Return to Video

لە خەم دوورکەوتمەوە-- بە سەما کردن بە ئاگر

  • 0:01 - 0:03
    کاتێک تەمەنم شەش ساڵان بوو،
  • 0:03 - 0:05
    ماڵەکەمان ئاگری تێبەر بوو،
  • 0:05 - 0:06
    و دایکم مرد.
  • 0:07 - 0:09
    شەوێکی ساردی ڕێبەندان بوو لە میشیگەن.
  • 0:09 - 0:11
    دووکەڵکێشەکەمان کەمێک بوو چاککرابوویەوە،
  • 0:11 - 0:14
    بۆیە ئاگرێکی بەتیمان لە
    لە ئاگردانەکە داگیرساندبوو.
  • 0:14 - 0:17
    من و خوشکە بچووکەکەم
    لە تەنیشت سەگەکەمان دانیشتبووین
  • 0:17 - 0:20
    و وێنەمان ڕەنگ دەکرد بە قوتویەکی
    نوێی پێنوسە ڕەنگاوڕەنگەکان،
  • 0:20 - 0:22
    کاتێک دایکم وتی ئێستا کاتی خەوتنە.
  • 0:22 - 0:24
    ئەو شەوە پلانمان دانابوو
    کە بچینە باکوور
  • 0:24 - 0:27
    لە کۆتایی هەفتە بۆ خلیسکێنەی سەر
    بەفر بە ماتۆڕ و گالیسکە بەفرینە،
  • 0:27 - 0:29
    بەڵام زووتر تاریک داهاتبوو
    و لە دەرەوە بەفر دەباری،
  • 0:29 - 0:31
    بۆیە بڕیارمان دا کە ڕۆژی
    دواتر بڕۆین لەبری ئەو کاتە.
  • 0:31 - 0:34
    چووینە نهۆمی سەرەوە، و ددانمان
    شووشت، و چووینە سەر جێگا،
  • 0:34 - 0:37
    ژووری خوشکەکەم ڕێک
    لە تەنیشت پلیکانەکە بوو،
  • 0:37 - 0:38
    و هی منیش لە کۆتایی
    ڕاڕەوەکە بوو.
  • 0:39 - 0:41
    دایبابمان ئێمەیان کردە ژوورەوە
    و بە ماچ شەو شادیان لێ کردین
  • 0:41 - 0:44
    دواتر دەرگاکەیان کەمێک بە کراوی جێهێشت،
  • 0:44 - 0:46
    و وەک هەمیشە ڕووناکی ڕێڕەوەکە هەر پێبوو،
  • 0:47 - 0:50
    لە نیوەی شەودا، بەهۆی
    ئارەقەکردنە بەخەبەرهاتم،
  • 0:50 - 0:53
    شێوا بووم چونکە نەمدەتوانی
    ڕووناکی ڕێڕەوەکە ببینم.
  • 0:53 - 0:55
    دەستم کرد بە هاوارکردن
    بۆ دایک و باوکم
  • 0:55 - 0:58
    هەتا لەکۆتایدا، گوێم لە قسەیەک
    بوو کە هەرگیز بیرم ناچێت:
  • 0:58 - 1:00
    "دەیڤ! ئەوە ئاگرە"
  • 1:00 - 1:03
    دواتر زانیمان ئاگرەکەمان لە سەرەتاوە
  • 1:03 - 1:06
    لە درزە چاکنەکراوەکەی دووکەڵکێشەکەمانەوە
    پەرەی سەندووە،
  • 1:06 - 1:08
    کە بووە هۆی تەقینەوەی دەرگاکانی ئاگردانەکە
  • 1:08 - 1:10
    و پڕژانی ئاگر ڕێک بۆ ناو ژووری دانیشتنەکە.
  • 1:11 - 1:14
    بیرمە دایکم ڕایکردە خوارەوە
    بۆ ژووری خوشکەکەم،
  • 1:14 - 1:16
    بەشێوەیەکی شێتانە بەدوایدا دەگەڕا
  • 1:16 - 1:18
    و لە کۆتاییدا لەسەر زەویەکە دۆزییەوە.
  • 1:18 - 1:21
    لەسەر دەست و ئەژنۆمدا
    بە خشکانێ بەدوایدا ڕۆیشتم،
  • 1:21 - 1:23
    هەوڵم دەدا دوکەڵەکە هەڵنەمژم.
  • 1:24 - 1:26
    بیرمە لە تەنیشت ژووری
    خوشکەکەم وەستابووم،
  • 1:26 - 1:29
    هەوڵم دەدا ڕووناکی
    ڕێڕەوەکە دابگیرسێنم،
  • 1:29 - 1:30
    بەڵام خۆی پێشتر داگیرسابوو.
