Galician subtitles

← Homeopatía, curandeirismo e estafa

Get Embed Code
39 Languages

Showing Revision 31 created 05/16/2019 by Xusto Rodriguez.

  1. Bo día.
  2. Estou encantado de ver
    tanta xente boa aquí
  3. cun sorriso na cara.
  4. Teño unha formación, unha actitude
    e un enfoque moi característico
  5. con respecto ao mundo real
  6. porque son ilusionista.
  7. Prefiro este termo
    no canto do de mago,
  8. porque de selo, iso significaría
  9. que uso conxuros e feitizos
  10. e acenos estraños
  11. co obxectivo de lograr
    maxia de verdade.
  12. Eu non fago iso,
    son ilusionista
  13. unha persoa que simula ser
  14. un mago de verdade.
  15. Entón, como imos abordar este tema?
  16. Dependemos de que vós,
    o público
  17. vai facer presuposicións.
  18. Por exemplo, cando cheguei aquí
  19. e collín o micrófono do estrado
  20. e o acendín
  21. supuxestes que isto era un micro
  22. pero non o é.
  23. De feito, isto é algo
  24. co que a metade de vós
    non está familiarizado.
  25. É unha recortadora
    para a barba, vedes?
  26. E é un micrófono pésimo,
  27. xa o probei moitas veces.
  28. A outra cousa que supuxestes...
  29. E esta é unha lección para amosarvos
  30. que facedes presuposicións.
  31. Non só é que podedes,
    senón que o facedes
  32. se se vos presentan ben.
  33. Pensades que vos estou mirando.
  34. Non. Non vou estou mirando.
    Non podo vervos.
  35. Sei que estades aí, dixéronmo,
    está cheo.
  36. Sei que estades aí porque vos escoito
  37. pero non podo vervos
    porque uso lentes.
  38. Isto non son lentes,
    é unha montura baleira.
  39. Unha montura baleira.
  40. Ben, por que se presentaría
    ante vós un home adulto
  41. cunhas lentes sen cristais?
  42. Para enganarvos,
    donas e cabaleiros,
  43. para confundirvos e
    ensinarvos que vós tamén
  44. presupoñedes cousas,
    nunca vos esquezades.
  45. Primeiro teño que pór
    unhas lentes reais para vervos.
  46. A verdade sería un detalle. Non sei.
  47. Non é un gran detalle tampouco.
  48. Teño que facer algo
    que é un pouco estraño para un mago.
  49. Vou tomar uns medicamentos.
  50. Isto é
    un bote enteiro de Calms Forte.
  51. Explicareino nun intre.
  52. Non lle fagades caso ás instrucións;
  53. iso é o que o goberno pon aí
  54. para confundirvos,
    estou seguro.
  55. Tomarei abondas.
  56. Vou tomar todo o bote, de feito.
  57. 32 comprimidos de Calms Forte.
  58. Agora que xa o fixen
    (e que explicarei logo)
  59. teño que dicirvos que
  60. son actor.
  61. Son un actor que ten
    un papel en específico.
  62. O meu papel é
    o de mago
  63. Se queredes,
    un mago dos de verdade.
  64. Se alguén se presenta
    neste escenario diante de min
  65. e afirma que
  66. é un antigo príncipe de Dinamarca
    chamado Hamlet
  67. sentiriádesvos insultados,
    e con razón.
  68. Por que alguén pensaría que
    que creriades tal barbaridade?
  69. Pero hai moita xente aí fóra
  70. unha morea de xente
  71. que vos dirá que teñen
    poderes psíquicos e máxicos.
  72. Que poden predicir o futuro
  73. e que poden
    contactar cos mortos.
  74. Tamén din
  75. que vos venderán astroloxía
  76. e outros métodos de adiviñación.
  77. Venderánvolos de boa gana.
  78. E tamén din
  79. que poden darvos aparellos
    de movemento perpetuo
  80. e xeradores de enerxía gratis.
  81. Afirman ser médiums
  82. ou sensitivos, o que poidan.
  83. Pero o que está sendo
    moi importante agora
  84. é o negocio de
  85. falar cos mortos.
  86. Agora ben, para a miña mente inocente
  87. a morte implica
  88. incapacidade para comunicarse.
  89. Igual estades de acordo comigo nisto.
  90. Pero esta xente intentará dicirvos que
  91. non só se poden comunicar cos mortos
  92. "Ei, que tal"
  93. senón que tamén os poden escoitar
  94. e que lle poden transmitir
    esta información aos vivos.
  95. Será certo? Non o creo,
  96. porque esta subcultura
  97. usa os mesmos trucos que
    usamos os magos
  98. –os mesmiños–
  99. os mesmos métodos físicos
    e psicolóxicos.
