Filozofia ime për një jetë të lumtur | Sam Berns | TEDxMidAtlantic

Sami ishte diagnostifikuar me Progeria, një sëmundje e rrallë me rritje të shpejtë që e bën të duket më i moshuar, në moshën 2-vjeqare. Në këtë fjalim inspirues, ai e ndan filozofinë e tij për një jetë më të lumtur.

Përshendetje të gjithëve.

Unë jam Sami

dhe sapo i mbusha 17 vjec.

Ca vjet me pare, para vitit të parë
të shkollës së mesme

doja të ekzekutoja daullen
në marshin e shkollës së mesme Foxboro

dhe kjo ishte një ëndërr
që thjesht duhej ta realizoja.

Por secila daulle dhe rripat e saj

peshonin rreth 18 kg secila,

dhe unë kam një sëmundje
të quajtur Progeria.

Vetëm për t'iu dhënë një ide,
unë peshoj vetëm 22 kg.

Pra logjikisht nuk mund të mbaja një
daulle të një madhësie të rregullt,

dhe për shkak të kësaj drejtuesi i bandës
më caktoi të luaja

ksilofonin gjatë pushimit të spektaklit.

Tani, pjesa per ksilofon ishte argëtuese.

Ajo përfshinte disa instrumente ndihmëse,

si bongo, timpanin,

dhe timbalenë dhe zilen.

Kështu që ishte argëtuese,

por nuk mund te marshoje,
dhe isha zemërthyer.

Megjithatë, asgjë nuk do më ndalte mua

për të luajtur daullen me bandën marshuese

në intervalin e spektaklit.

Kështu, familja ime dhe unë punuam me
një ingjinier për të dizajnuar

një daulle

e cila peshonte më pak
dhe më e lehtë për mua t'a mbaja.

Kështu pas një pune të palodhshme, ne bëmë

një daulle që peshon vetëm rreth 3kg.

(Duartrokitje)

Dua të i'u jap më shumë informacione
mbi Progerian.

Ate e kane vetëm rreth 350 fëmijë sot,
në mbarë botën.

Eshtë shume e rrallë,

dhe efektet e Progerias përfshijnë:

lëkurë të tendosur, mosshtim në peshë,
rritje të ngadalshme,

dhe sëmundje të zemrës.

Vitin e kaluar mamaja ime
dhe ekipi i saj i shkencëtarëve

publikuan studimin e parë të suksesshëm
të trajtimit të Progerias,

dhe për shkak të kësaj,
u intervistova nga NPR,

dhe John Hamilton më bëri pyetjen:

"Cila është gjëja më e rëndësishme

që njerëzit duhet të dinë për ty?"

Përgjigja ime ishte thjesht që

unë kam një jetë shumë të lumtur.

(Duartrokitje)

Ndonëse ka shumë vështirësi
në jetën time,

shumica prej të cilave janë krijuar
nga Progeria,

unë nuk dua që njerëzit të ndjejnë
keqardhje për mua.

Unë nuk mendoj për këto vështirësi
gjatë gjithë kohës,

dhe jam në gjendje t'i tejkaloj shumicën
prej tyre gjithsesi.

Kështu, unë jam këtu sot, për të ndarë me
ju filozofinë time për një jetë të lumtur.

Për mua janë tri aspekte
të kësaj filozofie.

Ja një citat nga i famshmi Ferris Bueller.

Aspekti i parë i filozofisë sime është që

unë pajtohem në fund të fundit
me ato që nuk mund të bëj,

sepse ka aq shumë që mund të bëj.

Njerëzit nganjëherë më bëjnë pyetje si,

"A nuk është e vështirë të jetosh me
Progeria?" ose

"Me cfarë sfida të përditshme të
Progerias përballesh?"

Dhe unë dua të them që,
edhe pse e kam Progeria,

shumica e kohës sime shpenzohet
duke menduar për gjërat

që nuk kanë fare të bëjnë me Progerian.

Tani kjo nuk do të thotë që injoroj
aspektet negative të këtyre vështirësive.

Kur nuk mund të bëj diçka si

vrapim në distancë të gjatë,
ose të shkoj në një tren të frikshëm,

e di se çfarë mundësish po humb.

Por në vend të kësaj, zgjedh të fokusohem
në ato aktivitete

të cilat mund t'i bëj përmes gjërave që
jam i apasionuar,

si hulumtimet, ose muzika, ose
librat komike,

ose një nga ekipet e sportit të Bostonit.