  • 1:30 - 1:33
    نەمدەتوانی بیبینم چونکە
    دووکەڵەکە زۆر چڕ بوو.
  • 1:35 - 1:38
    هەستکردن بە گەرمی ئاگرەکەم
    لە بیرە لە سەر بێستم
  • 1:38 - 1:41
    و گوێم لە دەنگەکەی بوو کە لە
    پلیکانەکەوە بەرەو سەرەوە دەهات.
  • 1:44 - 1:47
    باوکم بۆ پەنجەرەی ژوورەکەم
    ڕایکرد، وەک ڕێگایەکی هەڵاتن،
  • 1:47 - 1:50
    بەڵام ئەو کات مانگی ڕێبەندان بوو،
    پەنجەرەکە بەستبووی و گیرا بوو.
  • 1:50 - 1:54
    لە کۆتاییدا، باوکم پەنجەرەکەی
    شکاند و بە زەبری هێز کردیەوە،
  • 1:54 - 1:57
    قۆڵ و دەستەکانی هەمووی
    بە شوشە و برین داپۆشرا.
  • 1:58 - 2:01
    من و خوشکەکەمی هەڵگرت
    بۆ سەر ساباتی ژێر پەنجەرەکە
  • 2:01 - 2:03
    و پێی وتین کە بە هاوارکردن
    و داوای یارمەتی بکەین.
  • 2:03 - 2:04
    بەهۆی نەبینی دایکمەوە،
  • 2:04 - 2:08
    باوکم بیری کردەوە بگەڕێتەوە ناو
    ئاگرەکە بۆ ئەوەی بیدۆزیتەوە،
  • 2:08 - 2:11
    بەڵام دوای سەیرکردنی من و خوشکەکەم
    کە لەسەر بانەکە سەرمان پێکەوە نابوو
  • 2:11 - 2:14
    و زانی کە ڕەنگە هیچ
    کامێکیان دەرنەچن،
  • 2:14 - 2:16
    لەگەڵماندا مایەوە،
  • 2:16 - 2:18
    لەبری ئەوە لە پەنجەرەکەوە
    بانگی دایکمی دەکرد.
  • 2:20 - 2:21
    دوای چەند خولەکێک،
  • 2:21 - 2:25
    پیاوێک بە ئۆتۆمبێل شەقامەکەوە دەهاتە
    خوارێ دوکەڵ و ئاگرەکەی بینی،
  • 2:25 - 2:26
    بەرەو چیمانەکەمان هات
  • 2:26 - 2:28
    سەرکەوتە سەر سەقفی
    ئۆتۆمبێلەکەی
  • 2:28 - 2:30
    و پێی وتین کە بازبدەینە
    ناو باوەشی ئەو.
  • 2:30 - 2:32
    پێشتر هەرگیز ئەو
    پیاوەمان نەبینی بوو،
  • 2:32 - 2:33
    و هەرچەندە ژیانی
    ئێمەی ڕزگار کرد،
  • 2:33 - 2:35
    جارێکیتر هەرگیز ئەومان نەبینیەوە.
  • 2:35 - 2:37
    ئێمە گواستراینەوە بۆ
    ماڵی دراوسێکەمان
  • 2:37 - 2:40
    لە کاتێکدا باوکم لەسەر بانەکە
    چاوەڕێی دایکمی دەکرد،
  • 2:40 - 2:43
    قۆڵ و دەستی لە ناو
    پەنجەرەکەوە درێژ دەکرد
  • 2:43 - 2:44
    بۆناو ئاگرەکە،
  • 2:44 - 2:47
    جار لەدوای جار بە ناوی
    خۆی بانگی دەکرد.
  • 2:49 - 2:51
    باوکم دواتر وتی کاتێک پیاوانی
    بەشی ئاگرکوژێنەوە گەیشتن،
  • 2:51 - 2:55
    لە پەیژەکەوە هێنایانە خوارەوە لەو کاتەی کە
    بەنجەرەی نهۆمی خوارەوە وردوخاش بوو
  • 2:55 - 2:57
    و بەخێرایی گڕی گرت.
  • 2:57 - 3:00
    بەشی ئاگرکوژێنەوە کاتی زیاتریان پێچوو
    هەتا دایکمیان دۆزییەوە.
  • 3:00 - 3:03
    تەواوی کاتەکە لەسەر زەوی
    ژووری خەوتنەکەم بوو،
  • 3:03 - 3:06
    لە دۆڵابەکە گیر بوو بوو
    کە کەوتبووە سەر قاچی.
