Vreemd, of net anders?

In twee minute wys Derek Sivers op onverwagse maniere dat daar dikwels ’n verborge aspek bestaan waar ons dit dalk nie verwag nie.

Verbeel jou jy staan op ’n straat in Amerika

en ’n Japanese persoon kom vra jou:

"Verskoon my, wat is die naam van hierdie blok?"

En jy antwoord: "Jammer, maar hierdie is Oak- en dis Elmstraat daar.

Hierdie is 26ste, en daai 27ste."

En hy sê: "Wel, dankie. Wat is die naam van die blok?"

Jy sê: "Wel, blokke het nie name nie.

Strate het name; blokke is net die

onbenoemde spasies tussen strate."

Hy vertrek, effens verward en teleurgesteld.

Verbeel jou nou dat jy op ’n straat staan, enige plek in Japan,

jy draai na die persoon langs jou en vra:

"Verskoon my, wat is die naam van hierdie straat?"

Hulle antwoord: "Wel, daardie is blok 17 en hierdie is blok 16."

En jy sê: "Goed so, maar wat is die naam van hierdie straat?"

En hulle antwoord: "Wel, strate het nie name nie.

Blokke het name.

Kyk gerus na Google Maps hier. Daar is blok 14, 15, 16, 17, 18, 19.

Al hierdie blokke het name.

Strate is slegs die onbenoemde spasie tussen blokke."

En jy vra dan: "Goed, hoe weet jy dan wat jou huisadres is?"

Hy antwoord: "Dis maklik, hierdie is Distrik Agt.

Daar is blok 17, huis nommer Een."

Jy sê: "Goed, maar ek het opgemerk

dat die huisnommers nie op mekaar volg nie."

Hy sê: "Natuurlik volg hulle! Dis in die volgorde wat die huise gebou is.

Die eerste huis op die blok is nommer een.

Die tweede huis wat gebou is, is nommer twee.

Derde is huis nommer drie. Dis maklik. Dis ooglopend."

Ek is mal daaroor dat ons somtyds

na die teenoorgestelde kant van die wêreld moet gaan

om te besef dat aannames, wat ons nie eens geweet het

ons het nie, se teenoorgestelde ook waar kan wees.

So byvoorbeeld, is daar dokters in Sjina

wat glo dis hulle werk om jou gesond te hou.

Enige maand wat jy gesond is betaal jy hulle

en as jy siek is hoef jy nie te betaal nie want hulle het nie geslaag

in hulle plig nie. Hulle word ryk as jy gesond is, nie siek nie.

(Applous)

In meeste musiek dink ons aan die "een"

as die maatslag, die begin van die musikale frase. Een, twee drie vier.

Maar in Wes-Afrika musiek word die "een"

gesien as die einde van die frase,

soos die punt aan die einde van ’n sin.

Mens kan dit nie net in die frasering hoor nie, maar ook in die manier wat die musiek afgetel word.

Twee drie vier, een.

En hierdie kaart is ook akkuraat.

(Gelag)

Daar is ’n gesegde dat enige waarheid wat mens kan sê van Indië,

die teenoorgestelde ook waar is.

So laat ons nooit vergeet nie, by TED of elders,

dat vir enige briljante idee wat jy het of hoor,

die teenoorgestelde ook waar kan wees.

Dōmo arigatō gozaimashita. (Dankie.)