എന്തുകൊണ്ട് സഹപ്രവർത്തകരോടുള്ള നിങ്ങളുടെ ബഹുമാനം ബിസിനെസ്സിന് ഗുണം ചെയ്യുന്നു

കരിയറിൽ മുന്നോട്ട് പോകണമെന്ന് ചിന്തിക്കുന്നുണ്ടോ? നേതൃത്വ ഗവേഷക ക്രിസ്റ്റിൻ പൊറത്ത് പറയുന്നു, നിങ്ങളുടെ സഹപ്രവർത്തകരോട് നന്നായി പെരുമാറിക്കൊണ്ട് തുടക്കം കുറിക്കുക. ഈ ശാസ്ത്രീയ അടിത്തറയുള്ള സംഭാഷണത്തിൽ അവർ കർക്കശ്യത്തിന് കൊടുക്കേണ്ടി വരുന്ന വിലയെപ്പറ്റി അത്ഭുത കരമായ ഉൾക്കാഴ്ച്ച പങ്ക് വെക്കുകയും എങ്ങനെ ബഹുമാനപുരസ്സരമുള്ള ചെറിയ പ്രവർത്തികൾ തൊഴിൽ വിജയത്തെയും കമ്പനിയുടെ ഏറ്റവും താഴെയുള്ള ജോലിക്കാരെയും ഉത്തേജിപ്പിക്കുന്നു എന്നും കാണിച്ചു തരുന്നു

നിങ്ങൾക്ക് ആരാകണം?

ഇത് ഒരു ലളിതമായ ചോദ്യം ആണ്,

അറിയാമെങ്കിലും ഇല്ലെങ്കിലും

നിങ്ങളുടെ പ്രവർത്തികളിലൂടെ
ദിവസവും നിങ്ങൾ ഇതിന് ഉത്തരം നൽകുന്നു.

മറ്റെന്തിനേക്കാളും ഉപരി ഈ ഒരു ചോദ്യമാണ്

നിങ്ങളുടെ പ്രൊഫെഷണൽ
ജയം നിശ്ചയിക്കുന്നത്.

കാരണം മറ്റുള്ളവരോട് നിങ്ങൾ എങ്ങനെ
പെരുമാറുന്നു എന്നതാണ് പ്രധാനം.

ഒന്നുകിൽ നിങ്ങൾക്ക് ആളുകളെ
ബഹുമാനിക്കുന്നതിലൂടെ, അവരെ

സ്വയം വില മതിക്കുന്നതിലൂടെ,
പ്രോത്സാഹിപ്പിക്കുന്നത്തിലൂടെ,

ശ്രദ്ധിക്കുന്നതിലൂടെഉയർന്ന തലത്തിലേക്ക് എത്തിക്കുകയോ

അല്ലെങ്കിൽ അവരെ സ്വയം അപകർഷത
തോന്നിക്കുന്നതിലൂടെ

ഉപദ്രവിക്കുന്നതിലൂടെ, അപമാനിക്കുന്നതിലൂടെ,

അവഗണിക്കുന്നതിലൂടെ ചെറുതാക്കുന്നതിലൂടെ
താഴ്ത്തുകയോ ചെയ്യാം.

നിങ്ങൾ ആരാകണം എന്ന്
തീരുമാനിക്കുന്നതിലാണ് എല്ലാം.

ഞാൻ അപമര്യാദ ആളുകളിൽ ഉണ്ടാക്കുന്ന
മാറ്റങ്ങളെ കുറിച്ച് പഠിച്ചു.

എന്താണ് അപമര്യാദ?

അത് ബഹുമാനം ഇല്ലായ്മയോ കാർക്കശ്യമോ ആണ്

അത് ധാരാളം വ്യത്യസ്തങ്ങളായ പെരുമാറ്റങ്ങൾ
ഉൾക്കൊള്ളുന്നു

ആളുകളെ പരിഹസിക്കുകയോ കൊച്ചാക്കുകയോ മുതൽ

വേദനിപ്പിക്കുന്ന രീതിയിൽ കുത്തു വാക്ക്
പറയുന്നത് വരെയോ

കുറ്റകരമായ തമാശകൾ പറയുന്നത് വരെയോ

മീറ്റിംഗുകളിൽ ഇരുന്നു ടെക്സ്റ്റ്
ചെയ്യുന്നത് വരെയോ ആകാം.

ഒരാൾക്ക് അപമര്യാദ എന്ന് പറയുന്നത്
മറ്റൊരാൾക്ക്

പൂർണമായും സ്വീകാര്യമാകാം

മറ്റൊരാൾ നിങ്ങളോട് സംസാരിക്കുമ്പോൾ
ടെക്സ്റ്റ് ചെയ്യുന്ന കാര്യം എടുക്കാം.

നമ്മളിൽ ചിലർ അത് പൂർണമായും മോശം ആയി
തോന്നും.

മറ്റുള്ളവർ അത് പൂർണമായും മര്യാദ
ഉള്ളതായും തോന്നും.

അതുകൊണ്ട് അത് ആളുകളെ
ആശ്രയിച്ചിരിക്കുന്നു.

ഒരാൾക്ക് അപമാനിക്കപ്പെട്ടതായി തോന്നിയോ
എന്നുള്ളത് അയാൾ

അതിനെ എങ്ങനെ കാണുന്നു എന്നതിനെ
ആശ്രയിച്ചിരിക്കുന്നു.

