YouTube

Teniu un compte YouTube?

New: enable viewer-created translations and captions on your YouTube channel!

Papiamento subtítols

← Ekspedishon Ref pa Edukadó | Akademia di Siensia di California

Obtén el codi d'incrustació
18 llengües

Showing Revision 32 created 04/22/2019 by Marília Correia.

  1. Koralrefnan ta duna koló na nos mundu.
  2. Nan bunitesa ta emoshoná nos. Nan
    diversidat ta asombrá nos.
  3. Nos ta konstruí akuarionan,
  4. pa alohá e tesoronan aki.
  5. Pero nan balor di mas grandi
    ta den naturalesa.
  6. Aki, serka di 'Devil's Point'
    na Filipinas,
  7. nos ta sumerhí den un di e ekosistemanan
    mas diverso di mundu--
  8. un sistema ku ta probechá
    di e energia solar
  9. dor di un kolaborashon úniko
    entre animalnan i alganan.
  10. Un sistema ku ta mantené miles
    di espesienan
  11. hasiendo uso efisiente di nutrientenan
    ku hopi bia ta skars.
  12. Skondí den hukinan i klofnan, nos ta
    haña un multitut di organismonan,
  13. den un ret kompliká di konekshonnan.
  14. Un oromani ta haña poko yudansa di
    su amiguitunan--
  15. un análisis dental di kabaron limpiadó i
    piská limpiadó.
  16. Nan ta kome parásitonan chikí ku por
    hasi e oromani malu.
  17. Un relashon den kua ambos ta sali ganá.
  18. No ta tur interakshon ta kana
    dje bon asina.
  19. Un strea di laman 'crown-of-thorns'
    ta fretu koral,
  20. lagando atras skelètnan bashí i blanku.
  21. Un kangreu 'Trapezia' chikitu ta logra
    defendé su hogar di koral ku éksito
  22. for di e kriatura muchu mas grandi.
  23. I un 'nudibranch' di kolónan briyante
  24. ta kome spònsnan kresiendo riba e ref.
  25. Su kolónan ta atvertí su predatornan
    pa keda leu--
  26. Kímikonan ku e 'nudibranch' ta ingerí ta
    hasi'é venenoso.
  27. Nos ta opservá e espesienan aki i
    hopi mas,
  28. pero loke nos no por mira ta tur e
    relashonannan
  29. ku ta konektá nan na otro.
  30. Pero mas importante, nan ta partisipá den
    un ret alimentario
  31. ku ta kubri e konekshonnan entre
    esun ku ta produsí,
  32. i esun ku ta kome, predador i proi.
  33. Ser humano tambe ta partisipá na e ret
    alimentario aki.
  34. I koralrefnan ta mantené e retnan
    alimentario mas kompleho
  35. ku kualke otro lugá riba planeta.
  36. Kiko ta hasi e lugánan
    aki spesial?
  37. Nos ta sali for di Filipinas
  38. pa eksplorá unda nos ta haña refnan
    rònt mundu.
  39. Aunke koralrefnan ta mantené un kuart
    di espesienan di oséano,
  40. nan ta kubri muchu menos ku un
    porshento di e area di oséano.
  41. Koralrefnan ta prosperá den
  42. e partinan di mundu
  43. ku ta risibí e mas tantu
    lus di solo.
  44. Mundu su ekuador ta dividí nos planeta
  45. entre e hemisferionan norte i sur,
  46. i un área rònt di e ekuador--
    zona tropikal--
  47. ta risibí lus di solo konsistentemente
    durante henter aña.
  48. Koralrefnan ta okupá manera
    un tersera parti di kosta tropikal
  49. E parti aki di nos mundu ta tuma
    mayoria energia for di nos strea,
  50. e solo.
  51. E energia ei ta alimentá e ret alimentario
    di koralref
  52. i ta mantené e diversidat remarkabel di
    e ekosistemanan di ref.
