حكاية ماشينة الغسيل اللي تغوي
-
0:00 - 0:02كان في عومري غير ربع سنين
-
0:02 - 0:05كي شوفت يمّا تعمر ف الماشينة نتاع الغسيل
-
0:05 - 0:08الخطرة اللولة في حياتها.
-
0:08 - 0:10عند يمّا، داك كان نهار ما يتنساش.
-
0:10 - 0:13مّا وبّا... شحال من عام و هوما يحّجرو (يْلَّمو) ف الدراهم
-
0:13 - 0:15باش ينجمو يشرو ديك الماشينة،
-
0:15 - 0:17و ف النهار اللول اللي كانو غادي يخدمو بيها،
-
0:17 - 0:19حتى حّنّا (الجدة) كانت معروضة
-
0:19 - 0:21باش تجي تشوف الماشينة.
-
0:21 - 0:24حتى حّنّا كانت طايرة ب الفرحة.
-
0:24 - 0:26حياتها ڤاع
-
0:26 - 0:28و هي تحمي الما ب نار الحطب
-
0:28 - 0:30و كانت ديما تغسل القش ب يديها
-
0:30 - 0:32ل ولادها السبعة.
-
0:32 - 0:35و ضروك راهي غادي تشوف
-
0:35 - 0:38الضّو ضروك غادي يدي دالتو ف هاد الخدمة.
-
0:38 - 0:42حلّت مّا بالعقل الباب،
-
0:42 - 0:44عمرت قش الغسيل
-
0:44 - 0:46ف الماشينة،
-
0:46 - 0:48ب هاد الصيفة.
-
0:48 - 0:50و من بعد، كي بلعت الباب،
-
0:50 - 0:52حنّا قالت ليها: "للا، للا، للا، للا.
-
0:52 - 0:55خليني، أنا نعبز القفلة."
-
0:56 - 0:58عبزت حنّا القفلة،
-
0:58 - 1:01و قالت: "شحال شابة!"
-
1:01 - 1:03راني باغية نشوف هاد العلامة! جيبيلي كورسي!
-
1:03 - 1:05عطيني كورسي! باغية نشوفها"
-
1:05 - 1:08و قعدت قبالة الماشينة،
-
1:08 - 1:12و تفرجت ڤاع سيرة الغسيل.
-
1:12 - 1:14كانت مخلوعة.
-
1:14 - 1:17ل حنّا،
-
1:17 - 1:20ماشينة الغسيل، هادي، موعجيزة كبيرة.
-
1:20 - 1:23ضروك، ف السويد و ف بلدان واحدوخرين ب خير عليهوم،
-
1:23 - 1:25الناس راهي تخدم
-
1:25 - 1:27ب قوجة نواع ماشينات.
-
1:27 - 1:29شوفو شحال الديور راهي معمرة ب الماشينات.
-
1:29 - 1:31حتى اللي تصعاب علي باش نسميهوم ڤاع.
-
1:31 - 1:34و تانيك، كي يبغو يحّوسو،
-
1:34 - 1:37يدّيو ماشينات تطير
-
1:37 - 1:39تدّيهوم ل مواضع بعاد.
-
1:39 - 1:41ڤاع كيما ن هاك، ما زال عاد كاينين ناس بزاف
-
1:41 - 1:44يحميو الماء فوق النار،
-
1:44 - 1:47و يطيبو ماكلتهم فوق النار.
-
1:47 - 1:49ف شي خطرات، ما يكونش عندهوم حتى واش يلزم من ماكلة،
-
1:49 - 1:52و تلقاهوم عايشين زاوالية (تحت خط الفقر).
-
1:52 - 1:55كاين شي 2 ملاير عيباد
-
1:55 - 1:57عايشين ب قل من 2 دولارات في النهار.
-
1:57 - 1:59و العيباد اللي ب خير عليهوم تماتيك --
-
1:59 - 2:01كاين واحد الشي مليار بنادم --
-
2:01 - 2:05عايشين، كيما نعّيطلو، فوق "خط السما"،
-
2:05 - 2:08لاخاطرش يصرفو كتر من 80 دولار ف النهار
-
2:08 - 2:10غير ف القَضْيَان.
