တစ်နိုင်လုံးဆိုင်ရာ အစီရင်ခံစာအရ
အမေရိကန် ပြည်ထောင်စုထဲရှိ
၁၂ တန်း ကျောင်းသားတွေထဲက ၂၆% တို့ဟာ
သင်္ချာမှာ ကျွမ်းကျင်ကြတယ်။
အမေရိကမှာ နေကြတဲ့ ကျွန်တော်တို့ဟာ
ကိုယ့်နိုင်ငံကို အထူးနိုင်ငံဆိုပြီး ဂုဏ်ယူကြပါတယ်။
အဲဒီလိုဆိုရင် ခုနက ၂၆% ကကော
ခင်ဗျားတို့အတွက် အထူးဖြစ်ရပ် ဟုတ်ရဲ့လား?
နိုင်ငံတစ်နိုင်ငံ အနေနဲ့ ကျွန်တော်တို့ဟာ ဒီထက်ပိုပြီး
ကြိုးစားသင့်တယ်လို့ ယူဆရင် လက်ထောင်ကြပါ။
ကျွန်တော်ပါ ခင်ဗျားတို့နဲ့အတူပါ။.
ကျွန်တော်တို့ အားလုံးဟာ သင်္ချာကို လိုအပ်ပေမဲ့၊ ကလေးတွေ
ဒီလောက်ကြီး ဘာဖြစ်လို့ မကျွမ်းကြတာလဲ?
ပြည်သူတွေထဲက ၂၆% တို့ကသာ
သင်္ချာကို နားလည်နိုင်ကြတာလား၊
ကျန် ၇၄%တို့က နားလည်နိုင်စွမ်း မရှိကြတာလား?
ကလေးငယ်တွေ သောင်းနဲ့ချီ ဆက်ဆံလုပ်ခဲ့ရသူ
ကျွန်တော် ပြောနိုင်တာက၊
လက်တွေ့အခြေအနေဟာ အဲဒါမျိုး လုံးဝမဟုတ်ပါ။.
ကလေးငယ်တွေ သင်္ချာကို နားမလည်နိုင်ကြတာက
ကျွန်တော်တို့က အဲဒါကို လူ့ဂုဏ်သိက္ခာကင်းမဲ့စွာနဲ့
သင်ပေးနေလို့ပါ။
သင်္ချာကို လူ့ဂုဏ်သိက္ခာနဲ့ ပြည့်လာအောင်
ပြန်လုပ်ပေးနိုင်ရင် ပြန်ပြီး ကောင်းလာမှာပါ။
ခင်ဗျားတို့အားလုံးက၊
"သင်္ချာဟာ တစ်ချိန်ချိန်တုန်းက လူသားတို့အတွက်
ပထမနေရာမှာ ရှိခဲ့ဘူးပါသလား?"လို့ မေးလိုကြမှာပါ။
အဲဒီအကြောင်းကို စဉ်းစားကြည့်ကြပါ။
(ရယ်မောသံများ)
သင်္ချာဟာ လူသားရဲ့ ဘာသာစကား တစ်ခုပါ၊
အင်္ဂလိပ်၊ စပိန် ဒါမှမဟုတ် တရုတ်ဘာသာလိုပါပဲ၊
၎င်းဟာ လူတွေကို တစ်ဦးနဲ့တစ်ဦး
ဆက်သွယ်ခွင့်ကို ပြုပေးလို့ပါ။
ရှေးပဝေသဏီ ခေတ်များတုန်းကတောင်
လူတွေဟာ ကုန်သွယ်ရန်၊
အထိမ်းအမှတ်တွေကို ဆောက်လုပ်ရန်
လယ်မြေကို တိုင်းထွာရန်
သင်္ချာကို လိုအပ်ခဲ့ကြပါတယ်။
တကယ်တမ်းတွင် သင်္ချာဟာပါ ဘာသာစကား
တစ်ခုဖြစ်တယ်ဆိုတဲ့ ယူဆချက်ဟာ အသစ် မဟုတ်ပါ။
မဟာဒသနိက ပညာရှင် တစ်ဦးက၊
"သဘာဝရဲ့ နိယာများကို သင်္ချာဆိုတဲ့ ဘာသားစကားဖြင့်
ရေးမှတ်ပေးထားတယ်။"လို့ မိန့်ကြားခဲ့ဘူးပါတယ်။
ခင်ဗျားတို့ မြင်တယ် မဟုတ်လား?