ചിലപ്പോൾ, മറ്റുള്ളവർക്ക് അങ്ങനെ
തോന്നണമെന്ന് നാം ഉദ്ദേശിച്ചുണ്ടാവില്ല.

പക്ഷേ അങ്ങനെ ആയാൽ അതിന് പ്രത്യാഘാതങ്ങൾ
ഉണ്ടാകും.

22 വർഷങ്ങൾക്ക് മുൻപ് ഈ ഇടുങ്ങിയ

ആശുപത്രി മുറിയിലേക്ക് കടന്നു വന്നത് ഞാൻ
വ്യക്തമായി ഓർക്കുന്നു.

ഇത്രയും ശക്തനും കായികാഭ്യാസിയും ഉന്മേഷവാനും
ആയ എന്റെ പിതാവ്

അദ്ദേഹത്തിന്റെ നഗ്നമായ നെഞ്ചിൽ
ഇലക്ട്രോഡുകൾ

ചുറ്റി കട്ടിലിൽ കിടക്കുന്ന കാഴ്ച
ഹൃദയഭേദകമായിരുന്നു.

അദ്ദേഹത്തിനെ അവിടെ എത്തിച്ചത്

ജോലിയുമായി ബന്ധപ്പെട്ട സമ്മർദ്ദം ആയിരുന്നു.

ഒരു ദശാബ്ദത്തിലേറെയായ് അദ്ദേഹം

മര്യാദയില്ലാത്ത ഒരു മേലധികാരിയെ
സഹിക്കുകയായിരുന്നു.

ഞാൻ ചിന്തിച്ചത് അദ്ദേഹം സ്വയം ഉൾവലിയുന്ന
ഒരാൾ ആണെന്ന് ആണ്

എന്നാൽ കുറച്ചു വർഷങ്ങൾക്ക് ശേഷം

ഞാൻ കോളേജിൽ നിന്ന് പുറത്തിറങ്ങിയ ശേഷം
കിട്ടിയ ആദ്യത്തെ

ജോലിയിൽ എനിക്ക് ധാരാളം അപമര്യാദ
കാണാനും അനുഭവിക്കാനും പറ്റി.

ഞാൻ ഒരു വർഷത്തോളം എല്ലാ ദിവസവും
ജോലിക്ക് പോവുകയും

സഹപ്രവർത്തകരിൽ നിന്ന്

"നീ ഒരു കഴുത ആണോ?, ഇങ്ങനെ അല്ല
അത് ചെയ്യേണ്ടത്."

"എനിക്ക് നിന്റെ അഭിപ്രായം ആവശ്യം
ഉണ്ടെങ്കിൽ ഞാൻ ചോദിക്കാം".

ഇങ്ങനെ ഉള്ള വാചകങ്ങൾ കേൾക്കുകയും ചെയ്തു.

അതുകൊണ്ട് ഞാൻ സ്വാഭാവികമായ കാര്യം ചെയ്തു.

ഞാൻ ഇതിന്റെ ഫലങ്ങൾ പഠിക്കാൻ ജോലി വിട്ട്

ബിരുദ വിദ്യാലയത്തിലേക്ക് പോയി.

അവിടെ ഞാൻ ക്രിസ്ത്യൻ പെയേഴ്സണെ
കണ്ടു മുട്ടി.

അപമര്യാദയോടെ ഉള്ള ചെറിയ ചെറിയ നടപടികൾ

അക്രമവും കലാപവും പോലെയുള്ള വലിയ
പ്രശ്നങ്ങളിൽ

എത്തിച്ചേരുമെന്നൊരു തിയറി
അവളുണ്ടാക്കിയിരുന്നു.

അപമര്യാദ പ്രകടനത്തെയും, താഴത്തെ
തട്ടിലുള്ളവരെയും

ബാധിക്കും എന്ന് ഞങ്ങൾ വിശ്വസിച്ചു.

അത് കൊണ്ട് ഞങ്ങൾ ഒരു പഠനം തുടങ്ങി.

ഞങ്ങൾ കണ്ടെത്തിയ കാര്യം കണ്ണ്
തുറപ്പിക്കുന്നതായിരുന്നു.

വിവിധ സ്ഥാപനങ്ങളിൽ ജോലി ചെയ്യുന്ന
ഒരു ബിസിനസ് സ്കൂളിന്റെ

പൂർവ വിദ്യാർത്ഥികൾക്കെല്ലാം ഞങ്ങൾ
ഒരു ചോദ്യാവലി അയച്ചു.

എപ്പോഴെങ്കിലും അവരോട് ക്രൂരമായോ
ബഹുമാനം ഇല്ലാതെയോ നിർവികാരമായോ

പെരുമാറിയ ഒരു അനുഭവത്തെ കുറിച്ച്
കുറച്ചു വാചകങ്ങൾ എഴുതാനും

അപ്പോൾ അവർ എങ്ങനെ പെരുമാറി

എന്നതിനെ കുറിച്ചുള്ള ചോദ്യങ്ങൾക്ക് ഉത്തരം
എഴുതാനും ആവശ്യപ്പെട്ടു.

ഒരാൾ അത് കിൻഡർ ഗാർട്ടണിൽ പഠിക്കുന്ന
കുട്ടികൾ പോലും

ചെയ്യുന്ന പണി ആണെന്ന് പറഞ്ഞ്
അപമാനിച്ചതിനെ കുറിച്ചും

മറ്റൊരാൾ മുഴുവൻ ടീം അംഗങ്ങളുടെയും
മുൻപിൽ വെച്ച്

താൻ ചെയ്ത ജോലി കീറിക്കളഞ്ഞതിനെ
കുറിച്ചും പറഞ്ഞു.