  100. Enganan profundamente
    a millóns de persoas no mundo
  101. para a súa desgraza.
  102. Enganan a esta xente,
  103. fanlle gastar moitos cartos
  104. e provócanlle moita angustia emocional.
  105. Gástanse miles de millóns de dólares
  106. cada ano, en todo o mundo
  107. nestes falabaratos.
  108. Ben, hai dúas preguntas
    que me gustaría facerlles
  109. de ter a oportunidade de facelo.
  110. Primeira: quero preguntarlles
    se poden chamar...
  111. porque os escoitan a través dos oídos.
  112. Oen os espíritos así.
  113. Voulles pedir que contacten
    co fantasma da miña avoa
  114. porque cando morreu,
    era ela quen tiña o testamento
  115. e agachouno nalgún lado.
    Non sabemos onde está
  116. así que preguntámoslle:
    "onde está, avoíña?"
  117. E que dixo a avoíña?
    Dixo: "estou no ceo e isto é marabilloso.
  118. Estou aquí cos meus amigos,
  119. a miña familia
  120. e todos os cadeliños e gatiños
    que tiven cando era unha cativa.
  121. Quérovos, e estarei sempre convosco.
  122. Adeus."
  123. E non respondeu o demo de pregunta!
  124. Onde está o testamento?
  125. Porque tamén podería dicir:
  126. "No segundo estante,
    detrás da enciclopedia"
  127. Pero iso non nolo dixo, non.
  128. Non nos dou
    ningunha información relevante.
  129. Pagamos moitos cartos por esa información
  130. e non a demos conseguido.
  131. A segunda pregunta que lles faría
    é bastante simple.
  132. Supoñamos que lles pido que contacten
  133. co espírito do meu sogro falecido,
    por exemplo.
  134. Por que insisten en dicirche...
  135. (lembra, fálanlle ao oído)
  136. Por que din:
    "O meu nome empeza por J ou M?"
  137. Estamos xogando ás adiviñas?
  138. O gato e o rato? Que é?
  139. Son 20 preguntas?
    Non, máis ben 120.
  140. Pero é cruel, desapiadado
  141. totalmente de mala fe
  142. (Estou ben, quedade nos asentos)
  143. ao que xogan estas persoas.
  144. Aprovéitanse dos inocentes,
    dos inxenuos
  145. dos que sofren,
    das persoas necesitadas.
  146. Este é un proceso
    que se chama lectura en frío.
  147. Hai un tipo que se chama
    Van Praagh.
  148. É unha das eminencias
    desta trapallada.
  149. John Edward, Sylvia Browne
  150. e Rosemary Altea son outros artistas.
  151. Hai centos deles no mundo,
    pero neste país
  152. James Van Praagh é moi famoso.
  153. E que fai? Gústalle contarche
  154. como faleceron os mortos.
  155. (a xente que lle fala ao oído, vedes?)
  156. Pois o que di, normalmente, é así:
  157. "Ante de morrer, díxome
  158. que lle custaba respirar".
  159. Home, iso é o que vén sendo morrer!
  160. Paras de respirar e logo morres.
  161. Así de fácil.
  162. E ese é o tipo de información
    que che van dar?
  163. Non o creo.
  164. Esta xente vai adiviñando,
    din cousas como:
  165. "Por que me chega esta electricidade?"
  166. E dinme: "Electricidade".
  167. "Era electricista?"
    -Non.
  168. "Tiña unha afeitadora eléctrica?"
    -Non.
  169. Era un xogo de adiviñar, coma este.
  170. E así saen do paso.
  171. A xente pregúntanos moito
    na Fundación James Randi
  172. chámanme e dinme:
    "por que estás tan preocupado?
  173. Non é divertido?".
  174. Non, non é. É unha farsa cruel.
  175. Pode que che dea un pouco de consolo
  176. pero ese consolo dura uns 20 minutos.
  177. Despois esa xente mírase no espello e di:
  178. Paguei moitos cartos por ese contacto.
  179. E que me dixo? "Quérote!"
  180. Sempre din iso.
  181. Non lles dan nada de información
  182. non obteñen nada polo que gastan.
  183. Sylvia Browne é a máis viva.
  184. Chamámoslle "a gadoupas"
  185. Sylvia Browne -grazas-
  186. Sylvia Browne é a máis viva
  187. agora mesmo neste negocio.
  188. Ben, Sylvia Brown (só para ensinárvolo)
  189. cobra 700 dólares
  190. por un contacto a través do teléfono
    de 20 minutos.
