တချို့ အင်းဆက်တွေ
ကန် ရေမျက်နှာပြင်ပေါ်မှာ
သွားနိုင်ပေမဲ့
ခင်ဗျားသာ
ရေပေါ်မှာ သွားတဲ့အခါ
မြန်မြန်ဆန်ဆန်
မြှပ်သွားတာက ဘယ်လိုဖြစ်ရတာလဲ။
ဆောင်းတွင်းမှာ ရေကန်တွေက
အပေါ်ပိုင်းပဲ ခဲတာရော ဘာကြောင့်လဲ။
ဒီမေးခွန်းအားလုံးကို ဖြေဆိုစရာ
စကားတစ်ခွန်းက Polarity ပါ။
ရေက အောက်စီဂျင် အက်တမ် တစ်လုံး၊
ဟိုက်ဒရိုဂျင် အက်တမ် နှစ်လုံးနဲ့
ပြုလုပ်ထားတဲ့ မော်လီကျူး ရိုးရိုးလေးပါ။
ဒါပေမဲ့ အသက်ဇီ၀အတွက် မရှိမဖြစ်ပါ။
တကယ်တော့ အရွယ်ရောက်ပြီးသူ
တစ်ဦးရဲ့
ခန္ဓာကိုယ် အလေးချိန် ၆၀% လောက်က
ရေဓာတ်ပါ။
ဒီရေမော်လီကျူးတွေထဲက Polarity ဟာ
ဒီသာမည အရာကို
ထူးခြားပြီး ဇီ၀ဓာတ်ကို ရှင်သန်စေတဲ့
ဂုဏ်သတ္တိတွေ ပေးလိုက်ပါတယ်။
Polarity ဟာ မော်လီကျူးအတွင်းက
အီလက်ထရွန်တွေ
မညီမျှတဲ့ ဝေမျှမှုကို ရည်ညွှန်းပါတယ်။
ရေမှာဆို.. တစ်ခုတည်းသော
ရေမော်လီကျူး အတွင်း
အောက်စီဂျင်နဲ့ ဟိုက်ဒရိုဂျင်
နှစ်လုံးကြား စည်းနှောင်းမှုက
အားကောင်းမောင်သန်တဲ့ ဘောလုံးသမားနဲ့
ချစ်စဖွယ် လူမမယ်လေးတစ်ဦး
လွန်ဆွဲကြ သလိုမျိုးပါ။
အောက်စီဂျင်က ပိုကြီးပြီး
နျူးကလီးယပ်ထဲမှာ
ဟိုက်ဒရိုဂျင် အက်တမ်ထက်
ပရိုတွန်ပိုများပါတယ်။
လျှပ်ဖို ဓာတ်ဆောင်တဲ့ ထိုအရာတွေက
လူတစ်ဦးရဲ့ ကာယဗလလိုပါပဲ၊
၎င်းတို့ ဓာတ်စည်းထဲက
လျှပ်မ ဓာတ်ဆောင်
အီလက်ထရွန်ကို ဆွဲနိုင်တာက
လွန်ဆွဲပွဲမှာ ဗလကြီးက လူဖလံလေးကို
အပြတ်အသတ်နိုင်သလို ဆွဲနိုင်တာပါ။
ဒီတော့ အောက်စီဂျင်က ၎င်းမျှပေးထားတဲ့
အီလက်ထရွန်ထက်ကို ပိုဆွဲနိုင်ပါတယ်။
ဟိုက်ဒရိုဂျင်က ပိုသေးပြီး အားပိုနည်းတာ
သို့မဟုတ်
ပရိုတွန်ပိုနည်းတာကြောင့်
လွန်ဆွဲပွဲမှာ ရှုံးနိမ့်ပြီး
၎င်းမျှထားတဲ့ အီလက်ထရွန်လောက်
မဆွဲနိုင်ပါဘူး။
ဒီတော့ ရေထဲက အောင်စီဂျင်က လျှပ်မ အဖြစ်
ယူဆတဲ့အတိုင်း ပြုမူပြီး
ဟိုက်ဒရိုဂျင်ကလည်း လျှပ်ဖို အဖြစ်
ယူဆတဲ့ အတိုင်းပြုမူပါတယ်။
တစ်လုံးတည်းသော ရေမော်လီကျူးအတွင်းက
ဓာတ်စည်းနှောင်မှုကို
Polar Covalent Bonds ခေါ်ပါတယ်။
Covalent က အီလက်ထရွန်တွေ
မျှဝေကြောင်းကို ဆိုလိုတာပါ။
ဒါပေမဲ့.. ကျုပ်တို့ သိထားတဲ့အတိုင်း
Polar ဆိုတာက ဒီအီလက်ထရွန်တွေ
မျှဝေမှုက မညီမျှကြောင်းဆိုလိုပါတယ်။