ഞങ്ങൾ കണ്ടത് അപമര്യാദ ആളുകളെ
നിരുത്സാഹപ്പെടുത്തുന്നു എന്നതാണ്.

66 ശതമാനം ജോലിയിൽ ഉള്ള ശ്രമം വെട്ടി
കുറച്ചു,

80 ശതമാനം പേർ സംഭവിച്ചതിനെ കുറിച്ചോർത്ത്
സമയം കളഞ്ഞു.

12 ശതമാനം പേർ ജോലി ഉപേക്ഷിക്കുകയും ചെയ്തു.

ഞങ്ങൾ ഈ റിസൾട്ട് പ്രസിദ്ധീകരിച്ചതിന്
ശേഷം രണ്ടു കാര്യങ്ങൾ സംഭവിച്ചു.

ഒന്ന്, ഞങ്ങൾക്ക് പല സ്ഥാപനങ്ങളിൽ നിന്നും
ഫോണുകൾ വരാൻ തുടങ്ങി

സിസ്കോ ഈ എണ്ണങ്ങൾ വായിച്ച്

അതിൽ കുറച്ചെടുത്തു യാഥാസ്ഥിതികമായ
മൂല്യനിർണയം നടത്തിയപ്പോൾ

അപമര്യാദയ്ക്ക് അവർ ഒരു വർഷം 12 മില്യൺ
ഡോളർ വില കൊടുക്കേണ്ടതുണ്ട് എന്ന് കണ്ടു.

രണ്ടാമത് സംഭവിച്ച കാര്യം വിദ്യാഭ്യാസ
രംഗത്തുനിന്ന് വന്ന ചോദ്യങ്ങൾ ആണ്.

അവർ ചോദിച്ചു "ആളുകൾ ഇങ്ങനെ പറയുന്നു,
പക്ഷേ അത് എങ്ങനെ കാണിക്കാൻ പറ്റും?

ശരിക്കും ആളുകളുടെ പ്രകടനം
ബാധിക്കപ്പെടുന്നുണ്ടോ ? "

എനിക്ക് അതിനെക്കുറിച്ചും ആകാംഷ
ഉണ്ടായിരുന്നു.

അമീർ ഈരേഴുമായി ചേർന്ന് ഞാൻ അപമര്യാദ
അനുഭവിച്ചവരെ അതനുഭവിക്കാത്തവരുമായി

താരതമ്യം ചെയ്യാൻ തുടങ്ങി.

അപമര്യാദയ്ക്ക് ഇരയായവർ മറ്റുള്ളവരെക്കാൾ
വളരെ മോശമായാണ്

ജോലി ചെയ്യുന്നതെന്ന് ഞങ്ങൾ കണ്ടെത്തി.

അപ്പോൾ നിങ്ങൾ പറഞ്ഞേക്കാം, "ഈ
പറയുന്നതിൽ കാര്യമുണ്ട്.

എന്തായാലും അവരുടെ പ്രകടനത്തെ
അത് ബാധിക്കും എന്നത് സ്വാഭാവികമാണ്".

പക്ഷെ അത് അനുഭവിച്ചില്ലെങ്കിലും അതിനു
സാക്ഷി ആകേണ്ടി വന്ന

ഒരാളെ കുറിച്ച് എന്ത് പറയുന്നു?

നിങ്ങൾ ഒരു സാക്ഷി ആണ്.

ഞങ്ങൾ അത്ഭുതപ്പെട്ടു, അത്
സാക്ഷികളെയും ബാധിക്കുമോ?

അതുകൊണ്ടു ഞങ്ങൾ പഠനം നടത്തി.

താമസിച്ച് എത്തിയ ഒരാളോട് ക്രൂരമായി
പെരുമാറുന്ന ഒരു സംഭവത്തിന് അഞ്ച്

പേരെ സാക്ഷികളാക്കി ഒരു പഠനം നടത്തി.

പരീക്ഷകൻ പറഞ്ഞു " നിങ്ങൾക്കെന്താണ്?

നിങ്ങൾ താമസിച്ചു വന്നു, നിങ്ങൾ
ഉത്തരവാദിത്തമില്ലാതെ പെരുമാറി.

സ്വയം ചിന്തിക്കൂ, നിങ്ങൾ ശരിക്കുള്ള
ലോകത്ത് എങ്ങനെ ഒരു ജോലി ഏറ്റെടുക്കും? "

വേറൊരു ചെറിയ ഗ്രൂപ്പിൽ നടന്ന
മറ്റൊരു പഠനത്തിൽ

ഒരു സഹപ്രവർത്തകൻ മറ്റൊരു അംഗത്തിനെ

അപമാനിക്കുന്നതിന്റെ പ്രത്യാഘാതം
ഞങ്ങൾ പരീക്ഷിച്ചു

ഇപ്പോൾ ഞങ്ങൾ കണ്ടത് തികച്ചും
താല്പര്യ ജനകമാണ്.

കാരണം കണ്ടു നിന്ന ആളിന്റെ പ്രകടനവും
കുറഞ്ഞു.

അത് അല്പമാത്രമൊന്നുമല്ല, കാര്യമായിത്തന്നെ.