  • 3:07 - 3:09
    پێمانوابێت گەڕاوەتەوە هەتا
    بەدوای سەگەکەماندا بگەڕێت،
  • 3:09 - 3:13
    بەڵام هەتا ئەوکاتەی بەشی ئاگرکوژێنەوە
    گەیشتنە ئەوان، زۆر زۆر درەنگ کەوت.
  • 3:13 - 3:15
    دایکم لە ڕێگای نەخۆشخانە
    کۆچی دوایی کرد.
  • 3:17 - 3:19
    باوکم لە دۆخێکی هەستیار و شڵۆقدا بوو،
  • 3:19 - 3:23
    بەهۆی هەڵمژینی دوکەڵ و سوتان
    و برینی سەر سێیەکی جەستەی.
  • 3:24 - 3:25
    نزیکەی مانگێکی لە
    نەخۆشخانە بەسەر برد،
  • 3:26 - 3:28
    نەیتوانی ئامادەیی
    پرسەکەی دایکم ببێت
  • 3:28 - 3:32
    چەندین نەشتەرگەری پێستی
    جۆراو جۆر و بە ئازاری بۆ کرا.
  • 3:32 - 3:35
    من و خوشکەکەم لەگەڵ
    دراوسێی ئەوبەرمان ماینەوە،
  • 3:35 - 3:39
    بەڵام بۆ چەندین کاتژمێر لەبەردەم پەنجەرەی
    ژووری دانیشتنەکەیان دادەنیشتین،
  • 3:39 - 3:42
    تەنها سەیری پاشماوەی
    ماڵە سوتاوەکەمان دەکرد.
  • 3:42 - 3:44
    دوای چەند ڕۆژێک،
    ئەوە بەڕوونی دیاربوو
  • 3:44 - 3:47
    کە دەبوو بڕۆین بۆ ئەوەی لەگەڵ چەند
    هاوڕێیەکی جیاوازی خێزانەکەمان بژین.
  • 3:49 - 3:51
    چەند ساڵێکی کەمی دواتر
    سەخت و دژوار بوون.
  • 3:51 - 3:53
    وەک باوکێکی ڕەەبەنی
    خاوەنی دوو کچی گەنج،
  • 3:53 - 3:55
    باوکم هەموو هەوڵێکی
    خۆی دا بۆ بژێوی ژیانمان
  • 3:55 - 3:59
    لەکاتێکدا هەموومان هەوڵمان دا کە
    خەم بخۆین و شین بکەین و چاک ببینەوە.
  • 4:00 - 4:03
    دەستمان کرد بە بەردەوام بوون
    لەناو ئەو ڕاستیە نوێیەدا.
  • 4:03 - 4:06
    باوکم لە خوارووی شەقامەکە خانوێکی
    نوێی کڕی بەبێ ئاگردان،
  • 4:06 - 4:08
    و لە کۆتاییدا دووبارە
    هاوسەرگیری کردەوە.
  • 4:08 - 4:10
    من و خوشکەکەم لە قوتابخانەدا
    زۆر باش و نایاب بووین.
  • 4:10 - 4:11
    من سەرکردەی هاندەران بووم،
  • 4:11 - 4:14
    خوشکەکەشم سواری ئەسپ دەبوو
    و ئامێری دەژەنی لە تیپی مۆسیقا.
  • 4:14 - 4:18
    بەڵام هیچ شتێک نەیدەتوانی ئەو کابوسە
    ناخۆشانە بوەستێنێت کە بەدوام بوون.
  • 4:19 - 4:21
    خەوم بە ئاگرەوە دەبینی،
  • 4:21 - 4:24
    لە ئاگردا گیرم خواردبوو
    بەبێ هەڵاتن.
  • 4:24 - 4:26
    لەبیرمە، و تەنانەت ئێستاش
    دەتوانم هەستی پێبکەم،
  • 4:26 - 4:29
    بەو ترس و لەرز و
    فشارەی ناو سینەم.
  • 4:29 - 4:34
    یان خراپترینیان ئەو خەونانە بوون کە لە
    دەرەوە ئاگرەکە بووم و سەیرم دەکرد،
  • 4:34 - 4:36
    هەوڵم دەدا خەڵکی
    ناوەوە ڕزگار بکەم.
  • 4:37 - 4:40
    بە هەناسە بڕکێ
    خەبەرم دەبوویەوە،
  • 4:40 - 4:43
    فرمێسک بە ڕووخسارمدا
    دەهاتە خوارەوە و هەنسکم دەدا.
  • 4:47 - 4:49
    کاتێک تەمەنم ۱۵ ساڵان بوو،
  • 4:49 - 4:51
    هاوڕێیەکی خۆم کە زۆر
    وێنەکێشێکی بەهرەمەند بوو،
  • 4:51 - 4:53
    دوو وێنەی خەیاڵی بۆ کێشام.
