Si mundet motivimi t'i rregullojë sistemet publike

Si mund t'i rregullosh sistemet publike të prishura? E ndriçoni shpirtin konkurrues të njerëzve. Në një fjalim për t'i motivuar njerëzit që të bëjnë ndryshime, strategu i sektorit publik Abhishek Gopalka tregon se si ka ndihmuar në përmirësimin e sistemit shëndetësor të Rajasthan-it, një vend në Indi me më shumë se 80 milion banorë, duke përdorur fuqinë e transparencës dhe përgjegjësisë publike. "Motivimi nuk shfaqet thjesht ashtu," thotë Gopalka. "Diçka duhet të ndryshojë që të të bëjë të kesh interesim."

Merreni një minutë

dhe mendoni për veten tuaj
si lider i një vendi.

Dhe të themi se një nga prioritetet
e juaja më të mëdha

është t'ju siguroni qytetarëve tuaj
kujdes shëndetësor me kualitet të lartë.

Si do ta bënit këtë?

Do të ndërtonit më shumë spitale?

Do të hapnit më shumë kolegje
të mjekësisë?

Do të investonit për inovacione klinike?

Por çfarë nëse sistemi shëndetsor i vendit
është prishur rrënjësisht?

Edhe nëse është nga mosinteresimi
i mjekut,

mungesa e barërave apo kualiteti i ulët
i kujdesit.

Ku do t'ja fillonit atëherë?

Unë jam konsulent menaxhimi,

dhe për tre vitet e fundit,

kam qenë duke punuar në një projekt

për ta përmirësuar kujdesin e sistemit të
shëndetit publik të Rajasthanit,

një shtet në Indi.

Dhe gjatë rrjedhës së projektit,

ne gjetëm diçka të thellë.

Më shumë mjekë, pajisje më të mira,
inovacion klinik --

të gjitha janë të rëndësishme.

Por, asgjë nuk ndryshon pa një
përbërës kryesor.

Motivimin.

Por motivimi është një gjë e ndërlikuar.

Nëse keni drejtuar një ekip, rritni fëmijë
apo ke provuar ta ndryshosh një gjest,

e dini që motivimi nuk shfaqet
thjesht ashtu.

Diçka duhet të ndryshojë që të të
bëjë të kesh interesim.

Dhe nëse ka diçka për të cilën të gjithë
njerëzit kemi interesim,

është një dëshirë e natyrshme për
të shkëlqyer para të tjerëve.

Pra, kjo është fiks ajo çka kemi bërë.

Ne vendosëm të fokusohemi te qytetarët:

njerëzit që sistemi ka qenë i supozuar
t'ju shërbejë në radhë të parë.

Dhe sot, do të doja t'ju tregoja

si Rajasthani ka transformuar sistemin e
shëndetit publik në mënyre dramatike

duke përdorur qytetarët për ta
aktivizuar motivimin.

Tani, Rajasthani është një nga shtetet
më të mëdha të Indisë,

me popullsi gati 80 milion.

Kjo është më e madhe se Britania e Madhe.

Por, ngjashmëritë përfundojnë këtu.

Në 2016, kur ekipi im është ftuar

të punojë me sistemin e shëndetit publik
të Rajasthanit,

ne e gjetëm atë në gjendje kritike.

Për shembull, shkalla e vdekshmërisë të
të posalindurve --

ky është numri i të posalindurve që vdesin
pa e bërë një muaj --

ishte 10 herë më i lartë se në
Britaninë e Madhe.

Nuk është çudi qe qytetarët po thonin,

"Hej, nuk dua të shkoj në një qendër
shëndetësore publike."

Në Indi, nëse do të shkosh te një mjek,
në një qendër publike,

do të shkoje në "QPSh,"
apo "qendër primare shëndetësore."

Dhe të paktën 40 pacientë pritet të
shkojnë në QPSh brenda dite.

Por në Rajasthan, vetëm një
nga katër QPSh

po i vizitonte minimumi kaq pacientë.

Thënë ndryshe, njerëzit kishin humbur
besimin në sistem.

Kur gjurmuam më thellë,

e kuptuam që mungesa e e mbajtjes së
përgjegjësive ishte themeli i kësaj.

Imagjinoni këtë.

Sudha, që paguhej me pagë ditore,

e kupton që vajza e saj një vjeçare

vuan nga një dizenteri
të pakontrollueshme.

Kështu ajo vendos ta marrë një ditë
pushim.

I bie të humb 350 rupi apo pesë dollar.

Dhe merr vajzën në krah

dhe ecën për pesë kilometra deri te
QPSh shtetërore.

Por mjeku nuk është aty.

Kështu merr edhe ditën tjetër pushim,
përsëri,

dhe kthehet në QPSh.

Këtë herë, mjeku është aty,

por farmacisti i thotë

që barërat falas që i janë shkruar asaj
janë harxhuar,

sepse kanë harruar t'i riporosisin
në kohë.

