न दिसलेले बग्ज.

किकी प्रॉट्समनद्वारा लिखित.

रेखाटने - माईक मेझर आणि किकी प्रॉट्समन

ही जास्मिन आहे.

ती कोडव्हीलमध्ये किडे पकडणारी कंपनी 
चालवते.

समाजाला त्रासापासून सुरक्षित ठेवण्यासाठी 
ती प्रसिद्ध आहे.

आज पहाटे, काहीतरी अनपेक्षित घडलं!

कोणीतरी किड्यांच्या खोलीचं दार उघडं ठेवलं 
आणि त्रासदायक किड्यांची झुंड

शहरात घुसली, एका मोठ्या टॅलेंट 
प्रोग्रॅमच्या थोडाच वेळ आधी.

"म्हणूनच मी तुला कामावर ठेवलं आहे!"

जास्मिन JD ला म्हणाली.

"आपण तीन वाजेपर्यंत सगळे किडे गोळा केले 
नाहीत तर सगळ्या कार्यक्रमाची वाट लागेल!"

"हे सोपं आहे," आजूबाजूला पाहत JD म्हणाला.

"मला काही इथं दिसत आहेत आणि काही तिथं 
दिसत आहेत."

"अरे, ते फक्त दिसणारे बग्ज आहेत," 
जास्मिन म्हणाली.

"त्या किड्यांवर नियंत्रण मिळवणं सोपं आहे.

न दिसणारे बग्ज सगळ्यात जास्त त्रास देतात."

"न दिसणारे किडे शोधायला त्रास होतो.

तुम्हाला अपेक्षित नसतं अशा ठिकाणी ते लपतात
आणि त्यामुळं सगळं अवघड होतं आणि शेवटी

काहीच उपाय नाही, असं वाटायला लागतं."

"नाही!" JD ओरडला.

"प्रोग्रॅम सुरळीत पार पडण्यासाठी आपण ते 
सगळे वेळेत कसे पकडू शकणार?"

"काळजी करू नकोस, न दिसणारे किडे शोधायची एक युक्ती मी तुला शिकवते."

"आधी, आपल्याला माहिती पाहिजे
की ते कुठं नाहीत."

"रस्त्यावर चक्कर मार.

पहिल्या पावलाला सगळं व्यवस्थित
सुरू आहे का?"

"दुसऱ्या पावलाला सगळं व्यवस्थित
सुरू आहे का?"

"तिसऱ्या पावलाला काय होतंय?"

"काहीतरी चुकीचं घडेपर्यंत तुझ्या 
मार्गावरून एक एक पाऊल चालत राहा."

"इथंच किडा लपलेला आहे!"

"तुला आता तो कुठं आहे माहिती आहे, 
किडा शोध!

त्याला एक नाव दे आणि ते मोठ्यानं म्हण.

तू ते केल्या केल्या, जादू होईल."

"किडा दिसला!

आता आपण किड्यानं घातलेला गोंधळ
दूर करूया."

"लवकर, जास्मिन!

तीन वाजलेच!"

"आपल्याला अजून एक मोठा किडा सापडलेला 
नाहीये," जास्मिन म्हणाली.

"पण माझी बरणी भरलीय!

तुला तो स्वत:च शोधायला लागेल."

"JD चिंताग्रस्त होऊन बाहेर पडला.

"आधी, तुला माहिती पाहिजे की तो कुठे 
नाहीये," तो स्वत:शीच कुजबुजला.

"पहिल्या पावलाला सगळं व्यवस्थित 
सुरू आहे का?

हो."

"दुसऱ्या पावलाला सगळं व्यवस्थित
सुरू आहे का?

हो."

"तिसऱ्या पावलाला काय होतंय?

नाही!"

"आता मला माहितीये किडा कुठं आहे,
मला आता तो शोधायला हवा!"

"त्याला एक नाव दे.

ते मोठ्याने म्हण."

"या किड्यामुळं दिवा चालत नाहीये, त्यामुळं
मी त्याला स्पार्की म्हणेन."

"झालं काम!

मला किडा दिसला!

आता मी किडा काढून टाकू शकतो आणि 
त्यानं घातलेला गोंधळ दूर करू शकतो.

टॅलेंट प्रोग्रॅम सुरू व्हायच्या आत!"

JD चा जास्मिनला खूप अभिमान वाटला.

आता सगळ्या शहराला माहिती आहे,
एखादी गोष्ट नीट होत नसेल तर,

डीबगर्सना कामाला लावायची वेळ आली आहे!

समाप्त!