  53. Koralrefnan ta e strukturanan mas grandi
    kreá pa animalnan,
  54. i nan ta eksistí den tres forma básiko:
  55. Refnan di barera, refnan di kosta
    i atòlnan.
  56. Australia su Gran Ref di Barera
    ta e ref mas grandi di mundu.
  57. E ref di barera ta sigui e liña di kosta,
  58. ku lagunnan ku ta separá
    e ref for di kosta.
  59. Aki na Kòrsou, djis serka di kosta
    di Sur Amerika,
  60. nos ta mira un ref di kosta,
    ku ta krese pegá na kantu,
  61. formando un frontera kantu di e kosta.
  62. I esaki ta 'Ant Atoll'
    den Oséano Pasífiko oksidental.
  63. Un atòl ta forma ora un isla volkániko
    ta senk bou di nivel di laman,
  64. lagando atras un renchi di koral.
  65. Tur e refnan aki ta trahá pa animalnan
  66. ku ta probechá di e poder di solo
    pa traha baranka for di awa.
  67. E ref di Filipinas aki ta inkluí
    hopi espesienan di koral bibu.
  68. Koralnan delikado i suave ta mas komun,
  69. pero mayoria bia ta e koralnan duru
    ta esnan ku ta konstruí refnan.
  70. I nan ta hasiendo e trabou aki pa
    mas ku shen mion aña!
  71. Pa komprondé kon koralnan ta konstruí
    ref, nos mester mira kon nan ta biba.
  72. En realidat, kada koral ta konsistí di
  73. un kolonia di animalnan minúskulo ku
    ta ser yamá polipnan di koral.
  74. I manera tur animal, nan ta kome.
  75. Un polip ta kapturá su proi.
  76. Similar na e piká di su famia, medusa,
  77. e koral ta gancha su kuminda ku
  78. haknan mikroskópiko ku ta sali for
    di su tèntakelnan.
  79. Despues e polip ta hala e 'copepod' den
    su boka pa e por diherí.
  80. E kumindanan aki ta proveé un fuente
    importante di energia.
  81. Pero mayoria di e energia di e koral ta
    bin di un lugá hopi diferente.
  82. Nos mester wak mas di aserka
    pa nos por hañ'é.
  83. E kapanan interno di e tehido di e
    polip ta proveé un hogar pa alganan
  84. yamá zooxanthellae.
  85. E alganan aki ta duna e koral su koló,
  86. i mas importante ahinda,
    nan ta probechá di lus di solo,
  87. dor di un proseso ku yama
    fotosintésis.
  88. E alganan ku ta biba den e koral ta
    kombertí e lus di solo
  89. den sukunan i ásidonan amino
    ku ta riku na energía.
  90. Koralnan ta apsorbá nobenta porshento
    di e kombustibel aki!
  91. Na nan turno, e alganan ta dependé
    di residuo di e polipnan
  92. komo un fuente di nutriente.
  93. E resiklahe efisiente aki ta permití
    koralnan pa prosperá den awanan tropikal,
  94. kaminda kompetensia intenso por
    hasi'é difisil pa yega na nutrientenan.
  95. Laga nos wak paden di e polip
    pa nos mira kon e ta yuda konstruí e ref.
  96. E ta tuma karbon for di e alganan
    i for di awa di laman
  97. i ta kambi'é den kalsio karbonato.
  98. Na momento ku bo ta hala rosea,
    bo ta ekshalá dioksido di karbon--
  99. tur animal ta hasi esaki,
    inkuyendo koralnan.
  100. Pero nan karbon ta kombiná ku
    kalsio for di laman
  101. pa krea kalsio karbonato.
  102. Koralnan ta usa e komponente aki, ku
    parse kalki, pa konstruí nan skelèt.
  103. Polipnan di koral duru ta pusha kita
    for di e superfisie riba kua nan ta biba,
  104. i despues nan ta yena e espasio ku
    kalsio karbonato.
  105. Ripitiendo e proseso aki diferente
    biaha tras di otro,
  106. nan ta yuda konstruí refnan kompleto.