മര്യാദയില്ലായ്മ ഒരു തകരാർ ആണ്.

അത് പകരുന്നതാണ്.

അതിനരികെ നിന്നാൽ നമ്മളും അതിന്റെ
വാഹകരാകുകയാണ്.

ഇത് ജോലിസ്ഥലത്ത് മാത്രം ഒതുങ്ങി
നിൽക്കുന്നതല്ല.

നമുക്ക് ഈ വൈറസ് എവിടെനിന്ന്
വേണമെങ്കിലും പിടി കൂടാം

വീട്ടിൽ നിന്നോ , ഓൺലൈനായോ സ്കൂളുകളിൽ
നിന്നോ , സമൂഹത്തിൽ നിന്നോ ഒക്കെ.

അത് നമ്മുടെ വികാരങ്ങളെ ബാധിക്കുന്നു,

നമ്മുടെ പ്രചോദനത്തെ ബാധിക്കുന്നു,
നമ്മുടെ പ്രകടനത്തെ ബാധിക്കുന്നു

നമ്മൾ മറ്റുള്ളവരോട് എങ്ങനെ പെരുമാറുന്നു
എന്നതിനെ ബാധിക്കുന്നു.

അതിന് നമ്മുടെ ശ്രദ്ധയെ വരെ ബാധിക്കാനും
തലച്ചോറിന്റെ ശക്തിയെ കെടുത്താനും കഴിയും.

നമ്മൾ അപമര്യാദ അനുഭവിക്കുമ്പോഴോ
അതിന് സാക്ഷി ആകുമ്പോഴോ മാത്രമല്ല

ഇത് സംഭവിക്കുന്നത്.

നമ്മൾ കടുത്ത വാക്കുകൾ വായിക്കുമ്പോഴോ

കാണുമ്പോഴോ പോലും ഇത് സംഭവിക്കാം.

ഇത് പരീക്ഷിക്കാനായി ഞങ്ങൾ ആളുകൾക്ക്
ഒരു വാചകം

ഉണ്ടാക്കുവാനായി ഒരു കൂട്ടം വാക്കുകൾ നൽകി.

ഞങ്ങൾ ചില കാര്യങ്ങൾ ഗോപ്യമാക്കി വെച്ചു.

പകുതി പേർക്ക് കിട്ടിയ ലിസ്റ്റിലെ 15
വാക്കുകൾ

കാർക്കശ്യം ഉണ്ടാക്കാൻ പോരുന്നവയായിരുന്നു.

വിനയമില്ലാതെ, തടസ്സപ്പെടുത്തുക,
നിന്ദ്യം, അലട്ടൽ തുടങ്ങിയവ.

പകുതി പേർക്ക് കിട്ടിയ ലിസ്റ്റ്

ഇവയൊന്നും ഇല്ലാതെയും ആയിരുന്നു.

ഞങ്ങൾ കണ്ടെത്തിയത് തികച്ചും
അത്ഭുതകരമായിരുന്നു.

കാരണം കഠിന വാക്കുകൾ കിട്ടിയ
ആളുകൾക്ക് തൊട്ടു മുൻപിലുള്ള

കമ്പ്യൂട്ടർ സ്ക്രീനിൽ ഉണ്ടായിരുന്ന
വിവരങ്ങൾ കിട്ടാതെ പോയത്

മറ്റുള്ളവരെ അപേക്ഷിച്ച് അഞ്ചിരട്ടി
ആയിരുന്നു.

അങ്ങനെ ഞങ്ങൾ പഠനം തുടർന്നപ്പോൾ

കഠിനമായ വാക്കുകൾ വായിച്ചവർ

തീരുമാനങ്ങൾ എടുക്കാൻ, അവ രേഖപ്പെടുത്താൻ

കൂടുതൽ സമയം എടുക്കുന്നതായി കണ്ടു.
!

അവർ കൂടുതൽ തെറ്റുകൾ വരുത്തുകയും ചെയ്തു.

ഇത് ഒരു വലിയ കാര്യമാണ്,

പ്രത്യേകിച്ചും ജീവന്മരണ പ്രശ്നങ്ങളിൽ.

സ്റ്റീവ് എന്ന ഡോക്ടർ അദ്ദേഹത്തോടൊപ്പം
ജോലി ചെയ്ത മറ്റൊരു ഡോക്ടറെ കുറിച്ച് പറഞ്ഞു

അദ്ദേഹം ആരോടും വലിയ ആദരവ്
കാണിച്ചിരുന്നില്ല.

പ്രത്യേകിച്ച് ജൂനിയർ സ്റ്റാഫിനോടും
നഴ്സ്മാരോടും.

പക്ഷേ സ്റ്റീവ് എന്നോട് ഈ ഡോക്ടർ
ഒരു മെഡിക്കൽ ടീമിനോട്

ദേഷ്യപ്പെട്ട ഒരു പ്രത്യേക സംഭവത്തെ
കുറിച്ച് പറഞ്ഞു.

സംഭവത്തിന് ശേഷം ഈ മെഡിക്കൽ ടീം

അവരുടെ രോഗിക്ക് കൊടുത്ത മരുന്നിന്റെ
ഡോസേജ് തെറ്റായിരുന്നു.

സ്റ്റീവ് പറഞ്ഞത് ചാർട്ടിൽ ഉണ്ടായിരുന്ന
വിവരം ശരിയായിരുന്നിട്ടു കൂടി

ടീമിൽ ഉണ്ടായിരുന്ന എല്ലാവരും ആ വിവരം
മറന്നു പോയി.