Galileo ကတောင် ကျွန်တော်ကို ထောက်ခံပါတယ်။
(ရယ်မောသံများ)
ဒါပေမဲ့ နှစ်တွေကြာလာတာနဲ့အမျှ
ပတ်ဝန်းကျင်ထဲရှိ လက်ရှိကမ္ဘာကြီးဆိုင်ရာ
ကျွန်တော်တို့ရဲ့ သင်္ချာဆိုတဲ့ ဘာသာစကားဟာ
သိမှတ်မရအောင်ကို ဘဝနဲ့ကင်းကွာ လာခဲ့ပါတယ်။
အဲဒါကြောင့်မို့လို့ ကလေးငယ်တွေဟာ
စိတ်ရှုပ်နေကြရတာပါ။
ကျွန်တော် ဆိုလိုတာကို ပြပေးပါရစေ။
ကယ်လီဖိုနီယား ပုံမှန် သင်္ချာ
တတိယတန်းအတွက် ဒီစာအုပ်ကို ဖတ်ကြည့်ကြပါ
အဲဒါဟာ ရှစ်နှစ်အရွယ် ကလေးအတွက်
အဓိပ္ပါယ် တစ်ခုခု ရှိနိုင်သလား စဉ်းစားကြည့်ပါ။
"အပိုင်းဂဏန်း 1/b မှာ တစ်ခုလုံးကို
တူညီသည့် b အပိုင်းများအဖြစ် ခွဲပစ်သည့်ထဲက
1 က ကိုယ်စားပြုသည့် ပမာဏ ဖြစ်သည်။"
"အပိုင်းဂဏန်း a/b မှာ တစ်ခုလုံးကို
တူညီသည့် b အပိုင်းများအဖြစ် ခွဲပစ်သည့်ထဲက
a က ကိုယ်စားပြုသည့် ပမာဏ ဖြစ်သည်။"
(ရယ်မောသံများ)
ဒီလို ဖွင့်ဆိုချက်ကို ၈ နှစ်အရွယ်
ကလေးတစ်ယောက်ကို ရှင်းပြရင်၊
ခင်ဗျားတို့ဟာ ဒီလို ပုံစံမျိုး
တုံ့ပြန်ခံရဖို့များပါတယ်...
(ရယ်မောသံများ)
သင်္ချာပါရဂူ တစ်ယောက်အတွက်
အဲဒီ စာအုပ်ဟာ အဓိပ္ပါယ်ရှိနိုင်ပေမဲ့၊
ကလေးငယ် အတွက်ကတော့၊
လုံးဝ နှိပ်စက်ခံရမှုပါ။
အပိုင်းဂဏန်းတွေဟာ အက္ခရာသင်္ချာအတွက်
တြီဂိုနိုမေတြီအတွက် နဲ့ ကယ်ကုလအတွက်တောင်
အခြေခံမို့လို့ ဒီဥပမာကိုမှ အထူးပြု ပြလိုက်တာပါ။
ဒီတော့ ကလေးတွေဟာ အခြေခံ နဲ့ အလယ်တန်းမှာ
အပိုင်းဂဏန်းတွေကို နားမလည်ခဲ့ဘူးဆိုရင်၊
သူတို့ဟာ အထက်တန်းကို ရောက်တဲ့အခါမှာ
အတော့်ကို ခက်ခဲကြမှာပါ။
အပိုင်းဂဏန်းတွေကို ကလေးငယ်တွေ
နားလည်နိုင်အောင် လွယ်တဲ့ နည်းများရှိပါသလား?
ရှိပါတယ်!
