[Como editar títulos e descricións]

Antes de enviar o seu traballo 
de tradución ou transcrición,

non se esqueza de editar 
o título e a descrición da charla.

A xanela de título e descrición atópase

en todas as charlas TED e TEDx
e nas leccións de TED-Ed,

na esquina superior esquerda
do editor de subtítulos.

Prema na icona do lapis
para acceder a esta sección.

Durante a tradución dunha charla TED,

escriba o título,

o nome do orador

e a descrición no seu idioma.

Cando traballe con vídeos TED-Ed,

ademais de traducir
o título e a descrición,

lembre que debe conservar a ligazón
da lección completa TED-Ed

que acompaña o vídeo.

Lémbrese tamén de traducir
as palabras "Lección de" e "Animación de"

ao final da descrición.

Cando traballe nunha charla TEDx,

asegúrese de usar os estándares de formato

do título e da descrición.

O estándar de formato do título
inclúe o título da charla,

o nome do orador

e o nome do evento TEDx,

separados por unha barra vertical

e cun espazo diante e detrás.

Se o título ten un formato diferente

modifíqueo para que cumpra ese estándar.

Non engada a data do evento
nin ningunha outra información.

Os nomes dos eventos TEDx
son termos de marca

e non se traducen

nin se lles agrega un espazo entre
"TEDx" e o nome do evento.

Cando transcriba ou traduza charlas TEDx,

manteña a exención de responsabilidade
e tradúzaa ao seu idioma.

A exención de responsabilidade pode ir
antes ou despois da descrición.

Atopará unha ligazón 
ás traducións oficiais da exención

máis adiante, na descrición deste vídeo.

A descrición debe incluír
un breve resumo da charla.

E tamén a biografía do orador
se non é longa de máis.

Se non hai descrición,

faga vostede mesmo/ma
un breve resumo da charla.

Lembre que o idioma
do título e da descrición

debe coincidir co da charla.

Non use títulos e descricións en inglés

en charlas presentadas noutro idioma.

O texto xenérico que explica
que é o programa TEDx

non debe incluírse nin traducirse.

Despois de traducir
o título e a descrición,

prema en "Done" na mesma xanela

e despois envíe o seu traballo
para ser revisado ou aprobado.

E agora,

felices transcricións e traducións!