O que os refuxiados precisan para comezar unha nova vida

Cada minuto, hai 20 novos desprazados pola mudanza climática, crises económicas e inestabilidade política, segundo o ACNUR. Como podemos axudalos a vencer as barreiras para comezar unha nova vida? O residente de TED Muhammed Idris lidera un equipo de tecnólogos, investigadores e refuxiados para crear Atar, o primeiro avogado baseado en IA que os guía durante o reasentamento, e axúdaos a recuperar os seus dereitos e a súa dignidade. "Obter acceso aos bos recursos e información pode ser a diferenza entre a vida e a morte." di Idrid.

Hai dous anos,

recibín unha chamada que
cambiou a miña vida.

"Ola, son o teu primo Hassen."

Eu quedei paralizado.

Teño ben máis de trinta primos,

pero non coñecía a ninguén chamado Hassen.

Resultou que Hassen
era un curmán da miña nai

que acababa de chegar
a Montreal como refuxiado.

Nos seguintes meses,

tres parentes meus virían
ó Canadá buscando asilo

con pouco máis que a roupa posta.

Nos dous anos posteriores a esta chamada,

a miña vida cambiou por completo.

Deixei a academia

e agora dirixo un equipo diverso
de tecnólogos, investigadores e refuxiados

que desenvolve recursos personalizados
de autoaxuda para os novos refuxiados.

Queremos axudalos a vencer a linguaxe,
a cultura e as outras barreiras

que lles fan sentir que perderon
o control das propias vidas.

Sentimos que a IA pode axudar
a restaurar os dereitos e a dignidade

que moitos perden cando buscan axuda.

A experiencia da miña familia
como refuxiados non é única.

Segundo ACNUR,

cada minuto, hai 20 novos desprazados

polo cambio climático, crises económicas

e inestabilidade social e política.

E foi mentres traballabamos
no refuxio local de YMCA

onde meu primo Hassen
e outros parentes foron enviados

que vimos e aprendemos a apreciar

o esforzo e a coordinación
que o reasentamento require

Cando chegas, tes que buscar un avogado

e encher documentos legais
en dúas semanas.

Tamén tes que superar
un exame médico cun médico autorizado,

só para poder pedir
un visado de traballo.

E tes que empezar a buscar
un sitio onde vivir

antes de recibir calquera tipo
de asistencia social.

Con miles que foxen dos Estados Unidos

para buscar asilo no Canadá
os últimos anos,

rapidamente vimos como é

cando hai máis persoas que necesitan axuda
que recursos para axudalas.

Os servizos sociais
non se amplían rapidamente,

e mesmo se as comunidades
fan o maior esforzo

para axudar a máis persoas
con recursos limitados,

os que chegan quedan máis tempo
esperando no limbo,

sen saber onde ir.

En Montreal, por exemplo,

a pesar dos millóns de dólares gastos
para apoio aos reasentamentos

case 50% dos que chegan
aínda non saben

que existen recursos gratis

para axudalos con todo,
desde os documentos

ata atopar un traballo.

O desafío non é que non
existan esas informacións.

Polo contrario, os necesitados
son bombardeados con tanta información

que se fai dificil darlle sentido a todo.

"Non me deas máis
información, dime só que facer."

era a preocupación oída
unha e outra vez.

Isto reflicte o incriblemente
difícil que é adaptarse

cando chegas a un novo país.

Hostia, tiven os mesmos problemas
cando cheguei a Montreal,

e teño un doutoramento.

(Risa)

Como outro membro do noso equipo,
tamén refuxiado, dixo:

"En Canadá, unha tarxeta SIM
é máis importante ca a comida,

porque non morreremos coa fame."

Pero obter acceso
aos recursos e á información correcta

pode ser a diferenza
entre a vida e a morte.

Deixádeme dicilo de novo:

obter acceso aos recursos
e á información correcta

pode ser a diferenza
entre a vida e a morte.

Para resolver estas cuestións,

construímos Atar,

a primeira avogada virtual baseada en AI

que te guía paso a paso
durante a túa primeira semana

na nova cidade.

Só dille a Atar o que necesitas.

Atar entón faiche
algunhas preguntas básicas

para entender
a túa situación particular

e determina a túa elixibilidade
para os recursos.

Por exemplo: Tes un sitio
onde durmir esta noite?

Se non, preferirías un albergue
só para mulleres?

Tes fillos?

Atar xera entón unha lista
paso a paso de cousas que facer

que che indica
todo o que necesitas saber,

onde ir, como chegar,

que levar contigo

e que expectativas ter.

Podes facer preguntas en calquera momento,

e se o Atar non ten unha reposta,

poñerate en contacto
cunha persoa real que a teña.

Pero o máis emocionante

é que axudamos a organizacións
e servizos humanitarios

a recoller os datos
e as análises necesarios para comprender

o cambio das necesidades dos que chegan

en tempo real.

Isto é algo revolucionario.

Xa fixemos unha parcería con ACNUR

para proporcionar esta
tecnoloxía en Canadá,

e no noso traballo diriximos
campañas en árabe, inglés,

francés, crioulo e español.

Cando falamos do problema dos refuxiados,

a miúdo centrámonos
nas estatísticas oficiais

dos 65.8 millóns de desprazados forzosos
en todo o mundo.

Pero a realidade é moito maior.

Para o 2050, haberá máis
de 140 millón de persoas

en risco de ser desprazadas
debido á degradación ambiental.

E hoxe --hoxe-- hai
case mil millóns de persoas

que xa viven en asentamentos
ilegais e barrios marxinais.

Reasentamento e integración

son os maiores desafíos do noso tempo.

E a nosa esperanza é que Atar proporcione
un avogado a cada recén chegado.

A nosa esperanza é que Atar
amplifique os esforzos que xa existen

e que alivie a presión
na rede de protección social

que xa está tensionada
alén do imaxinable.

Pero o que é importante para nós

é que o noso traballo axude
a restablecer os dereitos e a dignidade

que os refuxiados perden durante
o reasentamento e a integración

dándolles os recursos que necesitan
para se axudaren a si mesmos.

Grazas.

(Aplausos)