-
2:10 - 2:13بصح هادي تهم غير واحد، زوج ولا تلت ملاير عيباد،
-
2:13 - 2:16و رانا عارفين باللي راهوم كاينين سبع ملاير عيباد ف العالم،
-
2:16 - 2:19منها نفهمو ب اللي كاين تانيك مليار، زوج، تلاتة ولا ربع ملاير عيباد
-
2:19 - 2:22عايشين بين الفقر و خط السما.
-
2:22 - 2:25عندهوم الضو،
-
2:25 - 2:28بصح السوال هو: شحال هوما اللي عندهوم ماشينة الغسيل؟
-
2:28 - 2:31راني سْتَخْبَرْت و دديت الطالع نتاع السوق،
-
2:31 - 2:33و لقيت، صح، ب اللي
-
2:33 - 2:36الماشينة نتاع الغسيل راهي كاينة تحت خط السما،
-
2:36 - 2:39و ضروك، راهو كاين مليار بنادم واحدوخرين تماتيك
-
2:39 - 2:42عايشين تحت "خط الغسيل".
-
2:42 - 2:44(ضحك)
-
2:44 - 2:48و راهوم يصرفو كتر من 40 دولار ف اليوم.
-
2:48 - 2:51أمالا، راهوم كاين زوج ملاير بنادم عندهوم ماشينات الغسيل.
-
2:51 - 2:53و الخمس ملاير الباقيين،
-
2:53 - 2:55كيفاش راهوم يغسلو؟
-
2:55 - 2:57ولا، باش هضرتي تكون مفرزة كتر،
-
2:57 - 3:00كيفاش الكوترية نتاع النسا ف العالم راهوم يغسلو القش؟
-
3:00 - 3:04لاخاطرش باين الحال ب اللي غسيل القش راهو تامارة كبيرة ل النسا.
-
3:04 - 3:07يغسلو كيما ن هاك: ب يديهوم.
-
3:07 - 3:11تهمبير كبير و ياخد وقت كبير،
-
3:11 - 3:14لازم عليهوم يديروه ل شحال من ساعة، كل سمانة.
-
3:14 - 3:17و خطرات، لازم عليهوم يجيبو الما من بلايص بعاد
-
3:17 - 3:19باش يديرو غسيل القش ف الدار،
-
3:19 - 3:23ولاّ يتلزم عليهوم يرفدو قش الغسيل لكاش سيالة ميمان بعيدة.
-
3:23 - 3:26و راهوم باغيين ماشينة غسيل.
-
3:26 - 3:29مادابيهوم لوكان ما يضيعوش قوجة وقت من حياتهوم
-
3:29 - 3:31ف هاد التامارة
-
3:31 - 3:33اللي ما تجي معاها غير فايدة قليلة.
-
3:33 - 3:35و ما كاين حتى فرق كبير بين الخاطر نتاعهوم
-
3:35 - 3:37و واش كان ف خاطر حّنّا.
-
3:37 - 3:40شوفو معايا هنايا، هادي شي زوج جيال ف السويد --
-
3:40 - 3:42السقيان نتاع الما من كاش سيالة،
-
3:42 - 3:45التسخان ب نار الحطب و الغسيل ب هاد الصيفة.
-
3:45 - 3:48راهوم باغيين ماشينة الغسيل، ب دات الصيفة، هي هي.
-
3:48 - 3:51بصح كي نحاضر قدام ناس يقراو و مهتمين بالمنعاش،
-
3:51 - 3:55يقولو لي: "للا! مشي ڤاع الناس يقدر يكون عندهوم طونوبيلات و ماشينات الغسيل."
-
3:56 - 3:58كيفاش نخبرو ديك المْرا
-
3:58 - 4:00ب اللي عومّر ما غادي تكسب ماشينة غسيل؟
-
4:00 - 4:02بعدها، سقسيت الطلبة دياولي،
-
4:02 - 4:04سقسيتهوم -- ف هاد زوج عوام التْوالا،
-
4:04 - 4:06"شحال فيكوم اللي ما ستعملوش كاش لوطو؟"
-
4:06 - 4:08وحدين فيهوم رفعو يديهوم مْقَنْعِين
-
4:08 - 4:10وقالو: "أنا ما نستعملش الطونوبيل".