അയാൾ പറഞ്ഞത് ചാർട്ട് നോക്കണം എന്ന
ബോധമോ ശ്രദ്ധയോ അവർക്കുണ്ടായിരുന്നില്ല.

ചെറിയ ഒരു തെറ്റ്.

ആ രോഗി മരിച്ചു പോയി

ഇസ്രായേലിലെ ഗവേഷകർ തെളിയിച്ചതെന്തെന്നാൽ

കർക്കശ്യത്തിന് ഇരയാകുന്ന മെഡിക്കൽ ടീം

രോഗ നിർണയത്തിൽ മാത്രമല്ല മറ്റെല്ലാ
പ്രോസിഡറുകളിലും

മോശമായ പ്രകടനം കാഴ്ച്ച വെക്കുന്നു .

ഇതിന്റെ പ്രധാന കാരണം കർക്കശ്യത്തിന്
വിധേയമാകുന്ന ടീം

വിവരങ്ങൾ അത്ര എളുപ്പത്തിൽ പങ്ക് വെക്കില്ല
എന്ന് മാത്രമല്ല

മറ്റ് ടീമംഗങ്ങളിൽ നിന്ന് സഹായം
ചോദിക്കുകയുമില്ല.

ഞാനിത് ആരോഗ്യ രംഗത്ത് മാത്രമല്ല മറ്റെല്ലാ
വ്യവസായ രംഗത്തും കണ്ടു.

അപമര്യാദയ്ക്ക് അത്ര വലിയ വില കൊടുക്കണം
എങ്കിൽ

നമ്മൾ എന്താണ് അതിൽ ഇത്രയധികം കാണുന്നത്?

എനിക്ക് അറിയാൻ താല്പര്യം ഉണ്ടായിരുന്നു,

അതുകൊണ്ടു ഞങ്ങൾ ഇതിനെ ക്കുറിച്ചും
ആളുകളുടെ ഇടയിൽ സർവ്വേ നടത്തി.

ഒന്നാമത്തെ കാരണം സമ്മർദമാണ്

അത് അത്രയധികം ആഴത്തിലുള്ളതാണ്

ആളുകൾ കൂടുതൽ മര്യാദ കാണിക്കാത്തതിന്റെ
മറ്റൊരു കാരണം

മറ്റുള്ളവർക്ക് അവർ നല്ലവരോ മര്യാദയുള്ളവരോ
ആയി തോന്നുന്നതിനെ കുറിച്ച്

അവർ ആശങ്കാകുലരോ സംശയാലുക്കളോ ആണ്.

അവർ വിചാരിക്കുന്നത് അവർ അങ്ങനെ ചെയ്താൽ
ലീഡർ എന്ന് തോന്നിക്കാതിരുന്നാലോ എന്നാണ്.

അവർ ആശ്ചര്യപ്പെടുന്നു "നല്ല ആളുകൾ
ഏറ്റവും ഒടുവിലാകില്ലേ എന്ന് "

മറ്റൊരു വിധത്തിൽ പറഞ്ഞാൽ തട്ടും തടവുമില്ലാതെ
മുൻപോട്ട് പോകാൻ പറ്റുമോ എന്ന്.

(ചിരി )

അങ്ങനെ ചിന്തിക്കുന്നത് എളുപ്പമാണ്.

പ്രത്യേകിച്ച് ഈ സംഭാഷണത്തിൽ അധീശത്വം
നേടുന്ന ചില

പ്രധാന ഉദാഹരണങ്ങൾ ഉണ്ടാകുമ്പോൾ.

പക്ഷേ ദീർഘകാലാടിസ്ഥാനത്തിൽ നോക്കുമ്പോൾ
അത് അങ്ങനെ അല്ല.

ശരിക്കും ഈ വിഷയത്തിൽ
മോർഗൻ മക്കല്ലും മൈക്കിൾ ലൊംബാർഡോയും

അവർ സെന്റർ ഫോർ ക്രീയേറ്റീവ് ലീഡർഷിപ്പിൽ
ആയിരുന്നപ്പോൾ നല്ല ഗവേഷണം നടത്തിയിട്ടുണ്ട്

എക്സിക്യൂട്ടീവിന്റെ തോൽവിയുടെ ഒന്നാമത്തെ
കാരണമായി അവർ കണ്ടു പിടിച്ചത്

ഒരു നിർവികാരമായ, ഭീഷണിപ്പെടുത്തുന്ന,
അസ്വസ്ഥമായ രീതി ആണ്.

എല്ലായിടത്തും മര്യാദയില്ലാതെ
പെരുമാറിയിട്ടും വിജയം

വരിച്ച ചില ഒറ്റപ്പെട്ടവർ ഉണ്ടായിരിക്കും.

പക്ഷേ ഭാവിയിലെന്നെങ്കിലും

മിക്കവാറും എല്ലാ മര്യാദയില്ലാത്തവരും
അവരുടെ വിജയം അടിയറവു പറയേണ്ടി വരും.

ഉദാഹരണത്തിന് മര്യാദയില്ലാത്ത
എക്സിക്യൂട്ടീവുകൾ

ഒരു ദുർബലമായ സ്ഥാനത്തിരിക്കുമ്പോൾ
ആരെങ്കിലു ഉപദ്രവിച്ചേക്കാം.