  107. Koralnan por konstruí un ref riba un
    tèmpo di diferente sèntimeter pa aña.
  108. Si nos subi spit di tempu, nos por mira
    e komunidat di koral krese,
  109. tanten individuonan ta kompetí pa
    rekursonan riba e ref.
  110. E proseso poko poko pero sigur aki
    por sigui pa hopi tempu.
  111. Tin algun strukturanan di ref ku
    ta siglonan bieu.
  112. Korientenan di oséano i otro faktornan
    por kambia e forma di e koral.
  113. Mesun espesienan por tin
    aspekto basta diferente
  114. dependé di algu simpel
    manera
  115. kon lihé e awa alrededor ta move.
  116. Nos ta yama e atributo aki plastisidat.
  117. E koralnan su reakshon flèksibel riba
  118. riba nan ambiente
  119. ta yuda nan adaptá na un mundu
    ku ta kambiando.
  120. I mientras nos ta bon konosí
  121. ku e refnan kolorido, menos
    hundu, ku nos a bishitá te awó,
  122. nos sa ku refnan ta ekstendé mas
    hundu ku e partinan ku ta haña solo.
  123. Eksploradónan di
    Akademia di Siensia di Kalifornia
  124. ta studia e refnan hundu aki
    den un region ku yama 'Twilight Zone'.
  125. Kontrario na refnan menos hundu,
    e koralnan aki ta sobrebibí ku poko lus.
  126. Sin energia abundante di lus di solo,
    koralnan ta kome mas,
  127. komiendo animalitonan
  128. ku ta tuma refugio den e profundidat
    pa skapa di predatornan dj'ariba.
  129. E plastisidat di e koralnan ta sirbi
    nan bon
  130. den e ambiente di poko lus aki.
  131. Sierto espesienan a adapta
    nan pigmentonan,
  132. ku nan tabata usa komo 'sunblock'
    den awa plat,
  133. hasiendo nan fluoresente den e
    profundidatnan aki.
  134. E pigmentonan ta kambia e lus suak
    na koló
  135. ku e alganan por usa pa fotosintésis.
  136. Sientífikonan ta sambuyá
    mas ku sinku bia mas hundu
  137. ku sambuyadónan regular di SCUBA
  138. pa studia e refnan aki,
    skondí den profundidat.
  139. Kada bishita ta revelá deskubrimentunan
    nobo.
  140. Por ehèmpel, e 'benthic ctenophore',
  141. e medusa chikitu i pegahoso aki, ta
    pega na liñanan di piska bandoná,
  142. ekstendiendo tèntakelnan largu i fini pa
    kue nan proi i hal'é paden lihé.
  143. Kada ekspedishon ta duna indikashonnan
  144. kon pa konservá i restaurá
    e ekosistemanan aki.
  145. Tantu esnan den profundidat
    i esnan den plat,
  146. e refnan aki ta habitá un gran oséano.
  147. Nan ta konektá na otro pa medio di e
    geografia di e fondo marino
  148. i e korientenan ku ta kore dor di nan.
  149. Koralnan ta migra riba korientenan
    marino
  150. ku ta karga webunan i larvanan, hiba nan
    na nan hogar nobo,
  151. enrikiesiendo e refnan riba kaminda.
  152. Humanidat tambe, ta konektá na e
    mundu supmarino.
  153. Mané e koralnan ta dependé di alganan pa
    sobrebibí,
  154. e ser humano ta dependé di e refnan.
  155. Mei bion di hende ta dependé di e
    koralrefnan pa kuminda i entrada.
  156. Hopi a siña kosechá e abundansia
    di e refnan di un manera sostenibel
  157. di un manera ku ta mantené un
    ekosistema di ref sano.
  158. Pero e refnan ta proveé mas ku
    kuminda so.
  159. Tambe nan ta proveé protekshon.
  160. Orkannan, tifonnan i siklonnan ta
    forma riba e oséano tropikal,
  161. tin bia kausando daño serio na momento
    ku nan yega tera.