ရေမှာဆို အောက်စီဂျင်က
လျှပ်မအဖြစ် ဆောင်ရွက်ပြီး
ဟိုက်ဒရိုဂျင်က လျှပ်ဖိုအဖြစ်
ဆောင်ရွက်ပါတယ်။
လျှပ်ဖိုနဲ့ လျှပ်မ ဆွဲငင်ခြင်းကြောင့်
အောက်စီဂျင်က နီးစပ်ရာ
ရေမော်လီကျူးထဲက
ဟိုက်ဒရိုဂျင်ကို ဆွဲပါတယ်။
ရေမော်လီကျူးတွေကြာမှာဖြစ်တဲ့
ထူးခြားသော ဓာတ်စည်းနှောင်မှု ပုံစံကို
Hydrogen bond အဖြစ် သိကြပါတယ်။
Hydrogen bond တွေက
ရေမှာပဲ ဖြစ်တာမဟုတ်ပါဘူး။
၎င်းတို့က ရေမော်လီကျူးတစ်လုံးနဲ့
Ploar သို့မဟုတ် Ionic ဖြစ်တဲ့ မတူတဲ့
အရာတွေကြားမှာ ဖွဲ့စည်းနိုင်ပါတယ်။
ရေက ၎င်းတိုအချင်းချင်း တွယ်ကပ်နိုင်တာကို
ပေါင်းစပ်ခြင်း ခေါ်ပြီး
အခြားအရာနဲ့ တွယ်ကပ်နိုင်တာကို
စွဲကပ်ခြင်း ခေါ်ပါတယ်။
ကဲ.. စခဲ့တဲ့ မေးခွန်းတွေကို
ပြန်တွေးကြည့်စို့။
တစ်.. အင်းဆက်တချို့ ရေပေါ်မှာ
သွားနိုင်တာ ဘာကြောင့်လဲ။
ဟိုက်ဒရိုဂျင် ဓာတ်စည်းကြောင့်
မျက်နှာပြင် တင်းအားက
ရေမျက်နှာပြင်ပေါ်မှာ
အလွှာပါးလေး ဖန်တီးမယ်
ဒါက အထူး ပေါ့ပါးတဲ့
အင်းဆက်တွေ
အပေါ်မှာ သွားဖို့ ခံနိုင်ရည်က
လုံလောက်ပါတယ်။
ခင်ဗျား မသွားနိုင်တာက
ဟိုက်ဒရိုဂျင် ဓာတ်စည်းတွေမှာ
ခင်ဗျားကို
ပင့်ထားဖို့ အား မလောက်တာကြောင့်ပါ။
ရေခဲက ရေပေါ်မှာ
ပေါ်တာ ဘာကြောင့်လဲ။
တခြားအရာတွေမှာတော့..
အခဲအခြေအနေက အရည်အခြေအနေထက်
ပို သိပ်သည်းပေမဲ့
ရေမှာတော့ ဒါမျိုးမဖြစ်ပါဘူး။
ရေမော်လီကျူးကို ထိန်းထားတဲ့
ဟိုက်ဒရိုဂျင် ဓာတ်စည်းက
အရည်ဖြစ်တဲ့ ရေမှာထက် ခဲနေတဲ့
ရေမှာ ပိုကွာဝေးပါတယ်။
မော်လီကျူးတွေ ဝေးလေလေ
ဒီအခဲရဲ့ သိပ်သည်းမှုက နည်းလေလေပါ။
ဒီတော့ ရေခဲက ရေထက်
သိပ်သည်းမှု ၉% ပိုနည်းလို့
၎င်းက အပေါ်မှာ ပေါ်တာပါ။
ဒါ့ကြောင့် ရေကန်တွေက
အပေါ်ပိုင်းမှာ ခဲပြီး
နှစ်စဉ် အေးခဲတဲ့
ဆောင်းရာသီ တလျှောက်
ရေနေ သတ္တဝါတွေ ရှန်သန်နိုင်တာပါ။
ဒါက ရေမော်လီကျူးရဲ့ Polarity နဲ့
ရေရဲ့ ထူးကဲဂုဏ် သတ္တိတွေမှာ
ထည့်စဉ်းစားရမည့်
အကျိုးဆက်ဖြစ်လာတဲ့ ဟိုက်ဒရိုဂျင်ရဲ့
ဓာတု ဓာတ်စည်းနှောင်မှုပါ။
ဒီတော့ ခင်ဗျားရဲ့ ဆလ်ထဲမှ
ရေကနေ
ကမ္ဘာ့ သမုဒ္ဒတွေရှိ
ရေအထိ
လွန်စွာထူးကဲတဲ့ အကြောင်းက
ယင်းသည် ပိုလာ မော်လီကျူး တစ်လုံး
ဖြစ်တာကြောင့်မို့ပါပဲ။