-
GLADE HJUL
-
[Syng: Glade hjul, herlege hjul,
hjul på hjul, i Glade hjul!]
-
Køyreskulelærar Jensen er
i strålande humør.
-
Han står midt på kjøkengolvet
og syng av full hals.
-
I dag opnar den nye køyreskulen hans.
-
-Set deg inn, seier han til Sara,
og lèt som om han køyrer.
-
-No skal vi køyre rally i Salaby!
-
Brrrrrrrrrrrrrrrom. Brrrrrrrrrrrrrrrrrr …
-
Den nye køyreskulen til Jensen ligg på
eit stort jorde like utanfor byen.
-
Den første kunden kjem presis klokka ni.
-
Det er ein lang, tynn gut med
mørkt hår og grøn genser.
-
–Hei! Eg heter Loke og eg vil
gjerne ta lappen, seier guten.
-
-Da har du kome til rett stad,
seier Køyreskulelærar Jensen.
-
-Vi har sertifikat for klasse B, personbil,
C1 liten lastebil og D for buss!
-
-D for buss? seier Loke,
og klør seg i hovudet.
-
-Eg trudde det var B for buss.
-
–Her er det D, seier Jensen
og peiker på eit skjema på veggen.
-
–Kult, seier Loke.
Da vil eg gjerne ta lappen for duss.
-
Ute på plassen står ei
lang rekke med bilar.
-
Loke stansar framføre ein
raud buss med kyssemunn.
-
–I fjor var dette ein russebuss,
forklarer Jensen.
-
-Eg kjøpte den billig av nokre russejenter.
-
-Det er russekort i
dashbordet, viss du vil ha.
-
Loke hoppar inn i bussen og plukkar med seg
to russekort som han stikk i lomma.
-
–Da vil eg gjerne bli bussjåfør, seier han
og set seg inn bak rattet.
-
Midt på parkeringsplassen står ein gul 2CV.
-
–Det er nok best at du lærer deg å køyre ein
liten bil først, seier køyreskulelæraren.
-
Han set seg inn bak rattet og viser Loke
korleis han skal starte og stoppe bilen.
-
–Å køyre er ei treningssak,
fortset Jensen.
-
-Først festar du blikket på
eit punkt lenger framme ...
-
-Så må du halde bilen på vegen!
-
Køyrebana ligg i ein stor
ring rundt køyreskulen.
-
Loke køyrer sakte ut på bana.
-
På toppen av ein bakke står
det eit stort stoppskilt.
-
Loke ser på skiltet,
og trakkar hardt på gassen.
-
-Stopp, roper Køyreskulelærar Jensen.
Stopp! Såg du ikkje skiltet?
-
–Jo da, svarer Loke. Men …
-
– Står det stopp, må du stoppe,
forklarer Jensen. Ein regel er ein regel.
-
Loke stoppar bilen.
-
-Er det reglar for køyring også, no?
seier Loke og sukkar.
-
-Sjølvsagt, svarer køyreskulelæraren. Men den
dagen du har sertifikatet i handa, -
-
- kan du køyre kloten på kryss og tvers!
-
-Glade hjul blir din billett til fridom, gut.
-
-Ein god sjåfør er alltid konge på vegen!