  • 4:53 - 4:55
    دانەیەکیان بە ڕەش
    و سپی کرابوو
  • 4:55 - 4:58
    کە وێنەی کچێکی ترساوی کێشابوو
    دەستەوئەژنۆ لە سوچێکی ژوورەکە،
  • 4:58 - 5:00
    و سێبەرەکان دەوریان دابوو.
  • 5:00 - 5:03
    و ئەویتر گوزارشت بوو لە
    وێنەی پەلکە زێڕینە.
  • 5:03 - 5:05
    کچەکە لە ناوەڕاستی پەڕەکە بوو،
  • 5:05 - 5:06
    قۆڵەکانی کرابوونەوە
    و درێژکرابوون،
  • 5:06 - 5:09
    بەڕوونی پڕ بوو لە
    شادی و دڵخۆشی.
  • 5:10 - 5:11
    ئەو ڕابردووی منی دەزانی،
  • 5:11 - 5:14
    و دەیزانی کە ناتەباو
    و شێواوم،
  • 5:14 - 5:16
    بەڵام بەهەمان شێوە توانا
    شاراوەکانمی دەبینی
  • 5:16 - 5:19
    و ویستی پیشانم بدات
    کە پێشتر چی بینیوە.
  • 5:19 - 5:22
    دوای چەند ساڵێک، زانیم
    کە ئەو دوو وێنەیە
  • 5:22 - 5:25
    دوو ڕێگای تەواو
    جیاوازی پیشاندام:
  • 5:25 - 5:27
    ژیانێکی پڕ لە ترس
  • 5:27 - 5:29
    یان ژیانێکی پڕ لەبەڵێن و توانای
    شاراوە بۆ چاکبوونەوە.
  • 5:30 - 5:33
    هەمێشە سەرنجم بۆ ئەو تابلۆ درەوشاوە
    و ڕەنگاوڕەنگە ڕاکێشرابوو،
  • 5:33 - 5:36
    بەڵام تەواو دڵنیا نەبووم ئەوە
    چ مانایەکی هەبوو بۆ من
  • 5:36 - 5:40
    یان چۆن ئەو هزر و بیرکردنەوەی ئەوکاتم
    بگۆڕم بۆ ئەو جۆرە لە شادی و دڵخۆشییە.
  • 5:40 - 5:43
    ڕووکەشانە، لەگەڵ ژیان بەردەوام بووم --
  • 5:43 - 5:45
    لە ئامادەیی دەرچووم
    و چووم بۆ زانکۆ--
  • 5:45 - 5:46
    لە کاتێکدا لە ناخەوە،
  • 5:46 - 5:50
    بەردەوام بووم لە هەڵبەز و دابەزکردن لە
    بەرزترین ئاستی ناو ئاستە بەرزەکان
  • 5:50 - 5:52
    و لە نزمترین ئاستی ناو ئاستە نزمەکان،
  • 5:52 - 5:55
    وەک تۆپی تێنسی سەرمێز
    لە نێوان ئەو دوو وێنەیەدا.
  • 5:56 - 6:00
    لە ساڵی ۲٠٠٤، لەگەڵ هاوڕێیەکدا چووم
    بۆ گەشتێک بۆ ئەمریکای ناوەڕاست.
  • 6:00 - 6:02
    هەفتەی یەکەممان لە دوورگەی
    ڕۆتان بەسەر برد،
  • 6:02 - 6:04
    لە نزیک کەناراوەکانی هیندوراس.
  • 6:04 - 6:06
    دوای چەند ڕۆژێک لەوێ،
    من و هاوڕێکەم زانیمان
  • 6:06 - 6:10
    کە یەکێک لە هاوڕێکانی
    ناوچەکەمان سەماکەری ئاگرە.
  • 6:10 - 6:13
    هیچ کاممان پێشتر سەمای
    ئاگرمان نەبینی بوو،
  • 6:13 - 6:15
    بۆیە شەوێک، بڕیارماندا
    بچین نمایشەکە ببینین.
  • 6:17 - 6:20
    سەیرمان کرد، و سەرمان سوڕما،
  • 6:20 - 6:24
    کاتێک ئەو و دوو هاوڕێکەی
    داری دەستییان گڕ تێبەر دا،
  • 6:24 - 6:25
    و هەڵیان دەدا بۆ هەوا
  • 6:25 - 6:27
    و بەدەوری لەشیاندا
    دەیان خولاندنەوە.
  • 6:29 - 6:33
    جوڵەکانیان ئامانجدار
    و جڵەوکراو بوون،
  • 6:33 - 6:36
    لەگەڵ ئەوەشدا جوڵەکانیان تەرم و نیان بوون
    و لەگەڵ مۆسیقا دەڕۆیشتن.