  162. Na 2017, siklon tropikal Debbie a bati
    e parti noreste di Australia,
  163. ku ta visibel aki
    riba e imahennan di satélite.
  164. Satélitenan a rastrea tormentanan tropikal
    pa hopi tempu kaba,
  165. di manera ku nos por aselerá tempu
    pa opservá nan moveshon.
  166. Liñanan mas diki ta indiká
    tormentanan mas intenso.
  167. Refnan salú ta protehá tera
    kontra e efektonan destruktivo
  168. di e tormentanan tropikal.
  169. Aki nos ta mira e Ref di Barera
    Mesoamerikano,
  170. e koralref mas grandi den
    Oséano Atlántiko.
  171. Tempu ku Orkan Dean a gòlpia e
    Peninsula di Yucatan, Mexico na 2007,
  172. e ref a yuda protehá e kosta.
  173. Sientífikonan a krea
    un simulashon di kòmpiuter
  174. pa yuda nos komprondé
    kon esaki ta funshoná.
  175. Refnan ta kita forsa di e olanan,
  176. redusiendo haltura di e olanan
  177. i redusiendo e velosidat di e awa
  178. promé ku e bati kantu di kosta.
  179. Mundialmente, refnan ta protehá shen
    miones di hende
  180. ku ta biba den komunidatnan na kosta.
  181. Nos tin ku sigurá e salú di e koralrefnan
  182. pa asina nos por kosechá
  183. nan benefisionan.
  184. Aki den Karibe,
  185. refnan a bin ta sufri di dékadanan
    di piskamentu eksesivo.
  186. I e ser humano ta sigui hasi
    impakto riba refnan rònt mundu.
  187. Desaroyonan riba tera por krea
    residuo ku ta kore bai den oséano
  188. ku ta sofoká e koralrefnan.
  189. I kontaminashon manera
    plèstik i pèstisida
  190. por hasi e problema aki mas grave.
  191. Ademas di e desafíonan lokal aki,
    refnan ta konfrontá menasanan global.
  192. Temperatura di laman ku ta subiendo i
  193. asidifikashon di oséano
    ta pone refnan den peliger.
  194. Kimamentu di karbon i zeta i
    otro kombustibelnan fósil
  195. ta introdusí dioksido di karbon
    den e atmósfera di nos planeta.
  196. Reteniendo kalor i keintando nos planeta--
    inkluyendo e oséanonan.
  197. E awanan plat di Karibe,
  198. ta keinta mas rápido ku
    profundidat di oséano,
  199. di manera ku e refnan
  200. aki ta eksperensiá e
  201. efekto di keintamentu mas ekstremo.
  202. Laga nos bishitá ref di kosta di Kòrsou,
  203. kaminda nos por mira e
    efektonan aki pa nos mes
  204. i tambe haña sa lokual
    sientífikonan ta hasiendo
  205. pa yuda sigurá sobrebibensia di e refnan.
  206. Refnan no hundu
    ta partikularmente sensitivo
  207. pa temperaturanan ku ta keda subi.
  208. Awa ku ta keinta por okashoná
    blikiamentu di e koral
  209. na momento ku henter un kolonia
    di polip di koral ta pèrdè su koló.
  210. Laga nos bishitá un polip individual
    pa nos mira kon esaki ta sosodé.
  211. Demasiado lus o kalor
    por kausa e alganan di e koral
  212. pa lòs kìmikonan
    ku ta daña e anfitrion.
  213. E koral ku ta bou di strès
    ta deshasí di e alganan,
  214. i asina sakrifikando su
    fuente primario di energia--
  215. paresido na un sistema imunológiko
    ku ta sobrereakshoná.
  216. Pasobra koralnan ta pèrdè nan koló
    natural ora nan pèrdè nan alganan,
  217. nos ta yama esaki blikiamentu di koral
  218. Koralnan blikiá ta malu,
    pero nan no ta morto.