-
4:10 - 4:12تماتيك، حطيت السوال القاصح:
-
4:12 - 4:14"شحال فيكوم
-
4:14 - 4:16اللي يغسل الدجينز و الزاورات نتاوعو ب يديه؟"
-
4:16 - 4:19و هنا، حتى واحد فيهوم ما رفد يدّيه.
-
4:19 - 4:22حتى هادوك اللي يقصحو من جيهة المحامية على المنعاش،
-
4:22 - 4:24يستعملو الماشينة ديال الغسيل.
-
4:24 - 4:28(ضحك)
-
4:28 - 4:30أمالا كيفاش: هادي حاجة يخدم بيها كل واحد فينا
-
4:30 - 4:33و دايرين ب اللي حتى واحد ما ينجم يحبس الخدمة بيها؟ وين فراز الشي هنايا؟
-
4:33 - 4:36متلزم علي ندير تحليل للقضية نتاع الطاقة ف العالم.
-
4:36 - 4:38ها رانا هنا.
-
4:38 - 4:40شوفو هنايا! راكوم تشوفو السبع ملاير عيباد الفوق هنايا:
-
4:40 - 4:42ناس السما، ناس الغسيل،
-
4:42 - 4:45ناس اللامپولة و ناس النار.
-
4:45 - 4:47عفسة كيما هادي
-
4:47 - 4:50هي عْبار نتاع ئينَرجي مجبود من كاش مادة متحجرة نتاع ڤديان --
-
4:50 - 4:52زيت، فحم ولا ڤاز.
-
4:52 - 4:55من هاد الشي راهي جايتنا الكوترية نتاع الضو و الطاقة ف العالم.
-
4:56 - 4:59هادا معناتو 12 عْباَر راهو مستعمل في العالم ب كمالو،
-
4:59 - 5:02و المليار عبد اللي ب خير عليهوم كتر، راهوم يستعملو 6 عْبارات منها.
-
5:02 - 5:05نوص الطاقة يستفاد منها غير 1/7 نتاع السكان ف العالم.
-
5:05 - 5:07و هاد الناس اللي عندهوم ماشينة الغسيل،
-
5:07 - 5:09بصح ما عندهومش دار معمرة ب ماشينات واحدوخرة،
-
5:09 - 5:11يخدمو غير ب زوج عبارات.
-
5:11 - 5:13هاد المجموعة يخدمو ب تلاتة، عبار ل كل واحد.
-
5:13 - 5:15و هوما تانيك عندهوم الضو.
-
5:15 - 5:18و تماك، ما يخدمو ب حتى عبار، بيناتهوم.
-
5:18 - 5:20هادا يعطينا 12 ف المجموعة.
-
5:20 - 5:22المفيد ف ڤاع هاد الشي
-
5:22 - 5:25للناس اللي يقراو و مهتمين بقضية المنعاش -- و عندهوم الحق --
-
5:25 - 5:27يتعلق ب المستقبل.
-
5:27 - 5:30وين راهي ماشية الحالة كيما ن هاك؟ لا كملنا ب دات السيرة،
-
5:30 - 5:33و بلا ما نديرو حتى تحليل متعمق ب البزاف، منا ل 2050،
-
5:33 - 5:36كاين زوج صوالح يقدرو يزيدو ف حاجتنا ل الئينيرجيه.
-
5:36 - 5:38الحاجة اللولة، الناس راهي تزيد كتر.
-
5:38 - 5:40الزاوجة، التطوار نتاع القتيصاد.
-
5:40 - 5:43الزيادة ف السكان غادي تصرا الكوترية ما بين الناس الڤلاليل، هنايا،
-
5:43 - 5:45لاخاطرش تماك وين عندهوم الكوترية نتاع الموت ديال البزوزا
-
5:45 - 5:47و كل مرا عندها شحال من بّز.
