რამდენიმე ბიტი პიქსელებზე
(კამერა ჩხაკუნობს) კარგია.
ინსტაგრამი მე და მაიკმა დავაფუნეთ.
მობილური ტელეფონი ჩვენთვის ახლის შექმნის
საშუალება იყოს. თავიდან
ხომ ადამიანები ჯიბით კომპიუტერებს ატარებდნენ.
გადავწყვიტეთ,
რომ ფოტოების გაზიარება ალბათ შემდეგი ხუთი
წლის უდიდესი შესაძლებლობა იქნებოდა.
ეს მიზანი გულთან ახლოს მივიტანეთ, გვინდოდა,
ამაზე დიდი დრო დაგვეხარჯა.
კარგია, როცა გაქვს აპლიკაცია ან იდეა, რომელსაც
შეუძლია x, y ან z მაგრამ მნიშვნელოვანი მხოლოდ
ისაა, ჭრის თუ არა ის ადამიანების ამა თუ იმ
პრობლემას. მთავარი კითხვაა, რა არის
პრობლემა? (პაიპერი - ფოტოგრაფი) როცა
ადამიანები დაფიქრდნენ იმაზე, თუ როგორ აჩვენონ ფოტო
ეკრანზე, მოუწიათ, სურათი მონაცემებად დაენაწილებინათ.
1957 წელს
კომპიუტერულმა ინჟინერმა, რასელ კირჩმა, თავისი
ახალშობილი ვაჟის ფოტო გადაიღო
და დაასკანერა. ეს იყო პირველი ციფრული ფოტო,
შავ-თეთრი, მარცვლოვანი სტრუქტურის. აი, ასე
გაჩნდა პიქსელი! პიქსელი საინტერესო კონცეპტია,
მათი დანახვა ადვილი არაა, მაგრამ
ეკრანს თუ გამადიდებელი შუშით დააკვირდებით,
დაინახავთ, რომ ის
შუქის პატარა წერტილებისგან შედგება.
უფრო საინტერესო ისაა, რომ
ეს წერტილები სინამდვილეში კიდევ ბევრი პატარა,
სხვადასხვა ფერის წერტილისგან შედგება.
ეს ფერებია წითელი, მწვანე და ლურჯი. პიქსელები
ერთად ქმნიან სურათს და ახლოდან მხოლოდ
პატარა შუქები არიან, რომლებიც ინთებიან და
ქვრებიან. მათი კომბინაცია ქმნის
სურათებს, რომლებსაც კომპიუტერის ეკრანზე
ყოველ დღე ხედავთ. ალბათ, ტერმინი
რეზოლუციაც გაგიგიათ, როგორც კომპიუტერულ
მეცნიერებაში, ისე მოწყობილობათა რეკლამებში.
რეზოლუციით, პრინციპში, შეგვიძლია,
გავზომოთ, რამდენი
პიქსელია ეკრანზე. როცა სკოლის მოსწავლე
ვიყავი, ეკრანს 640 X 480
პიქსელი ჰქონდა. დღეს ეს რიცხვი გაიზარდა.
ლაპარაკია უკვე არა მარტო რეზოლუციაზე,
არამედ სიმკვრივეზე. მაგალითად,
თანამედროვე სმარტფონებზე იმდენივე
პიქსელის დატევა შეიძლება, მაგრამ უფრო მცირე
ფართობზე, რაც უფრო მკაფიო გამოსახულებას
გვაძლევს. როგორ უნდა შევინახოთ ამდენი
მნიშვნელობა ფაილში? უნდა შევინახოთ
წითელი, მწვანე და ლურჯი მნიშვნელობები, როგორც
სამეული. ეს მნიშვნელობები ერთ
პიქსელს შეადგენს. მნიშვნელობები იწყება 0-ით
და 255-ით მთავრდება. 0 ყველაზე ბნელია,
255 - ყველაზე ნათელი. ამ მნიშვნელობების
სამეული შეადგენს ერთ პიქსელს. სურათი ფაილი,
jpeg, gif, png თუ სხვა ფორმატში, მილიონობით
ასეთ RGB (წითელი, მწვანე, ლურჯი) სამეულს
შეიცავს. როგორ ინახავს კომპიუტერი ამდენ
მონაცემს? ყველა კომპიუტერული ან ვიზუალური
მონაცემი არის ბიტი. ბიტს ორი მდგომარეობა აქვს:
ის ან ჩართულია, ან გამორთული. ჩართვა-გამორთვის
მაგივრად კომპიუტერი იყენებს 1-სა და 0-ს... ორობითი
სისტემას! სურათი სინამდვილეში 1-ების და 0-ების ნაკრებია.