അല്ലെങ്കിൽ അവർക്ക് എന്തെങ്കിലും
ആവശ്യമുള്ളപ്പോൾ

മറ്റുള്ളവർ സഹായിക്കാതിരുന്നേക്കാം.

പക്ഷേ നല്ല ആളുകൾക്ക് എന്ത് സംഭവിക്കുന്നു?

മര്യാദ കൊണ്ട് ഫലം ഉണ്ടോ?

തീർച്ചയായും ഉണ്ട്.

മര്യാദ ഉണ്ടായി എന്ന് വെച്ച് നിങ്ങൾ
ഒന്നിനും കൊള്ളാത്തവനല്ലാതെയാകുന്നില്ല.

ഒരാളെ താഴ്ത്തികെട്ടാതിരിക്കുന്നില്ല എന്നത്
അയാളെ ഉയർത്തുന്നതിന് തുല്യമല്ല.

പക്ഷേ ശരിക്കും മര്യാദയുണ്ടാകുന്നത്
ചെറിയ ചെറിയ കാര്യങ്ങൾ ചെയ്യുമ്പോഴാണ്.

ഇടനാഴിയിൽ വെച്ച് കാണുമ്പൊൾ ഒന്ന്
ചിരിക്കുകയോ, ഹലോ പറയുകയോ ചെയ്യുമ്പോൾ

മറ്റുള്ളവർ നിങ്ങളോട് പറയുന്നത് മുഴുവൻ
കേൾക്കുമ്പോൾ ഒക്കെ.

ഇപ്പോൾ നിങ്ങൾക്ക് ശക്തമായ അഭിപ്രായങ്ങൾ
ആകാം.

വിയോജിക്കാം, എതിർക്കാം അല്ലെങ്കിൽ
നെഗറ്റീവ് ആയ ഒരു ഫീഡ് ബാക്ക് ആകാം

ബഹുമാനത്തോടെ.

ചില ആളുകൾ അതിനെ "റാഡിക്കൽ കോണ്ടോർ "
എന്ന് വിളിക്കുന്നു.

അവിടെ നിങ്ങൾ വ്യക്തിയെ ശ്രദ്ധിക്കുന്നു
പക്ഷേ

ആശയത്തെ നേരിട്ട് എതിർക്കുന്നു.

അതെ, മര്യാദ നമുക്ക് ഫലം തരുന്നു.

ഒരു ബയോടെക്നോളോജി സ്ഥാപനത്തിൽ

ഞാനും എന്റെ സഹപ്രവർത്തകരും
കണ്ടത് മര്യാദയോടെ പെരുമാറുന്നവർ

ലീഡർ ആയി ഗണിക്കപ്പെടാനുള്ള സാധ്യത
മറ്റുള്ളവരെ അപേക്ഷിച്ച് ഇരട്ടി ആണ്.

കൂടാതെ അവർ മറ്റുള്ളവരെ അപേക്ഷിച്ച്
ഉയർന്ന പ്രകടനം കാഴ്ച്ച വെക്കുന്നു.

മര്യാദ എങ്ങിനെയാണ് പ്രയോജനപ്രദമാകുന്നത്?

ആളുകൾ നിങ്ങളെ പ്രധാനപെട്ടതും ശക്തവുമായ
രണ്ട് പ്രധാന സ്വഭാവങ്ങളുടെ വിരളമായ ഒരു

സംയോജനമായി കാണുന്നു എന്നതാണ് കാരണം.

ഊഷ്മളതയും കഴിവും, സൗഹാർദവും മിടുക്കും.

മറ്റൊരു വിധത്തിൽ പറഞ്ഞാൽ
മര്യാദയുണ്ടായിരിക്കുക എന്ന്

പറഞ്ഞാൽ മറ്റുള്ളവരെ പ്രോത്സാഹിപ്പിക്കുക
മാത്രമല്ല.

അത് നിങ്ങളെ കുറിച്ചാണ്.

നിങ്ങൾക്ക് മര്യാദയുണ്ടെങ്കിൽ നിങ്ങളെ ഒരു
നേതാവായി കാണാനുള്ള സാധ്യത കൂടുതൽ ആണ്.

നിങ്ങൾ നല്ല പ്രകടനം കാഴ്ചവെക്കും, നിങ്ങൾ
കഴിവും ഊഷ്മളതയും

ഉള്ള ആളായി മറ്റുള്ളവർ മനസ്സിലാക്കും.

പക്ഷേ മര്യാദ പ്രയോജന പ്രദമാകുന്നതിനെ
കുറിച്ചിനിയും വലിയ ഒരു കഥയുണ്ട്.

അത് നേതൃത്വവുമായി ബന്ധപ്പെട്ട വളരെ

പ്രധാനപ്പെട്ട ഒരു ചോദ്യവുമായി പിണഞ്ഞു
കിടക്കുന്നു.

ആളുകകൾക്ക് അവരുടെ ലീഡറിൽ നിന്ന്
എന്താണ് വേണ്ടത്?

ഞങ്ങൾ ലോകമെമ്പാടുമുള്ള 20000 ജോലിക്കാരിൽ
നിന്ന് അഭിപ്രായം ശേഖരിച്ചു.

ഞങ്ങൾ കണ്ടെത്തിയ ഉത്തരം ലളിതമായിരുന്നു.

ബഹുമാനം.

ബഹുമാനത്തോടെ പെരുമാറുന്നത്

അംഗീകാരത്തിനേക്കാളും അഭിനന്ദനത്തെക്കാളും.