Dhe tani, ajo vrapon për te qendra private
e mjekësisë,

dhe teksa shkon,

duke shikuar gjendjen e vajzës tek
përkeqsohet për çdo orë,

nuk mundet pa menduar

se a është dashur të shkonte
te qendra private

në radhë të parë

dhe të paguante 350 rupi për konsultim
dhe barëra.

Askush nuk mban përgjegjësi për këtë
dështim të pabesueshëm të sistemit.

Duke i kushtuar kohë, para dhe
dhimbje të zemrës Sudhas.

Dhe kjo është diçka që duhet rregulluar.

Tani, si gjithë konsulentët e mirë,

ne vendosëm që të dhënat e mbledhura
të analizuara

duhet të ishin përgjigjia
e rritjes së përgjegjësisë.

Pra, ne kemi krijuar këto tabela
ekstravagante të performancave

për të na ndihmuar në bërjen e takimeve
shqyrtuese

të departamentit shëndetësor më efektive.

Por asgjë nuk ndryshoi.

Diskutim pas diskutimi,

mbledhje pas mbledhje,

asgjë nuk ndryshoi.

Dhe atë moment më goditi mua.

Shikoni, sistemet publike

gjithmonë kanë qenë të qeverisura
përmes mekanizmave të brendshëm,

si takimet e rishikimeve.

Dhe me kalimin e kohës,

përgjegjësia e tyre ndaj qytetarëve
është dobësuar.

Pra, pse të mos e kthejmë qytetarin
përsëri në ekuacion,

ndoshta duke përdorur premtimet
e qytetarëve?

A nuk mundet kjo ta aktivizojë motivimin?

Ne filluam me atë që mua më pëlqen ta quaj
strategjia e kafenesë.

Ju sigurisht keni parë një shenjë
të tillë në kafene,

që thotë,

"Nëse nuk ju jepet fatura,
kafeja është falas."

Tani, kamarieri nuk ka opsion tjetër

pos të ju jap faturën çdo herë.

Pra, ne e morëm këtë strategji
dhe e aplikuam në Rajasthan.

Ne punuam me qeverinë

në një program për t'i ringjallur
300 QPSh nëpër shtet,

dhe ne i kemi bërë ata t'i ngjyrosin qartë
premtimet e qytetarëve përgjatë murit.

"Ne ju sigurojmë që do të keni një
mjek në çdo kohë."

"Ne ju sigurojmë që do t'i merrni barërat
falas në çdo kohë."

"Ne ju sigurojmë

që ju do të diagnostikoheni falas
në çdo kohë."

Dhe më në fund, ne punuam
me përfaqësuesit e zgjedhur

për të nisur ringjalljen e QPSh-ve,

që i ndanë premtimet e qytetarëve
me komunitetin

me shumë fanfarë.

Tani, premtimi ishte atje i hapur.

Dështimi do të ishte i turpshëm.

Sistemi duhet të fillonte të jepte.

Dhe ata e bënë atë.

Disponueshmëria e mjekëve u rrit,

barërat erdhën në dorë,

dhe si rezultat,

vizitat e pacientëve u rritën për 20
përqind në më pak se një vit.

Sistemi shëndetësor publik
po kthehej në biznes.

Por kishte ende një rrugë të gjatë për
ta bërë.

Ndryshimi nuk është i lehtë.

Një mjek i inatosur njëherë më tha,

"Me të vërtetë dua ta tranformoj
shëndetin e nënave në vendin tim,

por nuk kam mjaftueshëm infermierë."

Tani, burimet si infermierët

kontrollohen nga zyrtarët administrativ

te të cilët mjekët raportohen.

Dhe kur mjekët ishin të motivuar,

zyrtarët administrativ thjesht
nuk ishin mjaftueshëm të motivuar

për t'i ndihmuar mjekët.

Në këtë moment kreu i departamentit
të shëndetësisë

Znj. Veenu Gupta, pati një ide briliante.

Një rangim mujor të të gjitha rajoneve.

Dhe ky rangim do të vlerësonte
performancën e çdo rajoni

në secilën sëmundje madhore

dhe në secilën procedurë madhore.

Por ja ku është pjesa më e mirë.

Ne e bëmë rangimin publik.

E vendosëm rangimin në faqe të internetit,

e vendosëm në rrjete sociale,

dhe pa e pritur fare,
mediat u përfshinë,

me artikuj në gazeta duke treguar
cilat rajone ishin duke bërë mirë

dhe cilat jo.

Dhe ne nuk donim që rangimet vetëm të

ndikonin në performancën më të mirë
dhe më të keqe të rajoneve.

Ne donim që rangimet ta motivonin
çdo rajon.

Pra, ne morrëm inspirim nga
ligat e futbollit,

dhe krijuam sistem rangimi tre-nivelsh,

me ç'rast çdo tre mujor,

nëse performanca e një rajoni do të binte,

mund të binte në nivelin më të ulët.