Mirë, kështu --
(Të qeshura)

Megjithatë, nganjëherë më duhet të gjej
një rrugë ndryshe për të bërë dicka

duke bërë përshtatshmëri,

dhe dua t'i vendos këto gjëra në
kategorinë e "mund t'i bëj"

Pak a shume si ajo që patë
me daullen më parë.

Ja ku është një klip

me mua ku luaj Spider-manin

me bandën marshuese të shkollës së
mesme Foxboro

në pushimin e ndeshjes disa vite më parë.

(Video)

♫ Kënga e Spider-Manit ♫

(Duartrokitje)

Ju falemnderit.

Në rregull, në rregull pra --

Kjo ishte shumë qef,

dhe unë isha në gjendje
të realizoja ëndërrën time

për të luajtur daullen me
bandën marshuese,

njejtë siç besoj që mund t'i realizoj
gjithë ëndërrat tjera.

Pra shpresoj që ju t'i realizoni
ëndërrat tuaja me të njejtin këndvështrim.

Aspekti tjetër i filozofisë sime është

që rrethohem me njerëzit që dua,

njerëz të kualitetit të lartë.

Unë jam jashtëzakonisht me fat
që kam një familje të mrekullueshme,

që gjithmonë më ka mbështetur
gjatë gjithë jetës sime.

Dhe gjithashtu jam me fat që kam

një grup të afërt të shokëve në shkollë.

Tani, ne jemi pak budallenj,
shumica jemi të dhënë pas bandës,

por ne shijojmë shoqërinë e njëri-tjetrit,

dhe ndihmojmë njëri tjetrin kur ka nevojë.

Ne e shikojmë njëri tjetrin
për atë ne jemi në brendësi.

Ja ku jemi këtu duke u sjellë
paksa si budallenj.

Tani jemi në vitin e tretë
të shkollës së mesme,

dhe tani mundemi t'i udhëheqim
anëtarët e ri të bandës,

si një kolektiv i përbashkët.

Ajo cka më pëlqen në të ndenjurit
në një grup si ai me bandën,

është ajo se muzika që ne bëjmë së bashku,

është e vërtetë, e sinqertë,
dhe ia zë vendin Progerias.

Kështu që nuk më duhet të preokupohem

kur ndjehem shumë mirë
rreth të bërit muzikë.

Por edhe pasi që kam bërë
një dokumentar,

duke dale ne televizion disa herë,

unë ndjehem në pikën time më të lartë

kur jam me njerëzit që më rrethojnë
mua çdo ditë.

Ata më sigurojnë influencë positive
në jetën time,

ashtu siç shpresoj që edhe unë
i jap influencë positive gjithashtu.

(Duartrokitje)

Ju falemnderit.

Pra krejt çka dua të them,

është që shpresoj që të vlerësoni
dhe dashuroni familjen tuaj,

dashuroni shokët tuaj,
për ju djemtë, dashuroni vëllezërit

dhe falenderoni këshilluesit tuaj,

dhe komunitetin tuaj,

sepse ata janë vërtetë një aspekt
i rëndësishëm i përditshmërisë,

ata mund të kenë impakt pozitiv
shumë të madh.

Aspekti i tretë i filozofisë është,

Vazhdoni të ecni përpara.

Ja një citim nga një njeri që ju e njihni,
që quhet Walt Disney,

dhe është ndër citimet e preferuarara.

Unë gjithmonë përpiqem të kem diçka që
të shoh përpara.

diçka që më sfidon që të
më pasurojë jetën.

Nuk është e thënë të jetë e madhe.

Mund të jetë çfarëdo gjëje nga

të presësh me entuziazëm
librin e ri komik që të dalë,

ose të shkosh në për pushime me familjen

ose të dalësh me shokët,

të shkosh në lojën e ardhshme
të futbollit të shkollës së mesme.

Megjithatë, të gjithë këto gjëra
më mbajnë të fokusuar,

dhe e di që është një e ardhshme e
ndritshme përpara,

që mund të më ndihmojë t'i tejkaloj
vështirësitë që mund t'i kem.

Tani ky mentalitet përfshin qëndrimin
e mendjes në pritshmëri të së ardhmes.

Unë mundohem shumë që të mos shpenzoj
energji duke u ndjerë keq me veten,

sepse kur ndjehem i tillë,
mbërthehem në një paradoks,

ku nuk ka vend për lumturi
ose ndonjë emocion tjetër.