ഉപകാരപ്രദമായ പ്രതികരണത്തെക്കാളും

പഠിക്കാനുള്ള അവസരത്തെക്കാളും പ്രധാനമാണ്.

ബഹുമാനിക്കപ്പെട്ടു എന്ന് തോന്നിയവർ കൂടുതൽ
ആരോഗ്യവാന്മാരും

കൂടുതൽ ലക്ഷ്യബോധമുള്ളവരും

കൂടുതൽ കാലം സ്ഥാപനത്തിൽ തുടരാൻ സാധ്യത
ഉള്ളവരും

കൂടുതൽ ജോലിയിൽ മുഴുകുന്നവരുമാണ്.

അപ്പോൾ എവിടെയാണ് തുടങ്ങേണ്ടത്?

എങ്ങനെ നിങ്ങൾക്ക് ആളുകളെ
ഉത്തേജിപ്പിക്കുകയും

ബഹുമാനിക്കപ്പെട്ടു എന്ന്
തോന്നിപ്പിക്കുകയും ചെയ്യാം?

നല്ല കാര്യം എന്തെന്നാൽ അതിന് നിങ്ങൾക്ക്
അധികം മാറ്റമൊന്നും വേണ്ട.

ചെറിയ കാര്യങ്ങൾ വലിയ മാറ്റം ഉണ്ടാക്കും

ആളുകളോട് നന്ദി പറയുന്നത്

അംഗീകാരം പങ്ക് വെക്കുന്നത്

ശ്രദ്ധിച്ചു കേൾക്കുന്നത്,

വിനയപൂർവം ചോദ്യങ്ങൾ ചോദിക്കുന്നത്

മറ്റുള്ളവരെ തിരിച്ചറിയുന്നതും
ചിരിക്കുന്നതും

എല്ലാം ഒരു പ്രയോജനം ചെയ്യും എന്ന്
ഞാൻ മനസ്സിലാക്കി.

ഒച്ചനെർ ഹെൽത്ത് സിസ്റ്റത്തിന്റെ സി ഇ ഒ
ആയ പാട്രിക് ക്വിൽനാൻ

എന്നോട് അവരുടെ 10-5 വേയുടെ സ്വാധീനം
പറഞ്ഞു തന്നു.

അതിൽ, ഇപ്പോൾ താങ്കൾ മറ്റൊരാളോട്
10 അടി അകാലത്തിനുള്ളിലാണെങ്കിൽ

അയാളുടെ കണ്ണിൽ നോക്കുകയും
ചിരിക്കുകയും ചെയ്യും

അഞ്ചടി അകാലത്തിനുള്ളിൽ ആണെങ്കിൽ

ഹലോ പറയുകയും ചെയ്യും

മര്യാദയുള്ള പെരുമാറ്റം പടർന്നപ്പോൾ

രോഗികളുടെ സംതൃപ്തിയുടെ അളവ് കൂടുകയും

അവർ കൂടുതൽ രോഗികൾക്ക് ആശുപത്രിയെ
ശുപാർശ ചെയ്യുകയും ചെയ്തു.

മര്യാദയും ബഹുമാനവും ഒരു സ്ഥാപനത്തിന്റെ
പ്രകടനം മെച്ചപ്പെടുത്താൻ ഉപയോഗിക്കാം

എന്റെ സുഹൃത്ത് ഡഗ് കോനന്റ് 2001ൽ
ക്യാമ്പ്ബെൽ കമ്പനിയുടെ സി ഇ ഓ ആയപ്പോൾ

കമ്പനിയുടെ മാർക്കറ്റ് ഷെയർ പകുതി ആയി
കുറഞ്ഞിരിക്കുക ആയിരുന്നു.

വില്പന കുറഞ്ഞു കൊണ്ടിരുന്നു.

കുറെയേറെ ആളുകൾക്ക് തൊഴിൽ നഷ്ടമായി.

ഒരു ഗാലോപ് മാനേജർ പറഞ്ഞത് അവർ സർവ്വേ
നടത്തിയ സ്ഥാപനങ്ങളിൽ

ഏറ്റവും കുറവ് തൊഴിലിൽ
ഏർപ്പെട്ടിരിക്കുന്നതാണ് അ തെന്നാണ്.

ആദ്യത്തെ ദിവസം തന്നെ ഡഗ് വണ്ടിയോടിച്ചെത്തിയപ്പോൾ കണ്ടത്

ഹെഡ്ക്വാർട്ടറിനു ചുറ്റും മുള്ളുകമ്പി
വേലിയാണ്

പാർക്ക് ചെയ്യുന്ന സ്ഥലത്ത് ഗാർഡ് ടവറുകൾ
ഉണ്ടായിരുന്നു.

അദ്ദേഹം പറഞ്ഞത് അത് ഒരു കുറഞ്ഞ സുരക്ഷ
ഉള്ള ഒരു ജയിൽ ആയിരുന്നു എന്നാണ്.

അത് വിഷമയമായി തോന്നി.

അഞ്ച് വർഷത്തിനകം ഡഗ് കാര്യങ്ങൾ ശരിയാക്കി.

ഒൻപത് വർഷങ്ങൾക്കകം അവർ പ്രകടനത്തിൽ
സർവകാല റെക്കോഡുകൾ സ്ഥാപിച്ചു.