သင်္ချာဟာ ဘာသာစကား တစ်ခုဖြစ်တာကို သတိရနေကာ
အဲဒါကို အကျိုးရှိရှိ အသုံးချရုံပါပဲ။
ဥပမာဆိုပါစို့၊ ကျွန်တော်ဟာ ၅ တန်းကျောင်းသားတွေကို
အပိုင်းတွေကို ပေါင်းခြင်း နှုတ်ခြင်းကို သင်တဲ့အခါမှာ၊
ကျွန်တော်ဟာ ပန်းသီးများ + ပန်းသီး
သင်ခန်းစာဖြင့် စပါတယ်။
ပထမ ကျွန်တော်မေးတာက၊ "ပန်းသီး ၁ လုံးကို
နောက် ၁ လုံးနဲ့ ပေါင်းရင် ဘာရမလဲ?" မေးတယ်။
ကလေးတွေက တစ်စိတ်တစ်ဒေသ
အမှန်ဖြစ်တဲ့ ၂ ကို ဆိုကြတာများပါတယ်။
သင်္ချာဟာ ဘာသာစကား ဖြစ်တယ်ဆိုတော့
သူတို့ကို စကားလုံးတွေကိုပါ ထည့်သုံးပါစေ။
ဒီတော့ အဲဒီဟာ ၂ သက်သက် မဟုတ်ဘဲ
ပန်းသီး ၂ လုံးပါ။
နောက်တစ်ခါမှာ ခဲတံ ၃ ချောင်းထဲ
ခဲတံ၂ ချောင်း ထည့်ပေးတယ်။
ကျွန်တော်တို့ အားလုံးသိကြသလို ခဲတံတွေထဲက
ခဲတံကို ထည့်ပေးရင် ခဲတံတွေကို ရလာမှာပါ၊
အားလုံး ဝိုင်းပြီး ခဲတံဘယ်နှစ်ချောင်းလဲ?
ပရိသတ်: ခဲတံ ၅ ချောင်း။
ဟုတ်ကဲ့ ခဲတံ ၅ ချောင်းဟာ မှန်ပါတယ်။
သော့ချက် အရေးကြီးဆုံးက ခင်ဗျားတို့
စကားလုံးတွေကို ထည့်ပေးလိုက်ကြတာပါပဲ။
ကျွန်တော်ဟာ ဒီသင်ခန်းစာကို
၅ နှစ်အရွယ် တူမလေးနဲ့ စမ်းကြည့်ခဲ့တယ်။
သူဟာ ခဲတံတွေထဲကို ခဲတံတွေကို ထည့်ပေါင်းလိုက်တဲ့
နောက်မှာ ကျွန်တော် မေးလိုက်တယ်၊
"၄ ဘီလီယံထဲကို ၁ ဘီလီယံ ထည့်ရင်ကော ဘာရမလဲ?"
အဲဒါကို ကြားလိုက်ရတဲ့ ကျွန်တော့အဒေါ်က
ကျွန်တော့ကို ကြိမ်းပါတော့တယ်၊
"မင်းရူးနေပြီလား? သူဟာ သူငယ်တန်းကို တက်နေသူလေ!
သူဟာ ဘယ်လိုလုပ်ပြီး ၄ ဘီလီယံထဲကို ၁ ဘီလီယံ
ထည့်ရင် ဘာရမလဲ ဆိုတာ ဘယ်လို သိနိုင်မလဲ?!"
(ရယ်မောသံများ)
ကျွန်တော့တူမကတော့ မဖြုံဘဲနဲ့ တွက်ချက်မှု
ပြီးသွားလို့ ဖြေလိုက်တာက:
"၅ ဘီလီယံ?"
