Olim Iuppiter, deorum et hominum rex

et Mercurius, filius eius

ad terram descenderunt

ut illic mores homines viderent.

Iuppiter huc in forma humana venit

et cum eo Mercurius Caducifer, omissis alis.

In vallibus Phrygiis ambulaverunt

ubi olim terra hospitalis erat

sed nunc sunt aquae frequentatae

a mergis et fulicis palustribus.

Accesserunt ad mille domos

rogantes hospitium et requiem.

At nemo illorum bono animo erat.

etsi omnes magnas divitias habebant,

quia dii velut pauperes vestiti erant.

Serae clauserunt mille domos.

Nemo eos benigne accepit

Iuppiter et Mercurius, talia passi,

iam vix credebant

ullos esse homines bonos in orbe terrarum.

Tamen una domus accepit illos,

parva quidem

tecta stipulis et harundine palustri.

Sed pia Baucis anus atque Philemon

illic convenerunt in annis iuvenilibus

et in illa casa consenuerunt.

Anus succincta et tremens

in culina cenam paravit.

Parva mora est

et foci dederunt epulas calidas.

Tum apponitur baca bicolor

et corna autumnalia et intiba

et radix et caseus et ova.

Praeterea laeta facies addita est

et voluntas neque segnis neque parca.

Interea cum vident cratera vacuum

repleri sponte sua

atque cum vident vinum per se augeri

stupentes novitate

hospites deos esse cognoverunt.

Et Baucis et pavidus Philemon

concipiunt preces

manibus in caelum sublatis.

Et veniam implorant epulis

atque omnibus rebus non paratis.

Unicus anser erat,

quem Philemon et Baucis volebant occidere

in gratiam divinorum hospitum.

Ille velox tandem visus est

confugisse ad Deos ipsos.

Illi prohibuerunt anserem necari

et dixerunt:

Relinquite tantum domum vestram

atque sequimini nostra vestigia

et venite una in cacumen montis.

Uterque obsequitur et baculis sumptis

conatur ascendere excelsum montem.

“Dii sumus” dixerunt dei,

et vicinia impia dabit poenas

quas meruit.

Converterunt oculos et vident

suam domum solam manere

sed alia omnia mersa esse lacu.

Tum Iupiter verba eiusmodi placide dixit:

Dicite, iuste senex,

et femina digna iusto marito,

quid optetis.

Philemon Diis patefacit

commune desiderium:

Petimus esse sacerdotes

et colere vestra templa.

Et petimus ut,

quoniam aetatem transegimus concordes,

eadem hora utrumque auferat.

Et sic eventus sequitur desideria…

FINIS