ജോലി ചെയ്യാൻ ഏറ്റവും നല്ല സ്ഥലത്തിനടക്കം
അവാർഡുകൾ വാരിക്കൂട്ടി

അദ്ദേഹത്തിന് അത് എങ്ങനെ ചെയ്യാൻ പറ്റിയെന്നോ

ആദ്യത്തെ ദിവസം തന്നെ ഡഗ് ജോലിക്കാരോട്
പറഞ്ഞത്,

താൻ പ്രകടനത്തിൽ ഉയർന്ന നിലവാരങ്ങൾ
തീരുമാനിക്കുകയാണ്.

പക്ഷേ അവർ അത് മര്യാദയോടെ ചെയ്യും.

അദ്ദേഹം പറഞ്ഞത് പോലെ പ്രവർത്തിച്ചു,

മറ്റ് ലീഡേഴ്സും അങ്ങനെ ചെയ്യണമെന്ന്
പ്രതീക്ഷിച്ചു.

ഡഗ് നിലവാരങ്ങളുടെ കാര്യത്തിൽ
കഠിനമായപ്പോഴും

ആളുകളോട് മൃദുലചിത്തനായിരുന്നു.

അദ്ദേഹം പറയുന്നത് എല്ലാം ഈ
സമ്പർക്കങ്ങളുമായി,

അല്ലെങ്കിൽ എല്ലാ ദിവസവും അദ്ദേഹത്തിന്റെ
ജോലിക്കാരുമായുള്ള സംവാദത്തിലൂടെ,

അതും ഇടനാഴിയിലോ കഫെറ്റീരിയയിലോ ഒക്കെ
വെച്ചുള്ളത് കൊണ്ട് മാത്രം ഉണ്ടായതാണ്.

ഈ എല്ലാ കാര്യവും അദ്ദേഹം നന്നായി ചെയ്താൽ

ജോലിക്കാരെ വിലമതിക്കുന്നതായി അവർക്ക്
തോന്നിക്കാൻ പറ്റും

ജോലിക്കാരെ വിലമതിക്കുന്നതായും

ശ്രദ്ധിക്കുന്നതായും അവർക്ക് തോന്നാൻ
ഡഗ് ചെയ്ത മറ്റൊരു കാര്യം

മൂവായിരത്തിലധികം താങ്ക് യൂ നോട്ടുകൾ
സ്വന്തം കൈപ്പടയിൽ എഴുതി എന്നതാണ്.

ഇത് മറ്റു ലീഡർമാർക്ക് ഒരു പ്രചോദനമായി.

ലീഡേഴ്സിന് ഏകദേശം നാനൂറോളം ഇത്തരം
സമ്പർക്ക അവസരങ്ങൾ ഉണ്ട്.

മിക്കതും അധിക സമയം എടുക്കില്ല, ഓരോന്നിനും
രണ്ട് മിനിറ്റിൽ താഴെ മാത്രം.

കാര്യം, ഈ ഓരോ നിമിഷവും രസകരമാക്കുകയും
ശ്രദ്ധിക്കുകയും ചെയ്യുക എന്നതാണ്.

മര്യാദ ആളുകളെ ഉത്തേജിപ്പിക്കുന്നു.

മര്യാദയുണ്ടെങ്കിൽ നമുക്ക് ആളുകളിൽ

നിന്ന് അവർക്ക് ചെയ്യാവുന്നതിന്റെ
പരമാവധി കിട്ടുന്നു.

അപമര്യാദ ആളുകളെയും അവരുടെ
പ്രകടനത്തെയും തകർത്തു കളയുന്നു.

അങ്ങനെയുള്ള ചുറ്റുപാടുകളിൽ

അവരുടെ കഴിവ് തന്നെ കവർന്നെടുക്കപ്പെടുന്നു.

എന്റെ ഗവേഷണത്തിൽ നിന്ന് എനിക്ക്
മനസ്സിലായത്

നമുക്ക് കൂടുതൽ മര്യാദയുള്ള ചുറ്റുപാടുകൾ
ആണ് ഉള്ളതെങ്കിൽ

നമുക്ക് കൂടുതൽ ക്രിയാത്മകതയും
സൃഷ്ടിപരതയും

സന്തോഷവും ആരോഗ്യവും പ്രകടിപ്പിക്കുന്നു.

നമുക്ക് കൂടുതൽ നന്നായി ചെയ്യാൻ പറ്റുന്നു

നമുക്കോരോരുത്തർക്കും കൂടുതൽ
ശ്രദ്ധാലുക്കളാകാൻ പറ്റുകയും

നമുക്ക് ചുറ്റുമുള്ള ആളുകളെ
ഉത്തേജിപ്പിക്കാൻ

വേണ്ട നടപടികൾ എടുക്കാൻ കഴിയുകയും ചെയ്യും

അത് വീട്ടിലായാലും, ഓൺലൈൻ ആയാലും

സ്കൂളിൽ ആയാലും

നമ്മുടെ സമൂഹത്തിൽ ആയാലും.

ഓരോ സമ്പർക്കത്തിലും ചിന്തിക്കുക.

നിങ്ങൾക്ക് ആരാകണം?

നമുക്ക് അപമര്യാദ എന്ന തെറ്റിന് ഒരു അവസാനം
നൽകാം

മര്യാദ പ്രചരിപ്പിക്കാം.

എല്ലാത്തിലുമുപരിയായി അത് ഫലം തരുന്നു

നന്ദി.
(കയ്യടി)