ကျွန်တော်က:
"အဲဒါ မှန်တယ်၊ အဲဒါ ၅ ဘီလီယံပေါ့။"
ကျွန်တော့ အန်တီကတော့
ခေါင်းခါရင်း ရယ်နေလိုက်တယ်
၅ နှစ်အရွယ် ကလေးတစ်ယောက်
ဖြေနိုင်မှာကို မျှော်လင့်မထားခဲ့လို့ပါ။
ဒီတော့ ကျွန်တော်တို့ အားလုံး လုပ်ကိုင်ဖို့လိုတာက
ဘာသာစကားအဖြစ် ချဉ်းကပ်ကြည့်ပါ၊
အဲဒီလိုဆိုရင် သင်္ချာဟာ ကို အလိုလိုသိလာကာ
နားလည်ရတာ လွယ်လာပါမယ်။
အဲဒီနောက်မှာ ကျွန်တော်ဟာ
သူ့ကို မေးခွန်း မေးကြည့်ခဲ့တယ်၊
သူငယ်တန်း ကျောင်းသားလေးတွေ
သိနိုင်စရာ မရှိခဲ့တဲ့ မေးခွန်းပါ။
"သုံးပုံစတ်ပုံကို နောက် သုံးပုံတစ်ပုံနဲ့
ပေါင်းရင် ဘာရမလဲ?"
ချက်ချင်းပဲ သူဖြေလိုက်တာက:
"သုံးပုံ ၂ ပုံတဲ့"။
ဒီတော့ ကလေးမဟာ ကိန်းခြေ၊ တည်ကိန်း
စတာတွေကို မသိပါလျက်နဲ့
အဲဒါကို ဘယ်လိုများ သိခဲ့ပါလိမ့်လို့
စဉ်းစားဖို့ ခက်နေမှာပါ?
တကယ်တော့ သူဟာ ခုနက ကိန်းခြေ၊ တည်ကိန်းတွေ
အကြောင်းကို စဉ်းစားနေခဲ့တာ မဟုတ်ပါ။
သူဟာ အဲဒီပုစ္ဆာကို ဒီလို စဉ်းစားခဲ့တာပါ။
ပန်းသီး ၁ လုံး + ပန်းသီး ၁ လုံး တုန်းကလိုပဲ
နှိုင်းယှဉ် စဉ်းစားခဲ့ကာ
သုံးပုံတစ်ပုံ ထဲကို သုံးပုံတစ်ပုံ ထည့်နိုင်ခဲ့သလိုပါပဲ။
ဒါကြောင့်မို့လို့ သူငယ်တန်း ကလေး တစ်ယောက်တောင်
အပိုင်းတွေကို ပေါင်းနိုင်ပါတယ်၊
ဒီလိုဆိုရင် ၅ တန်းကျောင်းသားတိုင်းပါ
အဲဒီလို လုပ်နိုင်မှာကို ယုံကြည့်နိုင်ပါပြီ။
(လက်ခုတ်တီးသံများ)
ဆက်ပြီး ပျော်စရာအဖြစ် အထက်တန်း အက္ခရာသင်္ချာ
မေးခွန်းတစ်ခုကို မေးကြည့်လိုက်တယ်:
7 x² ထဲကို 2 x² ကို ထည်ပေါင်းကြည့်စမ်း?
အဲဒီ ၅ နှစ်သာရှိသေးတဲ့ ကလေးမလေးက
မှန်ကန်စွာ ဖြေနုင်ခဲ့ပါတယ်။
9 x²။
အဲဒီလို ဖြေနိုင်ဖို့အတွက် သူဟာ ထပ်ကိန်းတွေဆိုင်ရာ
စည်းကမ်းချက်တွေကို သိရန် မလိုအပ်ခဲ့ပါ။
ဒါကြောင့်မို့လို့ လူတွေက သူတို့အတွက်
သင်္ချာဟာ ခက်တယ် မခက်ဘူးဆို့ ပြောဆိုကြရာတွင်၊
အဲဒါဟာ မမှန်ကန်ပါဘူး။
သင်္ချာဟာ လူသားရဲ့ ဘာသာစကား တစ်ခုပါ၊
ဒါကြောင့်မို့လို့ ကျွန်တော်တို့အားလုံးဟာ
အဲဒါကို နားလည်နိုင်စွမ်း ရှိကြပါတယ်။.