  • 6:39 - 6:41
    من بە تەواوی چووبوومە ناو سەماکەوە.
  • 6:41 - 6:45
    ڕۆژی دواتر، ئەو پێشنیاری ئەوەی کرد
    چۆن سەمای ئاگر یان "خولانەوە"مان فێربکات--
  • 6:45 - 6:47
    بێگومان، بەبێ ئاگر.
  • 6:47 - 6:49
    ئەو جیاوازی داری دەستی سەمای
    ئاگری پیشان داین،
  • 6:49 - 6:53
    کە پارچە دارێکی درێژە یان ئەلەمنیۆمە
    بە دوو پڵیتەی فایبەری دژە گەرمییەوە،
  • 6:53 - 6:57
    و پۆی ئاگرین، کە بریتین لە پڵیتەی فایبەری
    دژە گەریمی بە زنجیر و ئەڵقەی پەنجەکانەوە.
  • 6:58 - 7:01
    دوای ئەو یەکەم جارە لە
    خولانەوەی پڵیتی پۆی،
  • 7:01 - 7:04
    زانیم ئەوە ئەو خولیایەیە کە
    دەمویست بەردەوام فێری ببم
  • 7:04 - 7:07
    بەو هیوایەی کە لەوانەیە ڕۆژێک،
  • 7:07 - 7:11
    ئازایەتی تەواوی ئەوەم هەبێت
    کە لەگەڵ ئاگر تاقی بکەمەوە.
  • 7:11 - 7:14
    ئێستا دەتوانم پێشبینی ئەوە بکەم
    کە خەڵکی بیر لە چی دەکەنەوە:
  • 7:14 - 7:18
    من چۆن نەترسام و بەرەو
    ئاراستەی پێچەوانە ڕامنەکرد؟
  • 7:18 - 7:20
    بە ڕاشکاوی، نازانم.
  • 7:21 - 7:24
    پێموایە رەنگە بوون بە سەردەستەی هاندەران
    و ئەنجامدانی جومناستیک و ژەنینی پیانۆ
  • 7:24 - 7:26
    لە کاتی گەورە بوونمدا،
  • 7:26 - 7:29
    ئەم چالاکیانە زۆر بە ڕێک و پێکی
    ڕێکخرابوون و دیاریکرا بوون،
  • 7:29 - 7:33
    لە کاتێکدا ئەو جۆرە لە هونەری جوڵەیە بە
    شێوەیەک لە تێڕامان و میدیەیشن دەچێت
  • 7:33 - 7:34
    بەڵام بە سەرنج دان لە ئاگرەکە،
  • 7:34 - 7:38
    ئەو شتە بوو کە بە درێژایی
    ژیانم تەواو ترساندوومی.
  • 7:38 - 7:40
    دوای یەکەم جار
    لە ڕاهێنان کردن،
  • 7:40 - 7:43
    من و هاوڕێکەم پێکەوە بەپەلە چەند دەستەیەک
    لە پڵێتەی پۆیمان پێکەوەنا لە ماڵەوە
  • 7:43 - 7:46
    بە بەکارهێنانی گۆرەوی، قەیتانی
    پێڵاو و تۆپی تێنس.
  • 7:46 - 7:48
    ئاگرمان بە قەیتانەکان و
    گۆرەویەکان نەکردەوە،
  • 7:48 - 7:50
    تەنها بۆ بەشی ڕاهێنان
    بەکارمان هێنا.
  • 7:50 - 7:52
    بەڵام دوای گەڕانەوە
    بۆ ماڵەوە لە میشیگەن،
  • 7:52 - 7:56
    بڕیارماندا کۆمەڵێک پڵیتەی ئاگرینی
    پۆیی ڕاستەقینە بۆ خۆمان بکڕین.
  • 7:56 - 7:57
    و دوای چەند مانگێک،
  • 7:57 - 8:00
    بڕیارماندا کە ئامادەین
    گڕیان تێبەربدەین.
  • 8:01 - 8:03
    پڵیتەکانمان بە چەند چینێک
    بە لۆکەمان داپۆشین،
  • 8:03 - 8:05
    بتڵێکی ئاگرکوژێنەوەمان پەیدا کرد،
  • 8:05 - 8:06
    خاولیێکمان تەڕکرد بۆ سەلامەتی،
  • 8:06 - 8:08
    سوتەمەنییەکەمان ئامادەکرد،
  • 8:08 - 8:12
    بە جۆش و خرۆشەوە یەکترمان
    هاندەدا و لەپی دەستمان لێک دەداوە
  • 8:12 - 8:14
    و ئەو پڵیتە پۆییانەکان گڕ تێبەردەدا
  • 8:16 - 8:18
    ئەو کارە زۆر ترسناک بوو.
