Por que os nenos necesitan saber sobre xénero e sexualidade

Lindsay Amer é a creadora de "Queer Kid Stuff", unha serie de vídeos educativos que simplifica ideas complicadas sobre xénero e sexualidade a través de cancións e metáforas. Amer espera contribuir a crear adultos máis empáticos ofrecendo un vocabulario aos nenos e as familias para expresarse, e tamén espera estender unha mensaxe de aceptación radical nun mundo onde ás veces é perigoso simplemente ser nós mesmos. "Quero que os nenos se fagan maiores con orgullo por como son e por quen poden chegar a ser", di Amer.

Ben, comecemos.

(Música)

(Cantando) Está ben ser gai!

Somos diferentes de moitos xeitos

É igual se es neno, nena
ou algo intermedio

Todos somos parte dunha gran familia

"Gai" significa "feliz"

Queer Kid Stuff.

Ti es suficiente

en Queer Kid Stuff.

(Aplausos)

Comezar cantando "Está ben ser gai"

diante de adultos é unha cousa,

outra cousa totalmente distinta
é facelo diante de nenos.

Acaban de escoitar a canción
da miña serie "Queer Kid Stuff",

onde fago vídeos LGTBQ+
e de xustiza social para todas as idades.

E cando digo todas as idades,
quero dicir dende meniños

ata as súas tataravoas.

Eu sei o que estarán pensando:

"Vaia, falar cos nenos de cousas gais"

Pero falarlles disto aos nenos
resulta crucial.

A Academia Americana de Pediatría afirma

que os nenos son conscientes
da súa identidade de xénero

dende os catro anos.

Aí os nenos están desenvolvendo
a súa propia identidade.

Están observando o mundo que os rodea,

absorbendo a información

e interiorizándoa.

A maioría de pais quere
que os seus fillos sexan

adultos bos, empáticos e con seguridade,

e a exposición á diversidade é importante

para ese desenvolvemento social e emotivo.

E os nenos de xénero disconforme

e os nenos trans e os nenos con pais queer
ou de xénero non binario

existen e están en todas partes.

Na serie, o oso de peluche e mais eu
falamos da comunidade LGTB,

de activismo, xénero e pronomes,

consentimento e de corpos en positivo.

Introducimos os temas con cancións,

parecidas á que acaban de escoitar,

con definicións sinxelas e metáforas.

Acercámonos ás ideas, como diría
unha antiga mestra,

situándonos á altura dun neno,

poñéndonos no seu lugar

e mirando cara a arriba ao gran mundo
que está perante os seus pequenos ollos,

collendo estas ideas que parecen complexas
e simplificándoas,

non reducíndoas a algo simplón,

senón englobándoas nun concepto central.

O xénero é a maneira na que nos sentimos
e na que nos expresamos.

A sexualidade está relacionada
co amor, o xénero e a familia,

non co sexo.

E estas son ideas
que os nenos poden comprender

Nun dos primeiros episodios sobre xénero,

Falei do concepto dos pronomes

para minimizar a súa definición
e introducir pronomes de xénero neutro

como "ele".

Animo aos nenos a pensar
nos seus propios pronomes

e a preguntar aos demáis
cales son os seus.

En episodios posteriores,
apoiándome nesta base

introducín palabras máis guais como
"non binario" e "transxénero".

Recibo correos de xente de 20 anos

que usan os meus vídeos para falarlles
aos avós do xénero non binario.

Pero tamén recibo un comentario,
unha e outra vez:

"Hai que deixar aos nenos ser nenos".

Si, é unha idea bonita,

pero só, se inclúe a todos os nenos.

Hai só unhas semanas,

un rapaz de 15 anos de Huntsville, Alabama

suicidouse tras sufrir acoso por ser gai.

En 2018, foi un neno de 7 anos

en Denver, Colorado.

Houbo e haberá moitos máis.

Lesbianas, gais e bisexuais adolescentes

teñen un risco 3 veces maior
de intentar suicidarse

que os mozos heterosexuais,

e os adolescentes transxénero
teñen un risco case 6 veces maior.

De acordo cun estudo,
un terzo dos xoves sen fogar

identifícase como lesbiana,
gai, bisexual ou indeciso

e case o 4% dos xoves
sen fogar identifícase como transxénero,

comparado co 1% da da poboación xeral
de xoves sen fogar.

De acordo con Human Rights Campaign,

houbo 128 asasinatos de persoas trans

en 87 cidades de 32 estados

dende 2013.

E eses son só os datos que constan.

O 80% deses asasinatos foron
de mulleres trans de cor.

A situación queer é desoladora,

por dicir pouco.

Os comentarios dos meus vídeos en YouTube

non son moito mellores.

Estou afeita ao acoso.

Recibo mensaxes cada día
chamándome pedófila

e dicindo que debería matarme
de xeitos cada vez máis creativos.

Tiven que incluir "camión"
na lista de palabras silenciadas

porque alguén quería
que me esfachase un camión.

"Ducha" e "forno" tamén están nesa lista,

polas referencias ao Holocausto,
menos creativas pero máis preocupantes.

Cando os neonazis se manifestaron
en Charlottesville,

non me sorprendeu descubrir

que o creador dun meme violento
sobre un dos meus episodios

estaba na multitude que levaba os fachos.

Este bombardeo de negatividade é
contra o que nos enfrontamos:

as estatísticas desoladoras, a violencia,
os riscos para a saúde mental.

a resposta con boas intencións pero
equivocada dos meus pais

cando saín do armario: que non
querían que tivese unha vida dura.

Iso é contra o que estamos.

Pero a pesar de todo isto,

quédome coa felicidade.

Quédome cos arcos da vella,
cos unicornios e coa purpurina,

e canto que está ben ser gai
co oso de peluche da miña infancia

Fago contido queer para nenos

porque a min gustaríame ter isto
cando tiña a súa idade.

Fágoo para que outras persoas
non pasen polo mesmo ca min,

que non entendía a miña identidade

porque non tiña ningún referente
do que eu podería ser.

Ensino e comparto esta mensaxe
con alegría e positividade

en lugar de centrarme nas dificultades
da vida das persoas queer

Quero que os nenos se fagan maiores

e sintan orgullo polo que son
e por quen poden ser,

sen importar a quen queren ou a roupa
que leven ou os pronomes que usen.

E quero que se queiran e queiran
os demais polas súas diferenzas

non a pesar delas.

Creo que fomentarmos
este orgullo e empatía

fará do mundo un lugar
máis amable e igualitario

e loitará contra a intolerancia
e o odio que infecta o noso mundo.

Así que, falenlles aos nenos sobre xénero.

Falenlles aos nenos sobre sexualidade.

Ensinenlles aos nenos
sobre consentimento.

Díganlles que está ben
que os nenos leven vestidos

e que as nenas falen con decisión.

Estendamos a alegría radical queer.

Grazas.

(Aplausos)