მიუმატეთ და გაამარტივეთ პასუხი და 
დაწერეთ შერეული რიცხვის სახით.

ამგვარად, აქ ჩვენ 
გვაქვს ორი შერეული წილადი.

გვაქვს მთლიანი რიცხვის ნაწილი 
და წილადის ნაწილი.

ჩვენ გვჭირდება მათი მიმატება.

არსებობს ამის გაკეთების ორი გზა.

შეგვიძლია, ორივე მათგანი 
გარდავქმნათ არაწესიერ წილადად,

მივუმატოთ ისინი და შემდეგ ისევ 
გარდავქმნათ ისინი შერეულ წილადად.

ან უბრალოდ შეგიძლიათ,
მარტივად შეხედოთ ამას:

17 2/9 იგივეა რაც 17-ს მიუმატოთ 2/9.

და შემდეგ 5 1/9 იგივეა,
რაც 5 მიუმატოთ 1/9.

ასე რომ, 17 2/9-ს პლუს 5 1/9 იგივეა, 
რაც 17-ს პლუს 2/9, პლუს 5 და პლუს 1/9.

ეს ორი წინადადება არის სრულიად ერთნაირი.

და ჩვენ ვიცით, რომ 
როდესაც ჩვენ ვუმატებთ რიცხვებს,

მნიშვნელობა არ აქვს,
რა წყობით ვაკეთებთ ამას,

შეგიძლია თანმიმდევრობის
შეცვლა.

ამგვარად, შეგეძლო, გეთქვა,
რომ ეს იგივეა, რაც,

17-ს მივუმატოთ ხუთი, 
მივუმატოთ 2/9 და მივუმატოთ 1/9.

და შეგვიძლია, გავაკეთოთ
ასე ნებისმიერი წყობით.

ჩვენ ვიცით, რას მივიღებთ,
17-ს რომ მივუმატოთ ხუთი.

ეს ადრეც გაგვიკეთებია.

17-ს მიუმატოთ 5 არის 22.

ასე რომ, ეს ნაწილი აქ არის 22.

ასე რომ, გვაქვს 22-ს პლუს --- 
რას მივიღებთ, 2/9-ს რომ მიუმატოთ 1/9?

მათ აქვთ საერთო მნიშვნელი,
ასე რომ, ეს იქნება 9.

შემდეგ შევკრებთ მრიცხველებს.

2-ს პლუს 1 არის 3.

ამგვარად, 22-ს მივუმატოთ 3/9.

მაგრამ ეს შეიძლება, გამარტივდეს.

ორივე მრცხველიც და მნიშვნელიც
შეიძლება, გაიყოს 3-ზე.

გავყოთ მრიცხველი სამზე, მივიღებთ ერთს.

გავყოთ მნიშვნელი სამზე, მივიღებთ სამს.

ამგვარად ეს არის 22 პლიუს 1/3, 
რომელიც ზუსტად იგივეა, რაც 22 და ---

მოდით, დავწეროთ ის ლურჯი ფერით ---

რომელიც, ზუსტად იგივეა, რაც 22 1/3.