-
5:47 - 5:49و مع ڤاع هاد الشي، يزيدو يبانو زوج عفايس،
-
5:49 - 5:51بصح هادا ما يأّتَرْش بزاف ف الطاقة اللي مستعملة.
-
5:51 - 5:54واش غادي يصرا هو تطوار ف القتيصاد.
-
5:54 - 5:56المخير هنايا يوقع في القتيصادات اللي عاد بدات تبان --
-
5:56 - 5:58نعيط ليها: الشرق الجديد --
-
5:58 - 6:00غادي ينقزو فوق خط السما.
-
6:00 - 6:02"ووپ!" هاكا يقولو.
-
6:02 - 6:05و غادي يوليو يبداو يديرو كيما الغرب القديم راهو ديجا داير.
-
6:05 - 6:08و هاد الناس، راهوم باغيين ماشينة الغسيل.
-
6:08 - 6:10راني نخبر فيكوم. راهوم ماشيين لهاد الشي.
-
6:10 - 6:12و غادي يزيدو م الطاقة اللي يخدمو بيها.
-
6:12 - 6:15و نتمناو باللي الناس الزاوالية غادي يوصلهوم النور نتاع الضو.
-
6:15 - 6:17و غادي تولي عندهوم العايلات ب زوج دراري بلا ما الزيادة ف السكان تحبس.
-
6:17 - 6:19بصح الستيهلاك نتاع الطاقة في كمالو
-
6:19 - 6:21غادي يزيد ب 22 عبار.
-
6:21 - 6:24و هاد ال 22 عبار --
-
6:24 - 6:27ما زالو الناس اللي ب خير عليهوم كتر هوما اللي يخدمو ب كوتريتها.
-
6:28 - 6:30أمالا واش من حاجة لازم تَنْدَار؟
-
6:30 - 6:32لاخاطرش الخطر،
-
6:32 - 6:35الحتيمال ف التبدال نتاع المناخ راهو عالي و حقاني.
-
6:35 - 6:37واه، حقاني.
-
6:37 - 6:40باينة ب اللي غادي يتلزم عليهوم يتهلاو كتر ف الطاقة.
-
6:40 - 6:42غادي يتلزم عليهوم يبدلو ف السيرة نتاعهوم.
-
6:42 - 6:44غادي يتلزم عليهوم تانيك يبداو يصنعو طاقة نقية،
-
6:44 - 6:46طاقة نقية كتر و كتر.
-
6:46 - 6:49بصح مادام ما زال ما وصلوش يعدلو ف الستيهلاك نتاع الطاقة عند كل شعبي،
-
6:49 - 6:51يتلزم عليهوم ما يمدو حتى نصيحة ل غيرهوم --
-
6:51 - 6:53وا ش تدير و واش ما تديرش.
-
6:53 - 6:55(تصفاق)
-
6:55 - 6:59هنايا عاد نقدرو نتحصلو على طاقة نقية، وينّما.
-
6:59 - 7:01هادا واش في خاطرنا يصرا.
-
7:01 - 7:04هادا تحدي حقاني ف المستقبل.
-
7:04 - 7:07بصح ننجم نأكد ليكوم ب اللي ديك المرا اللي عايشة ف الفاڢيلا في رييو،
-
7:07 - 7:09راهي باغية ماشينة الغسيل.
-
7:09 - 7:12راهي راضية على الوزيرة نتاع الطاقة ديالها
-
7:12 - 7:14اللي وصلت الضو ل كل واحد --
-
7:14 - 7:17من الكوترية اللي راهي فرحانة بيها، راهي ڢوطات عليها.
-
7:17 - 7:19و راهي ولات ديلما روسيف،
-
7:19 - 7:21الرئيسة اللي ڢوطاو عليها
-
7:21 - 7:23الرئيسة نتاع واحدة من الديموقراطيات الڤاع كبار ف العالم --
-
7:23 - 7:26كانت وزيرة نتاع الطاقة و راهي ولات رئيسة.
