Nun entamu, la Web yera simple, taba coneutada

Yera abierta, segura,

diseñada como una fuercia positiva

que diba convertise en daqué muncho más grande.

Un ecosistema vibrante, llenu de vida,

al serviciu de la Humanidá.

Un recursu públicu pa la innovación

y les oportunidaes.

Un llugar pa construyir los tos suaños.

Pero nesos primeros díes,

como en cualesquier ecosistema,

la Web necesitaba que l'alimentaren.

Mentanto medraba, los usuarios atopaben desafíos nuevos.

Ventanes emerxentes. Virus.

Falta d'eleición.

Xardines zarraos de conteníu.

La Web taba frañándose.

Yera lenta, enguedeyada, daba llercia.

Los usuarios entamaron a entrugase...

¿esto ye too?

¿o la web podría ser daqué meyor?

Un grupu pequeñu de persones

programadores, diseñadores, idealistes

camentaben que sí.

Tuvieron una idega audaz.

Qu'una comunidá pequeña, global y ensin ánimu de llucru

pudiera construyir daqué meyor

y forxar idegues nueves ya innovase na web.

Y denomáronlo: Proyeutu Mozilla

Entamaron construyendo un tipu nuevu de navegador web

El qu'anguaño conocemos como Firefox.

Y fixéronlo ensin ánimu de llucru,

polo que diba ponese siempre nel primer llugar a los usuarios de la Web.

Más qu'un programa, yera una plataforma que

cualquiera podía usar pa construyir les sos idegues.

Les torgues disminuyeron.

Los fundamentos de la Web que conocemos anguaño

entamaron a xurdir.

Agora la Web ye un llugar au pues construyir casi

cualesquier cosa que puedas imaxinar.

Mozilla y Firefox

esisten p'ayudar a que toos podamos aprovechar esta oportunidá

y pa defender a los usuarios nun mundu au la eleición y el control

tán en pelligru con muncha frecuencia.

Pero, ¿qué pasaría si Firefox fuera namái el comienzu?

¿Qué pasaría si fuese parte de daqué más grande?

Dende la privacidá del usuariu a Firefox Mobile,

a les aplicaciones y la identidá,

tamos enantando les llendes de la Web tolos díes.

Y vamos más alló de los programes.

Tamos ayudando a formar una xeneración de creadores web.

Camentamos que la Web ye un llugar au toos

puen entrar pa construyir los sos suaños.

Por eso facemos Firefox.

Por eso decenes de miles de voluntarios ayúdennos a construyir los nuesos productos.

Por eso cientos de millones de persones de tol mundu usen los nuesos programes.

Pero, lo más importante, ye que por eso ponémoste a ti en primer llugar,

y defendémoste escontra aquellos que nun lo faen.

Millones de persones conócennos por Mozilla Firefox.

Pero somos daqué muncho más grande.

Somos una fundación ensin ánimu de llucru

que llucha pa protexer la Web pola que toos naguamos.

Xúnite, necesitamos el to sofitu.

Fai güei la to donación.