Vaccine hesitancy

Kumusta!

Ako si Doktor Kirk Leifso,

isang pedyatrisyan at espesyalista
sa nakahahawang sakit.

At gusto kong mapanatiling
malusog ang iyong pamilya.

Tumutungo ka sa mga doktor at
iba pang propesyonal sa medisina

dahil gumagamit kami ng
mapagkakatiwalaan at kasalukuyang

medikal na kaalaman sa panggagamot.

Iyon ang pinakaibuturan

kung bakit ako unang naging pisisyan:

magsanay ng medisina upang kayo’y
mapanatiling malusog hangga’t maaari.

Itong nakalipas na dekada,

napakaraming artista at sariling
pahayag na eksperto sa kalusugan

ang nagbahagi ng kani-kanilang
pananaw laban sa bakuna.

Ngunit dahil hindi ito nakabatay
sa dalubhasang pananaliksik,

paulit-ulit itong pinabubulaanan
ng siyensa medikal,

ang mismong agham na pinagkakatiwalaan
mo ng iyong pangangalagang medikal.

Mahirap patunayan ang mali.

Parang inutusan mo akong
dakpin ang manananggal

para maipakitang hindi ito totoo.

Napaka-imposible.

Minsan, ang mga pagdududang ito ay nananatili,

maging sa loob ng mga klinika,

kung saan tumutungo sa amin ang mga magulang

ukol sa kalusugan ng kanilang pamilya.

Kaya bakit ngayon kami ay kinukuwestiyon

pagdating sa regular na pagbabakuna?

Mahusay na tanong ito.

Upang maintindihan mo at ikaw
ay makapag-desisyon ng tama

gamit ang ekspertong impormasyon.

Nag-aalinlangan ang mga magulang
na nakaririnig ng ganitong pananaw.

Resulta nito ang mga batang hindi
nakatanggap ng regular na bakuna,

at ang kanilang kalusugan
ay nailalagay sa panganib.

Kalusugan mo at ng iyong anak ang
pinakaimportante sa mga doktor at nars.

Ngayon, tatalakayin ko ang mga karaniwang tanong at pangamba ukol sa bakuna

at hinihimok kang ipagpatuloy ang
usapang ito kasama ang iyong doktor.

Hangad kong gagawin mo ang pinakamainam
na desisyon para sa iyong pamilya

batay sa siyensa medikal.

Taun-taon, pinoprotektahan ng regular
na imyunisasyon ang mga pamilya

at kabataan sa Canada
laban sa naiiwasang sakit.

At oo, nakatatakot ang karayom.

Bilang isa ring magulang, ayaw kong
nakikitang nasasaktan ang anak ko,

ngunit makapagproprotekta lang
ang bakuna kung ito'y gagamitin,

tulad ng car seat na napapaloob sa seat belt.

Kung ipagpapaliban mo o
hindi ka magpapabakuna,

palalampasin mo ang proteksyong
maibibigay nito sa iyong anak.

May mataas na antas ng
kaligtasan ang mga bakuna

at patuloy itong sinusuri at sinasaliksik
sa buong mundo maging sa Canada

bago pahintulutang gamitin.

Kayo ay nagagalak na magulang
ng isang malusog na sanggol.

Binabati kita!

Sangkop sa iyong bagong
gawain bilang magulang,

tulad ng pagpapatulog at pagpapakain,

bibigyan ka ng iyong doktor
ng iskedyul ng imyunisasyon.

Nakapaloob sa iskedyul
na ito kung kailan ang una

at mga susunod pang iskedyul ng
pagpapabakuna ng iyong anak.

Nagsisimula ito sa ikalawang taong gulang.

Kung may iskedyul na nalampasan,
maaari pa ring humabol at magpabakuna.

Kausapin ang iyong doktor
o nars upang ito ay maiakma.

Sa bawat bakuna, tinutulungan mo
ang sistemang immuno ng iyong anak

na labanan ang mga sakit

na maaaring sumira sa kaniyang lamang-loob, paa’t kamay, pag-iisip, at kakayanang magsalita.

Ano ba ang ginagawa ng bakuna?