  191. Nin sequera vai alí en persoa
  192. e tes que esperar ata dous anos
  193. porque xa ten reservas
    para todo ese tempo.
  194. Pagas con tarxeta de crédito
    ou o que sexa
  195. e despois chámate
    nalgún momento dos dous anos seguintes.
  196. Sabes que é ela.
    "Boas, son Sylvia Browne".
  197. É ela, non hai fallo.
  198. Montel Williams é un home intelixente.
  199. Vémolo na televisión.
  200. Está formado, é listo
  201. sabe o que fai Sylvia Browne
  202. pero impórtalle un rabo de can.
  203. Tanto lle dá coma tanto lle ten.
  204. Ao cabo e ao remate,
    aos patrocinadores gústalles
  205. e vana expoñer seguido
    na publicidade.
  206. Que che dá Sylvia Browne por 700 dólares?
  207. Dáche os nomes dos teus anxos da garda.
  208. E que sen iso, como se pode vivir?
  209. Diche os nomes das túas vidas pasadas
  210. e quen fuches noutra vida.
  211. Boh.
  212. Resulta que todas as mulleres
  213. ás que lles fai un contacto
  214. eran todas princesas babilonias, ou así
  215. e os homes eran guerreiros gregos
    que loitaban con Agamenón.
  216. Nunca se fala
  217. da pequena limpadora de botas
    de Londres
  218. que morreu de tise.
  219. Non paga a pena recordala.
  220. E o raro disto...
    non sei se vos decatastes.
  221. Vedes estes tipos na televisión
  222. e nunca chaman a ninguén do inferno.
  223. Todos volven do ceo,
    ninguén do inferno.
  224. Se chamaran a algún dos meus amigos
  225. que non o van facer...
    Xa se imaxinan.
  226. Sylvia Browne é una excepción,
  227. unha excepción só nun sentido.
  228. Na miña fundación
  229. ofrecemos 1 millón de dólares
    en obrigas negociables.
  230. Doadísimo de gañar.
  231. Só tes que demostrar
    un suceso paranormal,
  232. de ocultismo ou sobrenatural
    de calquera clase
  233. en condicións de observación adecuadas.
  234. Doadísimo, gaña o millón de dólares.
  235. Sylvia Browne é unha excepción
  236. porque é a única médium profesional
    en todo o mundo
  237. que aceptou o noso reto.
  238. Fíxoo nun programa da CNN
  239. hai seis anos e medio.
  240. E aínda non temos noticias dela.
    Cousa rara.
  241. Primeiro dixo iso e logo
    que non sabía como contactar comigo.
  242. Boh.
  243. Unha médium profesional
    que fala cos mortos
  244. e non dá contactado comigo?
  245. Estou vivo, como podedes comprobar.
  246. Ben, bastante ben igualmente.
  247. Non podía contactar comigo,
    pero agora di que non quere
  248. porque son un impío.
  249. Con máis razón quererías gañarme
    o millón de dólares
  250. non cres, Sylvia?
  251. Hai que parar a esta xente,
    agora en serio.
  252. Hai que paralos porque é
    unha farsa cruel.
  253. Chega xente á Fundación seguido.
  254. Arruinados emocional e economicamente
  255. porque puxeron todos os seus cartos
    e fe nesa xente.
  256. Tomei unhas pastillas ao principio
  257. e agora téñovolo que explicar.
  258. A homeopatía, que vén sendo isto.
  259. Algo escoitastes, supoño.
  260. É unha forma alternativa de curación, non?
  261. A homeopatía consiste...
    É isto.
  262. Isto é Calms Forte.
  263. 32 pastillas para durmir!
    Esquecérame de dicírvolo.
  264. Acabo de inxerir
  265. 6 días e medio de pastillas para durmir.
  266. 6 días e medio é unha dose letal,
    sen dúbida.
  267. Aquí detrás pon:
    "En caso de sobredose
  268. chame inmediatamente ao
    centro de toxicoloxía"
  269. e pon un número gratuíto.
  270. Tranquilos, non vos preocupedes.
  271. Non fai falla,
  272. levo facendo este truco
  273. para o público en todo o mundo
  274. durante os últimos 8 ou 10 anos.
  275. Tomei moitas doses letais de
    pastillas para durmir homeopáticas.
  276. E por que non me afectan?
  277. A resposta igual vos sorprende.
  278. Que é a homeopatía?
  279. Pois é tomar unha menciña
    que funciona de verdade
  280. e diluíla
    moito máis do límite de Avogadro.
  281. Diluíla ata o punto no que
  282. xa non queda nada.
  283. Isto non é só unha metáfora,
    é certo o que vos digo.