(ရယ်မောသံများ)
ကလေးတွေ အများကြီးဟာ
လမ်းတွေပျောက်နေကြပြီဖြစ်ပြီး
သင်္ချာနဲ့ပတ်သက်ပြီး စိတ်ညစ်နေကြရခြင်းဟာ
လုံးဝမဖြစ်သင့်ပါ၊
ကျွန်တော်တို့ဟာ သင်္ချာကို ဘာသာစကား
ချဉ်းကပ်မှုမျိုးဖြင့် အရေးတကြီး လိုအပ်နေပါပြီ!
ကျွန်တော်ဟာ တစ်ကြိမ်တုန်းက
အက္ခရာသင်္ချာကို ဖြေမရနိုင်ခဲ့လို့
စိတ်ဓာတ်ကျကာ စိတ်ဆိုးနေခဲ့တဲ့ ကျောင်းသူ
တစ်ယောက်ကို သင်ခဲ့ရဘူးတယ်
သူဟာ အမြှောက်အလီဇယားကို 44% သာ
သိနေခဲ့လို့ပါ။
ကျွန်တော် သူ့ကို ရှင်းပြတယ်၊
"အဲဒါက အက္ခရာစဉ်ကို ၄၄%သာ သိထားသူ
စာဖတ်ဖို့ ကြိုးစားတာနဲ့ တူတယ်။
အဲဒါကမှ နင့်ကို နောက်ကို ဆွဲယူနေတာ။"
သူဟာ အပိုင်းဂဏန်းတွေ ဒါမှမဟုတ် ညီမျှခြင်းတွေကို
မတွက်နိုင်ခဲ့ဘူး၊ သင်္ချာကို ကြောက်နေခဲ့တယ်။
အဲဒါရဲ့ ရလဒ်အဖြစ် အဲဒီကလေးမလေးဟာ
သူ့ကိုသူ မယုံကြည်နိုင်ခဲ့ပါ။
ကျွန်တော်က၊
"တို့ဟာ အမြှောက်အလီဇယားက စတင်ဖို့လိုတယ်၊
အမြှောက်အလီကို နှုတ်တိုက် ရထားတဲ့နောက်မှာ
အားလုံး များစွာမှ လွယ်လာမှာပါ၊
အဲဒါကို ရလိုက်ခြင်းဟာ Disneyland ကို အချိန်မရွေး
သွားနိုင်မယ့် ပထမတန်း လက်မှတ်ရရှိထားသလိုပဲ။"
(ရယ်မောသံများ)
ဘာဖြစ်လာတယ် ထင်ကြသလဲ?"
သူက "အိုကေပါတဲ့။"
ဒါနဲ့ သူဟာ ၄ ပတ်ကြာအောင် စနစ်တကျ
အမြှောက်အလီဇယားကို ကျက်လာခဲ့တယ်
တကယ်တော့ အမြှောက်အလီထဲမှာတောင်
ဘာသာစကား ဆိုတာ ထည့်ပါပြီးသားပါ။
၇ အလီ ၃ ဆိုတာကို ကလေးတွေ ဘယ်လောက်များများ
မသိနားမလည်ကြတာကို ခင်ဗျားတို့ အံ့ဩမိကြမှာပါ။
အဲဒါဟာ ၃ ခုနစ်ကြိမ်ဘဲ မဟုတ်ပါလား၊
တနည်းအားဖြင့် ၃ ကို ခုနစ်ကြိမ်အထိ
ဆိုလိုခြင်း သက်သက်ပါ။
ကလေးတွေက အဲဒါကို အဲဒီလို သိမြင်လာတာနဲ့၊
ထပ်ကာထပ်ကာ ပေါင်းနေရခြင်းဟာ
နှေးလှပြီး
အဆင်မပြေတာကို မြင်လာကြပါတယ်၊
အဲဒါကြောင့်မို့လို့ သူတို့ဟာ ဝမ်းသာစွာဖြင့်
၃ ခုနစ်လီဟာ ၂၁ ဖြစ်တာ အလွတ်ရအောင် ကျက်တော့တယ်။