Tinuturuan nito ang sistemang immuno

na makilala

at labanan ang isang impeksiyon

kung sakaling matagpuang muli sa hinaharap.

Ang ibang bakuna ay nangangailangan ng ilang dosis para sa pinakaepektibong proteksyon.

Importante ang panahon.

Tulad ng pagtatanim o
paglilinis ng iyong sasakyan,

nasisiguradong epektibo ang pagbabakuna

kung gagawin ito sa tamang oras.

Noong mga nakaraang taon, ang mga batang
nasa isa hanggang limang taong gulang

ay karaniwang namamatay o naghihirap

laban sa mga sakit na
maiiwasan gamit ang bakuna.

Nakatulong ang bakuna upang mabago ito.

Iba't ibang programang imyunisasyon

ang isa sa mga pinakaepektibong interbensyon tungo sa pampublikong kalusugan,

at nagligtas ng milyon-milyong
buhay nitong nakaraang dantaon.

Ngunit kahit ngayon,

mayroon pa ring kaso ng mga
kumakalat na naiiwasang sakit,

maging sa loob ng paaralan.

At maaaring mahawa ang mga
bata ng tigdas, beke, tigdas-hangin,

ubong-dalahit, at meninghitis.

Kailangan ng ibang batang manatili sa tahanan,

ang iba sa mga ospital at uminom ng antibiyotiko,

at sa pinakamalalang kaso

ay makaranas ng komplikasyon tulad ng pagkalumpo, kapansanan, pagkabingi,

pagkabulag, at pagkamatay.

Nakatutulong ang bakuna laban
sa sakit at mga komplikasyon nito.

Noong 2014, ang pagkalat ng tigdas
sa Southern Alberta at British Columbia,

at mga lugar na may
mabababang imyunisasyon,

ay nagdulot ng dose-dosenang
kumpirmadong kaso at daan-daang tibadbad

bago natapos.

Ikaw at ang iyong pamilya ay makatutulong
na protektahan ang iyong anak.

Tiyaking ang mga taong nakapalibot sa
inyo ay nakatatanggap ng regular na bakuna.

Sa paraang ito, nagkakaroon kayo ng
mas matibay na sangga laban sa sakit.

Agam-agam ng ibang magulang

na ang bilang ng bakuna ay makasasama
sa sistemang immuno ng kanilang mga anak,

subalit wala itong kongkretong ebidensya.

Ang ating sistemang immuno ay
palaging nahaharap sa iba’t ibang hamon,

sa ating pang-araw-araw na buhay.

Ang paghantad sa bakuna

ay isa lamang sa mga hamong nararapat
harapin ng sistemang immuno ng mga sanggol,

at madali nila itong nalalampasan.

Ang pangalawang epekto ng bakuna

tulad ng pansamantalang kirot,
o mga sintomas ng trangkaso

ay hindi maikukumpara

sa masamang dulot ng hindi pagpapabakuna.

Malalalang reaksyon sa
alerhiya buhat sa bakuna ay bihira

at agad na inuulat sa ahensiya ng
pampublikong kalusugan sa Canada

upang agad na mabigyang solusyon.

Ano pa ba ang mayroon sa bakuna?

Mayroon ding ibang nilalaman ang bakuna,

kung saan lahat ay may nakatalagang layon.

Tumutulong itong gawing mas epektibo,
mabilis, at matagal ang proteksyon ng bakuna,

ligtas sa kontaminasyon, at panatilihin ang kalidad habang nakaimbak anuman ang temperatura.

Kung susundin ang iskedyul ng
imyunisasyon na ibinigay ng iyong doktor,

mananatiling malusog ang iyong anak

upang sila’y lumaki,
matuto, at mabuhay ng tiwasay.

Pinababakunahan ko ang mga
anak ko dahil alam ko ang tama.

At kung may pag-aalinlangan ka o mga katanungan, kausapin mo ang iyong doktor o nars.

Pakinggan mo ang kanilang
sagot na batay sa siyensya medikal,

huwag mahiyang magtanong,

at unawain ang isinasaad
ng siyentipikong pananaliksik.