Belarusian subtitles

← Як быць бязбоязнымі перад аўтарытарызмам

Get Embed Code
44 Languages

Showing Revision 7 created 11/15/2020 by Hanna Baradzina.

  1. 12 жніўня 2020 года
  2. дзве групы дзяўчат выйшлі
    на акцыю пратэсту ў Мінску,
  3. сталіцы Беларусі.
  4. Яны апрануліся ў белае
  5. і басанож пайшлі гуляць па вуліцах.
  6. Зранку
  7. некаторыя пайшлі
    на Камароўскі рынак у цэнтры горада.
  8. Пазней у той жа дзень
  9. iншая група сабралася з кветкамі
  10. ля Вечнага агню пад помнікам Перамогі.
  11. Дзяўчаты стаялі разам,
    трымаючыся за рукі,
  12. і спявалі беларускую калыханку
  13. ў чаканні прыезду мiліцэйскіх машын.
  14. Яны ведалі, што мiліцыя забярэ іх,
    як ёсць:
  15. басанож і з кветкамі ў руках,
  16. што іх адвязуць у аддзяленне міліцыі,
  17. паб'юць і паспрабуюць прынізіць.
  18. Але жанчыны ўсё роўна стаялі і спявалі.
  19. У гэтым годзе нешта змянілася ў Беларусі,
  20. краіне з больш чым дзевяццю
    мільёнамі чалавек,

  21. якой з 1994 года кіруе аўтарытарны лідар.
  22. Гэтыя маладыя жанчыны пратэставалі супраць
    сфальсіфікаваных вынікаў апошніх выбараў,
  23. якія прайшлі некалькімі днямі раней.
  24. Іх невялікія акцыі пратэсту
    вельмі хутка перараслі
  25. ў масавыя мiрныя жаночыя дэманстрацыі
  26. па ўсёй краіне.
  27. А ўсяго праз некалькі дзён
  28. сотнi тысяч чалавек выйшлi на вуліцы,

  29. і з таго часу
    дэманстрацыі працягваюцца ў маштабах,
  30. якіх Беларусь яшчэ не бачыла.
  31. І гэта нягледзячы на тое,
  32. што прэзідэнт сам сябе
    абвясціў пераабраным,
  33. на тое, што больш за 10 000 чалавек
    былі затрыманыя,
  34. сотні падвергнуты катаванням
  35. і прынамсі шасцёра забітыя.
  36. Многія людзi задаюцца пытаннем,
    чаму народ Беларусі загаварыў цяпер.
  37. Што прымушае іх
    працягваць выходзіць на вуліцы,

  38. нягледзячы на беспрэцэдэнтны
    гвалт з боку міліцыі,
  39. не зважаючы на беззаконне ў краіне?
  40. Часцей за ўсё я чую адказ,
  41. што людзі сталі бязбоязнымі,
  42. і такімі мы сталі разам.
  43. Таму што страх — гэта надзел аднаго.
  44. Ён падсілкоўваецца адзінотай.

  45. Для яго няма розніцы:
  46. мужчыны, жанчыны, дзеці, сталыя —
  47. усе мы можам адчуваць страх,
  48. але толькі да таго часу,
    пакуль кожны сам па сабе.
  49. Бясстрашнасць патрабуе дваіх.
  50. Яна працуе толькі тады,
    калі адзін — за ўсіх, а ўсе — за аднаго.
  51. Пакажыце прыклад, каб вашыя суседзі,
  52. калегі, сябры таксама не баяліся.
  53. І яны зробяць тое самае дзеля вас.
  54. Шмат чаго было зроблена тым, якую ролю
    я заняла на прэзідэнцкіх выбарах
  55. у жніўні 2020 года.

  56. Тым, як я вырашыла балатавацца
    замест свайго мужа Сяргея,
  57. калі яго пасадзілі за краты,
  58. і калі стала ясна, што ўлады адмовяць яму
    ў магчымасці ўдзельнічаць у выбарах.
  59. Тым, як я па праву выйграла выбары
  60. і стала абранай лідаркай
    дэмакратычнай Беларусі,
  61. але афіцыйныя вынікі далі
    мне толькі 10 працэнтаў галасоў,
  62. і я была вымушана
    пакінуць краіну з дзецьмі.
  63. Тым, як я працягваю змагацца за тых,
    хто галасаваў за мяне,
  64. і чые галасы рэжым хоча скрасці;
  65. якая я "бязбоязная".
  66. Але было шмат момантаў,
    калі я была напалохана
  67. і хацела адступіць.

  68. Мне пагражалі
  69. i прымушалі думаць,
    што я адна ў гэтай бітве.
  70. І ўсё ж, чым больш гарадоў я наведвала,
  71. чым больш людзей прыходзіла на мітынгі,
  72. тым менш у мяне было страху.
  73. А потым, за некалькі дзён да выбараў,
  74. 60 тысяч чалавек прыйшлі
    ў Мінску, каб выказаць сваю падтрымку,
  75. і я перастала баяцца.
  76. Я ніколі не прагнула гэтага.
  77. Я ніколі асабліва не цікавілася палітыкай,

  78. i ніколі не планавала балатавацца.
  79. Я хацела быць мамай і жонкай.
  80. Але лёсам і воляй майго народа
  81. я была ўзведзена на гэтую пасаду.
  82. І я прымаю яе з пачуццём
    абавязку і гонару.
  83. Я не здамся.
  84. І я буду прыкладам для людзей,
    таму што яны былі прыкаладам для мяне.
  85. Наша мужнасць нараджаецца
    дзякуючы адзінству.
  86. Наша салідарнасць — наша сіла.
  87. Я таксама цяпер разумею,
    што бязбоязнасць — гэта абавязак.
  88. Гэта выбар, які робіш штодня.

  89. Гэта адказнасць, якую ты бярэш —
  90. адказнасць адзін за аднаго.
  91. У гэтым плане я нічым не адрозніваюся
    ад маіх землякоў-беларусаў.
  92. Іх падтрымка адчувальная.
  93. Іх салідарнасць расце ў прагрэсіі.
  94. Калі вас двое —
  95. вы дзёрзкія.
  96. Калі вас 100 — вы адважныя.
  97. Калі вас тысячы —
  98. вы бязбоязныя.
  99. А калі вас дзясяткі тысяч —
  100. вы непераможныя.
  101. Дзякуй.