  • 8:19 - 8:21
    نیوەی مێشکم لە خۆم نەدەما
  • 8:21 - 8:25
    و بیرمان دەکردەوە "باشە، چاوەڕێکە --
    لەوانەیە پێویست بێت بیر لەمە بکەینەوە.
  • 8:25 - 8:26
    دەشێت پێویست بێت بوەستین."
  • 8:26 - 8:29
    دەنگی ئاگرەکە کە لە دەوری
    سەرمدا وژە وژی دەکرد
  • 8:29 - 8:30
    زۆر بەرز بوو.
  • 8:30 - 8:32
    و منی ڕاستەخۆ گەڕاندەوە
    بۆ سەردەمی منداڵی.
  • 8:33 - 8:36
    بەڵام لە هەمان کاتدا
    خۆش بوو.
  • 8:38 - 8:41
    نیوەکەیتری مێشکم، نیوە
    داهێنەرەکە، بیری دەکردەوە،
  • 8:41 - 8:45
    "ناتوانم باوەڕ بەوە بکەم!
    من سەماکەری ئاگرم".
  • 8:46 - 8:47
    بۆ ئەو کەسانەی کە دەخولێنەوە،
  • 8:47 - 8:48
    ئاستێکی هۆڕمۆنی
    ئەدرینەلین هەیە
  • 8:48 - 8:51
    یان ئەوە پاڵنەری
    سەماکردنە لە گەڵ ئاگر.
  • 8:51 - 8:55
    بەڵام وەک کەسێک کە ئاگر زۆر
    کاریگەری هەبوو لە سەر ژیانی،
  • 8:55 - 8:58
    هەستم بە بەهێزبوونێکی
    زۆر مەزن دەکرد
  • 8:58 - 9:01
    بە هەبوونی توانای جڵەوکردن و
    هەڵسوڕاندنی ئاگر.
  • 9:02 - 9:06
    بڕیارێکی ئاگایانەم دا بۆ
    خۆ ڕزگاردن لە خەمەکانم.
  • 9:06 - 9:08
    ئەوە کارێکی ئاسان نەبوو.
  • 9:08 - 9:11
    گۆرانیێکی نیرڤانا هەیە دەڵێت
    "بیری ئاسودەیی خەمباری دەکەم"
  • 9:11 - 9:13
    و ئەوە بە تەواوەتی ئەو دۆخە بوو.
  • 9:13 - 9:15
    من بە تەواوی جڵەوی
    خەمبارییەکەم کردبوو.
  • 9:15 - 9:18
    دەمزانی چیم بۆ دێنێت،
    و پێشبینی چی لێبکەم،
  • 9:18 - 9:20
    لەگەڵ ئەوەشدا بە قوڵی
    دەمزانی کە لە کۆتاییدا،
  • 9:20 - 9:25
    دەبێت بەڕاستی ئەو کارە قورسە
    بکەم بۆ سارێژکردنەوەی ڕابردووم.
  • 9:25 - 9:27
    بۆیە بەردەوام بووم لە ڕاهێنان.
  • 9:27 - 9:31
    کیسێکی پلاستیکی سەوزە و میوەم برد،
    کردم بە چەند پارچەیەکی درێژ و باریک،
  • 9:31 - 9:32
    بە کۆتایی ئەو پڵیتە پۆیانەوە گرێم دا
  • 9:32 - 9:37
    بۆ دووبارەکردنەوەی دەنگی ئەو ئاگرەی،
    کە بە دەوری سەرمدا دەخولایەوە.
  • 9:37 - 9:39
    و بەردەوام گڕم لە
    پڵیتی پۆیەکان بەردەدا.
  • 9:40 - 9:42
    لە قۆناغێکدا، شتێک گۆڕا.
  • 9:42 - 9:44
    تێڕوانینم بۆ سەماکردن
    بە ئاگر گۆڕا
  • 9:44 - 9:47
    لە شتێک کە لێی دوو دڵ
    و نیگەران بووم
  • 9:47 - 9:50
    بۆ شتێک کە جۆرێک لە
    ئاشتی و ئارامی بۆ هێنام.
  • 9:52 - 9:53
    بەبێ هەست کردن و پێزانینی،
  • 9:53 - 9:56
    دەستم کردبوو بە شێوازێکی خۆم لە
    چارسەرکردن بە ڕووبەڕوو بوونەوە،
  • 9:56 - 9:58
    کە جۆرێکی ڕاستەقینەیە
    لە چارەسەری دەروونی
  • 9:58 - 10:02
    کە تێیدا بەمەبەست خۆت دەخەیتە بەردەم ئەو
    شتانەی بوونەتە هۆکاری کۆستی دەروونیت
  • 10:02 - 10:04
    یان دەتترسێنن.