რატომ მერყეობს RGB მნიშვნელობები 0-იდან 255-მდე?
აღმოჩნდა, რომ თითეული ფერი წარმოდგენილია 8
ბიტით, ანუ, ჯამში, ბაიტით. ორობით სისტემაში
თუ ერკვევით, გეცოდინებათ, რომ
8 ბიტს შეუძლია, წარმოადგინოს მაქსიმუმ 255.
255 უდრის რვა 1-ს თითო რიგში.
ყველაზე დაბალი რიცხვია 0, ანუ, რვა 0 რიგში.
ანუ, 0-დან 255-მდე არის 256 განსხვავებული
ინტენსივობა თითო ფერისთვის. მაგალითად,
ფიქუზისფერ პიქსელს ჩვენს ტრადიციულ
ათობით სისტემაში წარმოვადგენდით როგორც
64-ს (ცოტა წითელისთვის), 224-ს (ბევრი
მწვანესთვის) და 208-ს (ლურჯისთვის), მაგრამ
კომპიუტერი ამას დაიმახსოვრებდა, როგორც
0100 0000 1110 0000
1101 0000-ს. ასეთ პიქსელს 24 ორობითი ციფრითაც
წარმოვადგენთ. ორობითის მაგივრად, ციფრული
ფოტოგრაფები ფერების წარმოსადგენად
თექვსმეტობით სისტემას იყენებენ. ეს ფერი
ექვსი თექვსმეტობითი ციფრით შეგვიძლია,
წარმოვადგინოთ: 40 E0 D0. გაცილებით მოკლეა.
ვთქვათ, გვინდა, შევცვალოთ სურათის ფერები.
ამას როგორ ვაკეთებთ?
შეგვიძლია, შევადგინოთ ფუნქცია პიქსელის
თავდაპირველი მნიშვნელობისთვის. აი, ვიღებთ
წითლის, მწვანესა და ლურჯის მნიშვნელობებს,
ანუ, ფერს. შემდეგ მას ვცვლით
ფუნქციით და ვიღებთ ახალ წითელს, მწვანესა და
ლურჯს. ვთქვათ, გვინდა, სურათი დავაბნელოთ.
ამის გაკეთების ერთი გზაა წითლის, მწვანესა
და ლურჯი მნიშვნელობების აღება და, ვქვათ,
თითოეული მათგანისგან იგივე რიცხვის,
მაგალითად, 50-ის, გამოკლება.
0-ზე ქვემოთ, ცხადია, ვერ ჩავალთ, მაგრამ
შეგვიძლია, სამივეს 50 გამოვაკლოთ და
მივიღოთ ახალი რიცხვები. გვქონდა R, G, B და ახლა
გვაქვს R-50, G-50, B-50. ანუ, გვქონდა სურათი
რაღაც განათებით და მივიღეთ სურათი
ნაკლები განათებით.
ადამიანების დიდ ნაწილს თავიდან ინსტაგრამი
სურათების
დამუშავების, გალამაზების,
დაძველების საშუალება ეგონა.
მას დღეს უფრო მნიშვნელოვანი ფუნქცია აქვს,
ის ადამიანებს
აკავშირებს. აქ შეგიძლიათ არა მხოლოდ მეგობრების
და ოჯახის ფოტოების ნახვა,
არამედ მთელი მსოფლიოს მოვლენებისთვის
თვალის დევნება. აჯანყება ოკეანის გადაღმა,
სოციალური მოძრაობა, ყველაფერს ვიზუალურად
აღიქვამთ.
ამიტომაც გავიზარდეთ ასე მალე და
უნივერსალურ პლატფორმად გადავიქეცით.
გაიგეთ მეტი აქ: studio.code.org