Kynning á forritun

Kynnir fyrir nemandanum forritunarnámskeið Khan Academy með því að gefa honum almenna yfirsýn yfir efnið.

Velkomin/n í forritunarkennsluna okkar hjá Khan Academy.

Er forritun eitthvað algjörlega nýtt fyrir þér?

Ekki hafa áhyggjur. Þá ert þú bara eins og 99,5% mannkyns.

Og við erum hér til að hjálpa.

Þú ert örugglega að velta fyrir þér hvað forritun sé í raun og veru.

Þegar við skrifum forrit erum við að gefa tölvunni röð fyrirmæla

sem eru svolítið eins og skrítin enska.

Þú gætir bara ímyndað þér að tölvan sé virkilega hlýðinn hundur

sem hlustar eftir skipunum þínum og gerir allt sem þú segir honum.

Til allrar hamingju er forritun ekki eitthvað sem bara fáir útvaldir ráða við.

Hún er nokkuð sem við öll getum lært.

Börn, unglingar og fullorðnir um allan heim eru að læra að forrita í dag.

Hvað er svona frábært við forritun?

Hvers vegna er allt þetta fólk að læra hana?

Það fer eftir því hvað þér finnst vera frábært.

Vegna þess að þegar að er gáð þá er hægt að nota forritun fyrir næstum allt.

Í dag skrifar fólk forrit sem gera allt mögulegt

hjálpa læknum og sjúklingum við lækningu sjúkdóma,

hjálpa við að vernda tegundir í útrýmingahættu um allan heim,

smíða sjálfkeyrandi bíla svo

þú þurfir ekki að hafa fyrir því að læra á bíl þegar þú eldist,

búa til mynstraða skartgripi,

hanna róbóta sem geta sinnt sjúklingum eða

róbóta sem geta flakkað um Mars og leitað að vatni á yfirborðinu,

búa til skemmtilega leiki eins og Doodle Jump, Draw Something,

Angry Birds, alla leiki sem þú hefur spilað,

búa til kvikmyndir t.d. allar þessar ótrúlegu 3-D myndir frá Pixar, eða Avatar

eða búa til tölvugrafík sem er notuð í leiknum kvikmyndum

eins og Gollum í Lord of the Rings,

búa til allar heimasíðurnar eða öppin sem þú notar á hverjum degi eins og Facebook,

og Google Maps og WikiPedia og YouTube og Pinterest.

Og að sjálfsögðu til að mennta heiminn á heimasíðum eins og Khan Academy þar sem þú ert núna.

Þannig að hér og nú á Khan Academy getur þú lært að búa til list og leiki

sem eru fínt fyrsta skref í áttina að því að geta búið til hvaðeina sem þér dettur í hug.

Það er kannske erfitt að sjá hvernig teikniforrit tengist heimasíðugerð,

forritun síma eða lækningu sjukdóma, en þótt ótrúlegt sé

eru sömu grunnhugtökin notuð af svo til öllum forriturum í svo til öllum forritum.

Það þýðir að þegar þú hefur einu sinni lært að kóða hjá Khan Academy,

munt þú eiga auðveldar með að læra aðrar tegundir kóðunar.

Þú hefur nú þegar tekið hið mikilvæga fyrsta skref með því að koma og horfa á þetta myndband.

Svo drífum okkur í að byrja á allra fyrsta forritinu þínu.

Sjáumst þar!