  • 10:04 - 10:07
    من خۆم خستە بەردەم ئاگر
    بەم ڕێگا تایبەتی و ناوازەیە
  • 10:07 - 10:10
    و ئەو شتەی گۆڕی کە
    واتای هەبوو بۆ من.
  • 10:11 - 10:12
    کابوس و خەوە ناخۆشەکانم
    هێور بوونەوە
  • 10:12 - 10:15
    و ئێستا، دوای ساڵانێک بە نزیکەیی
    خەوە ناخۆشەکانم تەواو وەستاون.
  • 10:16 - 10:20
    تەنها بۆخۆم ئەو سەمای ئاگرەم ئەنجام نەدا،
    بەڵکو بۆ بۆنە و نمایشەکانیش بوو.
  • 10:20 - 10:24
    دەستم کرد بە سەمایی ئاگری بە کۆمەڵ
    لەگەڵ هاوڕێکانم کاتێ لە دوبەی دەژیام،
  • 10:24 - 10:28
    هونەرێکی جوانم داهێنا لەگەڵ
    خوشکم کە بووە وێنەگر،
  • 10:28 - 10:31
    منداڵەکانم فێردەکرد کە چۆن لە
    ڕۆژی لە دایک بوونیاندا بخولێنەوە،
  • 10:31 - 10:33
    نواندن لەسەر تەختی شانۆ
    و لە ڤیستیڤاڵەکاندا بکەن
  • 10:33 - 10:36
    و تەنانەت منداڵەکانی خۆشم فێری
    بنەماکانی خولانەوە کردن.
  • 10:37 - 10:38
    و ئەوەش واتای ئەوە نییە
  • 10:38 - 10:41
    کە هێشتا ترس و نیگەرانیم
    نییە لە ئاگر بە گشتی.
  • 10:41 - 10:44
    دەتوانم ملیۆنێک جار ڕاهێنان
    لەسەر یەک جوڵە بکەم،
  • 10:44 - 10:46
    بەڵام دواتر کە لەگەڵ
    ئاگر تاقی دەکەمەوە،
  • 10:46 - 10:49
    هەست بە ترسێکی ئاشنا و
    توند بوونی سینگم دەکەم.
  • 10:50 - 10:53
    تا ئێستاش دەترسێم کە لە
    خانویەکی دوو نهۆمیدا بژیم
  • 10:53 - 10:55
    یان لە خانویەک کە ئاگردانی لێ بێت.
  • 10:56 - 10:58
    هەمووشەوێک پێش
    ئەوەی بخەوم،
  • 10:58 - 11:01
    ڕێگایەک دەکەمەوە لە نێوان دەرگای
    ژووری نوستنی منداڵەکانم،
  • 11:01 - 11:02
    دەرگای ژووری نوستنەکەمان،
  • 11:02 - 11:04
    و هەموو دەرگاکانی چوونەدەرەوە،
  • 11:04 - 11:05
    بۆ ئەوەی ئەگەر پێویستمان
    پێبوو خێرا بڕۆین،
  • 11:05 - 11:07
    و ئەوەش کاتێکی
    زۆری لێ بردووم
  • 11:07 - 11:10
    هەتا ڕاهاتووین لەگەڵ بیرۆکەی داخستنی
    دەرگای ژوری نوستن لە شەواندا
  • 11:10 - 11:12
    بۆ هێواش کردنەوەی ئاگر،
  • 11:12 - 11:15
    چونکە هەمیشە وا بیرم کردۆتەوە ئەگەر
    دەرگای ژووری منداڵەکانم دابخەم،
  • 11:15 - 11:18
    ڕەنگە نەتوانم گوێم لە دەنگیان بێت
    وەک چۆن دایکم گوێی لە دەنگم بوو.
  • 11:19 - 11:22
    و بە دڵنیاییەوە، ئەوە چیرۆکەکەمە.
  • 11:22 - 11:24
    ناتوانم بڵێم کە چارەسەرەکەم پێیە
  • 11:24 - 11:26
    بۆ کەسێک کە بە دەست کۆستێکی
    دەروونی جیاوازەوە دەناڵێنێت.
  • 11:26 - 11:28
    ئەگەر دۆخەکە پێچەوانە بووبایەوە،
  • 11:28 - 11:30
    و من منداڵێکم لە ناو ئاگر لە دەست دابا،
  • 11:30 - 11:33
    دڵنیانیم لەوەی کە سەمایی
    ئاگر ببێتە چارەسەرەکە،
  • 11:33 - 11:36
    یان تەنانەت ئەگەر دووبارە توانایی
    نزیک بوونەوەم هەبێت لە ئاگر.
