Texnologiya, incəsənət və

elm arasındakı kəsişmə nədən ibarətdir?

Maraq və təəccüb,

çünki o bizi araşdırmağa vadar edir,

çünki bizi görə bilmədiyimiz şeylər əhatə edir.

İnsanları zamanın və

məkanın qapıları arasından

səyahət etdirmək, görünməyəni göstərmək

üçün filmdən istifadə etməyi xoşlayıram;

çünki bu, bizim

görüş dairəmizi genişləndirir,

dərketmə qabiliyyətimizi artırır,

zehnimizi açır

və qəlbimizə işləyir.

Beləliklə, bunlar mənim 3D İMAX

filmim "Görünməz Dünyanın sirləri"-dən

bəzi epizodlardır.

(Musiqi)

Burada gözlərimizin aşkar edə bilməyi üçün

çox yavaş olan hərəkət vardır,

və sürətli çəkiliş bizi kəşf etməyə, həmçinin

həyatdakı perspektivlərimizi inkişaf etdirməyə vadar edir.

Biz orqanizmlərin necə peyda olduğunu və böyüdüyünü,

tənəyin günəş işığına baxmaq üçün torpaqdan başlayaraq

necə sarmaşıb həyatına davam etdiyini görə bilərik.

Sürətli çəkiliş bizim böyük şkalada

planetimizi hərəkət halında görməyimizə imkan yaradır.

Biz təkcə əngin təbiət görüntüsünə deyil,

həm də bəşəriyyətin aramsız hərəkətinə də baxa bilərik.

Hər sayrışan nöqtə bir sərnişin təyyarəsidir

və hava nəqliyyatı verilənlərini

sürətli çəkiliş görüntüsünə çevirsək,

biz daim üzərimizdə olan lakin görünməyən bir şeyin:

Birləşmiş Ştatların üzərindəki geniş

hava səyahəti şəbəkəsinin şahidi ola bilərik.

Bunu dənizdəki gəmilərə də tətbiq edə bilərik.

Məlumatı fəaliyyətdə olan

qlobal iqtisadiyyatın sürətli çəkiliş görüntüsünə çevirə bilərik.

Onilliklərin məlumatı

bizə vahid planetimizin

okean boyunca cərəyan edən axınlarla

və atmosfer boyu uzanan buludlarla möhkəmlənmiş,

ildırımla titrəyən,

şimal qütb parıltısı ilə taclanan

tək bir orqanizm kimi görüntüsünü verir.

Bu, sürətli çəkilişin son həddinin nümunəsi ola bilər:

canlandırılmış Yer Kürəsinin anatomiyası.

Digər tərəfdən,

gözlərimiz üçün çox cəld hərəkət edən şeylər də mövcuddur,

ancaq bizim həmin aləmi də təhlil edən

texnologiyamız var.

Sürətli kameralarla

biz zaman fasiləsinin əksini edə bilərik.

Təsəvvürümüzdən min dəfələrlə

daha sürətli olan şəkillər çəkə bilərik.

Təbiətin bacarıqlı alətlərinin necə çalışdığını görə bilər və

hətta bəlkə də onları yamsılaya bilərik.

Yanınızda qanad çaldığı zaman

siz aydınlaşdıra bilməsəniz də,

iynəcə ən yaxşı uçan canlıdır.

O pərvaz edə bilər, geriyə doğru,

hətta tərsinə uça bilər.

Həşəratın qanadlarındakı işarələri izləməklə

əmələ gələn hava axınını görə bilərik.

Heç kimin bilməməyinə baxmayaraq,

yüksək sürət, iynəcənin eyni anda

hər dörd qanadını fərqli istiqamətdə

hərəkət etdirir.

Öyrəndiklərimiz, mühüm və uzaq

yerlər haqda təsəvvürümüzü

genişləndirən yeni növdə uçucu

aparatlara gətirib çıxara bilər.

Bizlər nəhəngik və görə

bilmədiyimiz kiçik şeylərdən bixəbərik.

Elektron mikroskop, əşyaları

milyon dəfə böyüdə bilən

təsvirləri əmələ gətirən

elektronları alovlandırır.

Bu kəpənək yumurtasıdır.

Bədəninizdə bütün ömrünü kirpiklərdə

məskunlaşaraq keçirən, gecə isə

dərinizdə sürünən mayt kimi

görünməz canlılar yaşayır.

Tapa bilərsiniz bu nədir?

Akula dərisi.

Tırtıl ağzı.

Meyvə milçəyinin gözü.

Yumurta qabığı.

Birə.

İlbizin dili.

Heyvan krallığını tanıdığımızı zənn etməyimizə

baxmayaraq, kəşf olunmağı gözləyən

milyonlarla kiçik növ ola bilər.

Hörümçəyin də mükəmməl sirləri var:

belə ki, onun ipək ipliyi poladdan

möhkəm olsa da,

tamamilə elastikdir.

Bu səyahət bizi bütün mərhələlər

boyunca nano aləminə aparacaq.

Bu ipək insan saçından

100 dəfə daha nazikdir.

Orada bakteriya,

yanında isə ondan 10 dəfə kiçik

olan virus var.

Və bunun içində 10 dəfə kiçik olan

üç DNT teli, həmçinin ən güclü

mikroskoplarımızın limitinə

yaxınlaşdıqca vahid karbon atomları.

Əslində biz ən güclü mikroskopun

uc nöqtəsiylə atomları hərəkət etdirə

və möhtəşəm nano alətlər yarada bilərik.

Bəziləri nə vaxtsa bədənimizi

hər növ xəstəlikdən qoruya bilər və

yol boyunca tıxalı arteriyaları təmizləyə bilər.

Gələcəyin kiçik kimyəvi

aparatları yəqin ki bir gün DNT hazırlaya bilər.

Biz həyat sirlərini açmaq istəyimizdən

meydana gələn

müstəsna tərəqqinin astanasındayıq.

Beləliklə, sonsuz kosmik toz yağışının

altında hava digər planetlərdən

gələn tozcuq, mikro-almaz, cəvahirat və

supernova püskürmələri ilə doludur.

İnsanlar görünməzlə əhatə

olunmuş şəkildə həyatlarına davam edirlər.

Ətrafımızda görə bildiklərimizdən daha

çox şeyin olduğunu bilmək,

dünyanı dərketmə səviyyəmizi həmişəlik dəyişir;

gizli dünyaya nəzər salmaqla əslində canlı bir

kainatda mövcud olduğumuzu görürük

və bu yeni perspektiv təəccüb

yaratmaqla bizi öz həyətimizin

tədqiqatçılarına çevrilməyə sövq edir.

Kim bilir hələ nələri görə biləcəyik

və hələ hansı təəccüblər həyatımızı dəyişəcək.

Bizə isə sadəcə gözləmək qalır.

(Alqış)

Təşəkkürlər. (Alqış)