ခုနက ကျွန်တော် ပြောပြခဲ့တဲ့ ကျောင်းမှ
ထုတ်ပစ်ခံရဖို့ ရှိနေခဲ့တဲ့ ကလေးမလေးကလည်း၊
မြှောက်ရာတွင် ကျွမ်းကျင်လာကာ
ယုံကြည့်မှု ရှိလာခြင်းဟာ
အခြေအနေ တစ်ရပ်လုံးကို ပြောင်းလဲပစ်လိုက်ပါတယ်။
သူဟာ သူ့တစ်သက်တာမှာ ပထမဦးဆုံးအကြိမ်အဖြစ်
သူ့လက်ချောင်းတွေကို သုံးပြီး တွက်နေမယ့်အစား
ပုစ္ဆာဖြေရေးကိစ္စကိုသာ အာရုံစိုက်လာနိုင်ပါတယ်။
သူဟာ အဲဒီပြဿနာကြီးကို ကျော်လွှားနိုင်ခဲ့ပြီဆိုတာကို
ကားတစ်စီးကို ၂-နှစ်အတွက် ငှါးယူမယ်ဆိုရင်
လစဉ် $၄၄၅ နှုန်းဆိုရင်၊ $၁၀,၆၈၀ ပေးဆပ်ရမှာကို
တွက်လိုက်နိုင်ချိန်မှာ သိလိုက်တယ်။
သူဟာ ကျွန်မဆီကို လှမ်းကြည့်လိုက်ကာ
သဘောမတူတဲ့ ပုံစံနဲ့ ပြောလိုက်တာက၊
"Mr Polisoc၊ သိပ်ဈေးကြီးလှချည့်လား!"
(ရယ်မောသံများ)
အဲဒီအချိန်မှာ သင်္ချာဟာ သူမအတွက်
ဦးနှောက်စားတဲ့ အရာမဟုတ်တော့ပါ၊
သူဟာ တာဝန်သိ လူကြီးတစ်ယောက်နည်းတူ
ပြဿနာတွေကို ဖြေရှင်းရန် သင်္ချာကို သုံးနိုင်ပါပြီ။
ကျောင်းဆရာ တစ်ဦးအနေနဲ့ ကလေးတွေကို ပိုမြင့်မားစွာ
တက်လှမ်းရေးကို ထိုးဆွပေးရန် တာဝန်ရှိပါတယ်။
အဲဒီလို စိန်ခေါ်မှုကို
ခင်ဗျားတို့ရဲ့ ရှေ့မှာ ချပြထားချင်ပါတယ်။
ကျွန်တော်တို့ရဲ့ နိုင်ငံဟာ ၂၆% မှာ တစ်နေပါတယ်၊
အဲဒီဂဏန်းကို မြှင့်တင်ရေး စိန်ခေါ်မှုကို ပြောနေတာပါ။
သင်္ချာဆန်တဲ့ စဉ်းစားဉာဏ်ဟာ လူငယ်တွေရဲ့
ဦးနှောက်ကို တည်ဆောက်ပေးရန် အတွက်သာမက၊
ကျွန်တော်တို့ရဲ့ ကလေးတွေ စိတ်ကူးယဉ်တတ်ရန် နဲ့
မရှိသေးတဲ့ အနာဂတ် တည်ဆောက်နိုင်ဖို့ပါ။.
အဲဒီစိန်ခေါ်မှုကို ဖြည့်ဆည်းပေးခြင်းဟာ
ပန်းသီးများ + ပန်းသီးများလိုပဲ လွယ်ကူနိုင်ပါတယ်။
ကျွန်တော်တို့က သင်္ချာကို လူသားဘာသာစကား
တစ်ရပ်အဖြစ် သင်ကြားရန်ကို မရမက တောင်းဆိုကြပါ၊
အဲဒီလိုဆိုရင် ကျွန်တော်တို့ဟာ
အဲဒီပန်းတိုင်ကို မကြာမီမှာ မှီလာကြမှာပါ။
ကျေးဇူးတင်ပါတယ်!
(လက်ခုပ်တီးသံများ)