Tani, nuk është që e injoroj situatën
kur unë ndjehem keq.

deri diku unë e pranoj atë,

unë e lejoj atë brenda,
që të mund ta pranoj atë,

dhe të bëj atë që duhet të bëj
ta tejkaloj atë.

Kur isha me i ri,
doja të bëhesha inxhinier.

Doja të bëhesha një shpikës,

që do të nxiste botën në një të
ardhme më të mirë.

Ndoshta kjo erdhi nga dashuria ime
ndaj Lego,

dhe nga liria e të shprehurit që ndjeva

kur ndërtoja me to.

Kjo dëshirë gjithashtu erdhi nga familja
dhe këshilluesit e mi,

që gjithmonë më bëjnë të ndihem i
përmbushur dhe mirë me veten.

Tani ambicjet e mija kanë ndryshuar paksa,

do dëshiroja të studioja
fushën e Biologjisë,

ndoshta biologjinë e qelizave,
ose gjenetikën,

ose biokiminë, ose në të vërtetë gjithçka.

Ky është një mik i imi,
me të cilin shoqërohem,

Francis Collins, direktori i NIH,

dhe ketu jemi ne në TEDMED
vitin e kaluar, duke biseduar.

Ndjej se çfarëdo që zgjedh të bëhem,

unë besoj që mund të ndryshoj botën.

Dhe gjersa përpiqem të ndryshoj botën,
unë do të jem i lumtur.

Para rreth katër viteve,

HBO bëri një film dokumentar

për familjen time dhe për mua
që quhet "Jeta sipas Samit".

Ajo ishte një eksperiencë mjaft e mirë.
por gjithashtu ishte para katër viteve.

Dhe si çdo njeri, këndvështrimet e mia
në shumë gjëra kanë ndryshuar,

dhe shpresimisht janë zhvilluar,
si potenciali im për karrierë.

Megjithatë, disa gjëra kanë qëndruar
njejtë siç kanë qenë.

Si përshembull mentaliteti,
dhe filozofia kundrejt jetës.

Kështu që do doja t'ju tregoja

një klip nga vetja ime më e re nga filmi,

që ndjej se e shpreh atë filozofi.

(Video)

Tani di më shumë rreth saj
nga pikepamja gjenetike.

Kështu që është më pak
se një shprehje tani.

Dikur ishte si

ajo gjëja që më pengonte mua për
t'i bërë ato veprime,

që shkaktojë vdekjen e fëmijëve të tjerë,

që i shkakton të gjithë të stresohen,

dhe tani është një proteinë
që është abnormale,

që dobëson strukturën e qelizave.

Pra,

më ka hequr barrën sepse tani

Nuk më duhet të mendoj për

Progerian si një qenie.

Në rregull, mjaft mirë, apo jo?

(Duartrokitje)

Falemnderit.

Pra, siç mund t'a shihni unë kam menduar
kështu për shumë vite.

Por asnjëherë nuk më ishte dhënë rasti
të aplikoja këto aspekte të filozofisë

në realitet ndonjëherë,
deri në Janarin e fundit.

Unë isha shumë i sëmurë, kisha ftohje
në gjoks dhe isha në spital për katër ditë

dhe isha i izoluar nga të gjitha aspektet
e jetës që unë ndjehesha

që më bënin mua, ai që isha,

të cilat njëfarë mënyre më jepnin
identitet.

Por duke e ditur që do të bëhesha më mirë,

dhe duke pritur kohën kur unë
do të ndihesha më mirë përsëri,

më ndihmuan që të vazhdoj përpara.

Dhe ndonjëherë më duhej
të isha i guximshëm,

dhe nuk ishte gjithmonë e lehtë.

Nganjëherë dobësohesha,

kisha ditë të këqija,

por e kuptova që të jesh i guximshëm
nuk do të thotë që të jetë e lehtë.

Dhe për mua, ndjej që është çelësi
për të vazhduar përpara.

Pra, para se gjithash,

unë nuk harxhoj energji duke u ndjerë
keq për veten time.

Unë e rrethoj veten me njerëzit
me të cilët dua të jem,

dhe vazhdoj shikoj përpara.

Pra me këtë filozofi,
shpresoj që të gjithë ju,

pavarësisht vështirësive,

mund të keni një jetë të lumtur gjithashtu

Oh, vetëm një sekonde,

edhe një copëz këshille ---

(Të qeshura)

Asnjëherë mos mungoni në ndonjë
mbrëmje nëse mundeni.

Mbrëmja e fillimit të shkollës
sime është të nesër

dhe unë do të jem atje.

Ju falemnderit shumë.

(Duartrokitje)