En primeras, o web yera simple, connectau
ubierto, seguro
disenyau como una fuerza ta o bien
y se tornaría en bella cosa encara muito mas gran
un ecosistema plen de vida
a lo servicio d'a humanidat
un recurso publico ta la innovación
y ta la oportunidat
Un puesto a on fer realidat os tuyos suenios.
Pero, en ixos primers días
como en qualsiquier atro ecosistema
o Web precisaba d'atención.
Entre que creixeba, os usuarios trobaban nuevos desafíos
Finestras emerchents. Virus.
Una falta d'eslección.
Espacios de contenius zarraus.
O Web s'esmicazaba.
Yera lento, embolicau, feba cerina.
Os usuarios empecipiaban a preguntar-se...
Isto ye o Web?
u podría estar qualcosa millor?
Una reducida colla de chent
programadors, disenyadors, ideyalistas
creyeban que sí podría estar millor.
Tenioron una ideya valient.
Que una modesta organización sin animo de lucro y una comunidat global
podrían construir qualcosa millor
y fer plegar nuevas ideyas y innovación ta o Web.
Lo clamoron o prochecto Mozilla.
Empecipioron fendo una nueva mena de navegador.
O que hue conoixemos como Firefox.
Y lo facioron sin animo de lucro,
ta meter siempre por debant a la chent que emplega o web.
Mas que un programa, ye una plataforma que
qualsiquiera la podeba fer servir ta fer as suyas ideyas realidat.
As molestias s'heba reduciu.
Os fundamentos d'o Web, tal como lo conoixemos hue
empecipioron a amaneixer
Agora mesmo, o Web ye un puesto a on puetz construir quasi
qualsiquier cosa que te puedas imachinar
Mozilla y Firefox
Existen ta aduyar a la chent de toto o mundo a sacar treslau d'ista oportunidat
y defender a os usuarios en un mundo a on a libertat de triga y o control
son en periglo masiau a sobén.
Pero si o Firefox no yera que o empecipie?
Si yera parte de qualcosa mas gran?
Dende a privacidat de l'usuario en o Firefox d'os mobils,
dica as 'apps' y a identidat,
Somo estendiendo as mugas d'o Web por cada día.
Y imos dillá d'o software.
Somos aduyando a construir una cheneración de creyadors (artesans) web.
Creyemos que o Web ye un puesto a on qualsiquiera
puede venir y fer os suyos suenios realidat
Ye o motivo por o qual femos o Firefox
Ye o motivo por o qual decenas de milars de voluntarios aduyan a construir os nuestros producots.
Ye o motivo por o qual centenars de millons de tot o mundo fan servir o nuestro programa
Pero, o mas important - ye o motivo por o qual siempre te metemos a tu debant de tot,
y nos devantamos debant d'ixos que no lo fan.
Millons de personas nos onoixen por o Mozilla Firefox
Pero somos muito mas que no ixo.
Somos una organización sin animo de lucro
que luita ta protecher o Web que queremos.
Une-te a nusatros - nos cal o tuyo soporte.
Fe una donación hue.