hnappa sem færa hann
um skjáinn. Skref fyrir skref, er leikurinn þinn
að verða gagnvirkari.