  • 11:36 - 11:39
    بەڵام ئەوەی دەتوانم بیڵێم
    لە ئەزموونی خۆمەوە
  • 11:39 - 11:42
    ئەوەیە کە دوای ئەزمونکردنی کۆستێکی
    دەروونی یان تەنگ و چەڵەمەیەک،
  • 11:42 - 11:45
    تۆ بژاردەیەکت هەیە
    لە نێوان دوو ڕێگادا.
  • 11:45 - 11:49
    ڕێگایەکیان بەرەو ژیانێکی پڕ لە
    ترس و شێواوی لە تاریکیدا دەتبات،
  • 11:49 - 11:52
    وەک ئەو تابلۆ ڕەش و
    سپیەیی پێشتر باسم کرد.
  • 11:52 - 11:54
    دەتوانیت بەردەوام بیت لە
    ژیان، بەڵام لە هەمان کاتدا،
  • 11:54 - 11:57
    تا ئێستاش بەو خەمەوە گرێدراویت
    کە ئاسودەیت بۆ دەهێنێت.
  • 11:58 - 12:01
    ڕێگەکەیتر، بریتییە لە خۆ
    ڕزگارکردن لە خەم و خەفەت،
  • 12:01 - 12:03
    هیچ شتێک نە دەگۆڕێت
    و نە هەڵدەوەشێنێتەوە.
  • 12:04 - 12:05
    ئەوە کارێکی سەخت دەبێت.
  • 12:05 - 12:07
    هەمیشە کارێکی سەخت دەبێت،
  • 12:07 - 12:12
    لەگەڵ چیا بەرز و دۆڵە
    قوڵ و تاریکەکان.
  • 12:13 - 12:16
    بەڵام ئەم ڕێگەیە بۆ پێشەوە دەڕوانێت
    و بەرەو پێشەوە دەڕوات.
  • 12:17 - 12:19
    کاتێک فێری سەماکردن بووم بە ئاگر،
  • 12:19 - 12:22
    فێربووم کە ئاشتەوایی لەو بەشە
    بە ئازارەی ژیانم دروست بکەم
  • 12:22 - 12:26
    لەگەڵ تەواوی ژیانم چونکە هەتا ئەوکات
    زیاتر دەردەکەوت و ئاشکرا دەبوو.
  • 12:27 - 12:29
    ئاگر بوو بە شتێکی گەورەتر
    لە کۆستی دەروونی
  • 12:29 - 12:31
    بەڵام بە جوانی و هونەریش،
  • 12:31 - 12:34
    هەمووشتێک، بەیەک جار
    ڕێک وەک ژیان،
  • 12:34 - 12:36
    پرتە پرتی دەکرد و وردە وردە دەپوکایەوە
  • 12:36 - 12:39
    هەروەها دەسوتا و دەدرەوشایەوە،
  • 12:40 - 12:45
    و شێوازێک، لە ناوەڕاستی کاتەکەدا،
    ڕێگایەکی دەدۆزییەوە بۆ سەماکردن ...
  • 12:45 - 12:46
    من.
  • 12:46 - 12:48
    سوپاس.
Title:
لە خەم دوورکەوتمەوە-- بە سەما کردن بە ئاگر
Speaker:
دانیەڵ تۆرلێی
Description:

دوای لەدەستدانی دایکی لە ئاگرکەوتنەوەیەک لە خانووەکەیاندا کاتێک تەمەنی تەنها ٦ ساڵان بوو، دانیەڵ تورلێی دوو ڕێگای لەبەردەم خۆیدا بینی: ژیانێکی پڕ لە ترس، یاخود ڕێگایەک کە بەڵێنی ساڕێژ بوون و چاک بوونەوەی تێدابوو، لە ناو ئەو گفتوگۆ ئیلهام بەخشەدا، ئەو باسی ئەوە دەکات کە چۆن خەم و بەژارەکەی گۆڕیووە بۆ جوانی بەشێوەیەکی چاوەڕوان نەکراو -- بە سەماکردن بە ئاگر.
more » « less
Video Language:
English
Team:
closed TED
Project:
TEDTalks
Duration:
13:02

  • Ibrahim Ahmed

    It was a long video and a challenging one, you have tried your best to translate it properly, but it was not. So, I spent hours of my time to review it and revise it. just try to compare your translation with the revisions that I have done in it in order to avoid the mistakes you have made here in your future translation.
    keep up the good work.

Kurdish (Central) subtitles

Revisions

Our website uses cookies for analysis purposes.