-
7:26 - 7:28لا كانت كاينة عندكوم ديموقراطية،
-
7:28 - 7:30الناس راهي تڢوطي على ماشينة الغسيل.
-
7:30 - 7:32هوما يحبوها.
-
7:34 - 7:36و وين راهي العفسة اللي تغوي هنايا؟
-
7:36 - 7:39يمّا فهمتني واش هو اللي يغوي ف هاد الماشينة
-
7:39 - 7:41م النهار اللول، اللول نتاع اللول.
-
7:41 - 7:43قالت لي: "ضروك، هانس،
-
7:43 - 7:45اللي رانا عَمَّرْنا قش الغسيل.
-
7:45 - 7:47الماشينة هي اللي غادي تدير الخدمة.
-
7:47 - 7:49و ضروك، ننجمو نروحو ل المكتبة."
-
7:49 - 7:51هادا هو الشي اللي يغوي:
-
7:51 - 7:53تعمر قش الغسيل
-
7:53 - 7:55و واش هي الفايدة نتاع الماشينة؟
-
7:55 - 7:58يجوك الكتوبا م الماشينات،
-
7:58 - 8:00الكتوبا نتاع البزوز.
-
8:00 - 8:02و يمّا عاد ولا عندها وقت باش تقرا لي.
-
8:02 - 8:04عجبها الحال ب البزاف. عطات لي "الساس" --
-
8:04 - 8:07على بيها بديت الخدمة نتاعي كيما موعليم،
-
8:07 - 8:09كي يمّا شاط عندها الوقت باش تقرا لي.
-
8:09 - 8:11و هي تانيك، شرات كتوبا ل روحها.
-
8:11 - 8:13بدات تتعلم الإنجليزية
-
8:13 - 8:15و تعلمتها ك اللي لوغة برانية.
-
8:15 - 8:17و قرات شحال و شحال من رواية،
-
8:17 - 8:20شحال من رواية، من كل نوع.
-
8:20 - 8:23و الصح الصح، شحال حبينا هاديك الماشينة.
-
8:24 - 8:27و اللي قولناه، أنا و يمّا،
-
8:27 - 8:30"صحيتي يا الصنعة."
-
8:30 - 8:32صحيتي على الحديد.
-
8:32 - 8:34صحيتي على الضو.
-
8:34 - 8:37و صحيتي يا صنعة الكيمياء
-
8:37 - 8:39اللي عطات لينا الوقت باش نقراو الكتوبا."
-
8:39 - 8:41صحيتو ب البزاف.
-
8:41 - 8:54(تصفاق)
- Title:
- حكاية ماشينة الغسيل اللي تغوي
- Speaker:
- هانس روسلينڤ
- Description:
-
واش هي النتيجة الكبيرة نتاع التورة الصناعية؟
يركز هانس روسلينڤ هنايا على ماشينة الغسيل.
ب تصاوير جْدُد مصنوعين من عند Gapminder، يبين لينا روسلينڤ الفايدة التي تجي كي يكون كاين تطوار ف القتيصاد و كي الضو يبدل النهار من الضيقة اللي تكون مع غسيل القش ل نهار نتاع قراية و تفتاح العقل. - Video Language:
- English
- Team:
- closed TED
- Project:
- TEDTalks
- Duration:
- 08:55
Dimitra Papageorgiou approved Algerian Arabic subtitles for The magic washing machine | ||
Ayman Mahmoud accepted Algerian Arabic subtitles for The magic washing machine | ||
Ayman Mahmoud edited Algerian Arabic subtitles for The magic washing machine | ||
Ayman Mahmoud edited Algerian Arabic subtitles for The magic washing machine | ||
Ḥafiḍ BENḤAḌRIYA edited Algerian Arabic subtitles for The magic washing machine | ||
Ḥafiḍ BENḤAḌRIYA edited Algerian Arabic subtitles for The magic washing machine | ||
Ḥafiḍ BENḤAḌRIYA edited Algerian Arabic subtitles for The magic washing machine | ||
Ḥafiḍ BENḤAḌRIYA edited Algerian Arabic subtitles for The magic washing machine |