  219. Alganan por rekolonisá koralnan blikiá,
  220. si kondishonnan mehorá sufisiente lihé.
  221. Pues refnan blikiá por rekuperá.
  222. I algun koral ta parse di ta resistente
    kontra blikiamentu den su totalidat.
  223. E sobrebibientenan aki--sea ta
    e animalnan o nan alganan,
  224. o algun forma di kombinashon di nan dos--
  225. por proveé asistensia na koralnan
    menos resistente.
  226. Pero rekuperashon ta tuma tempu,
  227. hopi tempu ora e wòrdu retrasá
    dor di asidifikashon di oséano,
  228. un otro sup-produkto di e ekseso
    di dioksido di karbon den nos atmósfera.
  229. E kolonianan aki por tuma años,
    sino dékadanan pa rekuperá,
  230. pues nos mester haña maneranan
    pa aselerá nan rekuperashon.
  231. Laga nos wak nos ekosistema di koralref
    di un forma diferente.
  232. Kada espesie ta karga kódigo genétiko--
    un buki molekular di instrukshon
  233. ku ta varia un poko di
    un individuo pa otro.
  234. Algun ta ofresé strategianan
    kon pa sobrebibí
  235. den un mundu ku ta kambiando.
  236. Na momento ku animalnan ta reprodusí,
  237. nan ta kompartí e instrukshonnan aki,
  238. ku por guia na desendientenan mas eksitoso.
  239. Kada individuo ku desaparesé ta un edishon
  240. den e biblioteka genétiko di
    espesie ku a bai pèrdí pa semper.
  241. Esaki ta e motibu pakiko ta importante
    pa mantené diversidat den e espesienan.
  242. Pa reprodusí, e koralnan ta
    lòs nan material genétiko
  243. den e awa rondó di dje, típikamente
    durante oranan di anochi
  244. Pasó koralnan no por move pa reprodusí
  245. nan ta laga e korientenan
    di oséano hasi esaki.
  246. E evento di reprodukshon
    ta sosodé na e mesun momento
  247. entre hopi espesienan na e ref.
  248. Koralnan ta sinti kambio den lus
    di dia i di temperatura di awa--
  249. asta di lus di luna yen.
  250. Esakinan ta duna señal na e koral
  251. pa lòs bònder di spèrma i webu,
  252. ku ta drif bai ariba,
    bai ku e koriente.
  253. Webunan fertilisá lo desaroyá den
    larvanan ku ta landa,
  254. ku eventualmente
    lo pega na un
  255. superfisie adekuá i lo krese
    bira un polip.
  256. Sientífikonan ta eksplorá
    métodonan pa yuda koralnan reprodusí
  257. kisas di un manera mil bia mas èksitoso.
  258. Nan ta reskatá webunan fertilisá
    for di predatornan,
  259. despues ta kria e larvanan den
    un laboratorio
  260. promé ku hiba nan bèk den naturalesa.
  261. E pirámide tamaño di un kòpi aki, ta
    hogar di varios kolonianan chikí di koral,
  262. kada un di nan ku a kuminsá komo
    un polip resistente.
  263. E polip lo dividí i krese,
  264. establesiendo un hogar nobo
    den fondo marino.
  265. Paresido na e forma ku ta stimulá
    kresementu nobo den un mondi,
  266. sientífikonan ta plania pa
    introdusí miones di koral resistente
  267. den refnan ku ta sufriendo di strès.
  268. Nos a bishitá djis un par di
    ekosistémanan enrikesé pa koralnan.
  269. Pero den e lugánan aki--i hopi otro mas--
  270. nos ta spera di desblokiá e sekretonan
    pa e sobrebibensia di koralrefnan.
  271. Nan sobrebibensia ta nifiká
    ku nos lo benefisiá
  272. di nan protekshon, nan abundansia
    i nan bunitesa.
  273. Ku nos yudansa,
  274. futuro generashonnan di koral
    lo sigui duna nos mundu koló.
  275. Ekspedishon "Reef"
  276. Suptitulá pa "GO-Translations"