-
Ég heiti Jens Bergensten, en betur
þekktur sem Jeb. Ég er yfir þróun Minecraft
-
hér hjá mojang.com. Ég var 11 eða 12 ára
og byrjaði að forrita af því ég vildi
-
búa til leiki. Einn af vinum pabba sagði
mér að til að búa til leiki þyrfti maður
-
að læra að forrita. Svo þannig byrjaði
ég. Mér finnst gaman að hanna og spá í
-
uppbyggingu hluta. Það finnst mér
skemmtilegast við Minecraft. Næsta
-
klukkutímann munt þú læra undirstöðu
í tölvunarfræði með því að forrita Alex
-
eða Steve og láta þau hreyfast um Minecraft
heim. Forrit eru venjulega skrifuð,
-
en í dag ætlum við að nota blockly: kerfi
sem notar færanlega kubba til að skrifa
-
forrit. Bak við tjöldin ertu að búa til
JavaScript kóða. Hugtökin sem þú munt
-
læra eru þau sem tölvuforritarar nota daglega og sem eru undirstaða tölvunarfræði.
-
Hér hjá Mojang notum við þessi sömu
hugtök til að láta Minecraft virka.
-
Áður en þú byrjar, velur þú persónu. Ég
ætla að velja Alex. Við skulum smíða kóða
-
fyrir forrit sem hjálpar henni að hreyfa sig
um skjáinn. Skjárinn skiptist í þrjá hluta.
-
Vinstra megin er Minecraft leiksvæðið, þar
sem forritið þitt mun keyra. Leiðbeiningar
-
fyrir hvern áfanga eru fyrir neðan. Þetta
miðjusvæði er verkfærakassinn og hver
-
kubbur er skipun sem stýrir aðgerðum Alex.
Hvíta svæðið til hægri er vinnusvæðið og
-
það er hér sem við smíðum forritið. Ef
við drögum "færa áfram" kubb inn á
-
vinnusvæðið og smellum á "Keyra", hvað
gerist þá? Alex færist áfram um einn reit.
-
Og hvað ef við viljum gera eitthvað eftir
að hún hefur færst um einn reit? Þá getum
-
við bætt öðrum kubbi við forritið. Ég ætla
að velja "snúa til hægri" kubbinn og dreg
-
hann undir "færa áfram" kubbinn þar
til appelsínugula línan birtist. Þá sleppi
-
ég honum og kubbarnir tveir smella saman.
Þegar við ýtum aftur á "Keyra" mun Alex
-
gera skipanir á vinnusvæðinu ofan frá og
niður. Og ef þú vilt einhvern tímann eyða
-
eyða kubbi, þá er nóg að draga hann aftur
í verkfærakassann. Til að afturkalla
-
breytingar og komast á byrjunarpunkt,
notar þú Byrja aftur hnappinn upp í
-
hægri horni vinnusvæðisins. Eitt enn, sérðu
litla þrihyrninginn á snúa kubbunum?
-
Þegar þú sérð svona þríhyrning þýðir það að þú getur valið fleiri kosti.
-
Byrjum að kóða!