  284. Isto é exactamente igual ca coller
  285. unha aspirina de 325 miligramos
  286. guindala no medio do lago Tahoe
  287. e despois remexela,
    obviamente cun pau ben gordo
  288. e esperar uns dous anos
  289. ata que a solución sexa homoxénea.
  290. Despois, cando che doia a cabeza
  291. bebes un grolo desta auga e,
    voilà! xa non che doe!
  292. Isto é o que vén sendo a homeopatía.
  293. E outra das cousas que din,
    esta vaivos gustar moito
  294. é que canto máis dilúes unha menciña
  295. máis potente é.
  296. Esperade, oín falar dun tipo de Florida.
  297. O pobre estaba a tomar
    una menciña homeopática.
  298. Morreu de sobredose.
  299. Esqueceuse de tomar a súa menciña.
  300. Pensádeo, pensádeo.
  301. É ridículo. Totalmente ridículo.
  302. Non sei que facemos
  303. crendo nestas parvadas tanto tempo.
  304. Deixádeme que vos diga
  305. que a Fundación Educativa James Randi
  306. está ofrecendo un gran premio.
  307. Tamén teño que dicir que
  308. que ninguén acepte a oferta
  309. non significa que
    eses poderes non existan.
  310. Igual si, por algún lado.
  311. Igual esas persoas
    non precisan os cartos.
  312. Por exemplo, con Sylvia Browne
    eu pensaríao.
  313. 700 dólares por
    un contacto telefónico de 20 minutos
  314. Cobra máis que un avogado!
  315. É unha cantidade incrible de cartos.
  316. Pode que esa xente non precise
    un millón de dólares
  317. pero non pensades que
    lles gustaría gañarnos
  318. só por deixarme de parvo?
  319. Por desfacerse deste impío
  320. do que Sylvia Browne fala seguido?
  321. Creo que hai que facer algo en serio.
  322. Gustaríame escoitar
    algunha das vosas propostas
  323. para contactar
    coas autoridades federais, estatais
  324. e locais
  325. para que fagan algo ao respecto.
  326. Se sabedes como...
    Si, xa sei
  327. vemos xente,
    aínda hoxe en día, que nos fala
  328. da epidemia da SIDA,
  329. de nenos morrendo de fame
    no mundo,
  330. de xente que ten que sufrir
    a falla de auga potable.
  331. Esas cuestións son moi importantes,
  332. cruciais, incluso.
  333. Temos que facer algo para resolvelas.
  334. Pero ao mesmo tempo
  335. como dixo Arthur C. Clarke:
  336. A podremia da mente humana
  337. o negocio de crer
    no paranormal e no oculto
  338. e o sobrenatural...
  339. En todas estas trapalladas,
  340. este pensamento medieval...
  341. Hai que facer algo
  342. e a solución reside na educación.
  343. En gran parte, os medios de comunicación
  344. teñen a culpa de todo isto.
  345. Fomentan descaradamente
  346. todo tipo de trapalladas destas
  347. porque aos patrocinadores gústanlle
  348. polo pan baila o can.
    O carto.
  349. Niso se fixan.
  350. Temos que facer algo de verdade.
  351. Estou disposto a escoitar
    as vosas propostas
  352. e tamén quero que entredes na nosa web
  353. É www.randi.org
  354. Entrade e mirade os arquivos
  355. e comezaredes a entender moito máis
  356. sobre o que vos contei hoxe aquí.
  357. Veredes todos os documentos que temos.
  358. Non hai nada como sentarte nesa biblioteca
  359. e ver a historia dunha familia
  360. cuxa nai regalou
    todos os aforros que tiñan.
  361. Regalou os CD,
  362. as accións, os certificados de valores.
  363. É triste escoitalo
  364. e non lles axudou nadiña.
  365. Non solucionou ningún dos seus problemas.
  366. Pode que a mente estadounidense
    podreza
  367. e tamén a de todo o mundo
  368. se non comezamos a ser sensatos
    con estes temas.
  369. Ofrecemos este premio
  370. e como digo, poñémolo en bandexa.
  371. Estamos esperando
    a que veñan médiums e nolo quiten.
  372. Veñen unha morea deles
  373. centos de persoas por ano.
  374. Falabaratos e outras persoas
  375. que pensan que poden falar cos mortos
  376. pero son principiantes;
    non saben como avaliar
  377. os seus supostos poderes.
  378. Os profesionais non adoitan vir onda nós
  379. coa excepción de Sylvia Browne
  380. da que vos falei hai un chisco.
  381. Aceptou e logo botouse atrás.
  382. Donas e cabaleiros,
  383. son James Randi
  384. e estou agardando.
  385. Grazas.