Por, nëse performanca e rajonit
do të rritej,

mund të ngritej në pozitën më të lartë.

Rangimet ishin një sukses i madh.

Krijoi një entuziazëm të llahtarshëm

dhe rajonet filluan të bëheshin rival me
njëri tjetrin që të njiheshin si shembuj.

Është shumë e thjeshtë,
nëse mendon për këtë.

Nëse të dhënat për performancën
mbikqyren vetë nga menaxheri juaj

në mjedise të brendshme,

thjesht nuk është mjaftueshëm motivuese.

Por nëse të dhënat janë atje,

të hapura, në sytë e komunitetit,

është krejt tjetër çështje.

Që hap një shpirt konkurrues

që është i natyrshëm
për secilin prej nesh.

Pra tani, kur i vendos bashkë këto
të dyja,

strategjia e kafenesë
dhe garat publike,

tani keni pasur një sistem shëndetësor
publik

i cili ka qenë dallueshëm më i motivuar
që ta rrisë shëndetin e qytetarëve.

Dhe tani që keni një sistem shëndetësor
më të motivuar,

është një sistem shumë
më i gatshëm për mbështetje.

Sepse tani, është një tërheqje,
për mbështetjen,

qofshin burimet, të dhënat
apo të ndërtuarit e aftësive.

Më lejoni të ndaj një shembull.

Kam qenë një herë në një mbledhje rajoni
në rajonin e Ajmer.

Ky ishte njëri nga rajonet
që po ngrihej shpejt

në rangime.

Dhe aty ishin një grup i
mjekëve pasionantë

që po diskutonin ide se si t'i
mbështetnin më mirë ekipet e tyre.

Njëri nga mjekët i kishte aftësuar
më shumë punonjësit e shëndetit

për të kapur problemin e mungesës
së infermierëve.

Një doktor po përdorte WhatsApp-in
në mënyra kreative

për të ndarë ide me punonjësit e tij
më të mirë.

Për shembull,

ku janë fëmijët që kanë mungesë imuniteti?

Dhe si t'i bindësh nënat e tyre

që t'i sjellin fëmijët e tyre
për imunizim?

Dhe sepse ekipet e tyre
ishin të motivuar dallueshëm tani,

ata vetëm po e rrisnin mbështetjen,

sepse tani ata donin të performonin
mirë e më mirë.

Sistemet e prishura shpesh kanë nevojë
për më shumë burime dhe mjete.

Por ato nuk do të kishin ndikim shumë

nëse së pari nuk i adresohesh
sfidës së motivimit.

Sapo të zhvendoset batica e motivimit,

atëherë burimet dhe mjetet
tregojnë rezultat.

Por ende nuk jam përgjigjur në një
pyetje kryesore

Çfarë ndodhi me performancën e shëndetit
publik të Rajasthanit?

Në 2016, kur puna jonë filloi,

qeveria e Indisë dhe Banka Botërore

dolën me një indeks të shëndetit publik.

Rajasthan u rangua i 20-ti nga 21
shtete të mëdha.

Por në 2018,

kur doli rangimi,

Rajasthani shfaqi një nga ngritjet
më të larta

nga të gjitha shtetet e mëdha të Indisë,

duke i kaluar katër pozicione.

Për shembull, shfaqi një nga
reduktimet më të mëdha

në vdekshmërinë e të posalindurve,

me shtim të 3,000 të posalindurve
të ruajtur çdo vit.

Zakonisht, transformimet e shëndetit
publik marrin shumë kohë, edhe dekada.

Por kjo rrugë ka dhënë rezultat

në dy vite.

Por ja ku është pjesa më e mirë.

Nuk ka asgjë Rajasthan-specifike
për atë se çfarë ne kemi mësuar.

Në fakt, kjo rrugë e të përdorurit
të qytetarëve për të aktivizuar motivimin

nuk është as e kufizuar në
sistemet shëndetësore publike.

Unë sinqerisht besoj që
nëse ka nodnjë sistem publik,

në çfarëdo vendi,

që është në amulli,

atëherë ne duhet ta kthejmë motivimin.

Dhe një mënyrë e shkëlqyer për ta
aktivizuar motivimin

është të rritet transparenca
te qytetarët.

Ne mund ta bëjmë këtë me edukim

dhe higjienë publike madje edhe me
përfaqësime politike.

Shkollat qeveritare mund të garojnë
publikisht me regjistrimin e studentëve.

Qytetet dhe qytezat,
në bazë të pastërtisë.

Dhe politikanët në bazë
të një fletnotimi

të asaj se si janë duke i përparuar
jetët e qytetarëve.

Ka shumë sisteme të prishura në botë.

Ne duhet t'ja u rikthejmë motivimin.

Qytetarët po presin.

Ne duhet të veprojmë sot.

Ju falemnderit shumë.

(Duartrokitje)